|
ٍSilkRoad (أرجو التثبييت)
سيلك رود ...............!!!!!!!!!!!!!! سيلك رود اللعبة العجيبة إلي إحنا لعبنها و حبناها و يمكن أدمناها , اللعبة إلي خدت من كل واحد جزء , اللعبة إلي بقى كلامنا عليها و حياتنا فيها طب حد جه و سأل نفسه هو بيحبها الحب ده ليه , هو بيديها كل الوقت ده ليه و محدش يقول ده كان و قت قراغ ده في ناس كانت بتلعبها حتى في أيام الإمتحانات , بيديها المصاريف ديه ليه أسئلة غريبة مش كده ........... لأ و في حجج أغرب من كده ............ ناس بتقول ديه لعبة انا بلعبها و خلاص ميهمنييش أي حاجة فيها,,,,,,,,,, و ناس بتقول انا بعمل بيها بزنس LOL ,,,,,,,,,,,,,,, كلام كتيير و كمان غريب هي الناس ديه مش عارفة أنها و صلت لدرجة الإدمان في اللعبة ديه ؟؟؟؟؟؟ (( إدمان ) ناس حتقولي لول و ناس هتمووت من الضحك و ناس هتعمل حاجات غريبة طب قولولي و ده على أقل تقديير لما واحد طوول فترة الدراسة يعد يلعبها و ولا يركز و لا أي بتاع ,,,, و لما واحد ميعرفش ينزل يمتحن غير لما يلعبها ,,,, و لما واحد يسيب أجازته إلي المفرووض أقل ما فيها ينزل يشووف أصحابه و يعد يلعبها ,,,,, و الليفلات العالية كمان ( سيلك و جولد و بوت و بريموم و حاجات كتيير كده) ,,, ده غير إن مفيش و احد عدى شهرين بيلعب اللعبة و عرف يسيبها ده كله و تقولي مش إدمان ,,, ده غير أنه إدمان معدي إدمان غريب كل الي لعب اللعبة ديه عاوز يعلمها لكل الناس إلي يعرفهم ,,,, لحد ما انا حاسس أنه بقى وباء (( وباء سيلكرود أونلاين )) طب كفاية و هنكلم ليه اللعبة ديه عملت فينا كدة لسبب و ده اهم حاجة أن طبعاً معظم إلي بيلعبه اللعبة ديه سنهم صغير فطبعاً عمرهم ما حققه حاجة في حياتهم ,, عمرهم ما عملو إنجاز و 90% من الشباب مش عاوزين إلي هما فيه فعلشان كده سيلك رود بقت هي الهدف إنت دلوقتي بتعمل كاركتر بالأسم إلي انت عاوزوا و نفس المواصفات إلي انت بتحلم بيها و تلعب بتعدي لفلات و لفلات و كأن عمرك انت بتعيشه في الكاركتر ده بتقابل ناس كتيير و أصحاب أكتر و بترسم عليهم إلي انت عاوزوا بترسملهم شكل غريب غير الحقيقة ,,,, بتقابل ناس كتيير و اكيد كل و احد بيلعب سيلكرود لي اصحاب جوه اللعبة أكتر من بره ده يمكن بعد ما لعب سيلك رود نسي اصحابه الحقيقية اسساساً فعلشان كده المعادلة أكتملت انت في سيلكرود بتلعب بمزاجك و بمواصفات بمزاجك بتعمل إلي انت عاوزوا لحد لما اللعبة عزلتك في دنيا تانية في دنيا انت حبيبها أكتر من دنيتك الحقيقية عالم تاني بس دلوقتي بقى عالمك الأساسي و ده كله طبعاً بسسبب انك عاوز تهرب من الطغوطات الحقيقية العالم الأصلي الي انت متولدتش بمازجك معملتش حاجة بمزاجك معملتش إنجاز ذي ما كل يوم بتقتل unique و لا حاجة هي ديه سيلك رود فوائدها .................... انا معرفش ليها فوائد ( هي إيه فوائدها بتعرفك على ناس من كل انحاء العالم ) LOL بجد طب و هو حد يعرفك حقيقي كل الي يعرفووك يعرفووك بالنيك نيم بتاعك محدش يعرف هو بيكلم مين حقيقي طب هو يعني إيه هما الاصحاب مش إل يساعدك و يساندك و الكلام ده .... يعني انت سايب اصحابك الحقيقية و جيت مسكت في دوول (ليه) هيجي واحد يقوول ما دوول أصحابي برده و بيقفوا جنبي و كل حاجة !!!! طب هما بيقفوا جنبك و لا جنب الكاركتر الي في سيلك رود الي انت اسساساً هربت بيه من الحقيقة و عشت فيه و بقى كلامك كله عنه و بكده تعتبر فوائدها صفر على الشمال خسائرها ...... هنقوول إيه و لا إيه و كل واحد هو عارف هو خسر فيها إيه 1-سواء و قت إلي المفروض الوقت ده سلاح نروح احنا قتليين نفسنا الحقيقية علشان سيلكروود 2-أصحاب حقيقية يمكن درجات و مناهج دراسية و أجازات و حاجات كتيير بس اخر حاجة هي الفلووس ده غير انها علمتنا حاجات كتيير زبالة بقى كل الي بيلعبوها طمعاين بقم مصلحة و مستعديين يدوسوا على اي حاجة امامهم علشان يبقوا أحسن كاركتر وهمي في سيلك رود يعني اقوول إيه اكتر من كده و لا أوضح إيه تاني مش كفاية !!!! و إلي عاوز بجد يبطل العبة ديه هيبطلها بس واحدة واحدة لأنها بقت عملة ذي الإدمان و في الأخر انا بحي جوي ماكس على البيزنس إلي هي عملته و على الفكرة إلي هي سرقتها و خلتنا نلعبها و ندمنها انا عارف ان في ناس كتيير عندها كلام أكتر من كده و هو ده إلي انا عاوز اسمعه و انا قولت الكلام ده لأن الساكت عن الحق شيطان أخرس سيلكرود = دنيا غريبة انت إلي مختارها علشان الهرووب و لا للهرووب |
كلامك صح يا مان بس في حاجة انا ساعه ما قررت اسيب اللعبة دي سبتها لمده شهرين وما لاقيتش حاجة اعملها .رجعت العبها تاني لأني فاضي بس ما بقتش مدمن زي الأول يعني بلعبها صح أشغل البوت وأسيبها مع نفسيها وكل واحد يشوف حياته بقى.وممكن العب في اليوم 3 ساعات بس وده وقت قليل بالسبة لناس غيري هنا كتير.
ونصيحة مني كله يعمل كده 50 سيلك معفنه وشغل البوت وسيب اللعبة وتيجي انت تلعب 3-4 ساعات ودول حلوين قوي. ومشكووور على الموضوع ده يا مان عشان في ناس كتير بتبدأ الللعبة ومش فاهمة النظام ايه وتندمج فيها. ونصيحة مني لو حد بيشتغل مش لازم يعني يلعبها وفر فلوسك احسن وروح اتجوز بيها.وهيبقى سهل عليك انك تسيبها مع المشاغل اللي هتبقى عليك. |
الله ينورك عليك وتسلم الايادى يا مان
بس حلوة دى من النهارده مافيش gm أنا ال gm أنا الgm هههههه |
اقتباس:
اه نسيت اقول لصاحب الموضوع مشكووور على الموضوع ده وإن شاء الله يثبت لأنه هام جداً وكلامه صح. |
كلامك صح بس مش كل الناس البيلعبوها بيعملو كدة
|
مشكوريين لمروركم و بجد 90% من إلي بيلعبوها كده و أرجو التثبييت |
أرجو التثبيت كي يستفيد الجميع |
و الله انا مش عارف اقولك ايه بس انت عرفتنى حاجات كتييييييييييييييير اوى بكلامك دا و انا اشكرك جدا
بس على فكره لمعلوماتك انا قبل مالعب سيلك رود سألت شيخ ف الموضوع دا و قلى انها لو كانت بتضيع وقتك و حسيت انك بتديها اهتمام اكتر من الحاجات المهمه زى المذاكره و الصلاه و الفروض و كده " لكن لو بتلعب ف وقت فراغ و تكون عامل كل اللى عليك " دى تبقى مش حرام لأن من حق الانسان انه يرفه عن نفسه باللعب " بس بالنسبه للهبل اللى كتتييييييييييييييييييييير منا بيعملوه انا متفق معاك ف اللى بتقوله عشان دا اكبر حرام و اتمنى انى اكون افدتكم |
100 100 ya man
|
موضوع اشطا
والله انا عن نفسي بقولك بلعبها وكتير اوي يعني بس لحد لما الاقي حاجه تشغلني زي الشغل اما الدراسة خلصتها منتظر فرج الله الي بيعدني عنها وشكراً ليك |
مشكوورين لرودودكم بس في كلام اكيد كتيير لكل واحد انا عاوز اسمعه و بجد انا سعيد :D اني ساعدت حد و ارجو من wolf 757 التثبييت كي يستفيد الجميع |
اولا : الكل بيقول ان silkroad ادمان ليه ليه انا معيااا 70 وسيبو بقلى 8 شهوررر
ثانيا: دى لعبة للمجرد التسلية فقط فيه ايه |
مشكوووووووووور يا مان على الموضوع الرائع وانت بكلامك دا نبهتني على حجات كتير
بجد فعلاً يستحق التثبيت |
يا اباش انا كنت سبت اللعبة فترةكبيرة بجد بس رجعت بجد لهيا من كتر الملل النت مش فية حاجة تتعمل بس طبعا مش لدرجة الادمان بس اللعبة مجرد متعة زي الي بيلعب اي لعبة بس اكدي االانسان لما يعمل حاجة عشان المتعة الحجاة دي متبعدوش عن حجات اهم زي الصلاة ومستقبلة
وشكرا علي الموضوع |
aan bl3bha men 3 snen we mesh ader asbha 5ales
kol showa fe acc asl ana 3andy 14 we fady mawresh 7aga a3mlha we ana mewsh bakdb |
| الساعة الآن 01:42 PM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.