|
انا يا جماعة حبيت اجيب الموضوع دا مهم جدا......
والله يا جماعة انا اصلا المفرود كنت اجيب الموضوع دا من زمان بس كان في شوية مشاكل كدا و اتحلت......
الموضوع دا منقول و انا هجيبو دلوقتى... و كمان يا ريت محديش ينسا الصلاه و دينو عشان حتيت لعبة ... نخوش في الموضوع بقي :d |
قمت من النوم فجأة
في عيني نور غريب وقوي جدا أستغربت النور ده كله جي منين واندهشت لما لقيت الساعه بتشاور على 3 صباحا وأن مصباح الأوده مطفي طيب النور ده كله جي منين وانفزعت لما لقيت نص ايدي جو الحيطه شديتها بسرعه خرجت وانا ببصلها بكل اندهاش رجعتها تانى لقيتها دخلت جوه الحيطه استغربت ايه اللى بيحصلي ده وسمعت صوت ضحك بصيت نحيته لقيت اخويا نايم جمبي ولقيته بيحلم بيحلم انه راكب عربيه اخر موديل وانه رايح حفلة كبيره قوي لناس اغنيه قوي وانه لابس اغلى واشيك لبس عشان يكون احلى واحد في الحفلة وكان بيضحك وفرحان ابتسمت بعدين اتفزعت من اللى بيحصل وقمت من على السرير وجريت على اودة امي وابي قعدت اصحى فى امي واطبطب عليها وانديها بس هى مش بتستجيب قعدت انديها كتير واطبطب كتير ولقيتها فجأه قامت كانت مخضوضه قوي وبتبص يمين وشمال قولتلها يا ماما انت مش شيفانى لقيتها مش بترد ولا بتبصلي قعدت انادى ماما......ماما كانت حاطة ايدها على قلبها وبتقول بسم الله الرحمن الرحيم ولقيتها بطبطب على بابا وبتصحيه وقام قالت له قوم نطمن على الاولاد ده وقته قالتله معلش قلبي مش مطمن في حاجه غريبه وانا واقف مستغرب قعدت اقولها يا ماما انا اهو يا ماما انت مش شيفانى ياماما قامت ومشيت حاولت امسك هدومها لكن الهدوم مش بتتمسك جريت وقفت قدمها عدت من جوايا ملقتش غير انى امشي وراها وبابا كان وريا محاولتش ابصله عشان ما يتجاهلنيش برده دخلت امى الاوده وفتحت النور مكنش عندى فرق لأن الدنيا كانت منورة اصلا انفزعت لما لقيتنى نايم على السرير وقعدت ابص لجسمى وايدى وانا مستغرب انا ازاي بقيت اتنين انا مين ومين اللى نايم على السرير ده ان مكنش انا وقطع استغرابي جملة بابا استريحتى يا ستى اهم نايمين اهو لكن هي قالتله معلش انا عاوزه أطمن على محمد ولقيتهى بتقرب مني قصدى من الشخص اللى نايم مكانى وبتطبطب عليه كانت بتقوله يامحمد لكن هو مش بيرد وكانت بتطبطة بشويش وبدأت تهزه جامد جريت عليها وقلتلها يا ماما انا اهو رودي عليا لكن صوتها كان بيزيد خوف وكان بيعلى كانت بتنادي محمد.....محمد وفجأة صرخت ولقيت الصرخة بتوجعنى قوي كانها بتضربنى بكيت وقلتلها ما تصرخيش وهى بتقول محمد وبابا جري علي وحط ايده على وشى وصرخ وبكى وحسيت بالوجع تانى محمد مش بيرد والبكاء بيزيد وانا مش عارف اعمل ايه صحي اخويا على الصوت وهو بيسال في ايه ماما صرخت اخوك مات يا احمد مات وانا بقولها ببكائي لأ والله ياماما انا هو شوفيني شوفينى انت مش سمعاني لكن ما فيش امل بصيت للسما وقلت يارب ايه اللى بيحصل ده لكن ما لقتش سقف وشفت ناس ولما شوفتهم مشيوا وحسيت بطعنه غريبه وحجات بتقطعنى بصيت لأحمد لقيته بيصرخ قلتله اسكت انت بتعذبني لكنه كان بيزيد فى الصراخ وماما بتبكي فى حضن بابا والنحيب بيزيد وقفت قدمهم عاجز ومزهول رفعت راسي تانى وقلت يارب ايه اللى بيحصل يارب فى ايه وسمعت صوت من كل حته كان جي من بعيد ركزت معاه لقيته بيعلا وبيزيد كأنه قرآن أيوا قرآن والصوت بدأ يقوى يقوى قوي هزنى من شدته كان بيقول لَقَدْ كُنتَ فِي غَفْلَةٍ مِّنْ هَذَا فَكَشَفْنَا عَنكَ غِطَاءكَ فَبَصَرُكَ الْيَوْمَ حَدِيدٌ زهول الصوت لقيت ايدين بتطبق عليا اتنين شكلهم مش من البشر بيقوليلى تعالى م انتم مين وعاوزين منى ايه شدونى صرخت سيبونى ما تخدونيش من اهلى اهلى فكرنى مت قالولى ما انت مت فعلا قلتلهم ازاي ما انا شايف اهو وبتكلم وحاسس بكل حاجه ابتسموا وقالوا عجيب امركم يا بشر كلكم فاكرين ان الموت نهايه الحياة وما تعرفوش ان حياتكم موت وحلم طويل هتصحو منه على اليوم ده على العالم ده سألتهم انا فين وانتو واخدنى على فين قالولي احنا حراسك لحد القبر اتفزعت قبر ايه انتوا هتدخلونى القبر ردو كل انسان لازم يدخل القبر بس انا عمرى ما دخلت القبر ده مكتوب على كل البشر طول عمرى كنت بكره الكلمه دي مبحبش اسمعها بستعيذ بالله منها بحاول انسها مكنتش بقدر اتخيل نفسي فى المكان الصعب ده سألتهم بخوفي هتسيبونى قالولي مع عملك طيب وعملى ده كويس سكتم ولقيت واحد بيصرخ وبيبكي وواحد تانى سعيد قوي وكل واحد فيهم واقف معاه اتنين بردة زى اللى معايا سألتهم ده بيبكى ليه قالوا ده عارف مصيره طول عمرة كان من اهل الضلال قلت يعنى رايح النار واللي بيضحك ده رايح الجنه طيب انا رايح على فين قولولي ردو عليا هما كانو عارفين هما ايه فى الدنيا ودلوقتى عارفين هما فين فى الاخره وانت عشت طول عمرك تايه متردد شويه تمشي صح وشويه تمشي غلط شويه تتوب وترجع تعصي تاني ما كنتش واضح هتفضل بردة انهاردة تايه مش عارف حاجه اتفزعت وقلت ايه يعنى ايه انا رايح النار قالولى رحمة ربنا واسعه ولسة الرحلة طويلة بصيت وريا لقيت عمي وابويا واخويا ماشين وراهم امي واهلي بيبكوا شايلين صندوق جريت عليهم ناديت محدش بيرد ناديت على امى قلتلها يا امى ما تبكيش ادعيلى ناديت على بابا قلته يا بابا خلى بالك من امى واخويا ناديت على احمد قلتله يا احمد خلى بالك من نفسك سيبك من الدنيا ومتاعها دي رخيصة قوي >صدقنى مش هتنفعك ناديتهم كلهم بس كانو مشغولين بالبكاء ومحدش سامعنى مكنتش بتمنى حاجه فى اللحظة دي الا انهم يسمعونى وشدنى الملكين ونزلونى القبر ونيمونى فوق الجسد عشان اشوف ابويا وهو بيرمى التراب عليا بنفسه علشان اشوفهم وهما بيودعونى وخوفى عليهم انهم مش حاسين باللى انا حاسه وحسدى ليهم انهم لسة فى الدنيا بس للأسف كنت ببكى وهما بيبكوا كنت خايف عليهم من الدنيا قوى واتمنى لو اصرخ ولو يسمعونى وخرجم كلهم وقفلوا الباب والنور تحول سواد لا اله الا الله محمد رسول الله الناس نيام اذا ماتو انتبهوا اذا كان نشرها سيرهقق فلا تنشرها فأنك لا تستحق ثوابها أرجوا تثببتها فى كل قسم من أقسام المنتدى وليس فى القسم الدينى فقط منقول من القسم الدينى باسم (رئيس التحرير) |
و يا ريت بقي محديش يقولي دا انا قاراتو قبل كدا او دا موضوع قديم و الكلام الي مش ليه لزمة و كدا..
* ThankS* |
موضوع قديم جداااااااااااااااااااااااااااااااااا
هههههههههههههههههههههههههههه والله موضوع رائع انا قريتة قبل كدة بس بحبه جدا وقريتة اكتر من مرة كمان بعدها شكرا ع التوبيك يا ابو حنفى :d |
و نبي بلاش فضايح يا عم احمدز :d
و انا قولت اني انا كنت عايز اجبيو هنا من زمان بس كان في مشاكل شوية. نورت التوبيك يا باشا. |
ثانكس يا معلم :)
|
موضوع جميل و هو تذكره لطريق كلنا هنمشي فيه
يثبت الموضوع " فذكر ان الذكرى تنفع المؤمنين " |
اقتباس:
و شكرا علي التثبيت يا باشا . |
موضوع جميل أوي يا مان
|
يعني بجد انا اتأثرت بيه اوي اوي اوي....
و هوا اكثر من رائع . :) |
جزاك الله خيرا و يجعله في ميزان حسانتك شكرا علي الموضوع الرائع
|
موضوع جميل أوي يا مان جزاك الله خيرا و يجعله في ميزان حسانتك
|
شكرا يا مان على الموضوع الجميل دا
|
انا مقريتش الموضوع ده قل كده بس بجد اقل حاجه تتقال عنه
انه راااااااااااااااااااااااااائع ربنا يجعله فى ميزان حسناتك وميزان حسنات كاتبه الاصلى |
جزاك الله خيرا ووضعه فى ميزان حسناتك
|
موضوع حلو جدا شكرااااااااا
|
هوا الموضوع حلو بس انا مش فاهم حاجه
يعنى اللى مات ده قلك ازاى اللى حصلو عشان انتا تحكلنا (متزعلش) محدش يعلم الغيب انا قريت الموضوع ده اكتر من 50 مره |
اقتباس:
يا باشا الموضوع مش مقصود بيه انه بيحكى عن حاجه فى علم الغيب لان طبعا علم الغيب عند ربنا الموضوع ده بس معمول للتذكره بسم الله الرحمن الرحيم وذكر انما انت مذكر :) |
جزاك الله خير و شكراً طبعاً على الموضوع الرائع دة بس أنا عندي تعليق صغير
كل الناس بتقول انها إتأثرت و أغلبيتهم معملوش حاجة يعني إتأثرو و خلاص و كملوا silkroad عادي خالص ذي ماكانوا بيلعبوها و معملوش حاجة مفيدة فانا أحب أقول لكل واحد قرى الموضوع دة إن يحاول يعمل شوية لأخرته و ميخليش sro تبقى كل حاجة في حياته |
اقتباس:
من هيسمعك و يمشي علي كلامك :confused: |
اقتباس:
اقتباس:
اعوذ بالله من الشيطان الرجيم فذكر ان الذكرى تنفع المؤمنين كنت بقول ان مش لازم ان التغيير انك متلعبش sro او مثلا تعتكف في الجامع او الخ , بس ممكن تحسن من حياتك تعامل الناس بالخير تخاف من ربنا اكتر وتحافظ علي صلواتك يكون في قلبك تعظيم لاوامره وطاعته وتاخد بايدين اصحابك للطاعه فممكن الموضوع ده بيه يدينا القدره علي اننا ناخد خطوه صح ونكمل بس نعمل اول خطوه ومنتكاسلش وربنا يرزقنا الاخلاص في القول والعمل :) |
امين يا رب العالمين وربنا يجعل ثواب هذا الموضوع لكل واحد قرأه وعمل بيه
ياااااااااااااااااااااااااارب ارحمنا من عذاب القبر |
شكرا للتنبية
|
اولا شكرا ليك ثايا الوضوع جمييل وممتاز بس فين اساس صحة الكلام ومين الي عرف القصة دية ؟
الا اذا كان محمد مش ميت علشان يحكلنا القصة دية .......مستنى الرد في اقرب وقت |
والله يا جماعه الموضوع ده جميل جدا و اعتقد ان كل الى شافوه حبوه جدا
|
اقتباس:
|
انا قرات الموضوع ده قبل كده بس بجد موصووع جميل جداا تسلم ابدك با باشا انت وكاتبه
|
موضوع جميل وهادف :) تسلم ايدك
|
جزاك الله خيرا ووضعه فى ميزان حسناتك
|
مشكورررررررررر ولك جزيل الشكر
|
| الساعة الآن 08:47 PM. |
Powered by vBulletin® Version 3.8.11
Copyright ©2000 - 2026, vBulletin Solutions, Inc.