فكر كويس قبل ما تسمي الشخصية بتاعتك
 

انا يا جماعة بدات العب لعبة Silk road من حوالي سنة تقريبا.. لكن لاحظت حاجة كتير بشوفها منتشرة بين معظم العرب عموما و المصريين خصوصا .. وهي :-

- ان معظمهم ( مش كلهم ) بيسموا الشخصيات بتاعتهم بطريقة تنم اما عن جهل او غباء او رعونة :-

- لازم نلاحظ ان اللعبة دي on line و لعبة دولية يعني مش مصرية او عربية فقط ..لا ده بيدخلها كل يوم الالاف من كل انحاء العالم .. و تعاملك جوة اللعبة من خلال شخصيتك بيعبر عنك و عن صفاتك في الحياة الحقيقية .. فلازم كلنا ناخد بالنا من كده و يلا نشوف بعض الامثلة لاسماء الشخصيات الغريبة بصراحة :-

- تلاقى واحد مسمي الشخصية بتاعته elpop_elking بصراحة اسم غريب مالوش معنى وكله اخطاء لغوية ..طالما انت اخترت تسمي الشخصية اسم انجليزي فياريت تاخد بالك من مدى صحة الكلمة و فيه برامج كتير و قواميس الكترونية تساعدك في كده.....او تلاقى واحد مسمي نفسه brens_7amada خد بالك ان الفرانكو هو كتابة اللغة العربية بحروف انجليزية مش كتابة الانجليزى كمان بطريقة الفرانكو .يعنى هنا كلمة brens مالهاش اي معنى في اي لغة .. و بكده طبعا لما حد يشوف الشخصية بيقول على صاحبها جاهل عشان كده الاتراك و المصريين في اللعبة مشهور عنهم انهم جهلة .

- انا ليا بصراحة تحفظ معين على الناس اللي بتسمى الشخصية على اسمائها في الواقع..ازاي انك انسان ربنا كرمه وحباك باسم جميل تقوم انت تمنح الاسم ده لمسخ كرتوني او رسم متحرك ليس له اي اعتبار..وبعدين تقابل مرة واحد في اللعبة قليل الادب ممكن ييجي يشتم و يسب الشخصية بتاعتك زي كلنا ما بنشوف طول النهار و طبعا اسم الشخصية هي اسمك في الحقيقة وبكده انت سمحت لنفسك انك تجعل من اسمك اضحوكة معرض للاهانة من كل هب و دب.
وممكن كمان لو انت حبيت تبيع الاكونت بتاعك اكيد هتلاقي صعوبة في بيعه عشان طبعا اللي جاي يشتري ميحبش ان الاكونت بتاعه يبقى على اسم شخص بذاته مش اسمه هو ففكر فيها كويس.

- فيه حاجة مهمة للناس اللي بتسمي الشخصية على اسماء الرسل و الانبياء ( عليهم السلام )وده خطأ فاحش ..حتى ده لو كان اسمك انت فبلاش تسمي بيه اي شخصية في اللعبة طالما بينتمي الى اسم احد الرسل او الانبياء (عليهم السلام)..يعني انت اهلك منحوك الاسم ده تشريف ليك و تيمنا بالرسل (عليهم السلام)تقوم سيادتك تضع الاسم ده على شخصية او رسم كرتوني مهان ..و طبعا زي ما قلتلك من شوية ممكن تقابل في اللعبة مثلا وانت بتلعب PVP واحد قليل الادب يسب و يشتم في الشخصية بتاعتك و يا سلام بقى كمان لو معاه جلوبال ....يبقى انت كده عرضت اسم احد الانبياء (عليه السلام) للسب و الاهانة .....ففكر كويس في الموضوع ده.

- نيجي بقى للناس اللي بتسمى الشخصيات باسم عبارة عن شتيمة للناس التانية او عبارة عن لفظ قذر او بذىء اكيد طبعا كل اللي هيشوف الشخصية دي هيقول على صاحبها انه انسان مش محترم و غبي ومن بيئة مش تمام..ليه تعرض نفسك لكده من الاول ..

- وزي ما قلتلك ان دي لعبة دولية بيدخلها كل الجنسيات من كل انحاء العالم فياريت اسم الشخصية بتاعك لو ليه معنى معين ياريت الكل يفهمه عشان تشتهر و الكل يعرفك ..مش تسمي الشخصية بتاعتك باسم مالوش معنى الا المصريين بس اللي يفهموه زي مثلا elwad_elgen_.فتلاقي ان معظم الناس الغير العرب و المصريين مش قادرين يحفظوه او يفهموا معناه.

- فعشان كده فكر كويس قبل ما تختار اسم للشخصية بتاعتك في اللعبة وفيه ناس محترمة كتير و بتسمي الشخصيات بتاعتها اسماء جميلة و بتشتهر في السيرفر كله.

ملحوظة هامة :- ( كل الاسماء التي ورد ذكرها في الموضوع هي اسماء وهمية و من وحي الخيال ولكن تشبه اسماء كثيرة في اللعبة )

وآسف على الاطالة و اتمنى ان الموضوع يكون مفيد

والله معاك حق

مشكور على الموضوع

انا معاك فى كلامك

اسم الشخصية لازم يكون مختار بى اسم مفهوم ولهو معنى

تقبل مرورى

كلامك 100%

ماشي يا بوب كلامك حلو

لو سمحت انا مسمى الشخصيه zenon3 هوا اسم وحش ولا لا ارجو الرد

MRx_xXx_xMR good or no

شكرا

عندك حق انا مسمى الشخصيه عندى اسم غبى بس لما جيت اسميه سميته اى حاجاه عشان مكنتش ناوى العبها كنت بجربها بس و نفسى يعملوا حاجاه اعرف اغير بيها الاسم

كلامك كلو صح دى لعبة عالمبة انا اسم الكاراكتير بتاعى Moon_Queen دة اسم لى معنى و معناه ملكة القمر

وانا نفس النظام اسم شخصيتى
HellBow
حلو كده وله ايه

انا اسم الشخصيه بتاعتي جامد جدااا يا مان حتا شوف Mr_Unique_3 صح والا غلط :):)LOL

مشكور لمرورك وشرفت الموضوع
مشكور لمرورك ...بالنسبة لاختيار الاسم مش لازم يكون مفهوم ..يعني ممكن يكون مجرد اسم دلع ليك مفيش مشكلة...بس في نفس الوقت ميكونش اسم ليه معنى في الانجليزى مثلا و تكتبه غلط او اسماء دينية او يكون شتيمة او لفظ بذيء او تسمي الشخصية على اسمك الحقيقي.
اهلا بيك و مشكور لمرورك
مشكور لمرورك
شكرا ليك ...ونورت الموضوع
مشكور لمرورك...بالنسبة لاسم الشخصية بتاعك جميل وسهل جدا انه يتحفظ...اللي انا اقصده زي ما قلت قبل كده انه ميكنش كلمة انجليزية وتكتبها غلط...او اسماء دينية او شتيمة او تكتب اسمك الشخصي
اهلا بيك و شرفت الموضوع...بالنسبة لاسم شخصيتك جميل ومفهوش اي حاجة ...انا بس اللي قصدته مراعاة بعض الحاجات اللي سبق ذكرها.
مشكور لمرورك
مشكور لمرورك....ومفيش مشكلة حتى لو انت كنت سميت الشخصية اسم مش صح قبل كده استمر عليها عادي ..المهم بعد كده لو انت حبيت تعمل شخصيات تانية فكر كويس و انت بتسميها
مشكور لمرورك...اسم الشخصية بتاعك جميل و صح لغويا...نورت الموضوع
مشكور لمرورك و نورت الموضوع.. اسم شخصيتة جميل و صحيح لغويا
مشكور لمرورك وشكرا للاضافة الجميلة..بالنسبة لاحوال المصريين في اللعبة فده موضوع كبير جدا يحتاج موضوع منفصل يتعمل عشانه..لكن احنا هنا بنتكلم عن نقطة اسماء الشخصيات ..اما بالنسبة لان اللي بيسمي الشخصية بتاعته اسم ولا يراعي فيه اي شيء هيفهم الرسالة دي و لا لا. احنا كلنا في المنتدى اعضاء وا صدقاء مع بعض و نقدم المساعدة و كلنا نستفيد من بعض واللي يقدر يساعد بحاجة بيعملها و يقدمها ..يعني نعمل اللي علينا و خلاص.. و اكيدفيه ناس بتستفيد و بتفهم... مشكور مرة تانية لمرورك الكريم و نورت الموضوع بمشاركتك.
اهلا بيك و شرفت الموضوع ...ومع كل احترامي لرايك و اسم شخصيتك اللي هي اسمك...وطالما هو اسمك اللي ربنا ادهولك ليه تسمي بيه مسخ كرتوني او رسم متحرك ...و بعدين حضرتك اللعبة كلها مليانة ناس معندهاش ادب ممكن تقابل واحد منهم يشتم في الشخصية بتاعتك سواء كان في PVP او كنت عامل Taxi او اي حاجة و كده يبقى انت عرضت اسمك اللي ربنا كرمك بيه للشتيمة و الاهانة بسبب لعبة......تالت حاجة انت كنت لازم تاخد بالك ان اسمك هو احد القاب النبي المصطفى (عليه الصلاة و السلام)..فكان لازم تعطي الاسم حقه و مكانته مش تطلقه على اسم شخصية كرتونية في لعبة معرض للسب و الشتيمة في اي وقت..
- ممكن كمان تقابل مشكلة و انت بتبيع الشخصية لان مثلا لو واحد اسمه زيد اكيد ميحبش ان شخصيته اللي هيشتريها تبقى على اسم شخص تاني بذاته ...يعني ممكن تلاقيه يشتري اي شخصية ليها اي اسم و لو مالوش معنى بس ميحبش ان الشخصية بتاعته تكون باسم حد معين اكيد على طول مش هيحس انها بتاعته.
وكل الاحترام لرايك ولاسم شخصيتك ... بس انا وضحتلك وجهة نظري...وانا مقلتش امسح الشخصية او الغيها....لا استمر عليها عادي و استمتع...انا وضحتلك وجهة نظري
مشكور لمرورك ونورت الموضوع...و اسم شخصيتك جميل وصحيح لغويا....اهلا بيك

وعلى فكرة انا اسم شخصيتي aa_4ever وهو واضح اكيد في التوقيع ,وكان سبب اختياري للاسم ان كل حرف بيعبر عن شيء معين وانا بعتز بشخصيتي جدا,وحابب اسمها..وشكرا مرة كمان على الموضوع.

مشكور لمرورك...اهلا بيك
مشكور لمرورك...اسم شخصيتك جميل ومفهوش حاجة غلط...انا اللي قصدته مراعاة انه لو كان لفظ انجليزي يبقى نراعي مدى صحته لغويا وانت في الاسم بتاع شخصيتك aa_4ever الحرف4 اختصار (For) وكلمة ever مكتوبة صح ...اللي انا اقصده ان الاسم مش لازم يكون ليه معنى بس ياريت نراعي انه لو كان ليه معنى او لفظ انجليزي يبقى يتكتب صح و ميكونش عبارة عن اسماء دينية او يكون شتيمة او يكون اسمك الشخصي في الحقيقة ...عشان دي في الاول و الاخر لعبة. واهلا بيك

انا كنت بفكر فى موضوع زى ده بس انت سبقتنى بس مش مهم مين الى يكتبو المهم الناس تعرف و تقدر تستوعب و كلامك صح جدا و ThXxXxXxXxXxXxXxXxXxXxXx

انا كل اللى شايفه من الموضوع ده عن صحبه انه انسان متكبر ومتغطرس

وناسى فى الاول وفى الاخر انها لعبه
يا ريته يكبر دماغه شويه

ومتشوهشى باسامى الشخصيات الموجوده

وكل انسان حر انت ملكشى دخل

والاتراك على فكرة عندهم احساس عالى جدآ

بس اللعبه فيها اطفال كتير

واكيد كلامك ده مش هيوصل للأطفال لانهم ميرعرفوش المنتدى

ومتأسف لو كان كلامى جرحك

بس انت كلامك كله جروح وتشويه

دى حريه شخصيه

بجد موضوع جميل
اتفرج على الكلام اللى بالعربى كمان فى ناس بيكتبو الكلام زى ما بينطقو قصدى زى ما بينطاوو الكلام
اتفرج على مووووووش موهم بدل مش مهم

اهلا بيك و مشكور لمرورك الكريم..ومش مهم مين اللي كتب الموضوع المهم انه اتكتب و انا او انت واحد طالما الهدف و الفكرة واحدة...اهلا بيك
اولا : اهلا بيك و مشكور لمرورك واهتمامك.
ثانيا انا هتناول مشاركتك نقطة نقطة :

- انت رايك فيا ان انا انسان متكبر و متغطرس..ومع كل احترامي لرايك الا ان انا اللي اقدر اقوله ان انا مش كده خالص .. و لو انت قرات الموضوع و ردي على المشاركات بتمعن و عمق كنت عرفت ايه قصدي من الموضوع.

- تاني حاجة هو ده بالظبط اللي انا اقصده اننا لازم كلنا نفتكر انها لعبة و احنا بنسمي الشخصيات بتاعتنا ...عشان منجعلش من انفسنا اما جهلاء او نجعل من رموز دينية عندنا عرضة للشتيمة او السب .
او نجعل من اسماء شخصية لينا في الواقع عرضة للاهانة و السب...
عرفت بقى ان انا عامل الموضوع عشان مهتم مش اكتر ...

- وعلى فكرة كل الاسماء التي تم ذكرها في الموضوع هي اسماء وهمية من وحي خيالي...بس ليها شبه من اسماء كتيرة موجودة في اللعبة...فياريت حضرتك كنت الاول تقرا ردي على المشاركات بدل ما تتهمنى ياني بشوه الاسماء.
- و بعدين انت بتقلى كل انسان حر و انت ماكلش دخل ...مع الاسف انت فاهم الحرية بمفهوم خاطىء...كونك انك حر فان حريتك الشخصية بتنتهي عند بداية حريتي الشخصية...فانا ليا كل الحرية ان مايتقلش عن المصريين انهم جهلاء عشان انا كمان مصري... وكمان ليا كل الحرية ان ميجيش واحد برعونته يسميلي اسم الشخصية باسماء دينية و يتسبب في اهانة رموزي الدينية.... و ليا كل الحرية ان محدش يهين اخي المصري او العربي باسمه الشخصي لما يكون مسمي الشخصية على اسمه الحقيقي...لا انا ليا كل الحرية.

- يا استاذي مين اللي قال عن الاتراك انهم معندهمش احساس ... بالعكس انا ليا اصحاب اتراك كتير وقمة في الاحترام والامانة..و بعدين ايه دخل التراك بالموضوع بتاعنا...انا كل اللي اقصده هنا عن الاتراك و المصريين في نقطة تسمية الاشخاص باسماء انجليزية و لكن كلها اخطاء لغوية.....و بعدين انا موضوعي موجه للعرب و المصريين زوار المنتدى مش للاتراك.

- ومع الاسف معلوماتك خاطئة في اطفال كتير زوار و اعضاء في المنتدى .......العرب و المصريين طبعا....

- وانت يا استاذي مش محتاج انك تتاسف... وده رايك و ليه احترامه بس اتمنى انك تقرا الموضوع تاني و تقرا ردي على المشاركات عشان تفهم وجهة نظري...

- و سبق و قلتلك انا مجرحتش في حد....واتكلمت في موضوع الحرية الشخصية.

وفي النهاية مشكور لمرورك وابداء رايك ... و تقبل احترامي

اهلا بيك و مشكور لمرورك... اما بالنسبة لكتابة اللغة العربية و والاهتمام بيها فده موضوع كبير جدا و يحتاج موضوع منفصل لوحده وانا متفق معاك.
اهلا بيك و شكور لمرورك الكريم...واحنا مش بنستحقر حد ولا حاجة حاشا لله كل اللي انا عاوز اقوله ان كل واحد ياخد باله و هو بيسمي الشخصية بتاعته.
اولا مشكور لمرورك و مشاركتك...
انا متفق معاك تماما ان كل واحد يحب يسمي شخصيته بالطريقة اللي تعجبه الا انه مش حر انه يتسبب في اهانة رمز ديني يخص الناس كلها بسبب انه مسمي الشخصية باسم ديني...وهو مش حر انه يتسبب انه يتقال عن المصريين كلهم او العرب انهم جهلة .. او يسمي الشخصية باسم قذر او شتيمة تسيء لينا كلنا....و في نفس الوقت لو انا بقول نصيحة للناس وهي بتسمي شخصياتها مش معنى كده ان انا بصادر على حريتهم ...
و اي حد ليه حق يختار اي اسم هو عايزه حتى لو كان مالوش معنى..بس مايسميش اسم يسىء لينا كلنا...فهمت قصدي.
- واخيرا اللي خلاك تدخل تقول رايك في الموضوع ....فده دليل انه مش كلام فارغ...تقبل احترامي.
اهلا بيك و مشكور لمرورك...اسم شخصيتك جميل و انت حر في تسميتها بس زي ماقولت في الموضوع و ردي على المشاركات لازم نراعي حاجات معينة قبل ما نسمي شخصياتنا فب اللعبة.

السلام عليكم....
اولا انا احب اشكر العضو الجميل اللى فكر فى موضوع مفيد ومهم كمان زى دة
ثانيا : انا مش عارف ليه فى اعضاء (تيييييييييت) بتحب تشترك فى اى موضوع بانها تفضل تجرح فى الاعضاء وخلاص و مش بيفكرو انو دة موضوع مهم ولا لأ ...
بس انا نفسى انهم بس الاول يقرأو الموضوع بتمعن ويقيموه من خلال انو ممكن يفيد اعضاء تانيين غيرهم .
بس بجد انت مشكور ويا ريت تمتعنا بمواضيعك دى يا اخى علشان الكل يستفاد
...وشكرا

مشكورررررر

شكرا ليك مرة تانية...وكلنا بنرحب بالمناقشة.
اولا : مشكور لمرورك و مشاركتك الرقيقة و ذوقك...اما بالنسبة لاي حد عنده راي فاهلا و سهلا بيه مفيش مشكلة ... بس اتمنى انه من قبل ما يصيغ رايه يتاكد الاول انه قرا الموضوع وفهمه من كل ابعاده....وشكرا ليك مرة تانية شرفت الموضوع.
مشكور لمرورك
مشكور لمرورك

فى واحد صاحبى اسمه

Eplis

:D

المهم انى احنا فاهمين وى ماعلش المصرين مش جاهلين ^^ وبعدين انتا مسمى loko فى حاجة اسمها لوكو انا ترجمتها وى ملهاش معنى

انا بردوا دايما اى char اعملها جديد .. لاز انتقى الاسم


والشخصية الاساسية بتاعتى اسمها Flame_Heads

موضوع مميز ورائع شكرا يا مان

كلام مظبوط

الف شكر يا مان والله عندك حق انا اسمي في الجيم egypt_king_ اظن انه حلو مش كده ؟

والهى عندك حق

مشكور لمرورك و مشاركتك....والاسم مفهوش حاجة غير ان معتاه مش هيفهمه الا العرب او المصريين.
اولا اهلا بيك ومشكور لمرورك...ثانيا : مين اللي قال ان المصريين جهلة و مش بيفهموا ؟؟!! انت جبت الكلام ده منين ؟؟!! ...انا بقول في الموضوع و مكتوب بالخط العريض والواضح ان مشهور عنهم كده هم و الاتراك ... يعني ده مش رايي انا عشان انا كمان مصري ..هو فيه حد قالك ان انا جاي من الهند ؟؟؟!!!....ههههههههههه رب عذر اقبح من ذنب..اولا اسم LOKO ده هو اسم عضويتي في المنتدى مش اسم الشخصية بتاعتي في اللعبة..وبعدين حتى لو كان اسمها كده مفيش فيه اي مشكلة...عشان اولا هو مش لفظ اجنبى فلازم اراعي فيه التهجئة الصحيحة و لا هو كلمة ليها معنى عربي فلازم اكتب معناه بالانجليزي عشان الكل يعرفه ولا هو اسم ديني ولا هو شتيمة ولا هو اسمي الحقيقي !!!!....فلو سيادتك كنت قرات الموضوع بفهم وعمق شوية ما كنت تعبت نفسك في ترجمة كلمة Loko :D
- اخيرا ليا عندك طلب صغير ياريت تصلح كلمة (اخره) اللي في التوقيع بتاعك عشان هي بتتكتب كده (أخرى)...عشان كلمة ( اخره ) ليها معنى تاني وهو ( يوم القيامة )...:D

.QUOTE=تو هاند سوارد;1828204]Good ToPiC[/QUOTE]
شكرا ليك ومشكور لمرورك الكريم
اهلا بيك و مشكور لمرورك... وانا اتفق معاك في ضرورة مراعاة تسمية الشخصيات..واسم شخصيتك جميل.
مشكور لمرورك و مشاركتك ..شرفت الموضوع
شكرا ليك و لمشاركتك
شكرا لمرورك الكريم... و اسم شخصيتك جميل طبعا.
شكرا لمرورك....احتمال برضه :confused:
اهلا بيك و شكور لمرورك... بس ياريت طلب صغير ...بعد اذنك ياريت تكتب ( والهي ) كده ( والله )...مع تفضيل استبعاد القسم اصلا ...ومشكور مرة تانية و شرفت الموضوع.

دى اسماء شخصياتى و الحمد لله كلها اسماء صحيحة لغويا و ليه معنا يفهمه الجميع Hell_Girl_ OneHit DarkPrincess

good luck all
 

Ty bro ^^
server Neptune
For___Fun
:cool: :cool:

و الله كلامك مظبطوط و 10 على 10
انا فعلا بعرف اختار كويس اسم الشخصية بتاعتى ... :)