المشكله الابديه للانسان هي الطمع و الطمع اللي انا بقصده هنا هو طمعك في الفرحه و الابتهاج و المتعه لوحدك

هتقولي ازاي؟؟


اقولك يا سيدي

اللعبه ديه بتخليك بتحب الانعزال عن الناس و عن الاهل يعني يقولولك خارجين تقولهم انا مش هخرج

يقولولك تعالي اتفرج معانا عل التلفيزيون ماترضاش ديه ممكن تشدك لدرجه ان لو واحد صاحبك عدي عليك عشان تتمشوا تخليهم في البيت يقولوله انك مش موجود !!!

بالذمه ده كلام ؟ لا طبعا لان عيلتك لها عندك حق و اصدقاءك بردوا لهم حقوق عليك

المصيبه الكبري هي انك في اخر السنه تجيب نتيجه زي الزفت و تعكر الدنيا في وش عيلتك اللي انت كده
حرمتهم من متعه رؤيه ابنهم متفوق و كل ده عشان تمتع نفسك انت في بالجيم

كل الكلام ده قولته عشان تعرف تاخد قرارك

لو هتقدر توازن بين الجيم و المذاكره و حياتك يبقي ربنا يسهللك و يكملهالك بالستر

لكن لو مش هتقدر


ابعد عن الجيم نهائيا و انت سيد قرارك

و الله الموفق