الموقع العربي الاول للعبة Silkroad Online - 2Handed Sword : أنت أقوى المهاجمين والمدافعين (( تجارب شخصية )) لتهزم أقوى الشخصيات

- الـقـسـم الـتـعـلـيـمـى (https://silkroad4arab.com/vb/forumdisplay.php?f=9)

انا عندي اقتراح جامد وبم انك ضليع في التو هاند اعمل موضوع فية كل نقاط قوة وضعف السلاح دة مع اثبات بصروة او فديو وانا هكون معك باذن الله

بصراحة انا عامل بردة شخصية لفل 52 تو هاندندسورد بس في مشكلة ان هو بيموت الوحش ببطء شديد

فيه أكتر من حل :-
1) تجيب سلاح فيه Ataking Ratio عالى
2) تجيب Avater و تحط فى الجناح أو القطعة اللى بتتلبس ورا Ataking Ratio

التو هاندد فيه كل العبر و أقوى دفاع و هجومه أحسن من أى str و و عيبه الوحيد إنه بطئ و ده يعنى مش عيب خطير أوى و أنا شرحت إزاى يتحل وفيه طرق تانية إنك تلبس روب أو تجيب درج أو تلعب بارد

و بصراحة أنا فين و فين على ما ألاقى ون هاندد سيورد عشان الاعبه بى فى بى

يا جماعه الموضوع مش محتاج واحد لفل عالي عشان تعرفوا ال Warrior جامد ولا لأ ..

كفايه انكم بتشوفوا في اي PvP واحد Warrior - Cleric اسكيلاته ماكس ضد اي شخصيه تانيه بيعمل فيها ايه :D ..

يعني واحد عندنا في Venice وقف في DH عند ال PvP و قال الي عايز يتحداني لازم يكون معاه SuN عشان يموتني .. و هو كان Warrior - Cleric 90 Full Farm ..

دخل عليه واحد مشهور جدآآ عندنا اسمه Enduo لفل 90 Full Farm Nuker Spear .. يادوب لما عمل ال Buffs بتاعه و خلاص .. اول ما رفع ال Snow Shield بتاعته ..

4 ضربات بالظيط كان نايم على الأرض ..

واحد تاني Blader lvl 90 Full Farm all set +5 طبعآآ واحد زي ده صعب .. هو اخد وقت شويه .. اخد 11 ضربة عشان يموت :D ..

ولو حد قالي الويزارد يقدر يموت الWarrior هقوله بلاش هبل .. عشان ده طبيعي يعني بس الويزارد مش هايقدر يسد مع 3-5 أفراد في وقت واحد :)

تقبل مروري :) ..

بصو كدا من الاخر علشان الواحد عنيه تعبته من كتر قراءه المشاركات
انا بلعب 2h فى ريد سى ليفيل 50
وانا جبت الدليل لأخينا الى بيقول ان البليدى اقوى من التوهانددسورد
http://www.youtube.com/watch?v=VxhVR...eature=related
البليدى اخر ما زهق (او اخر ما غلب حماره ) ضرب الزيرك نوب طبعا
وكمان دليل لى بوو صينى ليفيل 90 مع توهادد سورد 90
http://www.youtube.com/watch?v=Riz_7wwF2yc

وياريت كل الى ملهوش فى التوهاندد سورد
ميقولش رأيه او بمعنى تانى لوعندو فكره عنه يكتبها
لو معندوش يكتفى بالمشاهده فقط

و أدى كمان دليل على قوه الكريكتال فى التوهاندد
ليفيل 42
اتفضل ::
http://www.youtube.com/watch?v=tcha8...eature=related

وكمان فيديو للجليف مع التوهاندد سورد
http://www.youtube.com/watch?v=0vbSUrwvTjc
اظن كدا التوهاندد عداه العيب واكتر
والسلام عليكم
نلتقى غدا بعون الله

شكــــــــــــــــــــــــراً ليكوا و على الفيديوهات الجميله دى

لا شكر على واجب يا كبير
والف شكر على موضوعك الرائع
وياريت لو فى دروس تانيه كملها
ومتزعلش من النوب الى ميعرفوش حاجه دول :confused::confused:

موضوع جميل ورائع اثبت ان ال 2H sword بليد ممتاز و مشكور يا مان علي موضوعك الي وضح لينا كتيير عن ال 2H Warrior

:D السلام عليكم ; اسمحولي اقول رأيي في الموضوع
موضوع كويس جدا وفيه نقاش كويس بس فيه بردو شوية شتيمة وردود غير لائقة
بس بصراحة انت مزودها شويتين بالكلام اللي قلتو في الاول يعني وسعت منك شويتين (انت خليته سلاح أسطوري)
انا نازل تو هاندد سورد وهو سلاح حلو فعلا بس خلينا نناقش شوية بشوية ونقول كلام منطقي

اولا نقول الصيني ولا الاوروبي :
الصيني :
بصراحة بفرض ان الصيني فيه سلاح حلو او بيلد حلو وقوي لكن الاوروبي بيتفوق عليه في شغل البارتي يعني لو قلنا PVP بارتي صيني قصاد بارتي اوروبي فكلنا عارفين النتيجه الجليف تانك لكنه مش فالح في الحماية (معندوش بف حماية زي الواريور) وال INT الصيني ضربته جامده بس بطي ومش هيلاقي تانك يحميه والهيلر (الكليرك الصيني) تعبان فحت ولا نافع في حاجة مقارنته بالكليرك ومينفعش اي لاعب صيني يدي مميزات لحد معاه في البارتي زي السرعة مثلا

لكن الاوروبي :
اتعمل فيه مميزات وعيوب عشان يكمل بعضه في البارتي حتي تلاقي بفات كتير تتعمل علي البارتي كله وبفات مينفعش تعملها الا لغيرك تخلي البارتي بتاعه قوي جدا ً جدا ً لان اي فرد في البارتي بياخد السرعة من الهارب وقوة التحمل من الكليرك والواريور
واكتر قوة هجوم من الويزارد

طبعا ً شغل البارتي ده يعني التريد - الايفينت - الفورترس وور وهكذا

بالنسبة للتلفيل :

لو لوحدك :
بطيئ في التلفيل بالنسبة لباقي الاوروبي (ماعدا الوان هاندد والدوال اكس) وصعب تعمل تاكسي في لفل قليل انا بصراحة محبش ادخل مع شخصية STR تاكسي

لو في بارتي :
مطلوب جدا ً تانك اكتر من اي حد في اللعبة (الواريور عموما ً) لانه الوحيد في اللعبة كلها اللي يقدر يحمي حد غيره يعني لو قلنا الجليف الصيني دفاعه اكتر عشان ال HP كل تلات ثواني لكن ايه لازمته في البارتي ؟ الشخصيات ال INT عايزة حماية غير الكليرك زي بفات الوريور اللي بتستمر مده كبيرة زي الفيزيكال فينس مثلا (نص ساعة)

بالنسبة للوظيفه
يبقي هنر كويس جدا
ً لكن صعب يبقي ثيف لوحده لازم يبقي في بارتي لانه معندوش سكيل يخليه يختفي او حاجة تخليه يهاجم في علي غفلة

بالنسبة لل PVP :
كويس جدا ً لكن تقدر تقول لانه مش بيختفي وتقريبا مش بيشوف المختفي دايما الروج والاستاف قدامهم فرصة الضربة الاولي ودي بتفرق كتيير يعني الداجر اقوي من التوهاندد بكتير قصاد الويزارد مثلا ً الداجر ممكن يموت ستاف اعلي منه بكتير بسبب انه بيختفي ودي صعبة في التوهاندد انك تموت ويزارد اعلي منك

في النهايه
التو هاندد سلاح كويس لكن كله بيكمل بعضه وكل واحد يختار الشخصية اللي تعجبه
وبصراحة الواريور شخصة بالرغم انها حلوة لكن متعبة يعني لازم تهتم بالسلاح واللبس وصعب تعمل تاكسي يعني صعب تجيب جولد ولما تزهق من التلفيل البطئ مش هتلاقي حاجة زي ال Life Control او Crossbow Extreme او Dagger Disprade تزودلك هجومك لكن هتلاقي حاجة تزود دفاعك وغير كده سكلزاته قليله (ضرباته قليلة جدا ً) يعني ممكن تزهق منها يعني اول ضربة جديدة بعد لفل 20 (غير ال Sprint)بتتفتح في لفل 40 واول ضربة جديدة بعدها في 70 وبعدها في 80 وهكذا بالرغم انهم كافيين لكن ممكن تزهق منهم

بالنسة للكليرك والهارب :
الكليرك هيخليك اقوي وال Recovery Division هتعوض الزمن بتاع ال HP وال 10 % اللي بتنقصهم لما بتضرب المادينج لكن هتكون بطئ وده عيب (ممكن في ال PVP تلاقي الشخصيات تجري منك لحد ما الحماية تخلص ومش هتعرف تحصلهم)

الهارب هيديك سرعة ودي وال Noise ودي هتخليك اسرع لكن اضعف خصوصا لو اللي بيضربك عملك State زي التلج او ال Fear

لو لبست Robe هتبقي ضعيف قصاد شخصيات ال STR والوحوش اللي بتضرب STR
ولو عايز الويزارد اللي نفس لفلك ميموتكش من ضربه حتي لو عامل Life Control اعمل ال Vital Increase هتموته اسهل بكتيير

معلش طولت عليك
وحاجة للجميع بلاش شغل العيال اللي كل واحد يقول انا شخصيتي احلي اللي عاجبه شخصية يقول مميزاتها ببساطة :p:p
والسلام عليكم

بسم الله الرحمن الرحيم
أحب أشكركم للمرة التانية على الفيديوهات الجميلة دى و إن شاء الله الشرح سيتواصل
ثانياً :- التوهاندد سلاح خارق فعلاً و أنا هزمت بيه بليدر فى نفس الديجرى بتاعى و ويزارد أعلى منى بـ 11 لفل و نيوكر الدييجرى اللى بعدى
ثالثاً :- إسمع الحكاية دى انا مرة كنت تريد و وقعت كان معايا ويزارد 90 و كروسبو 85 و برضو جه واحد بليدر 90 أخدها مننا إحنا الـ 3 إو ماتوا هما الإتنين و أنا هربت و جم 3 مرات وبرضوا قتلهم كلهم لحد ما جه واحد 90 توهاندد قتله ورجع التريد و الثيف جاب اصحابه جليفرات ونيوكرات والتوهاندد ما إتهزش
رابعاً :- شكراً ليك لأنك حقانى و ما خذلتش التوهاندد لأنه فعلاص فيه ناس كتير متعرفوش

ايه رايك يا مان في buff ال Vital Increase انا مش مهتم بيها بصراحه لاني بهتم ان ضرباتي تكون جامده ... يارت توضح فايدتها و استعملها امتي و اكون شاكر ليك جدااا

بص بقى البف دى أهميتها تيجى مع الويزارد لأن ضربته قوية قوية جداً ولكن دفاعه نووب فإنتا قبل البى فى بى تعملها و تديلو اسبرنت لو لحق وضربك خير إنت دمك لسه فاضل فيه شوية تقوم تدى فيوجر وتشيلها وتقلبه و بس سلملى بقى على الساحر
وليها فايدة إنك لو قاعد فى تاكسى ولا عامل تتبع لحد بتزود دمك كتير

وفوق كل ذى علم عليم النهاردة يا ناس أنا التوهاندد سيورد لايمكن يموت
أو لايمكن يموت بسهولة بسبب الكليرك ولكن العبرة باللى إيده خفيفة و يعرف يغير السلاح بأقصى ما يمكن من سرعة

بصراحة النقاش جميل بس من الواقع مش كل حاجة صح
لازم الكل يعرف ان ال2hand+cleric
شخصة ليس الاقوى فى pvpبس الشخصية الاكثر طلبا فى البارتى والاحسن فى التلفيل بصفة عامة خاصة فى البارتى التى بها ويزرد
اما الهدف من الشخصية فهو اللعب الجماعة مليس شخصية متفردة واعتقد ان دة الهدف من كل الاوربى
انا هعمل موضوع يشرح كل حاجة عن التوهند ابتداة من اسكلاتة الخاصة الى اسكلات الكليرك التى يجب ان تضاف وفائدة كل اسك فيهم
دة مش عشان انا بحب الشخصية دى لاكن عشان الناس تتعرف عليها كويس

يا سيدى التو هاندد أقوى بيلد فى بى فى بى و يا ريت تقول لنا أيه أحسن بيلد من وجهة نظرك ؟

يا جماعه احنا مقولناش ان البليدات التانيه وحشه
لكن احنا بنتكلم هنا بس عن التوهاندد سورد
ثانيا:
يا اخ زياد انتا مشوفتش الفديوهات الى انا جبتها
باين اوى ان التوهاندد سورد بلا منازع فى pvp
وممكن اجبلك فديوهات كتيره غيرها

شكراً ليكم جميعاً و أحسن بى فى بى بلعبوا مع البليدر و الجليفر بس لما بخلص عليهم بزعل أوى عشان والله بيصعبوا على و بحس إنو ندم لما لعب بسلاحوا ده

غير سلاحك بأسرع ما يمكن تقدر تغلب أى حد

اقتباس:

المشاركة الأصلية كتبت بواسطة Lord_Of_Silkroad (المشاركة 433454)

بسم الله الرحمن الرحيم

ها أنت ذا قد اخترت أقوى الشخصيات : شخصية 2Handed Sword العظيمة
ولكن لماذا هى أقوى الشخصيات ؟
ج : هل عمرك رأيت full STR بهذه القوة الهجومية كأنه INT بقوى دفاعية خارقة
ثانياً : أختر البيلد بنفسك مما يأتى :- طبعاً اختيار Mele أساسى لكن أنا ابحث عن البدائل معه ولنرى بأنفسنا :-
1) Armor +Celirc دفاع خارق + هجوم جيد ** لا أعتقد أنك ستموت نهائياً لو لعبت بـ بيلد كهذا
2) Armor+ Harp دفاع جيد + هجوم جيد + سرعة الحركة + عدم تجمع الوحوش عليك
** لا أعتقد أن سرعة الحركة مهمة خاصة انه لديك أسكل تشبه الفانتوم
3) Armor + Rouge بيلد جميل حيث ستختفى فيه وهذا يساعدك فى الـ Job + دفاع جيد مع هجوم خارق حيث أنك ستستخدم XBow مع البارتى و الجاينت و 2Handed Sword فى الـ Hunting
4) Protector + Celirc بيلد جيد جداً حيث أنه بعد أسكل الـ Devision الهجوم خارق + دفاع ممتاز ** تقدر تسد أمام النيوكر و الساحر ** لا ينصح باللعب به قبل لفل 40
5) Protector + Harp بيلد خنيق جداً ستحس بمنتهى الضعف وأنت تلعب به
6) Protector + Rouge بيلد جيد إلى حد ما ولكن سيكون أعتمادك الكلى هنا على XBow
*** اننتهت أولى حصصنا مع السلاح العظيم 2 Handed Sword

سأقوم بالموضوع على ششكل حصص حتى أتأكد أن الجميع يمشون معنا على نفس النمط وأن الجميع فاهم حتى لا تكثر الأسئلة عديمة الجدوى

-------------------------------------------

اقتباس:

المشاركة الأصلية كتبت بواسطة Lord_Of_Silkroad (المشاركة 433745)

بسم الله الرحمن الرحيم
[RIGHT] الآن وقد اخترت البيلد الذى رأيت نفسك فيه قوياً إبدأ باللعب لكى تسمو فى اللفلز
ولكن لك ان تعلم أشياء عن نفسك :-
1) تستطيع قتل وحش فى لفلك
2) تستطيع قتل بارتى فى لفلك
3) تستطيع قتل giant أقل منك بلفل واحد و Giant party أقل منك بـ 3 لفات وحدك

**** أستراتيجية اللعب ****
---- تبدأ فى تزويد Skills فى warrior و اسكلات 2Handed sWord
كل البفات مهمة جداً مفيش بف ملوش لزمة و نبدأ ** شرح حتى لفل 30 **
أول سطر فى الأسكلز (( Frenzy Buster ))
1) Magenta Taunt Target
أسكل تستخدم لجذب الوحوش - لا تصلح للاعبين
2) Vital Increase
أسكل تستخدم لزيادة Hp و إضعاف INT وهى مهمة جداً و ٍاشرحها بالتفصيل
3) Descry
مهمة جداً لكشف فخاخ الأعداء و سأشرحها بالتفصيل
4) Sprint assualt
بف مش بشيل أيدى من عليه جامد جداً وهيعمل معاك شغل لا يمكن تتخيله أو تتصوره

ثانى سطر كل اللى فيه لن تحتاج إليه نهائياً فى الوقات الحالى و سأشرحها أيضاً
* ملحوظة أنا الآن بدرس فكرو استخدام بفات ون هانند سورد وقت شيل الكليرك

خامس سطر (( 2Handed Lord ))
1) 2 Handed Arms بتزود قوة الهجوم
2) Concetration بتزود نسبة الكريتكل القليل فى 2 Handed Sword
3) Damag REturne أسكل جامدة جداً بترجع جزء من الضربة على خصمك

سادس سطر (( 2Handed Sword )) أسكلاتك الهجومية الأصلية
1) Bash : ضربة عادية ممكن تبعد خصمك أو تضربوا و هو واقع
2) Turn Rising : ضربة مفيدة تسقط خصمك أرضاً
3) Charge Swing : ضربة مزدوجة تضرب بها خصمك وهو واقع أو وهو واقف
** هذه ضرباتك حتى لفل 30 استخدمها بعناية ولقد حدث البارحة شئ جيد حيث غلبت
نيوكر سيف ودرع أعلى منى بـ 5 لفلات
** لا تقوم بـ hUNTING أبداً عند الوحوش الصينى لأنها لا تناسبك ركز فى وحوش الأوربى
وكان الله فى عون الجميع
إنتظروا الحلقة القادمة فى الـ jOB حتى لفل 30
RIGHT]

----------------------------------------------
[CENTER]بسم الله الرحمن الرحيم

ها نت ذا قد عرفت قدرك وسط الناس وانك نادر الوجود بقوة دفاع خارقة و هجومك العنيف و أنه لديك القدرة لثبيت أى بنى آدم
كل هذا على النحو الشخصى ولكن فى العمل الجماعى ماذا نفعل ؟
بسم الله نبدأ :-
1) البارتى العام لكل الوحوش (( الساحق ))
** لماذا اسميت هذا النوع من البارتى بالساحق ؟
لأنه وبكل بساطة ساحق نعم و إليك التكوين
1) عدد 4: 2 هاندد سيورد
2) عدد 2 : ويزاردز
3) عدد 1 : كليرك
4) عدد 1 : هارب
** طريقة اللعب :-
أعملوا دائرة يقف المحاربين عند الأطراف ويعطوا بفات الحماية لسحرة
يعطى الكليركس بفاته المشهورة للمحاربين و السحرة
يعطى الهارب بفات للفريق
يعمل السحرة لايف كنترول
يبدأ المحاربين بالهجوم واللى ينقص دمه يساعده الكليرك
يضرب السحرة من بعيد و يحميهم محارب حتى لا يقترب عدو منهم
ويحمى السحرة الكليرك والهارب
** الفريق ده ساحق لايمكن يموت أحد أعضاءه حتى أما جيانت بارتى **
2) البارتى الصغير (( المدمر ))
لماذا اسميته المدمر ؟ لأنه يدمر كل الذى أمامه عدا الجاينت بارتى
التكوين :-(1) محارب+ كليرك( 2) نيوكر ولا يفضل ويزارد على الإطلاق
اللعب :- المحارب يضرب من قريب - الدفاع
النيوكر يضرب البعيد و إذا نقص دمه المحارب يزيده - الهجوم
لماذا ليس ساحر ؟ بالرغم من أن الساخر أقوى من النيوكر إلا أنه أبو موته
يعنى هيقرفك وكل شوية هتلاقى دمه خلاص همسة وهيفيص

الحرب :- ملعب المحارب لأنه بكل بساطة يعشق الحرب ليثبت فيها مواهبه الجمة
** سيادتك بعد الكلمتين اللى قلتهم هتعمللى عنتر فجلة وتنزل على أربعة عايز تقتلهم
أنت تقدر تعمل كده لكن تحت ظروف خاصة وهى انك يكون لبسك Full Blue و + 3 على الأقل و ضارب أيرون سكن و مانا سكن وبفات الديفيجن و الدرع و سلاحك سوس
و انك يكون عندك خبرة
*** اتلم حواليك كل شخصيات اللعبة وأقل منك بـ 10 لفلات عشان ما تموتش بسرعة تقتل مين الأول ؟؟
1- الساحر هتقلبوا وتديلوا ضربة مزدوجة قول عليه لا إله إلا الله محمد رسول الله و ده ما ينفعش تسيبوا لأنه هيظبطك لو سبتو
2- الـ Xbow خلص عليه بدرى بدرى لأنك لو سبتو ضربة ورا ضربة ضرباته بتقوى
3- النيوكر - ده هتقتلوا أصعب من الويزارد بس هتقتلوا
4- الـ bow خلص عليه و ان كان عندو ضربة واحد اللى بتأثر فيك أوى وهى الضربة الصفراْ والغراب الأسود
5- الجليفر و سيب البليد للآخر

االفورتريس وار :-
مصيبة المصائب لو خسرت يبقى ضاع عليك 5 مليون
تعمل أيه :-
تكوين الجيلد اللى يغلب أجدعها جيلد :-
1 - عدد 15 محارب لأانه أقوى تانكر فى اللعبة كلها
2- عدد 10 سحرة وهنا هما اللى هيحموا المحاربين من اللى بيضربوهم
3- عدد 5 XBow
4- عدد 5 بليد
5- عدد 10 نيوكر
6- عدد 5 كليرك
هو ده اللى هتحتاجه بس
شغلك يا برنس أيه ؟ خلينى أقولك :-
1- تصطاد الناس اللى بيلمسوا السحرة
2- تقاتل النيوكر وتقلبهم
3- تسحب المحاربين عشان يكونوا فى مدى السحرة
4- أهم شغلانه :-
تتحمل الضربات
بكده أضمنلك الفرتريس وأن فلوسك مش هتضيع
انتهت الحلقة واتمنى انكو تكونوا استفدتوا من الشرح والحلقة الجاية حلقة مميزة وهى حلقة Job التاجر و التجارة الـ 1* الناجحة
وهشرح انشاء الله كل حاجة عشان جوب المحارب بالتتابع :rolleyes:
[/]

[/CENTER

تم تجميع كل الدروس فى مشاركة واحده هى رقم 186

اخى العزيز
السلام عليكم اولا
انا سمعت كلامك وقمت بحزف الموضوع عن الوريوور كليرك واتمنى لك التوفيق فى موضوعك
انا كنت بس بشرح الوريور كليرك لما يوصل لفل 90 وخاصة انى فى لفل 90 ولاكن طالما انك شايف انك اقدر على الشرح وانت لسا لفل صغير ولم تجرب بعد كل اسكلات الوريور ولم تلعب مع وريور لفل 90 اجانب وعرب وتكتسب الخبرة منهم عن الاسكلات المفيد التى اضافوها لتزيد قوتهم فردى عليك ربنا يوفقك
وربنا يوفق الجميع
شكرا

مشكوووووووووووور اوى اوى اوى يا مان

أنا بحب الفاس واللى بيفهم إمكانياته مش هيتغلب أبدا

شكرا على الموضوع الجامد دة
بس اه الاحسن الكليريك ولا الهارب

يا مان انا كان نفسى اعراف اى حاج عان ال بيلد ال جماد ده وانت فدانى وانا اخترات ال بيلد ده

Protector + Celirc وانا اريات بردو موضوع زاى بتاع واكان 2h Protector + Celirc

وانا اربات اخااس ال فرام الى انا بعملو وكنات ماش عراف اعمال ايه وانت ارشدانى

انا ماس عراف اشكراك ازاى وا على فكر كوال الا العال البيلد ده ماش نفاع ده ماش بيفهام وشكران

سوري كان عندى عياب فى ال كبورات انا اسف

فعلا ال 2hand يعتبر من اقوى الاسلحة فى اللعبة وادى الدليل

صورة للاكونت بتاعى lvl 63 قتلت Gaint lvl 70

http://img221.imageshack.us/img221/7...2232688cg9.jpg

:D:D:D:D:D:D

ده دليل واضح على قوة ال 2hand

يعنى الهارب ولا الكليريك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟

رأيى ان الكليرك احسن عشان بيخلى الدفاع بتاعك جامد اوى
اما الهارب فبيزود سرعتك فقط
واكبر دليل على كدة انى قدرت اموت Gaint اكبر منى ب 7 لفل بمساعدة الكليرك

انا مصدق بس انتا كدة نسيت قاعدة الوارير

اقتباس:

المشاركة الأصلية كتبت بواسطة lord_of_silkroad (المشاركة 432839)

بسم الله الرحمن الرحيم
لاحظت أنه من خلال إبحارى فى المنتديات أنه يوجد الكثير من شروح الأسكلز والبيلد
ولكن لا يوجد دليل واحد لنقل الخبرة للجيل الجديد من اللاعبين و تناقل الخبرات بين الاعبين الكبار أنفسهم و ووجدت أنه يحدث بسبب الأنانية
مثال : الأخ arabian_nox جمع دليلاً للساحر شرح الاسكلات شرحاً مفصلاً ولكن
لم يشرح كيف يقاتل اللاعبين الىخرين وأى اسكلات تساعده مع من وأنا لا أعتب عليه فالإنسان حتى يصل لمرتبة عالية فى التفوق المهنى فى هذه اللعبة تحتاج لوقت كثير
ولكن دعونا لا نحمل الضغون ونبدأ دروسنا الأولى فى شخصية المحارب 2handed sword
************************************************** ***************
أول الدروس بعد صلاة الجمعة انشاء الله والسلام عليكم

همممممم
رجاء راجع الدليل
كان هناك بعض النصائح و التلميحات في القتال
فانت يا سيدي العزيز لا تستطيع ان تقنع الناس بان طريقتك هي الصحيحة والاخرى خاطئة
بالاضافة الى انه لك شخص طريقته واسلوبه واستراتيجيته في التغلب على كل خصم
تحيتي لك على هذا الحوار الهادف

ماشى انا معاك فى الراى لكن لو جينا نتناقش هتلاقى عكس الكلام دة

يعنى مثلا قاعدة ال warior بتقول
2 handed sword + harp+heavy armor=شخصية جامدة فى الدفاع والهجوم فى نفس الوقت

لان الهارب بيزود magic attack

والارمور بيحمى ضد ال magical attack and pisycal attack

لو تحب نتناقش اميلى موجود كلمنى ونتناقش

[email protected]