|
اوعى تقف لبنت فى المترو
بسم الله الرحمن الرحيم
مساء الجمال يا شباب نخش ف الموضوع ع طول ياجماعة احنا لازم نعمل وقفة .. من اللى هيه كده دلوقتى الأخت سحر الجعارة تطلع تقول ان المرأة لها نفس حقوق الرجل في المجتمع، والأخت إيناس الدغيدى تطلع تقول ان الراجل همجى مش بيعرف في المرأة غير جسمها، والأخت إقبال بركة تقول إن مصدر جمال المرأة هو عقلها مش جسدها ولازم التعامل معاها كعقل بدون النظر إلى الجسد هيه عاملة فيه ايه.. ده باعتبار ان الواحدة تبقى ماشية في الشارع وواحد بقى يعاكسها يا ابو عقل جامد..ياواد انت ياابو مخيخ ..حوش شعرك عشان نشوف جمال عقلك يا قمر والواحد بقى يكلم صاحبه وهما شايفين بنت ماشية..شفت ياد العقل اللى لابس أحمر ده؟؟ !! كل الكلام ده ماشى والأخت هالة سرحان بيجيلها تخلف عقلى لو سمعت ان راجل قال لمراته حضَّرى العَشا..باعتبار ان العشا رجس من عمل الشيطان !! والأخت العزيزة سعاد حسنى تقول البنت زى الولد ماهيش كمالة عدد..ومش عارف مين قال ان البنت كمالة؟؟ !! البنت طبق كشرى بحاله من الكبير ابو تلاتة جنيه.. زيه زى الولد بالظبط والأخت عبير صبرى ربنا يهديها تقول ازاى الراجل المتوحش القاسى التنين اللى بيطلع نار من مناخيره بيتعامل مع الأنثى اللى هيه نسمة ماشية ع الأرض يا ولداه !! طبعا انا باعدى الكلام ده لأنى عارف الولد المحترم بيعامل البنت المحترمة ازاى.. والزوج المحترم بيعامل الزوجة المحترمة ازاى ومش محتاجين نصايح اسم الله على جمالهم وأدبهم اللى فاتوا المشكلة بقى مادام بيقولوا البنت زى الولد.. ليه الولد بيقف في المترو عشانهم بقى؟؟ أيوة اوعى تمشى استنى..دى مشكلة كبيرة مش صغيرة..يعنى الولد لما يركب المترو كام مرة في اليوم وكل مرة اكتشف انه لازم اقف عشانهم تبقى مشكلة يدخل المترو في أمان الله ويقعد بعد جهد جهيد وهو شايف واحدة موظفة مع صاحبتها راجعين من الشغل وصحتهم زى الفل.. وقاعدة تحكى لها ازاى تعمل محشى الكوسة وقاعدة تقور في الهوا يمين وشمال عشان يبقى الشرح عملى وصوتها عالى.. واول ما تدخل المترو تلاقى الشلل الرعاش حلّ عليها.. وعينيها مش قادرة تفتح من الإرهاق وتيجى هيه وصاحبتها قدامه بالظبط وتعلـّى صوتها وتقول لصاحبتها: معدتش باقدر أقف كتير يا سنية.. ترد عليها زميلتها واللبانة ف بقها: ومين سمعك يا حبيبتشى.. الدكتشور قال لى انى لو وقفت على رجلى خمس دقايق هارجًّع ع اللى قدامى علطول وللا البنت اللى لسة شباب.. تبقى قاعد لا بيك ولا عليك وتلقى المحروسة داخلة المترو .. بنت حلوة وشعرها ع الخدود يهفهف ويرجع يطير.. وتيجى تقف قدامك.. وفجأة تفضل تظبط شعرها وترميه ورا ضهرها زى إعلان صابون كامى عطر فرنسى الإيحاء..ومتوقعة ان الزبون اللى هوه اواد المحترم الغلبان هيقوم يبوس ايديها انها تقعد مكانه.. والله لو خلعت شعرها كله وادتهولك على سبيل المقايضة زى قدماء المصريين..برضه مش اوعى تقوم وبعدين الأول كانت عربيات السيدات في المترو قدام ومع ذلك كانوا منتشرين في كل العربيات وقلنا ماشى..بعد ماحصلت حادثة مترو حلوان البسيطة اول المترو.. قالوا لا .. هاتوا السيدات في نص المترو..ليه بقى؟؟ ده باعتبار ان لو حادثة حصلت في أول المترو والسيدات قدام هيصوتوا ويلموا الدنيا انما الرجالة بتموت من سكات!!!صلاة النبى طب حد مننا اعترض ان السيدات ماليين مترو الرجالة.. أبدا..انما شوف بقى ياعم الحاج لو حظك الأغبر وقعك انك ركبت سهوا في عربية السيدات..ياداهية دقى..تسمع بقى أحلى كلام.. أولا..سوفاااج..سوهاج..راجل؟؟..واللى تحط وشها في الأرض من الكسوف..واللى تقول أوووه.. راجل..فانتستيك..صلاة النبى.. انتى عمرك ماشفتى راجل ياضنايا؟؟؟مش برضه انتى جاية من شغلك وهوه هناك وراجعة بيتك هتلاقى واحد من نفس الفيرجن في وشك زى القضا المستعجل والبنت اللى في الجامعة آه لو شافت راجل في المترو.. هيغمى عليها من الخضة.. ماانتى لسة جاية من الجامعة وكنتى انتى والولاد قاعدين تلعبوا صلح وعسكر و*****ة.. عمرك ماشفتى راجل يا شابة؟؟؟ أيوة مادام فيه مساواة تبقى ف كل حاجة. . زى ما الولد بيشتغل وهيه بتشتغل.. يبقى اللى يلحق الكرسى يقعد باعتبار انها إبراهيم ابن خالته يعنى عادى ..ومادام فيه مساواة ولازم نتعامل مع عقل البنت.. يبقى بلاش تلعب فى شعرها وتورينك دايما انها بتحط هيد أندشولدرز ضد القشرة عشان تقم..لأنها زى ما بتحط هيد أندشولدرز الولد بيحط برضه هيد أنشولدرز ومن الحجم الكبير كمان أبو عشرين جنيه.. انا مش بقول انك متقمش خالص .بس قوم عشان حد يستاهل.. يعنى ست كبيرة مريضة.. راجل عجوز تعبان.. ست شايلة تسع عيال على ايديها..كده يعنى.. حالات تستاهل.. انما واحدة عندها تلاتين اربعين سنة وقاعدة عاملالى فيها حسين رياض لما اتخرس في رد قلبى.. أقف ليها ليه؟؟ وكمان شوف الموقف ده.. بقى ينفع الواد يقف عشان واحدة ست تقعد..ويقف جنبها..وأول ما تيجى تنزل محطتها تشاور لاقرب بنت أو ست عشان تقعد مكانها!! صلاة النبى..حتى الكرسى بيتورث يا جدعان؟؟ خيال مآتة واقف جنب الكرسى ؟؟؟دا واقف عشانك..طب خليها بجميلة حتى..وموقف ورا موقف تكتشف في لحظة ان كل الستات والبنات قاعدين..وكل الرجالة ماسكين جرايد وقاعدين يهووا عليهم: ألف ليلة وليلة.. قصة كل ليلة..احكى ياشهرزاد.. احكى لشهريار وللا البنت اللى تيجى تقعد جنبك ومش طايقة نفسها قال إيه المكان ضيق ومش قادرة تقعد مرتاحة.. طب ما دام انتى متضايقة كده ماتقومى تقفى بلاش القعدة المقرفة دى.. وللا يعنى عشان كل مرة واحد محترم شباب هوه اللى يقف عشان المكان يوسع للهانم.. أم طاقية.. طاقية حمرا.. للهانم البيضا.. والهانم السمرا القاعدة الله يخرب بيت هالة وإيناس وسحر وعبير وإقبال وكل اللى عقدونا ف عيشتنا بكلامهم اللى محدش بيأيده. .بيطالبوا بحقوق المرأة اللى على كيفهم.. مع ان ديننا جعل المرأة جوهرة يتحافظ عليها وتتعامل أحسن معاملة مش سلعة وموضوع في كل برنامج شوية.لو كنت قاعد على كرسى في المترو.. دايما حاول انك تربط رباط جزمتك وانت قاعد لمدة العشرين محطة اللى انت راكبهم وماتبصش لأى حد واقف عشان قلبك الطيب خد معاك وانت راكب المترو ..علبتين هيد أنشولدرز عشان أى بنت جاية تتدلع بشعرها عشان تقعد تعرفها ان اللى معاه شامبو أكتر هوه اللى هيقعد خد معاك مطوة عشان لو قلبك الطيب خلاك تقعَّد واحدة منك وبعدين وهيه نازلة شاورت لواحدة تانية تقعد مكانها وطنشتك.. تغزها بالمطوة غزتين عشان تفوق حكمة الموضوع .. ( بالنحوي ) تجلس البنات في المترو يقف الشباب في المترو إن البنات مفتريات إن الشباب غلبانون |
جميل جدا
بس توقيعك رخم شويه يعنى ايه بكره الاهلى |
بس بتشرف ان اكون اول واحد رد
|
ايه يبنى دة بتجيب الكلام دة منين انا ميت من الضحك حرام عليكـ
|
بجد موتني من الضحك:D:D:D:D وعندك حق انا كنت اكتر واحد ما بقعدش حد مكاني والناس كانت بتزعل مني:confused:
انت المفروض تاخد الموضوع وتبعتوا لجريدة الدستور وانا متأكد انوا هيتنشر على طووول |
اقتباس:
لا طبعا ده احسن حاجه فى الموضوع هوه التوقيع علشان انا زملكاوى |
هههههههههه فعلا عندك حق
|
معاك حق
|
موضوع جامد و احلى حاجه انك زملكاوى زى
|
ههههههههههههههه موضوع جامد شكرا ^^
|
مش كل البنات كدة بس معظمهم.......... لأن البنات اتخلقو تفكيرهم اقل من الرجالة بس دة مش عيب يعنى بس فيه بنات فعلا تثيرك جدا جدا وهم مش حاسين بل بالعكس دة ممكن يجيبو الغلط عليك وتبأة هتتجنن وانت قاعد وهم عندهم حالة لا مبالاة غريبه جدا:rolleyes::rolleyes::rolleyes::rolleyes: بس انت مقدم حلول جامدة اوى ........ الشامبو والمطوة :D |
ههههههههههههههههههههه
بس انا هاخد كلير احين من هيدن :) |
ايه يبنى دة بتجيب الكلام دة منين انا ميت من الضحك حرام عليكـ
|
Thx Guys
اتمنا انكم تكنو استمتعتم بالموضوع |
اولا موضوعك هايل ولذيذ وموتنى من الضحك
ثانيا انا عاشق للاهلى ومبكرهش الزمالك دى رياضه والرياضة اخلاق وانتم اصحاب القلوب البيضاء والشباك الحمراء اهل الاخلاق اقتراح طالما عايزين مساواه البنت تدخل الجيش تشتغل خدمات تطبخ تنظف وده اقل واجب للمساوه مش مساوه فى اليي ليهم قعدو يطالبوا بالمساواه لحد لما خدو كل حاجه والشباب بقوا ولا حاجه بزمتكم اي واحد فيكم يروح اي وظيفة دلوقتى يقول مطلوب موظفة حسنة المظهر لازم حسنة مفيش حسن مينفعش ويتكلموا عن البطاله والجرايم والشباب الصايع اليي قاعد فى الشوارع وتعالا شوف شغل البنات بقى علىىىىىىىى يديييييييي معلش اعمل علشان مش هعرف طول النهار رغي فى الموبيل رايحه تظبط الميك اب لحد لما وقت الشغل يعدى وهكذااا حاجه تفع ال ـــــــــــــــــــ تحياتي للجميع x |
ههههههه والله موت من الضحك بس اظاهر عليك غلبان و مزهئينك من كتر القيام ^^ |
ههههههههههه
واللة فعلا دة الي بيحصل بس بردو السيدات ناقصات عقل و دين |
هههههههههههههه
دا احنا غلابه بشكل |
معاك حق لازم الواحد ميقفش للمعالمه و يفيهى التبجيل :d
|
على فكرة الموضوع اكثر من روعة وجمييييييييييييل جداا انت عندك حضور ذهنى على اوىىىىىىى يخربيت دماغك
|
ههههههههههههههه موضوع جامد شكرا ^^
|
موضوع رائع
|
الله يخرب بيتك جبت الكلام ده منين ده انا مت من الضحك
|
هههههههههههه مشكور اوى موضوع رائعععععععععععععععععععععع
|
ياسووووووووووووووووو
والله انا ميت من الضحك والمصحف انت فناااااااااااااااااااااااااااااااااااااااااان و دايما سمعنا حاجاتك الحلوة دى
|
شكرا
|
ايه الكلام الكتير ده ده انا زهئت
|
هههههههههههههههههه والله انتا واد زى العسل والله انا عامل اضحك من الصبح على الكلاااام ده
كله كوم وانك زملاكاوى زى كوم تانى انا زملكااااااااااااااااااااااااااااوى اقوووووووووى موووووووووووووووت |
جامد يا مان
|
موضوع جامد جدا وبتحصل معايه سعات وانا في المترو
|
بص يا معلم انتا اكتر واحد خلتنى اموت من الدحك و انما على النت بس فيك عيب واحد بس هو الى خلانى ابطل دحك بعد موضوعك الجميل دة هو التوقيع بتاعك انت زملكاوى لية بتكرة الاهلى يعنى كان عملك اية الاهلى غلبك 6/1 و لا 4/2 و لا 3/0 و لا 2/0 و لا اية هههههههه انا قولت اقلب عليك المواجع شوية و افكرك بالى فات بس الموضوع تحفة سلاااااااااااااااااام .
|
خد معاك مطوة عشان لو قلبك الطيب خلاك تقعَّد واحدة منك وبعدين وهيه نازلة شاورت لواحدة تانية تقعد مكانها وطنشتك.. تغزها بالمطوة غزتين عشان تفوق
ههههههههههههههههههههههه جامده اوي اقتباس:
|
مشكوووووور موضوع جامد
وتوقيعك اجمدxD |
zamalek4ever
زملكاوى و بفتخر واللى مش عجبوا ينتحر |
Thx Guys
اتمنى ان الموضوع يكون نال اعجابكم والنسبه للتوقيع لو هيزعل حد اشيله علشان خاطركم |
ده انا مره كنت مطبق يومين و مش فايق و راجع بس فى الترام (معندناش مترو فى اسكندرية)
و دخلت عربيه الستات غلط و ايوه على حصل كنت هبات فى الحجز يوميها :d |
ياريت يا مان تعدل توقيعك علشان محدش يزعل منك اكيد ليك صحاب اهلاويه
|
سيب التوقيع زى ماهوا
او اعملوا زيي:d |
لول انا بقول كده علشان مفيش حد يزعل منو ده لو كل اهلاوى كتب فى توقيعو بحب الاكلى و بكره الزمالك هتحسو انكو غرب فى المنتدى و ملكوش مكان علشنا كلنا اهلاويه و انتو تتعدو على الصوابع
انا مش بقصد الاساءه بس انا بقولك كده علشان محدش يزعل منك بس وانت حر انت شوفت كام واحد علقو على توقيعك ؟ |
شيل والنبي يا ريس التوقيع بتاعك
مش ناقصة وجع دماغ بقي |
| الساعة الآن 07:34 AM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.