|
فى مصر ... أعمل اللى انت عايزه و بعدين اعتذر
اللى انا هقوله ده مش عارفة بيدل على ايه هل بيدل على طيبه الشعب المصرى ولا على فهلوة اللى بيغلط تبقى ماشى فى أمان الله بعربيتك واحد ييجى يمشى من جنبك بأقصى سرعة و يزنق عليك و هو قاصد تروح قارص بنزين و جاى جنبه و لسه هتفتح بقك عشان تسمعه اللى فيه القسمة يروح الاستاذ رافع ايده ..... و يقولك آسف يعتذر تقوم انت حاطت لسانك فى بقك و تسكت و احتمال تبتسم له كمان مع انك هتطق من الغيظ البنت تبقى ماشيه فى حالها يطلع واحد اغلس من الاسرائيلى على حدود رفح يعاكس متردش يقول نكت بايخة نفسها تغم عليها يمشى جنبها تعدى الناحيه التانية يروح وراها .... بس ستوب بقى تلقف و تلف و تسمعه اللى فيه النصيب يتلموا الناس و كل اللى عنده يقولها و اللى حران يطلع زهقه عليه و البنت تصمم توديه القسم عشان يتعلم الادب و الاستاذ بعد ما كان عامل فيها السبع رجاله فى بعض يعتذر هوب اللمة تتفض و البنت تتكسف و تمشى و الاستاذ يطلع منها بكلمة أسف و البنت تبقى هتفرقع من جنابها بس تقبل اعتذاره و تمشى تيجى بقى لواحده ست كبيرة واقفه فى الطابور عشان تدفع فاتورة التليفون تقوم واحده تانيه كلها صحه و حيويه تقوم مدياها كتف قانونى و تقف قدامها أصلها هتسال على حاجه و تسوق الغتاته على التلامة و تفضل واقفة الست تقولها يا حاجه مش قادرة اقف يا ستى اقفى فى الطابور مش كده الست الدم يضرب فى نافوخها و تقول ما بدهاش يبتدى صوتها يعلى و الناس تلوم الست الرخمه اللى خدت دور مش دورها تقوم الست الرخمه تبتدى مشهد تمثيلى آآآه مخدتش حباية الضغط... حرام عليكم ده انا صاحبة مرض خلاص يا ستى حقك عليا انا اسفة تلاقى الست الكبيرة سكتت و يمكن تدافع عنها و فى الاخر هتاخد الدور اللى مش دورها و جواها ابتسامة انتصار يا ترى دى طيبه زياده من الناس اللى بتسامح مع ان اللى عمل المواقف دى كلها قاصد مش عمل الحاجه دى بالخطأ مثلا و مع ان الشخص ده هيعمل نفس اللى عمله مرة و اتنين و تلاته معاك و مع 100 غيرك و كل مرة هيسوق الغتاته و بعدين ببساطة يعتذر http://forum.tamerlovers.com/images/.../new/blink.gif نسامح و نبقى طيبين ولا نقف و نقول لا و نبقى ايجابيين؟ حصل معاك موقف زى كده؟ طيب اتصرفت ازاى؟ و المرة الجايه هتعمل ايه؟ |
فعلن الموضوع ده محتاج تفكير انت لفت نظري مشكور علي الموضوع ده
|
منور دائما وانا فى الخدمة وتسلم على الرد
|
lol
يعني آه بيحصل في أحسن العائلات:D تقبل مروري |
gooooooooooooooooooooooooooood
|
مشكور اخى على الموضوع الجميل ده وانا عايز اقولك على حاجه احنا والله شعب متسامح جدا بس للاسف متسامح فى كل حاجه وده غلط المفروض فى حجات مينفعش التسامح فيها طبعا مش بالبلطجه بس حتى تفهم الى غلطان غلطو عشان ميعملش كده مع حد تانى وتقبل مرورى
|
اقتباس:
|
البنت تبقى ماشيه فى حالها
يطلع واحد اغلس من الاسرائيلى على حدود رفح يعاكس متردش يقول نكت بايخة نفسها تغم عليها يمشى جنبها تعدى الناحيه التانية يروح وراها .... بس ستوب بقى تلقف و تلف و تسمعه اللى فيه النصيب يتلموا الناس و كل اللى عنده يقولها و اللى حران يطلع زهقه عليه و البنت تصمم توديه القسم عشان يتعلم الادب و الاستاذ بعد ما كان عامل فيها السبع رجاله فى بعض يعتذر هوب اللمة تتفض و البنت تتكسف و تمشى و الاستاذ يطلع منها بكلمة أسف و البنت تبقى هتفرقع من جنابها بس تقبل اعتذاره و تمشى حصلت ادام عينى وكنت حاضر الموقف كلـه بس البنت عجبتنى اوى لما قالتله وانا مش قابله اسفك وبقى منظرة وحـششششش |
ههههههههههههههههههههه
ديه اسمها رخامة انا اخبط ى واحد وبعد كده اقوله اسف وديه ابسط انواع الرخامة ولو عايزنى علمك الرخامة انا فى الخدمة:p:p |
احيانا بتحصل معايا مواقف مشابهه بس الناس بتغلط غصب عنها و احنا كمان بنغلط
فأحيانا لازم نسامح الناس علشان الناس تسامحنا أما بقي المواقف اللي مكتوبه دي مينفعش فيها الاسف بس .. و شكرا علي الموضوع |
بس مره اللى بيعمل كده ده هيقع مع واحد عصبى مجنون مش هيسكتله مره تصيب ومره تخيب
|
يسلم على المرور والردود الجميل واختلاف الرائى اهم فى الموضوع عشان نعرف لو انت فى الموقف دة هتعمل اية ويسلمو
|
يا مان هوا الشعب المصرى طيب وده سعات كويس و سعات لا
|
هههه
الموضوع حلو بس انا محصليش اى حاجة من دة كلو |
اقتباس:
|
no comment
|
no comment
|
من الاخر انت ياعم متسامح فى الزمن ده سورى فى اللفظ هتتاخد على افاك الطيب والمحترم ملهومش مكان فى الزمن ده
لو واحد ة بتتعاكس زى ماقولت و شبشبتلوا وادتلوا كلمتين فى جنابو والناس اتلموا هيضربوه صدقنى والست الكبيرة إلى فى الطابور دى تعلى صوتها والناس تتلم ودى تقولك انا صاحبة مرض تقولها امل انا صاحبة ك ل ب يعنى وتدديهملها صح ولا العربية وواحد بيزنق عليك دلوقتى ممكن يودى قسم البوليس عشان يحرم يعمل كده تانى لو كل واحد اترد عليه الرد ده صدقنى صدقنى قلة الاحترام هتقل فى مصر |
اقتباس:
|
ههههههه موضوع مضحك بس كلام واقعى
|
مشكور الموضوع ... اولا اسرائيل مش على حدود رفح دى انسحبت لداخل يعنى احنا مع فلسطين و قوات حفظ السلام ...
ثانيا اللى عاوزك تعرفه كمصرى انك مش كل المرات اللى بتسكت و تسامح فيها دى بتبقى بمزاجك ولكن معظمها ضعف منك لأانك مسلوب حقك و متعرفش تجيبوا ازاى .. مثلا فى موقف العربيه .. لو روحت شكيت متعرفش تشكى فين حتى لو خبطك و جرى الا لو كان لييك حد مسنود.. و موقف البنت البنت بتسيبوا لأن ما ينفعش بنت تروح القسم .. و الالعن ان لو راحت لازم تعمل محضر عشان يتخذوا معاه اللازم و دى استحاله البنت تعملها ( انا مش بريح اللى بيعاكسو ) بس دى الحقيقه . و موقف الطابور ده بيحصل يوميا فى اى طابور مصلحه او حتى طابور عيش و كل واحد بيعمل مش شايف اصله ها يعمل ايه مفيش حد مسئول يحاسبه على اللى بيحصل .. ها تروح تتخانق معاه لا ، فا بتسيبه عن ضعف منك و انت مش قادر تعمل حاجه و فى موقف متشر بتاع نزول الناس من المترو من مكان الطلوع و طلوعهم من مكان النزول و هرجله و زق و فى ناس كبيره بتبقى ها تموت... قادرين بكل سهوله يوقفو امن و اللى يعمل كده غرامه .. مش ها تلاقى حد شم ريحة الغلط .. بس ليه لازم اسيبكوا تولعو فى بعض .. و اعملكو اعلانات و اقولكو ممنوع و لو سمحت .. لكن يقدر يقولك ممنوع و انت بتنط من غير تذكره .. لا هنا يقفشك من قفاك و يقولك هات غرامه 10 جنيه .. ييعنى هما يقدرو يعملو كل حاجه بس منفضين اهمال او قصد الله اعلم ... و انتو فاهمين قصدى ب "هم"ا فى حاجه عاوزك تعرفها من وصايا الرسول ..عليه افضل الصلاة و السلام.. العفو عند المقدره ... لما انت بيروح حقك و انت مش عارف تجيبوا وتسكت يبقى انتى مش ذو مقدره ولكن ضعف... و حسبى الله و نعم الوكيل لازم الشعب يقوم بإضراب و معارضه لما يشوف حاجه غلط عشان تتقوم ...زى المحله النا المحترمه الرجاله اللى عليوا فى نظر كل مصرى ... شكراا طولت عليكوا |
1:حصل كتير
2:بقيل الاعتذار و بمشى 3:هعمل ايه يعنى هسكت علشان لو اتكلمت هيكون هو صاحب حق |
| الساعة الآن 10:02 PM. |
Powered by vBulletin® Version 3.8.11
Copyright ©2000 - 2026, vBulletin Solutions, Inc.