الموقع العربي الاول للعبة Silkroad Online - دعوة للوقوف في وجه ال fup الذي اعلنته شركات النت في مصر يوم 5-8-2009

- بـعـيـدآ عـن سـيـلـك رود (https://silkroad4arab.com/vb/forumdisplay.php?f=73)

دعوة للوقوف في وجه ال fup الذي اعلنته شركات النت في مصر يوم 5-8-2009

السلام عليكم ورحمة الله وبركاته .
في خطوة فريدة من نوعها وفي اتجاه غريب من شركة تي داتا ولينك دوت نت اعلنت اليوم عن القنبلة الجديدة.
اسيبكم مع الصورة:
http://img142.imageshack.us/img142/9586/40069536.jpg

وتكملة للمسرحية الهزلية لينك ايضا تعلن نفس البينات .

http://img217.imageshack.us/img217/483/50554249.jpg
طبعا الكلام ده غير مقبول لا قلبا ولا قالبا لان بالمنظر ده يبقي الشركات بتحاول تتلاعب علي كلام وزير الاتصالات اللي قال ان في تخفيض للاسعار ولكن اللي الشركات بتعملة العكس .

دلوقتي الخطوات التالية كالاتي :

أولا : ارسال رسائل اعتراض علي هذه السياسة الظالمة (ليست العادلة تماما ) لكل من الاتي :
خدمة العملاء بشركة تي داتا : [email protected]
الجهاز القومي لتنظيم الاتصالات NTRA : علي الايميل التالي :
[email protected]

ثانيا : تصعيد هذه المواجهة علي المستوي الاعلامي في حالة عدم وجود رد فعل.
في كل رسالة يرجي ارفاق صورة الاسعار كدليل علي ما تقوم الشركة به .

وبناءا علي طلب الجميع هذا هو النص المبدئي للشكوي والايميلات التي سيتم الارسال اليها .

"إلي من يهمه الامر ,
إلي السيد الفاضل رئيس الوزراء : الاستاذ الدكتور أحمد نظيف.
إلي السيد الفاضل وزير الاتصالات : الاستاذ الدكتور طارق كامل .
إلي جهاز حماية المستهلك والجهاز القومي لتنظيم الاتصالات .
وإلي كل صحفي وإعلامي حريص علي تقدم مصر بعقول أبنائها ومؤمن بحقهم في مستقبل أفضل .

تحية طيبة كريمة وبعد ,
شهدت مصر تطورا تكنولوجيا ملحوظا خلال الفترة الماضية والتي بدأت مع السيد الفاضل الدكتور أحمد نظيف وزيرا للاتصالات ثم رئيسا للوزراء .
وقرار وزير الإتصالات الذي نوه عنه من حوالي ثلاثة شهور بخصوص تخفيض الاسعار من أجل توفير الخدمة لغير القادرين كواحدة من تلك الانجازات التي تهدف الي دعم الثقافة ونشر ثقافة الانترنت بين الشعب المصري جعلنا نثق أن هناك مستقبل أفضل ونمو سريع للتكنولوجيا في مصر .
ولكننا فوجئنا في الأيام القليلة الماضية بظهور ما يسمي ب "سياسة الاستخدام العادل" و تحديد إتجاهاتها والتي تهدف الي تحويل خدمة الانترنت الي نظام محدود التحميل في ظل رفض معظم المستخدمين لهذا النظام والذي عرضته الشركات من أكثر من سنيتن ولم يلقي الإستجابة المرجوة من المستخدمين .
هذه الخطوة التي أقدم عليها مزودي خدمة الانترنت في مصر هي الغريبة من نوعها لأن معظم المزودين علي مستوي العالم يتيحوا للمستخدمين فرصة الاختيار بين النظامين " محدود التحميل والنظام المفتوح " أما ما تقوم به الشركات في مصر فهو إلغاء لمفهوم نظام الغير محدود التحميل .
حري بالذكر أن سعات التحميل التي وضعتها الشركات في سياسة الاستخدام العادل "الظالمة " لا تكفي أبدا إحتياجات المستخدم الحالي من تصفح يومي للإنترنت وتحميل للتحديثات المختلفة لنظم التشغيل والبرمجيات المختلفة علي مدار الشهر كما أنها لا تتوافق مع التكلفة المعلنة حاليا عند مقارنتها مع الشركات المماثلة في دول العالم المختلفة .
كيف يمكن لأبناء وشباب مصر أن يتعاملوا مع القرارات المخالفة لنصوص العقود مع الشركات المزودة لخدمة الانترنت؟ وهل من حق كل شركة ان تضع لنفسها هذه السياسة حسب ما تراه حتي لو خالف العقود والقوانين ؟
هل التقدم والنمو يعني تحويل الامحدود الي محدود ؟
لماذا تتجة شركات الانترنت الي تحويل الخدمة التي تقدمها الي سلعة تباع بالكمية كالماء والكهرباء ؟ وما الهدف من وراء ذلك ؟
نهيب بسيادتكم أن تتعاملوا مع هذا الموقف بحكمتكم المعهودة وأن تعيدوا الحق لأصحابه ونؤكد أن الشباب أغلي إستثمار يجب أن تتجه إليه كل أجهزة ووزارت الدولة من أجل تحقيق التقدم والرخاء .
الإمضاء
شباب مصر "

وسيتم ارسالها الي العنواين التالية :

[email protected]; [email protected]; [email protected]; [email protected]; [email protected]; [email protected]; [email protected]; [email protected]; [email protected]; [email protected]; [email protected]; [email protected]; [email protected]; [email protected]

ملاحظة هامة : سياسة لاستخدام العادل تطبق على التصفح والالعاب الاون لاين والدون لود والابلود مثل سياسة ال limit بالظبط

جارى قرايتة الموضوع كاملاّ
مشكور يا استاذ خالد و منور القسم ^^

حراااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ام

ده حيبدأ من الشهر الجي ولا ايه

thx ya man anta ragel be gd

مشكوررر علي الموضوع الرئع

تم يا استاذ خالد و انا نشرت الكلام دا على الميل

الخاص و يا رب يكون بنتيجه مع انه معروف خلاص ف الفتره الاخيره

ان مهما زعقنا صوتنا مش مسموع بس اهو هنعمل الى ربنا يأدرنا عليه

و شكرا و انا معاك

مش عارف انا لو علقت على موضوعك يا خالد هتعزل وهنطرد ^^ خلينا نقول حسبى الله ونعم الوكيل حتى النت مستكترينة علينا

اقتباس:

المشاركة الأصلية كتبت بواسطة عبدالله محمد محمد (المشاركة 1300616)

مشكوررر علي الموضوع الرئع

موضوع رائع فى اية ولا هو رد والسلام دة كدة موضوع رائع :mad:

يعنى هو لعب عيال ولا ايه :D:p
ده أحنا نقلبها على دماغهم
وشكرا على المعلومات الحصريه وجارى
ارسال الشكاوى
وشكرا لاهتمامك

والله حاجة مهزلة مهزلة
اكتر حاجة الواحد بيعملها في حياته اللي هيا النت وعايزين يخلوه limited
والله حاجة شلل
شكرا يا أ/ خالد
:(:(

اقتباس:

المشاركة الأصلية كتبت بواسطة عبدالله محمد محمد (المشاركة 1300616)

مشكوررر علي الموضوع الرئع

رائع ايه بس ده اسوأ يوم فى تاريخ مصر ياريت الاخوة الى بيدخلوا الموضوع يركزوا فى قراءة الموضوع الاول قبل الردود مش نظام تزويد مشاركات وخلاص

انا معاك يا خالد فعلأ سياسة هبلة بس بصراحة هى هتاثر على 10% من مستخدمى النت دا ال 512 معاة ينزل ل 25 جيجا برضو مساحةكبيرة ممكن ناس كتير متخلصهاش فى شهر

اقتباس:

المشاركة الأصلية كتبت بواسطة dragonmoon (المشاركة 1300746)

انت بتتكلم فى 512

احنا بنتكلم فى 1 ميجا ومعاك 40 جيجا يعنى يخلصوا فى 10 ايام او اقل

و2 ميجا 60 جيجا يعنى اقل من اسبوع

و4 ميجا 80 جيجا اظن 4 ايام ويخلصوا

واظن مش كل الناس 512 وبرضة 25 جيجا قليلة وانت احسبها بنفسك ممكن اسبوعيين ويخلصوا لو داون لود وتصفح 24 ساعة وسيلك رود معاها يبقى كلمت ^^

اتمني اكون وضحتلك المعلومة لان فيه ناس كتيير مش عارفة حجم الكارثة وطبعا اصحاب الشبكات ربنا يتولاهم برحمتة اما اليوزر العادي منضر بنسبة 200% من الموضوع ده وانا اولهم لانى اختصاصي داون لود من التورنت بوجهه عام

اجمل التحيات

من الواضح ان انه هيبقى نظام احتقار يعنى هما قلبهم اوى على العملاء وعشان كده بيحديدوا المساحه ده سياسه فاشله والله

من الاخر يا خالد نعمل اية علشان الحوار دة يتفكس؟

i want ask somthing
my dsl is 521 when i finish my 25 giga what will happen they cut net or what??

اقتباس:

المشاركة الأصلية كتبت بواسطة troy_knight (المشاركة 1300979)

i want ask somthing
my dsl is 521 when i finish my 25 giga what will happen they cut net or what??

لا هيرجع 128kb

my dsl is from tedata i can t open silkraod or anything i dc every 5 min
this because the new system or because

اقتباس:

المشاركة الأصلية كتبت بواسطة king of soul (المشاركة 1301032)

لا هيرجع 128kb

that will be very slow

اقتباس:

المشاركة الأصلية كتبت بواسطة king of soul (المشاركة 1301032)

لا هيرجع 128kb

i can open silkroad iwth that and net will got a lot odc or i stay normal

:eek:i want to know before i charge a prermin
i want explain plzz bec me idiot at net and all that i don t understand what will happen after what tedata and link will do

اقتباس:

المشاركة الأصلية كتبت بواسطة Law_Man (المشاركة 1300788)

تصدق كلأمك:cool: مظبوط انا عنى اسبيد 1 ميجا و بنزل ال 2 جيجا فى 3 ساعات

و الله ياجدعان حرااااااام الى بيحصل ده ياعنى الوزير مدى امر انهم يخفضوا الاسعار يروحوا هما يغلوها تبقى بقى البلد سايبه و جارى ارسال الشكاوى بس هى كل الشركات بتاعة الانترنت كده ولا شكرة t-Data بس

علي فكرة اكبر ناس هينضرو من الموضوع ده اللي هما بتوع السايبرات و الناس اللي مشتركين مع بعض في وصلة واحدة (اللي انا واحد منهم)

و ربنا عالظالم و المفتري

شكرا على الموضوع
بنتسرق عيني عينك:d:d:d

طب بقولكم ايه

عندى فكرة حلوة كده بس ياريت حد يأكدلى عليها انى صح لسة جاى فى تفكيرى

الموضوع ده حصل فى TEData و LinkDSL

لكن انتو نسيتو ان فى شكرات نت تانية

فودافون
ونت مصراوى
وحجات تانية كتيرة بس مش عارفها

لو فضلت كده نحول بقى لاى شركة تانية ونريح دماغنا منهم

ايه رأيكم ؟ حد يقترح

:eek:
لا حـــول ولا قوه الا بالله
هى البلد نـــاقصه هبل و خـــراب
دى مهـــزله اللى بيحصل ده لازملوا واقفه من جميع الاعضاء و المشرفين و جميع الناس فى الجمهوريه
الكلام ده ميتسكتش عليه
(من هنا ورايح مفيش سيلكرود)
ولا نت
:(:(:(

شكـــر خـــاص للاستاذ : خــــالد

و اتمنـــى الكل يعمـــل شكوه فى الامـــاكن اللى الاستاذ خالد قال عليهم
و اخر كلامـــى سلامى
:cool:

أنا السرعة عندي 512 يعني 25 gb صح دول حلوين قوي ده أنا بنزل اقل من 5 gp شريين

اقتباس:

المشاركة الأصلية كتبت بواسطة steerforth (المشاركة 1302802)

أنا السرعة عندي 512 يعني 25 gb صح دول حلوين قوي ده أنا بنزل اقل من 5 gp شريين

هوا دة الى مبوظ البلد كل واحد بقول يالا نفسى :mad::mad:
مشكور الاستاذ/خالد على المعلومات و جارى العمل على ارسال الشكاوى

انت عارف نعمل ايه نقطع النت حراااااااااام انا كنت عارف الكلام ده ومكنش هيطبق بس ولاد الذينه طبقوه ده انا ليل نهار على النت حرررررررررررررم

اقتباس:

المشاركة الأصلية كتبت بواسطة thekiller20 (المشاركة 1300646)

يعنى هو لعب عيال ولا ايه :d:p
ده أحنا نقلبها على دماغهم
وشكرا على المعلومات الحصريه وجارى
ارسال الشكاوى
وشكرا لاهتمامك

صح دى احنا نقلبها على دماغهم

موضوع غريب اول مره اعرف القرار دا

واحد متخلف اكيد اللي قال علييه

دي اموال ناس وشغل وبزنس

انا مش فاهم امتي مصر هتفهم ان الانترنت دا اهم شيء في الاستثمار في العصر اللي احنا فييه

ربنا يهدي يا رب

وجاري عمل الرساله بس فى حاجة انا ش عارف ابعت الرسالة ممكن حد يقولىابعت الرسالة ازى

شكرا لييك يا برنس

سلامي

حراااااااااام شركات حراميه

ايه التهريج ده ازاى يعملو كده من غير ما ياخده رائ العملاء ده اسمه هبل

Thx mr Khaled................Sending msgs done............we hope it works unlimted statue

امتي الكلام دة بالضبط ؟
ياعني كدة كله محدود طب ازاي
؟

طب سوال تاني طب بالنسبه ل256? ايه الحل؟

Noooooooooooooooooooooooooooooooooooooo
limited

حتى ال 25 جيجا الى ف 512 محسوب منهم تصفح ولعب OnLine

تم و انا بعد ازنك طبعا انا هحول انشار الكلام ده على موقع تانى لو مفيش اى مانع

انا مش هنقل حاجه غير بعد الموفقه عليها .

يرجا الرد

وشكرااا لك

والله العظيم هما ما هيرتاحوا الا لما نرجع تانى نولع النار بالزلط الناس تتقدم خطوة واحنا نرجع عشرة دا فى بريطانيا دخلت على موقع شركة نت بتاعتهم عندهم سرعة نت 8 ميجا ب 30 دولا فمصر 8 ميجا ب 85 دولار قال يعنى الخدمة اللى مفيش زيها وهى اصلا ا*** و اوحش خدمة وان شاء الله يتنيلوا يلغوا القرار دا

انا بعت الرسايل لكل الاميلات و يارب نقدر نعمل حاجة و يا ريت كلو يبعت عشان يعرفو انو كلو مش ابل الكلامدة و يرجعو في كلمهم منهم لله الظلمة

اقتباس:

المشاركة الأصلية كتبت بواسطة lorad_eminem (المشاركة 1304302)

طب سوال تاني طب بالنسبه ل256? ايه الحل؟

الحل انك تروح تنتحر دول شوية ................. حاجة تقرف

سؤال ال محدودية دى محسوب فيها التصفح و العب ال اون لين? دا لو كدا و المصحف هكتب فى جريدة الأهرام تظلم على الحوار دا عشان بنا و بين الشركة عقود و اتفاقات بتنص على عدم محدودية النت و مخافة قرار وزير الاتصالات

نعم انا سمعت اصحابى افتكرتهم بيهزرو
د انا هبعت لكل الناس دى ايميلات
قال يقللو داون لود قال