|
اتكلم
السلام عليكم
حبايبى الحلوين :D عاملين اية ؟؟ يا رب كلكوا تكونوا بخير النهاردة أنا جاى أبدأ موضوع , جديد , هى كل الفكرة تقريب أعضاء المنتدى من بعض يعنى كل واحد يدخل يكلمنا عن نفسه , حياته , بيحب يعيشها ازاى , بيعمل اية فى يومه , و أكيد هانتكلم عن SRO و نقول فادتنا أو أذيتنا فى اية امممممممم , أبدأ أنا ؟؟ طيب , أولآ أنا اسمى محمد ابراهيم , كل صحابى بيقولولى هيما , لية متسألنيش :P أنا 19 سنة , كلية تجارة اينجليش , حارس مرمى , و لو ان الموضوع دا ابتدى يتقفل بجد عشان أتفرغ لمذاكرتى , يمكن كدا المستقبل يبقى مضمون شوية , أنا مش عايز أخاطر فى موضوع الكورة حاليآ مفيش حاجة ورايا , الا الكلية , و الامتحانات , لكن فى الصيف بأذن الله فى مشاريع كتير المفروض تتعمل , بس SRO مش هاتبقى جزء مهم فى الصيف , على الأقل أخلص كورسات أحسن و أفيد :P طبعآ يمكن لاحظتوا انى مش بافتح SRO بقالى فترة كبيرة جدآ متخافوش FREE_LOVE مسابتش ال Game لسة :P بس ظروف الكلية و الامتحانات بتمنعنى فى الوقت الحاضر , لكن عن قريب بأذن الله هابقى متواجد أكتر من كدا حتى فى المنتدى أما عن الأصدقاء , كتير لكن أكتر شخص مميز , اسلام , اللى يوم ما فتحت عينى لقيته صاحبى و لحد دلوقتى :) الأحلام ,,,, طبعآ كتير , لكن ببساطة مفيش عندى دلوقتى أهم من الكلية و مستقبلى , دا اللى هاينفع , مش SRO :P بالنسبة ل SRO فا أنا وجهة نظرى انها ممتعة للبعض , و هى فعلآ كانت كدا من زمان , لكن بالنسبالى حاليآ ابتديت أبعد عنها , عيوبها بالنسبالى ابتدت تطغى على مزاياها , تضيع وقت كبير جدآآ , فلوس رايحة عالفاضى , الا ازا كنت ناوى تستغل اللعبة كتجارة بس دا مايمنعش انى طلعت بحاجات كتير برضو , أقلها اتعاملت مع ناس من كل مكان فى العالم , و شفت طرق تفكير , و ثقافات و معتقدات , و دى أعتقد أهم حاجة , زى TweeT خير مثال و عمومآ دى وجهة نظرى أنا بس أكيد فى ناس مش موافقينى , لكن عمومآ الهدف من الموضوع تقريب المسافات بين أعضاء المنتدى أكتر يعنى تعرفوا مين هيما الانسان مش FREE_LOVE يا رب الفكرة تعجبكوا , و أكون مطولتش عليكوا :) تحياتى BackStreetMoha |
``
موضوع حلو و شكلة ممتع بس مافيش حاجة اسمها واحد يدخل يحكى قصة حياتة و يخرج:confused::confused: نصيحة منى خلى الموضوع زى maqra2a9493 م مش بمزاج الضحية |
اقتباس:
مش الهدف انك تحكى قصة حياتك !! لأ لأ , انت المفروض بتتكلم بكل بساطة , و تشاركنا بأفكارك عن كل حاجة فى الحياة , دا هايقربنا من بعض أكتر و دا هدف الموضوع الأساسى |
اقتباس:
ما هو كدة بحكى قصة حياتى او شبة قصة حياتى و بعدين الموضوع لو اتعمل بطريقة زيزو هايبقى انشط وفى الاول او الاخر القرار اصاحب الموضوع:cool::cool: |
اقتباس:
بصراحة أنا ماعرفش الطريقة دى , و حتى لو فى طريقة لزيزو , فا أنا أكررها تانى لية :rolleyes: انت عارف ان المنتديات التواصل فيها صعب , بس أهو أدينا بنعمل اللى علينا , أى فكرة جديدة يمكن تساعد |
اقتباس:
يا عم انت خلتها كيمياء لية:p:p يا سيدى انا قصدى كل عضو يختار العضو البعدة و بعدين انا شايف ان احنا خرجنا عن الموضوع خالينا فية احسن و الانت شايفة اعملة |
ان كان على اختيار العضو اللى بعده , فا دى مش مشكلة أعتقد
لو حد حب يشارك , يكتب فى آخر كلامه اسم العضو اللى هو عايزه يتكلم من بعده شكرآ i_am_alive على الاقتراح :) |
انا عبد العزيز محمد >>>> زيزو المهم لسا صغير في تالته اعدادي بس انا مصمم علي علوم كمبيوتر ككليه لييا و من دلوقتي بدأت اخد كورسات علشان ابقي مميز و خصوصا بعد معرفت ان البيعمل الس بوت كراك قدي المهم انا الصيف هقضيه كوره و بوت 24 ساعه طبعا سيرفير هركليز مالوش وجود في حياتي الا هنا في المنتدي و كام ساعه علي اكونتات صحابي الهدف في حياتي اني ابقي ناجح في شغلي جدا و اني افوز بالدنيا و الأخره صحابي احلي صحاب في الدنيا لا عمري شفت حد ماسك سجاره ولا حد بيضرب بانجو يعني من الأخر اتف علي ام سلكرود علشانهم و بالنسبه اني كسبت ناس فنا كسبت ناس كتيير و كتيير اوي طبعا اصحابي الأجانب و اصحابي المصرين مش هذكر اسماء علشان هما كتير
|
شكرآ على المشاركة معانا يا عبود
تعرف اية أحلى حاجة بجد عجبتنى ؟؟ اقتباس:
بس أنا معرفتش انت مين فى ال Game !! :) |
انا كريم انا لسسة صغير 10 سنين نفسسى اباا دكتور
يعنى انا مشش بشحن والله غير 5 مرات نفسسى تبْو صحابى انا اختت الاجازة name : Kemo__1 Blade r 4ever from now لغيط ما اموت :D ارجو التثبيت |
السؤال ده صعب اوي علشان انا سيبت السيرفر من زمان المهم انا كان عندي كاراكتر اسمها وندر كيند يعني الطفل المعجزه بل الماني ههه المهم حصلي هاك علشان كن اهبل هو مش هاك اوي سكام يعني بدلت الكاراكتر بتاعي و ماكونتش اعرف ايه الفيرتيفيكاشن ده المهم حصلي السكام ساعتها كان بيشو لفل 60 و ارابيان لفل 78 ونا 77 ههههه يعني كان زماني فول فارم جليفر 90+ دلوقتي المهم سبت السيرفر شير مع واحد صحبي الي هوا ستورم بليد المهم انا هناك دلوقتي مع ناس اخر حلاوه طبعا من هيركليز ارابيان مان صاحب الاكونت القديم و اخوه اجي وارريور بس انا هنا مقضيها منتدي بس
ارجو التثبيت |
أنا أسمى يوسف مصطفى زكى .
بينادونى فى الحياة العامة بأسم زكى . و فى المنتديات مشهور بهوتا . دا بلنسبة لرقم واحد . رقم 2 . كنت عايش من قيمة 3 سنين عادى جدا بقضيها MOHAA - Counter - FIFA - Playstation فسيبرات. و مش حاطط ولا اى حاجة فدماغى أو بلأصح مكنتش عارف الدنية ماشية أزاى و ما معنى منتدى و الناس ماشية ازاى و ايه النظام الى دارى غير لما لعبت سيلكرود . أتعلمت سيلكرود فى السيبر و مكنش حد عايز يعلمنى لانهم كانوا هاى لفل . لما حد يشوف معايا أكونت يقلى اشترى منك على 5 جنيه ؟ نزلت اللعبة على الكومبيوتر القديم بس للأسف كانت زبالة لان اصلن كان جهاز ميشغلش ماريو . و من هنا . بدأت بموضوع انى ادخل فى عالم الاجهزة و الانترنت و اعرف دا ماشى ازاى و دا ايه مصاره . تعمقت فى مجال الانترنت و دخلت المنتديات و سجلت بأسم و بدأت اشارك و فهمت نظام و قوانين المنتديات من 2007 . و من ثم , اتعملت الPC أو بلمعنى الجهاز كله . بدأت اسئل هنا و هناك عن الاجهزة و عرفت كل حاجة الحمد لله و جمعت جهاز . و قريب حنزل اجدد . عرفت يعنى ايه فيزا مضروبة - يعنى ايه دفع عن طريق الانترنت - يعنى ايه نصب - يعنى ايه صحاب و ازاى تصاحب صح - عرفت ازاى اميز بين الصديق الوفى و الصديق الخائن - و عرفت ان السن هى اخر حاجة ممكن اتكلم عنها . كله بسبب سيلكرود . بدأت اتحاور مع الاجانب . و عرفت الFacebook . الانجليزى بتاعى بقى 10\10 كaccent و كمحتويات لغوية . دا غير أن تعليمى فرنساوى .. اتعلمت أزاى احترم الى قدامى علشان يحترمنى . و فهمت ان فكرة صيع علشان يحترموك دى فكرة غلط. لما لقيت نفسى بطلب حاجة بأحترام فاللعبة و اخدها احسن من لما اطلبها بشتيمة و الى قدامى يطنشنى . كان صحابى هما الى فلمدرسة بس. دلوقتى عندى اصحاب من كل المحافظات ! و اجدع ناس ممكن تشوفها . لدرجة أنى لما اقول لأبويا انا كنت مع دا و دا و دا يقلى تعرفهم منين كنت بتحرج اقله لعبة . لأنهم ناس 20 سنة و طالع . كان بيستغرب لما يمشى معايا و يلاقينى بسلم على دا و دا . و دا و دا بيكونوا 20 سنة و طالع . و انا اهو الحمد لله مهما كانت سلبيات سيلك على حياتنا . اقدر اقولك ان ايجابياتها اكتر , لأن لولا سيلكرود كان زمانى واحد عادى مقضيها مذاكرة و بليستيشن و مليش فى الكمبيوتر , معرفش قيمة الفلوس و خاصتا لما بتروح . الحمد لله أظن ان ممة سيلك خلصت بلنسبة لى . و جا الوقت أنى أهتم بحجات اكبر . Sony vegas - photoshop - 3d animation . انشاء الله داخل Aion Online اشوف النظام و مش بعيد اعرف حجات زيادة . نصيحة لكل واحد لسا بيلعب سيلك . متصرفش عليها . لأنك مش حتحس بتفاهيتها غير لما عينك تتفتح على الى حواليك و اللعب الى احسن . و مش حتحس بقيمة المبلغ غير لما تسبها . الا لو كنت نصاب و حرامى و تعرف تجيب الحجات ببلاش . من هنا حتكسب منها . بس مكسب حرام و دماغك حتمشى فطريق تانى . اسف انا عارف ان ردى بعيد عن الموضوع شوية . بس حبيت اوضح ان سيلكرود دى كوكب تانى . بدغطة على كلمة Start بتسافرله و لما ترجع الارض حتلاقى ان الكوكب دا علمك كتير أوى . |
اقتباس:
هههههههههههههههههههههههههههههههههههههههههههههه اية يا عم كل دة دة الما يعرفك يجهلك:p:p:p |
أنت تعرف انى ملخص .
أنا كنت عايز اتعمق . بس قلت علشان الناس متملش و هى بتقرى ^^ |
طب يالا اختار البعدك
|
هههههههة والله كلام حلو و بيضحك انتا عندك كام
سنة:d:d:d:d |
اقتباس:
يلا يوسف اختار الى بعدك متنيمش الموضوع :p:p |
arccccccccccccccccccccccccccccccccccc
|
اقتباس:
انا كنت بقولك متنيمش الموضوع مش تختارنى انا ...:mad: على العموم انا اسلام حسن .. 19 سنة عديت ثانوية عامة بسلام و دخلت الكلية ودلوقتى انا فى اولى عمارة ولسة فاضل ثلاث سنين عقبال ماتخرج .. بصراحة مش عارف اقديهم ازى الصيف الى فات قديته SRO و Course 3D MaX على حبة خروجات معا اصحبى واكيد منهم صديق عمرى محمد و واحد متعرفهوش اسمة احمد الصيف الى جى ان شاء الله ناوى اتعلم فية حلم حياتى الجيتر لان كان فى ظروف خاصة منعانى من انى امارسة فى الفترة الى فاتت المهم معروف فى الكلية باسم Crazy Singer عشان بحب اغنى بين صحابى وفى الرحلات و ال Music بتشكل جزء كبير اوى من حياتى و English اكتر بحب Country جدا جدا و ال POP و معروف فى المنتدى هنا با Arc ودة اختصار ال Architecture الى هو مجال شغلى المستقبلى .. و فى الجيم با FREEGIRL او FREE نيجى بقى ال SRO SROOOO دى بجد بجد بجد علمتنى كتيييييييييير جدا جدا واسلوب تعامل مع الناس افكار الناس اسلوبى مع الناس ازى الناس الغير مصرين بيفكروا و المصرين اضافة ال English بيتاعى كتيييييير اوى .. و انا على العموم لو مكنتش لقيلها فوائد مكنتش كملت فيها اتعرفت فيها على ناس و اصحاب جداد اختبرت طريقة تفكيرى وعرفت انا فين من الشريط .. و عرفت ازى احقق اهدافى واوصل الى انا عايزة و بجد احسن حاجة لما تحس انك ناجح فى حاجة حتى لو مش فى الحقيقة لو كان Vedio Game دة بيرفع من معناوياتك وبسعدك على تكملة المسيرة فى بقى مجالات الحياة و بيديك دفعة نفسية .. تعمقت فى مجالات علمية بحتة على النت كان اول مرة اتعرضلها ... بس بجد انا شخصية بسيطة جدا ومهيسة طحن وبمووووت فى التهيس و مجنونة جدا بحب اعمل اى حاجة صعبة وبسعى ليها .. :rolleyes: والتمتع بالحياة وبحب ارمى كل حاجة ورا دهرى وبحب اصحابى جدا و بحب بنات ال tagged اكيد مش المصريات منهم .. اصحاب كويسين و انا فوووووووضولى جداااا و دى مشكلة بالنسبالى الان لو فى حاجة دخلت دماغى لازم اعرفها لو حعد 10 ساعات على النت لازم افهم اية الحوار ... سلبيات سيلك رود انا شايف انها مش موثرة فيا اوى وتكاد تكون منعدمة لانى مبعملش حاجة غير لما ابقى مقتنع ان هى حتفدنى ..... لكن الى عايز اوصلة للناس ان لكل شى نهاية ... و النهاية بالنسبالى مش بعيدة اوى اول مححس ان مافيش اضافة حشوف حاجة تضافى تانية وحس انى ناجح فيها اهم حاجة انك تحس بنفسك وتعمل الى انت بتحبة مفيش حاجة مفروضة عليك .. الانسان مخير بطبيعتة شوف انت ممكن تلاقى نفسك فين .. وخلى ثقتك بنفسك عاليا .. مهما وجهت .. انا حاسس انى طولت عليكم ... ويارت اكون غطيت فكرة الموضوع ,,:):):) |
اقتباس:
انا عاجبني الموضوع وعاوز أشارك بعد إذنكوا انا أحمد من بورسعيد 18 سنة ميلادية معروف بين اصحابي ب كوكي دخلت كلية الهندسة بتوفيق ربنا و بركة دعاء الوالدين حياتي بتنحصر بين المذاكرة الجد في الدراسة مع بعض الخروجات يوم الخميس للترفيه وده لان انا بحب اعمل الي عليا و أدي كل حاجة حقها ليا اصحاب كتير جدا و نظرا لمساحة بورسعيد الصغيرة فانا عارف 90% من سكانها و المقيمين خارجها مراعاة فروق التوقيت مدرب اشبال كاراتيه بالنادي المصري و حاصل على بطولة المنطقة 3 مرات بدات معرفتي ب سيلك روود و انا عندي 13 سنة تقريبا او 14 و عملت اول اكونت ليا على سيرفر Aege كان خير الهم اجعله خير كل الاسلحة علي كل البفات علي str and int بدات اتعلم اللعبة لوحدي و عملت اول اكونت صح و جبت 80 على Aege و sparta , pacific و اول ما فتح هركليز لقيتو فاضي عالطول فعملت لاختي الصغيرة كاركتر عليه علشان تدخل بسرعة لاني استحالة اشحنلها في اكونت اكيد هتبوظو بس سبت اللعبه 3 شهور كدة و رجعت فقولت اقفل السيرفر ده كمان و عملت اكونت و اتعرفت على اصحاب اجدع ما يمكن roaaroma we tesharood we takerdx we diesel we ruby2000 we hitman ..................etc و قررت استمر و جاري تفعيل المشاركة أبدا بعيوب سيلك رود الاول ضيعت وقتي من 2 اعدادي لحد 2 ثانوي بس لحقت نفسي و بدات اعرف ان محدش بينفع حد و اللعبة دي مش هى اللي هتكونلي مستقبلي ثانيا كنت بصرف في الاول عليها لحد ما دخلت في برامج الهاك و البج و الفيزا المضروبة مميزاتها تقريبا ساعدتني على التواصل مع ثقافات تانية اى حاجة اضيع فيها وقت ماهو كلوا برتقال اصحابي الي اتعرفت عليهم و قريب اوي هسيبها ....... لاني حاسس انها إدمان بس إدمان احسن من إدمان تقبلوا مروري ...... سووري لو كنت صدعتكم :D :D :D |
بصراحة الموضوع عاجبنى انا كمان
الاسم عبدالرحمن السيد فى الخليج علشان مقيم هناك bico حاليا فى دوله اوروبية مستر المصرى عندى 19 سنة بدرس هندسة مدنى بس استغفر الله العظيم كلية طحن دراسة انجليزى 100 فى 100 لازم تكون معاك شهادات فى الانجليزية علشان يتاكدوا و بيتعملك اختبارات و قدرات فى المجال اللى انت داخل فيه مش كوسة وعايز زى مصر طبعا انا مش بحب الهندسة وبموت فى الطيارن بس تعمل ايه مع اهلك خيفين عليك بس كلية حلوة و مستقبلها كويس انا مكنش ليه فى سيلك ودخالص هو انا فاضى طبعا سينما وماتشات و خروج مع صحابى و نعمل بلاوى لتعلمت حكاية الهاكر دى مع واحد صاحبى فى الخليج بسكا واد جن انا طبعا مكنتش اعرف حكاية سيلك رود لانى مكنتش بنزل مصر اساسا و لما نزلت لقيت الجهاز فى البيت شغال بزمبلك نزلت عادى نت كافيه تحت البيت طبعا انا مكنتش متوقع اللى انا شفته من 5 سنين اخر مرة نزلت مصر فيها كان النت ده للمحادثات الاعمال المهمة لكن شباب كتير بيتكلمه فى جيم طبعا قولت دول شباب فاضى و لعبة هيفه بعد يومين نزلت انا واحد صاحبى علشان اشترى لاب توب تمام اشتريته و شغال عليه لغاية لما واحد قريبى جابلى الجيم و قالى دى جامدة فى انا لازم اجربها دا انا مقفل كل الالعاب حتيجى على دى طبعا لا بدأت حكاية ادمان اللعبة شوية شوية عرفت و اتعلمت و عرفت ناس و اجانب و عملت معاهم صداقة و كلمتهم برة اللعبة و عرفتهم و عرفونى و ساعات كنت بتكلم معاهم بالساعت على الميك الانجليزى عندى سريع شوية بحكم التعامل مع الاجانب ووالدى علمنى و كنت اصغر واحد فى العيلة و كانوا بيقولوا عليه معجزة القرن العشرين و الحمد لله على نعمة العقل انا نويت ان اسيب اللعبة دى خالص و اخلص هندسة علشان والدى و بعد كده احقق حلمى و ادخل طياران و ربنا يسهل و احقق اللى انا عايزه قولوا يا رب |
Nice Topic :) When My Turn Start?? Waitting ....... :) |
اقتباس:
You Can Start Now :D Ur Turn already opening :P |
ههههههههههههههه طيب ده دوري بقي الاسم : خالد و معروف في اي حته باسم ((موندي)) كليه : الهندسه و لا دايم الا وجه الله عندي اخ زي العسل اسمه احمد اصغر مني و ده علي طول بيزاحمني علي الجهاز .. يعني ممكن تبقي بكلمني علي الايميل و تلاقيه هو اللي رد :D:D:D:D:D مهيس فحت و اجتماعي جدا بس الموضوع ده سببلي مشاكل فبقيت اجتماعي بس بعقل اكتر حاجه بتزعلني .. اني اتخانق مع حد صاحبي او ليه معزه عندي .. بعد متضايق و ناعي الهم اوي لحد مكلمه(ا) .. ههههههههه عرفت سيلك رود لما كنت في السيبر و كنت انا و انتيمي مستهيفنها و حاسين انها ممله اوي فمكبرينلها خالص و ده كان ايام لفل 70...... بعديها كنت باين عند ابن عمي الصغير مره لقيته بيلعبها و ربك كرم و اخدت منه لفل كده في السريع .. عجبتني ,, عملت كراكتر علي Tibet و لسه حيوصل 30 و معاه 7 مليون ( كان نفسي انزل النيوكات :p:p:p:p ) ربك كرم و اتظرف بلوك واحد صاحبي كان خطرمنش كده قاللي تعالي معايا Hercules ده فاضي ( مكنتش اعرف انه فاضي علشان لسه جديد ) نزلت معاه و ظبطني الصراحه , عملت واريور و عرفت ساعتها بوبات السيرفر ( i was the lowest lvl in LEGACY :D was lvl 30 and glenn called me Devoted ;) and My_Bro ) هوبا و بلوك ... هوبا و سيبت السيرفر .. هوبا و جيبت White_Snow .. هوبا و اتسرق اكتر واحد بقي صاحبي من السيرفر ده هو مسعد ( مع الاعتذار لباقي الشباب) بس انا فاكر ايام لما اتسرقت هو الوحيد اللي وقف معايا و ساعدني و مع العذر تاني ليكوا غير كده الوحيد اللي معايا ايميله و بيرد عليا و نهيس سوا :cool::cool::cool::cool::cool::cool: عذرا للاطاله نسيت (هههههههههههههههههههه) الايجابيات الاول : 1- عرفت ناس كتير من بره و عرفت بيفكروا ازاي و عايشين ازاي و مستوي معيشتهم عالي زي ما احنا متصورين ولا بيكحوا تراب زينا .. و قيمه الفلوس و الدين و كده عندهم .. يعني فكر جديد 2- الناس الكويسه اللي عرفتها من السيرفر و اكتر حاجه اتعلمتها (( متديش ثقه زياده و متكلمش حد بقلبك اوي علشان الدنيا قلابه )) 3- طبعا الانجليزيه اتحسنت اوي .. و كمان دخل معاها شويه كلام شعبي (( طبعا اجنبي )) السلبيات : انك تحس انك عبد للعبه .. و ده زمان الحمد لله .. محدش يقولي انه كان كبير و بالصلاه علي النبي من اول يومه و كان بيشغل بوت و يمشي .. بيضحك علي نفسه ... بوت يقلب شات علي الجيم يقلب بشات عادي (ايميل ) يقلب ب مواقع youtube 3ala FaceBook و اهو كله مضيعه الوقت لو علي الفلوس ف انا نص ندمان لان الاكونت راح .. غير كده عادي محنا بننزل و ندفع و نروح الملاهي و الفلوس بتضيع في المتعه برضه ... |
بسم الله الرحمن الرحيم
الموضوع فعلا جامد اوى ويقربنا لبعض اكتر الاسم مسعد رضا مسعد اسمى على اسم جدى السن 22سنه اخر سنه فى الكليه وخاطب ويارب السنه ديه تعدى على خير وكله يحضر فرحى:D تبعان انا اول ما عرفت سلكرود الحكايه من اولها كنت بروح فى سيبر واحد صحبى كنت بشوف 20 جهاز مشغل سلكرود ولعا عنده 20 جهاز المفترى:D كنت بتخنق اوى اما بسوف اللعيه ديه وكله بيلعبها فا ناس كتير اوى قلتلى جرب وشوف وعيش حياتك المشكله انى جربت واول مادخلت دخلت فى ريدسى وبعدين جريس وبعدين شوفت السيرفر داه فاضر اولت فرصاسيرفر فاضىاخوش عليه كنت انا الوحيد الى من المحله الى فى السيرفر داهفا عملت Mos3d_2010 hacked RobiN__HooD HACKED Oo_Devil_oO2 لسا معايا الجيم ديه عرفتنى حاجات كتير اوى ازاى مستامنش اى حد غير الى انا واثق فيهم بس حتى دول فيهم واحد عنل فيا حركه محدش يصدقها بس الحمد لله خير عرفت ناس كويسه كتير وناس وحشه اكتر يا ريت مكنش صضعتكم:p |
أنا أحمد من الاسكندرية 19 سنة و للاسف كلية هندسة وللاسف قسم كمبيوتر و بادعي ربنا يعدي ال3 سنين اللي فضلينلي على خير
انا ابتديت العب SROبالصدفة مش عشان انا كانت عجباني بس أصلها كانت اللعبة الوحيدة اللي تشتغل على الجهاز وطبعا في البداية بعد ما عملت أول Charو وصلت lvl60بالعافية جالي Block وللأسف الناس اللي ساعدوني كانوا مش مصريين عشان كدا أنا مش بتعانل كتير مع المصريين بس المهم كان عندي اني اتعرفت على ناس كتير و في منهم معايا في الكلية و ناس جدعان أنا حاليا lvl 93 وانشاءلله أوصل 100 لخمدلله أنا FF أنا بلعب SROعشان أفك على نفسي لأن الكلية فظيعة و ربنا ما يوقع حد في البهدلة بتاعة القسم عندنا النهاردة قاعد في اللجنة بامتحن مكان امتخان صعب جدا (ادعولي أجيب مقبول فيه) و بعد نصف الوقت لقيت الناس بتوع عمارة نازلين بيضحكوا وأنا كنت هاعيط (لا مؤاخذة يا بشمهندس arc و ماتخفش أنا مش بأر أنا بانوء بس) مش هاطول عليكوا ^^ |
[COLOR="Red"]Nice Mo0do3 :phttp://http://img199.imageshack.us/i...0510183251.jpgOR]
|
|
|
:d:d:d:d:d:d
اقتباس:
|
|
|
| الساعة الآن 10:16 PM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.