| Joe_dirt_2010 |
08-02-2010 05:49 AM |
رائي بصراحة يا جماعة لأن انا قريت الموضوع دة كتير جدا في كذا منتدى وهقولك على حاجة يا طه بص اولا اللعبة مش قصدها الاهانة لكن اللعبة بين طيات قصتها حكاية فناء الحضارات يعني هتلاقي حضارات كتير متبهدلة ومتماثيل متكسرة ولأن الدين الاسلامي كان له حضارة كبيرة فلما اتصورت فناء الحضارة الاسلامية الكلام دة ظهر بتاع المسجد الغرقان في التلج و و و... وبعدين فيه ناس بتعترض على الصورة اللي الهلال فيها محطوط جواه نجمة اليهود يا اخي فكر بعقلك انا مسلم هقول اللعبة قاصدة تهين الاسلام وتضمة مع حاجة زي اليهودية خليك محايد كذلك اليهودي هيقول حاطين نجمتنا على مسجد وهلال الاسلام عاوزين يضموا دينا بدين الاسلام ... شوفت بقى ان مش المقصود الاهانة لكن المقصود اختلاط ولخبطة في الدينات, عندك كمان صورة البنت اللي على صندوق مكتوب عليه هذا من فضل ربي بردو واخدينها بحساسية شديدة لكن طبعا الاخ الاجنبي اللي عامل اللعبة حاطط على الصندوق الكلمة الشهيرة اللي بيتلاقي المسلمين حاطينها على كل محل و (كشك) واهو بيظهر المنظر العربي للتجارة بالكلام اللي كان بيتكتب على المحلات ... بصراحة فيه صورة مستفزة جدا وهية بتاعت غافر الذنب لأن اللفظ دة لا يطلق الا على الله انا معاك ان دة شئ صعب لكن لو نظرت لديانات اخرى هتلاقي ان غافر الذنب موجود على هيئة بشر تتقرب اليه ليغفر لك خطاياك عن طريق التوصل لله فأنا ماظنش ان المقصود هنا تشبيه الشخصية ديه برب المسلمين لكن تقدر تقول ديه نظرة عامة عندهم... بص انا والله مش قصدي ادافع عن اللعبة بالعافية وانا الحمد لله مسلم ومتقرب لربنا الحمد لله وبقدر انظم وقتي في اللعب لكن دة بجد رأيي الشخصي وهقولك اخر حاجة ان اكتر ناس بتلعب اللعبة ديه عرب ومسلمين اكيد يا اخي مش هايحاولوا يسيئوا لأكتر ناس (بتنفعهم) واكيد هيخافو من المقاطعات طب ليه يخسروا اعداد من اللعيبة عشان اشياء زي كدة ممكن تتحذف..... على العموم دة رأيي واختلاف الرأي لا يفسد للود قضية وان شاء الله نحاول ننظم وقتنا بين اللعب وبين ذكر الله ونحاول مانكونش متعصبين ونفكر بالعقل قبل القلب لأن القلب يحكم بسرعة من أول نظرة والحكم من اول نظرة احتمال كبير يكون غلط ......... تحياتي ليكم وشكرا
|
