لوول انا كل ده مستنيك تعترف
بس طلعت عيل كداب و ما بتجيش غير بالضرب على الراس :D
نخوش بقا شغل الدلائل و الإثباتات مع انى مكنتش حابب اعمل كده بس انت اجبرتنى :(
اولاً اعرضلكوا الصور
الصورة الى انا جايبها
الصورة الى هوا جايبها
نبدأ بقا شغل وجع الدماغ :D
و يا ريت كله يكون عارف إن التقييم الاساسى لأى لاب لسه ما لعبش ولا ماتش بيبقا 1200 و ممكن اى حد يتأكد بنفسه :)
1-
فى الصورة الاولى الى انا جايبها مكتوب على الجنب انى كسبت
و إن التقييم بتاعى اتنقل من 1200 و اترفع 7 نقاط لغاية 1207
و فيه الصورة التانية اللعاب (الى هوا مفروض انا ) اتنقل من 1200 ل 1174 يعنى خسرت بتكسيح
حد بقا يفهمنى ازاى اصلى مش فاهم يا انا غبى :rolleyes:
الراجل قايل نه الماتش اول ده اتلعب و كان فيه مشكلة
و التانية قايل إن الماتش ده بعد الاولانى لحصول مشكلة فى الاولانى
ازاى بقا اترفعت و رجعت طبيعى و قليلت دنا خطير اوى على كده :cool:
2- عايز كده واحد بالصلاة على النبى يفهمنى
بوسوا كده على الصورة بتاعتى و الصورة بتاعته
فى الصورة بتاعتى انا مدمره شر تدمير ^_^ و مش سايبه حاجة
فى الصورة بتاعته انا عامل زى عيل ما بيفهمش ازاى العب فى ماتش بالشكلده و الماتش الى بعده
بالشكل ده ؟؟
و كمان لو انا كلت (قتلت ) منه 5 عساكر مغ الإضافة الى حصان
ففى الحالة ديه اكيد انا فى وضح حرج جداً و انا بلعب بالعافية لأنه غالباً مدمرنى
ازاى بالعقل يعنى حاكل منه الوزير ^^
ده على كده الى بيلعب قدامى ما بيفهمش علشان مش معقول حيقطعنى بالشكل ده و يعمل غلطة زى
ديه :eek:
يا اما بقا بيلعب بالكوسة و واحد بيلعب بالكوسة عمره ما حيهزمنى :rolleyes:
3- دليل قاطع بقا كده علشان انا ايدى وجعتنى من الكتابة;)
يا ريت تبصوه على الصورة ديه
مش محتاجة واحد عنده نظر 16 على 7 علشان يلاحظ إن رقم 2008 متفبرك حق فبركة :D
المعنى إن سعادة الباشا دخل بأكونت تانى او قال لواحد صاحبه بدخل بيه
و استغل خاصية تغيير النيك نيم و قام بوضع نفس الاسم مع تغيير الرقم الى فى الاخر
و من ثم قام بتعديل الصورة لتصبح انا:o
و ممكن تلاحظوه الكلام ده باردوه فى الجزء بتاع الشات :D
واحد بقا يقولى إن الدليل ده غلط ده لوحده كفاية اصلاً :cool:
4 - ده بقا مش دليل لا حسى و لا رسمى ده دليل نفسى :eek:
المجرم او الكداب ( الاتنين واحد ) من علامته القلق المستمر و لما بيلاقى وسيلة لنجاته من المشكلة بيتمسك بيها جداً :rolleyes:
الاخ اول لما حطيت انى كسبت و عاز يعمل كدبته ضرب 100 مشاركة سبام و ما شاء الله يعنى :rolleyes:
ثانياً إصراره على الصورة الى فرحان بيها ديه علشان متفبركة و هوا فاكرها دليل برائته :)
كفاية كده النهاردة يا حبيبى يا صغير يا الى جاى تلعب مع الكبار
احب اقولك إن الصورة الى فبركتها و قعدت تقولى على الايميل انا قدام الإدارة كسبان
الصورة بتتكلم و مش عارف ايه :rolleyes:
حبيت بس اثبتلك إن الصورة بتاعتك الى افتكرتها حتنجيك كانت هيا سبب إكتشافك :cool:
قفلت القضية
و انتهت الكدبة
شيرلوك بيبو قام بحل اللغز :cool:
