| zizorizo |
09-03-2009 02:14 AM |
انا بقه ركبت الة الزمن و ظبطها علي 1520 الساعة 3 و نص بالظبط
رحت هناك لقيت حاجة غريبة اوي خير اللهم احعله خير ناس لابسين حلل المونيا و ماشيين بيه في الشارع كده عادي مش مكسوفين من نفسهم
قلت اخد رجلي اروح عند الملك هنري هنري هنري هنري هنري هنري هنري هنري اشرب معاه الشاي
(الظاهر الاسامي خلصت من عيلتهم) ز المهم اول ما رحت هناك ولا لقيت حد بيستقبلني ولا اي حاجة قلت معلش اكيد ميعرفوش اني جاي
لقيت كده واحد واقف عالباب قلتله "هالو" انا عايز اشرب شاي مع الملك قالي التيكيت 5 باوندز و لو عاوز الشاي بسكر يبقي 10 باوندز .
قلت معلش استحمل و ادفع عشان الراجل الطيب الي بعتني ده و اول ما دفعت من هنا لقيت واحد تاني دخل بسرعة و قال حالة طواريء الاسطول الاسباني بيهجم علينا , و لقيته رمالي حلة ستانلس ستيل قلتله لا شكرا انا بشربه في كباية قالي ديه خوذة عشان تحارب بيها يا عبيط ,. انت شكلك مش من هنا , "فروم وير ار يو ؟ " قلتله انا من ال "فيوتشر" و علي فكرة بقي انا عايز فلوسي , قالي نو الي يخش جيب الحكومة ما يطلعش , قلتله طب علي فكرة بقي انتوا حتتقطعوا في الحرب . و طلعت اجري علي الة الزمن و انا بدعي للراجل الي بعتني هنا ........
|
