|
المصرى هو الى ........ !!
المصري هو اللي لو عمل حاجة حلوة يبعت لجاره طبق يدوقه وهو اللي لو لقى الدنيا بتشتّي يجري يخبّط عليك يقولك لمّ الغسيل وهو اللي لو شم عندك حاجة بتتحرق يجري يطمن عليك لا تكون اتخنقت وهو اللي لو سمع صوت زعيق وخناق عندك يجي يصلح وهو اللي لو لقى خناقة في الشارع يقف يحوش مش بس يتفرّج وهو اللي لو لقى حد بيغرق يجري ينط في الميه حتى لو هيغرق معاه وهو اللي لو اتفرط منك كيس الجوافة في الشارع يقف يلمّ معاك ********** المصري هو اللي لو حس انك مزنوق يعملك جمعية مخصوص و يقبّضك الأول و هو اللي يقف معاك في الأحزان و الأفراح زي مايكون من بقية اهلك و هو اللي يلمّلك من الركاب فلوس لو مرتبك اتسرق منك في الأتوبيس رغم انه مايعرفكش و هو اللي لو لقاك في مواصلة و كان عارفك يحلف ميت يمين ليدفعلك الأجرة حتى لو مافيش في جيبه غير نص جنيه ********** المصري هو اللي يقعد معاك ع الفطار في رمضان المصري اللي يشتري بالونات لولادك في العيد المصري اللي يقف جنبك وانت بتدبح الاضحية المصري اللي يباركلك لما ابنك يجيب مجموع ويساعدك يجيبله شغلانة المصري اللي ييجي يقولك تجيب كشاكيل و أقلام بالجملة عشان توفر المصاريف ********** طيبة المصري مش ممكن تلاقي زيّها فى اي بلد تانية ********* |
لالالالالا
شاعر والله ايه الجمال ده وشكرا ليك علي الشعر الاكتر من رائع |
والله
من اجمل الاشعار ومن اعذب الالحان و من اطيب الكلمات اديني انا كمان اهو بقيت اقول شعر:d |
يا سلام
مفيش ولله ولا كلمه في حتات موبلغه فيلعن الكلام ده بيحصيل كل يوم كل ساعه شكرااااااااااا |
الله عليك
اخيرا حد شاف نص الكوبايه المليان |
مشكوررررررررررر
|
أيه يابنى الكلام الجميل ده بس مش كان المفروض برضه تجيب نص الكبايه الفاضى على رأى عمرو مافيا
|
فعلا هو ده المصري او البعض مننا
مشكور يا عسل علي الموضوع الجميل ده |
اشعر يا عم اشعر مين قدك انتا
احلى مساء لشعب المصرى........................... من الشعب الليبيى ...................... ......................................... ملاحظة : برضو الشغب الليبي كده واكتر :) |
اقتباس:
وشكرا على ردك |
اقتباس:
وايه لااشعار الجامده دى :D وشكرا على ردك |
اقتباس:
دى حقيقه المصرى وشكرا على ردك |
اقتباس:
خلينا فى النص المليان |
والله المصريين فعلاً طيبين وغلابة , و للأسف هو ده اللى جايبهم ورا
|
اقتباس:
تعظيم سلام يبنى :D :D الف شكر على ردك ياباشا |
| الساعة الآن 12:59 PM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.