| trublet |
29-07-2009 05:26 PM |
اصعب 5 مواقف ممكن تقابلهم فى مصر
تحذير: أرجو من ذوي الإحساس المرهف عدم القراءة ....ولو عايز برضوا تقرأ يبقى مصلحة !!!
1- بتبقى قاعد في ميكروباص رايح المرج الجديدة وجنبك واحد معاه كيس لب .... وطبعا ما شاء الله لازم يثبت لكل اللي في الميكروباص انه "مقزقزاتي" قديم...يروح ماسك كوشة لب ويقزقزهم مرة واحدة....وشوية شوية تلاقي بنطلونك كله لب قصدي قشر اللب...ويبصلك وبكل تناحة " وسع عشان نازل هنا " !!!!!
2- ربنا كرمك شوية ولسة قابض مرتبك والجو حر قلت.....اصرف بقى...وتركب تاكسي.... قاعد جنب السواق لا بيك ولا عليك.. وفجأة تلاقيه ركن عند شارع التحرير وعند السور ووشه للعربيات يروح منزل السوسته وتسمع صوت طرطشة.... وبعد ما يفك زنقته يقفل سوستته وبعدها على طول يمسح أيده في قميصه...وبعد ما يرجع يقولك " إيه يا بوحميد أنا اتاخرت عليك ؟ " !!!!!
3- تبقى بتتمشى أنت ومامتك طبعا عشان تجيب طلبات البيت والحاجات الروتينية وأنت بتبقى معدي على شباب بيلعبوا كورة وتلاقي كمية شتايم من اللي قلبك يحبهم " يا ابن ...تييييت، ما تباصي ابن تيييييت ، تييييت أمك ، ما تلعب تييييييت " وطبعا تلاقي مامتك تروح بصالك وتقولك إياك تبقى زيهم دول ولاد مش متربية " وفجأة تلاقي واحد من اللي بيلعبوا يروح بصصلك وينادي عليك " إيه يا بوحميد بقالك كتيير مابتلعبش معانا ليه " !!!!!!
4- طبعا السياحة أهم حاجة في بلدنا وأكل عيش لناس كتير، كنت ماشي أنا وواحد من السياح ومن كلاموا معايا لقيتوا بيحب مصر والمصريين ونفسوا يعيش فيها وبعد ما مشيتوا في وسط البلد قلت اشربوا الشيشة المصرية اللي مفيش سايح يشربها الا ويدوب في تراب بلدنا طبعا عشان بتعملوا دماغ ! ..... المهم وإحنا قاعدين على القهوة اللي في حارة في وسط البلد...ببص فوق بالصدفة لقيت واحدة بتنشر الغسيل موقف عادي جدا ...وفجأة لقيت الهانم مسكة جردل ومن حركتها فهمت إن فيها اللي باقي من ميه الغسيل وفي حركة بهلوانية كانت المياه على ملابس السايح .....طبعا ذي ما يكون أتضرب على قفاه رحت بصصلوا وقلتلوا " قلتلك ماتشربش الشيشة كتيير !!!!"
5- مفيش أحلى من أنت تخرج مع خطيبتك وتاكلوا درة على كوبري قصر النيل وانتوا بتعيشوا قصة حب ومن غير مقدمات تلاقي شوية شباب معديين وكانوا بيعملوا مسابقة في أطول بصقة على النيل وفي هذا الموقف يجب أنت تضع خطيبتك في الجهة المعاكسة من جهة الشباب هي ده الرجولة بس مقابل الرجولة بصقة خاصة من الشباب يللا معليش المرة اللي جاية هينشن صح!!!!
|
