|
شركات النصب العالميه ^^
السلام عليكم ورحمه الله وبركاته
انا النهارده هتكلم فى موضوع مخلى 50% من الناس مصدقاه و 50% التانى مش مصدقه ^^ واحد يقوم يسألنى ! انتا يا حضرت انتا مجمعنا هنا ليه وعلى ايه ؟ هقولك اسكت خالص واسمعنى !...(بهزر) احنا النهارده هنتكلم عن المواضيع تلاقى واحد طلعلك من فين الله اعلم ادخل واكسب من الموقع ..(فلان).... اشترك هنا وانتا هتكسب فلوس ....(والباقى انتوا عرفينه طبعا).. المهم نيجى بقا لمواقع دى هيا بتعمل ايه ؟ يجى واحد نصاب (اصلى) يقولك انا هعمل موقع وهكسب الناس مقابل الاعلانات (الله ياخدك هتكسبنا ايه ده انتا نصاب) المهم يعمل الموقع ويكتب مثلا : الى كل الاعضاء ادخل على الاعلانات ومقابل كل اعلان هتدخل فيه من موقعنا هتاخد فلوس ... (طبعا شعبنا ما بيصدق ابو بلاش كتر منه) تقوم انتا مشترك وتتدخل على الاعلانات وتفضل 24 ساعه تدخل على الاعلانات وتلاقى رصيدك بيزيد وانتا فرحان وتقول انا واد جامد (كــــــــتك خيبه ده انتا بتأخد على قفاك). وتلاقى الموقع كتب لك لو اى حد يشترك عن طريقك فى موقعنا هتاخد مثلا 4 دولار اوووووووووووف 4 دولار مره واحده (يا منتا كريم يا رب ) ده انا هغتنى من الموقع ده ^^ ..... ويا عينى تلاقى الشاب اللى زى الفل اللى مشترك فى المواقع دى عمال يعمل فى مواضيع فى المنتديات ..... اشتركوا فى الموقع ده وطبعا عامل نفسه ناصح وحاطط الرابط بتاعه فى المنتدى (على اساس انك تشترك من الرابط بتاعه ويجيلوه فلوس) ويا بختك الاسود ^^ نيجى لميعاد دفع الشركه ليك مستحقاتك او بالمعنه الاصح (تدفعلك على قفاك) تقوم انتا زى الشاطر تروح الPaypal علشان تحول فلوسك هتلاقى ال Paypal مش عايز يحولك فلوسك ليه علشان مفيش رصيد اصلا ^^ هههههههههههههههههههههههههههههه طبعا هتلاقى العضو بيقولك ازاى بعد كل ده افضل ادخل فى اعلانات واعمل مواضيع فى منتديات انا اول مره اشوفها علشان الناس تسجل من الرابط بتاعى (واخد فلوس وكل ده يطلع على فشوش)..(الله الله على كلامى المقفه) وطبعا انتا تكون جالك انهيار عصبى وتعبت وانا اجبلك الاسعاف واغنيلك (المنحوس منحوس ولا علقوا على قفاه فانوس) انتا يا استاذ اعوذ بالله انتا طلعت لى منين ؟؟؟؟ ممكن اسالك سؤال ؟؟؟ اتفضل ؟؟؟ يعنى فى شركات بتديك فلوس ولا لا ؟؟ همممممم ...... سبنى افكر ... يا استاذ رد بسرعه ارجوكككك !!! هممم ... اه فيه بس طبعا مش ماشيين بنظام المواقع اللى فوق دى ^^ وغير كده او كده الشركات دى بتكون صالحه وفيها مصدقيه وكمان هتلاقى اللى اخد منها فلوس بيصور لك صوره من حساب Paypal بتاعه ^^ علشان تتطمن وتحط فى بطنك بطيخه قرررعه ^^ يلا بقا انا طولت عليكم سلام دلوقتى ونشوفكم رمضان اللى جى اصلى بشارك هنا كل فين وفين ^^ |
عليا النعمة انته بتفهم وياسلام لو كل الناس تشغل مخه زيك مشكوررررررررررر على موضوعك ومجهودك وصبرك وانته بتكتب الموضوع ..... يارب الكل يفهم ..... |
تسلم والله على ردك ^^
وبجد شرفتنى فى موضوعى المتواضع ^^ |
كلامك زي الفل
بس المشكلة لو كان صاحب الموقع بتاع خش على الاعلان ده وتاخد فلوس يكون جايبلك صورة من الاشتراك بتاعه اللي على الباي بال ويكون من فلوس الناس السابقون ليك (انتم السابقون ونحن اللاحقون) |
اولا اشكرك جدا على اهتمامك ومشاركتك معانا ^^
تانى شىء بيكون فى الpaypal مكتوب التاريخ والفلوس ابتعتت من اى جهه يعنى من الاخر مش هيعرف يفلت من ايديكم لو طلع نصاب ^^ |
شكرا يا باشا
|
العفووو على ايه انا عملت الموضوع ده علشان افيدكم يا جماعه ^^
|
thanks man
|
العفوووو يا zenus
بس ارجوك اتكلم عربى العربى هيا اللغه الام ولا انتا رايك ايه ^^ |
والله الكلام ده سليم 100%
ونشكرك على المجهودات دى |
العفووو يا sakafa
وشكرا على مشاركتك معانا ^^ |
شكرا جدا يا مان انا قعت ابل كدا ساعه بعمل فلوس وفي الاخر مفيش
|
|
thnxxxxxxxxxxxxxxxxxxx
|
اقتباس:
شكرا على مشاركتك معانا فى الموضوع ^^ وشكرا جدا يا smile4us0303 على ردك الجميل ده (بس انا كنت عايز ورد بنفسجى بأمانه) اقتباس:
|
| الساعة الآن 12:40 AM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.