الموقع العربي الاول للعبة Silkroad Online

الموقع العربي الاول للعبة Silkroad Online (https://silkroad4arab.com/vb/index.php)
-   منتدى بيع اللبس والأسلحة ( Item ) (https://silkroad4arab.com/vb/forumdisplay.php?f=32)
-   -   Nod32 Antivirus V.3.0.621.0 With Crack أخر أصدار بالشرح (https://silkroad4arab.com/vb/showthread.php?t=9332)

conda 10-03-2008 06:51 AM

انت باشا بمعنى الكلمه

تسلم الايادى

دا احسن برنامج انتى فيرس شوفته فى حياتى وكمان خفيف جدا على الجهاز

unique_horn2010 11-03-2008 07:49 PM

sokran ya man 3ala el prnameg dah ana kont badawar 3alih men zaman bas law sama7t hatlob menak talab re5em shewaya ana 3ayz a3raf ezay a3mel sora 3ala el tawke3 beta3y 3l mawdoo3 kan mawgood bas ana nesset momken tekteb ly ezay aw tegeb ly rabet el saf7a we shokran ya man awyyyyyyyyyyy

ArabiaN 12-03-2008 12:12 AM

مشكور والله

MR_Z_O_R_O 08-04-2008 04:40 PM

ashkorak p7rara

DiaBlo 25-09-2008 01:17 AM

اختطاف محسن !
 


أدهم صبرى ضابط مخابرات مصرى جامد، داخل ع الستين من عمره، يرمز له بالرمز ب-516 ، حرف الباء يعنى أنه من بولاق، أما الرقم 516 فده رقم الأتوبيس اللى بيركبه عشان يوصل محطة البحوث ومنها يوصل لرمسيس يغير المترو عشان ينزل محطة القبة بتاعة المخابرات.هذا لأن أدهم رجل من نوع خاص حيث أنه يجيد قيادة كل أنواع المواصلات من الطائرات والغواصات والسوبرجيت حتى التوك توك،ويجيد استخدام جميع أنواع الأسلحة من المسدس وبمب العيد حتى القنابل النووية والهيدروجينية، ويجيد 66 لغة بالصلا ع النبى وفيه لغتين اتعلمهم وهوه نايم،ويجيد جميع أنواع التنكر، وجميع أنواع القتال والألعاب من التايكوندو وحتى عريس وعروسة
لقد أجمع الكل ومنهم أنا أنه من المستحيل وربنا أن يجيد رجل واحد فى عمر جدى كل هذه المهارات ولذلك استحق هذا اللقب .. رجل المستحيل

*************
المغامرة رقم 65468
اختطاف محسن


ازاى الكلام ده؟؟
جلس مدير المخابرات الجديد على مكتبه وهو يتذكر ماحدث حتى الآن فى هذا الأمر الصعب الذى تمر به مصر وما حدث من أدهم (لمزيد من التفاصيل راجع العدد السابق65467 الجزء التاسع من المغامرة بعنوان"قال عايزين يخطفوا محسن")وبعد قليل طرق أدهم الباب فأذن له بالد*** واستنشق بعض الأكسجين من الهواء فالإنسان لابد أن يستنشق الأكسجين حقيقة علميةوقال لأدهم الأمر اتأزم جدا يا ب-516،نص محافظات مصر مش لاقية تشرب مية والناس خرجت بالجراكن وعاملين ثورة اسمها ثورة الخراطيم، كل واحد جاى بالخرطوم وهيقطعنا.. والقيادة العليا بتشك فى إن ده ملعوب من المخابرات المعادية الإسـ...(لا لا مش الإسرائيلية) وكمان التقارير بتقول ان سونيا جراهام هنا
يغضب أدهم ويقول يبقى جه الوقت اللى هاقدر آخد ابنى الرضيع منها، يرد المدير رضيع إيه يا أدهم؟؟ ابنك زمانه قدى دلوقتى .. دانت سايبه فى العدد 100 ،وبعدين هما عملوا حاجة عشان انت اللى تقوم بالعملية تحديدا..يرد أدهم عااااارف عاااارف .. أكيد خطفوا قدرى .. يافندم الراجل ده اتخطف أكتر ما زور جوازات .. يرد المدير دى تذكرة الطيارة اللى هتسافر للمنصورة بعد 3 ثوانى عشان مفيش مية هناك فى نص المراكز..الحق غير هدومك وزور قرايبك ع السريع والحق الطيارة.. أخذ أدهم التذاكر وهو ينظر إليه جامد
جامد
جامد
جامد
************
!!ينفع كده؟
هبط أدهم من الطائرة فى المنصورة متنكرا فى شكل طفل فى رابعة إبتدائى وأشار إلى توك توك وهو يلاحظ السيارات التى تراقبه وفهم فورا بذكائه ازاى العصابة عرفته رغم التنكر فقد أخطأ وقال لسواق التاكسى أحلى صباح فعرفوا علطول انه أدهم عشان قال حرفين الألف والصاد المشهور بيهم..المهم رمى أدهم سواق التوك توك وتسلم مقعد القيادة وتذكر كيف أن أبوه فى الخمسينيات علمه كيف يقود التوك توك عشان يبقى أحسن ظابط مخابرات، انحرف أدهم فى حتة ضلمة وانحرفت العصابة وظهر أدهم للعصابة فخرج من السيارة 100 شخص مسلحين ولكن أدهم أخرج مسدسه أبو 6 طلقات وضرب رشاشاتهم كلهم من غير ما يجرح واحد فيهم وبعدين للأسف المسدس معدش فيه رصاص ولكن أدهم رجل المواقف الصعبة دور الضرب فى الرجالة .. ففقد 65 واحد الوعى ولكن التانين فهموا الخدعة فعملوا دايرة حول أدهم ولكن أدهم طار فى الجو ونزل عليهم كلهم .. وفى لحظة وصلت إمدادات العدو كمان200 واحد .. ولكن أدهم ضربهم كلهم برضه ووصلت الإمدادات التانية حوالى 500 واحد كمان ولكن الكثرة تغلب الشجاعة .. يعنى حوالى 800 واحد على واحد كتير برضه
وفقد أدهم الوعى أمام عدوه اللدود
الفظيع
الشنيع
المريع
************
والله ما يحصل
أفاق أدهم فوجد نفسه فى مخزن وبجانبه المحروس قدرى كالعادة مربوط..وأمامهما سونيا جراهام ست زى القمر فقال لها أدهم إيه الحلاوة دى يا سونيا؟؟ انت كل ما تكبرى تحلوى؟؟ ترد سونيا مش أحسن منك ياللى مش بتكبر أصلا!! يتمتم أدهم ياللنسااااء
ويسألها: ليه انتوا قطعتوا المية عن نص البلد والناس مش لاقية تشرب وبتشرب مية المجارى والناس مش عارفه تغسل وبيغسلوا هدومهم فى الترعة؟؟
تقول سونيا عشان الشعب يفتكر ظلما ان الحكومة بتاعتكم هيه اللى عاملة كده؟
أدهم بفضول :يعنى بجد والله الحكومة مالهاش ذنب؟
ترد سونيا : لا طبعا .. حكومتكم أحسن حكومة دلوقتى ..الشباب كلهم بيشتغلوا.. الجنيه بقى أغلى م الدولار .. الأسعار نزلت ..الانترنت بقى ببلاش فى البيوت.. ما فيش حاجة بتتباع فى البلد.. بنك القاهرة ما اتباعش ولا عمر افندى..الفضيلة انتشرت فى البلد ولغوا كل القنوات اللى بتتحدى الملل.. المية واصلة للبلد كلها والمواسير بقالها 200 سنة عشان المحافظة ع التراث.. انتوا اللى شعب غلباوى
غلباوى
غلباوى
************
ما تلمى نفسك بقى
قطع أدهم قيوده فجأة وماتسألش ازاى (آه نسينا نقول فى المقدمة انه يجيد التخلص من كل القيود فى الدنيا)وصفع سونيا جامد يعنى ولكن الحارس جه من وراه وضربه ولكن منى(اللى أصلا عندها كام وخمسين سنة) جت فجأة مش عارفين منين وضربت الحارس من وراه وأنقذت الموقف .. نظر أدهم فى عين منى وقال ما تجيبي أطة فا تبصله من فوق لتحت , فيقول لها تتجوزينى؟؟ ترد منى فى حياء: ماينفعش يا أدهم عشان أنا جسمى كله واوا .. يغضب أدهم ويخرج من المكان بعد أن حرر قدرى وهوه يغنى ليك الواوا ..بوس الواوا..خللى الواوا يصح
وهو فى الطريق ينحرف الجميع إلى أقرب بيت ويطلب منه أدهم بعض الماء للشرب.. ولكن صاحب البيت الحاج بيومى يخرج بمقشة هوه وعياله ويحتجزون أدهم ورفاقه وهو يصرخ: زى ما العصابة خطفت محسن ابنى، أنا كمان هاخطفكم، وبعدين انتوا جايين تطلبوا مية ؟؟ هوه فيه مية فى البلد ياولاد ال***
..ال***
..ال***
..ال***


انتهى الجزء التاسع
العدد القادم

(لسة خاطفين محسن)
كيف يخرج أدهم ورفاقه من بيت الحاج بيومى؟
كيف يستطيع أدهم بعد كل هذه الصعاب أن يحصل على كوز مية عشان يشرب ؟
هل يستطيع أدهم أن يحرر محسن ابن الحاج بيومى وللا هيسيبه يتحرق؟

هل يستطيع أدهم أن يوضح الموقف للرأى العام وهو أن حكومتنا زى الفل ودايما الغلط على الأعداء؟
سيب اللى ف إيدك .. وقاتل بإيدك ورجلك وكبدك مع رجل المستحيل

mad_killer 25-09-2008 01:29 AM

مع انى قريتها قبل كده بس جامدة موووووووووووووووووووت بس مش هيفهمها غير اللى كان بيقرا السلسلة

zezo_elooo_pop 25-09-2008 01:31 AM

ادهم دا 100% مفيش حد احسن منو و مش بتفتح الايميل ليه ياحج
مشكووووور

Hellz_Lord 25-09-2008 02:18 AM

انا قريت السلسلة كلها :cool: نشوف بقا تريقتك بتقول ايه :D:D:rolleyes:

korkor 25-09-2008 02:21 AM

مشكور يا باشا بس ادهم ده راجل جدع

smiletodeath 25-09-2008 02:22 AM

الله يخرب بيتك ,, انتا ايه اللى عملته فى الراجل ده بتتريق عليه ليه ياض ؟ :p يعنى ادبحك دلوقتى :d ?

ارجو حذف الموضوع :d:d:d:d:d:d:d

Hellz_Lord 25-09-2008 02:25 AM

اقتباس:

فيقول لها تتجوزينى؟؟ ترد منى فى حياء: ماينفعش يا أدهم عشان أنا جسمى كله واوا .. يغضب أدهم ويخرج من المكان بعد أن حرر قدرى وهوه يغنى ليك الواوا ..بوس الواوا..خللى الواوا يصح
ههههههههههههههـ ، جامدة اوى اوى اوى :D:D:D:D:D:D:D:D:D:D:eek::eek::eek::eek::eek:

crazyhamada 25-09-2008 03:41 AM

جامدة لا و ب -512 مش ن-1 هههههههه

_CaESaR_ 25-09-2008 06:42 AM

اقتباس:

توك،ويجيد استخدام جميع أنواع الأسلحة من المسدس وبمب العيد حتى القنابل النووية والهيدروجينية، ويجيد 66 لغة بالصلا ع النبى وفيه لغتين اتعلمهم وهوه نايم،ويجيد جميع أنواع التنكر، وجميع أنواع القتال والألعاب من التايكوندو وحتى عريس وعروسة
اقتباس:

وبعد قليل طرق أدهم الباب فأذن له بالد*** واستنشق بعض الأكسجين من الهواء فالإنسان لابد أن يستنشق الأكسجين حقيقة علمية
اقتباس:

نظر أدهم فى عين منى وقال ما تجيبي أطة فا تبصله من فوق لتحت , فيقول لها تتجوزينى؟؟ ترد منى فى حياء: ماينفعش يا أدهم عشان أنا جسمى كله واوا .. يغضب أدهم ويخرج من المكان بعد أن حرر قدرى وهوه يغنى ليك الواوا ..بوس الواوا..خللى الواوا يصح
يخرب بيت دماغك يا رجب جبت الكلام ده منين ياض انا فضلت اضحك بصوت عالي لحد ما البيت كله صحي و جه قرا معايا .

ScissorX 25-09-2008 06:53 AM

هههههههههههههههههههه جامدة وللة بتاعت رابعة ابتدائى

DiaBlo 25-09-2008 06:58 AM

اقتباس:

المشاركة الأصلية كتبت بواسطة mad_killer (المشاركة 471923)
مع انى قريتها قبل كده بس جامدة موووووووووووووووووووت بس مش هيفهمها غير اللى كان بيقرا السلسلة

^^ بس جامدة اوي ^^
اقتباس:

المشاركة الأصلية كتبت بواسطة zezo_elooo_pop (المشاركة 471927)
ادهم دا 100% مفيش حد احسن منو و مش بتفتح الايميل ليه ياحج
مشكووووور

ايديني فتحتو و الله كنت واحشني اوي
اقتباس:

المشاركة الأصلية كتبت بواسطة korkor (المشاركة 472018)
مشكور يا باشا بس ادهم ده راجل جدع

ده اجاد لغتين و هو نايم يا عم
اقتباس:

المشاركة الأصلية كتبت بواسطة smiletodeath (المشاركة 472023)
الله يخرب بيتك ,, انتا ايه اللى عملته فى الراجل ده بتتريق عليه ليه ياض ؟ :p يعنى ادبحك دلوقتى :d ?

ارجو حذف الموضوع :d:d:d:d:d:d:d

من عنية ححذفوا بس لما يلاقوا محسن :d
اقتباس:

المشاركة الأصلية كتبت بواسطة hellz_lord (المشاركة 472028)
ههههههههههههههـ ، جامدة اوى اوى اوى :d:d:d:d:d:d:d:d:d:d:eek::eek::eek::eek::eek:



^^
اقتباس:

المشاركة الأصلية كتبت بواسطة crazyhamada (المشاركة 472133)
جامدة لا و ب -512 مش ن-1 هههههههه

انا 256 بصراحة :d
اقتباس:

المشاركة الأصلية كتبت بواسطة _caesar_ (المشاركة 472361)
يخرب بيت دماغك يا رجب جبت الكلام ده منين ياض انا فضلت اضحك بصوت عالي لحد ما البيت كله صحي و جه قرا معايا .

^^ تربيتك يا سحس ;) و حألف جزء تاني ان شاء الله


الساعة الآن 12:52 AM.

Powered by vBulletin® Version 3.8.11
Copyright ©2000 - 2025, vBulletin Solutions, Inc.