| Mr.TiT0 |
11-09-2010 09:15 PM |
اقتباس:
المشاركة الأصلية كتبت بواسطة del_piero
(المشاركة 2767850)
اولا : السلام عليكم وحمه الله وبركاته
ثانيا : كل سنه و انتم طيبين
ثالثا : الموضوع حلو و كويس
رابعا : يا جماعه مفيش حد فيكم فاهم يعنى ايه كلمه مفيش خير فى مصر معناها مش زى ما انتم بتقولو كدة
اللى انتو بتقولوه دة بحصل مع مين معايا و معاك و مع كل واحد انك وانت فى الشارع وقت المغرب بتلاقى كل اللى بتقولو عليه و اكتر زيادة دة حب و خير فى الناس لبعضها لأن كل الناس عندها احساس ببعض قولبهم على بعض لكن معنى كلمه مفيش خير فى مصر يعنى انك تبقى فى الشارع مش لاقى فرحه الناس برمضان زى زمان زمان كنت تلاقى فى شارعك و شوارع مصر ملها فرح فى الشارع العيال الصغيرة بتلعب و فرحانين السنه دة مفيش الكلام دة مفيش فرحه مفيش هيصه الناس مكبوته كل يوم الحاجه فى الطالع كيلو اللحمه بقى بكام من 50 جنيه و انت طالع معاك لح 70 لو عايز
كيلو السكر بقى بكام الحاجه مولعه الناس خلاص تعبت , كان زمان الواحد مننا بعد الفطار مكنتش تعرف تمشى فى الشارع من كتر زحمه الناس اللى بيشترى حاجات للعيال و اللى بتشترى لبس ليها و لعيالها و اللى بيتفرج و بيتمشى واللى نازل يزور حد دلوقى الكلام دة خلاص بح خلص مفيش منه دلوقتى الواحد تلاقيه فطر و نزل يبص بصه كدة يلاقى الدنيا سكوت مفيش حركه زى زمان , حد فيكم يفتكر من سنه او سنتين بعد الفطار الشوارع و المواصلات و خصوصا المواصلات بتبقى عامله ازاى مش بتلاقى مكان تقف فيه مش تقعد دلوقتى المواصلات بتدور على الركاب بالحلاوة ومش لاقيين فين الفلوس اللى ابو العيال ياخد العيال و امهم و يخرجهم بيها , يا جماعه مش كل الناس مرتاحه ماديا فيه ناس برضه مستوها المادى مش بطال مش عايشن فى الزمالك و يقولك ازاى مش مفيهاش خير هههههه نكته فعلا
انا من الهرم طالبيه و لو عارف المكان دة يسأل الشارع بيبقى عامل ازاى فى ليله العيد مكنش حد يعرف يحط رجله فى الشارع ولا فى محل الناس كانو بيبقى فرحانين و مبسوطين بكرة العيد و بيشترو لبس للعيال لكن دلوقتى مفيش الكلام دة الناس هتعمل ايه يعنى هتاكل بعض ولا ايه لسه خارجين من رمضان مطحنه و داخلين على عيد و بعد العيد على طول مدارس و لبس مدارس وردوس و كتب خارجيه و هلم جر , يعنى الناس هتشترى ايه ولا ايه لبس عيد و لا يجهزو مصاريف المدرسه و لا يجيبولو لبس المدرسه و يلا يشيلو فلوس للدروس و الكتب مع العلم انهم لسه خارجين من رمضان و كمان لازم يشترو الكحك تعلا بص بقى سعر كيلو الكعك بقى بكام فى كل مكان تلاقيه سعر شكل و اغلى من التانى الافران اللى عندنا فى الطالبيه بتشتكى مش عارفين يلمو حق توضيب المحل و الزينه و البتارين اللى عملوها مفيش دخل مفيش ناس بتشترى , طب انا عندى مصنع ملابس , اول سنه فى حياتى انا و والدى منلاقيش تحصيل فلوس من الناس اللى بتاخد مننا شغل مفيش بيع , و الميكروباص اللى شغال فى شارع الهرم بيجيب الورديه باتعته بالعافيه مفيش ناس بتروح ولا تيجى . ولا قناه السويس زى ما فى حد من الاعضاء كتب رد هنا قناة السويس دى تألك شعب مصر و تصرف عليه دخلها بيروح فين و دى قناة السويس بس + ان مصر فيها موارد تانيه كتير تصرف على البلد فين هيا كلها بخ راحت بتتاكل قبل ما تدخل البلد اصلا . والمرتبات مش بتكفى الناس الموظفين تقوم الحكومه عالمله ليهم تزويد فى المرتبات و فى نفس الوقت تزويد فى اسعار السلع بالزمه دة كلام . معلش طولت عليكم.
ياريت اللى يرد على اللى انا كاتبه يكون قرأه كله كويس وفهم انا اقصد ايه
و ياريت الناس اللى دخلت ردت هنا تكون فهمت يعنى ايه كلمه مصر مبقاش فيها خير
و ارجو ان الرساله تكون وصلت
والسلام عليكم ورحمه الله وبركاته
|
والله كلامك جميل انت فهمت معني كلامى فى ناس مش فهمه خالص وفى واحد رد فى نفس الموضوع بس فى السيرفر بتاعى قالى
اقتباس:
المشاركة الأصلية كتبت بواسطة Think_aGain
(المشاركة 2763326)
ماشى يا عم عرفنا ان مصر حلوه قالى بعد رمضان مصر هديدى لناس ايه؟و لا هى مصر علشان فيها مليون واحد كويسين من 82 مليون مصرى يا عم تيتو صلى على النبى و اسكت انزل القرى و اماكن اللى كل الناس عرفنها ولا هى مصر جميله فى اماكن معينه و اماكن تانيه زباله قالى انت شاب من مصر قالى واخد منها ايه ؟ روح شوف البلاد التانيه و بتعمل ايه فى سكانها مثال قطر شوف كام واحد بيجيلوا مرتب شهرى و هو قاعد جنب اموا انا مش هقول مصر وحشه علشان ناس متزعلش منى بس هى دى الحقيقه والله مصر مش زاى زمان مصر زمان كان عدد السكان 40مليون و كان الغير بيعوم على الكل لكن الوقتى 82 مليون احسبها اقبل ماتتكلام و انا اسف لو كنت طولت عليكم تحيانى اسلام
|
دا كان رده الناس مش فاهما انا قصدي ايه 80% من العرب مش بتحبنا وعايزه تعملنا مشاكل وبحاول اوصل للناس مشكلة والله هزة جويا حاجات كتير لان الواحد حساس جدا من بعد موضوع الجزائر ولما زعلت على الكلام ربنا وضحلى احنا كويسين ولا لا
كفايه ان الراجل قال انا مسيحي رد عليه اللى بيوزع وقاله مسيحي او مسلم هاتكلم وهاتشرب كلنا واحد كل سنة وانت طيب عايز ايه تاني بعد ما تسمع الكلمة دى :kiss1:
اقتباس:
المشاركة الأصلية كتبت بواسطة basel_basel
(المشاركة 2768794)
من الموضوع ده انا ملاحظ انك مبتفطرش في بيتكوا
|
الواحد اخر 10 ايام عنده شغل كتير عايز يخلصه قبل العيد وانا مهندس مصاعد وماينفعش ان يبقا عندى عطل قبل العيد فا لازم اتاخر بره او ارجع فى وقت الفطار والحمد لله :v: |
