الموقع العربي الاول للعبة Silkroad Online - الـكثيرون يريدون أن يـكـونوا هـاكرز .. أدخل و ستعرف هـل مازلت تريد ان تكون منهم ام لا

اقتباس:

المشاركة الأصلية كتبت بواسطة MAX EGYPT (المشاركة 421232)

thanks man

اقتباس:

المشاركة الأصلية كتبت بواسطة a-r (المشاركة 421347)

بص حقولك علي حاجة يا هيلز انا كنت هاكر من حوالي سنتين بطلت هاكنج و كنت مع منظمات امريكيه و كنا بنتحدي المنظمات التانيه في الاختراق و جبنا ارقام فيزا و سرقنا معلومات مهمه من المنظمات المنافسة و ودينا ناس السجون و كانت مسخره بجد و في ناس من منظمتنا OutLawZ اتمسكوا بعد لما اتعمل عليهم trace من الشرطه و الFBI و انا كنت مره بعمل هاكنج علي واحد طلع ان عموا ظابط في الFBI و اتبلغ عني و كنت حروح ف حديد بس الحمد لله قدرت اضللهم و هربت و قطعت كل الtraces انا فاكر اليوم ده كويس يوم 7/7/2006 و بطلت هاكنج خالص و بقول للي عايز يبقي هاكر بلاش علشان متلاقيش نفسك ورا القضبان ^^

رد جـــمــيــل و مـفـيد جــدا و الله لـــكـل مــن يــريد الاذية :)

اقتباس:

المشاركة الأصلية كتبت بواسطة spiderman244 (المشاركة 421865)

هو فعلا فى فيرس بيبوظ الرامات وال botherboard عشان شكلى هعمله فى جيوكاندا
وأرتاح

اســـغفر الله انتا مش لسا ماندو منبهك بالقوانين الجديدة و عـــامـــل اعلان

كـــــامــــــل و دى نــسـخة منو :mad::mad:

اقتباس:

تحذير هام لجميع اعضاء المنتدى
نظرا لانتشار ظاهره الاسبام (Spam ) وتحويل موضوعات المنتدى الى غرف شات لمحاوله الاعضاء زياده مشاركاتهم
فقد قررت اداره منتدى Silkroad4arab الاتى :::
اولا توضيحا لاشكال Spam قبل محاسبه اى عضو على مشاركاته
وفيما يلى اشكال Spam
1- واحد عمل موضوع وبعد شويه يقعد يكتب فى مشاركات فى الموضوع فين الردود يا جماعه انا غلطان
مش هعمل مواضيع تانى يا جماعه فين الردود والكلام الفارغ ده
2- موضوع اتعمل وتلاقى عضو يكتب كل كلمه فى رد منفصل
3- اى كلمه خارج نطاق التعليق عن الموضوع تعتبر Spam
لان الناس بقى عندها لا مبالاه وواحد يخش موضوع يلاقى واحد رد يقوم معلق على ردوده تعليقات سخيفه مع انه مش صاحب الموضوع اصلا
وكمان ناس ظريفه تدخل الموضوع يلاقى واحد رادد يقوم عامله اقتباس ويقوله ازيك عامل ايه واحشنى يا راجل فينك وازى الاولاد
وزى ميكون المنتدى بقى ناصيه شارع والناس عملته شات وتعارف على بعض جوه المواضيع
4- ممنوع الرد بكلمه (شكرا فقط ) او كلمه (ههههههه فقط ) او اى اشكال فقط بدون تعليق على الموضوع او كلمات زى ( lol ) (Thx) وغيرهم
لازم نبقى ايجابيين بقى وقبل منرد على المواضيع نقرا الكلام ونعلق على المواضيع تعليق حضارى حتى ولو بنقد محترم

ده طبعا غير الاسبام المعروف زى تكرار المواضيع فى كذا قسم وكذا مره او تكرار الردود واحد شاطر يدخل يكتب شكرا 50 مره فى الموضوع
احنا بس عاوزين الناس بتوع الاسبام دول بدون ذكر اسماء يعرفو كويس ان ممكن فى لحظه بدون حذف مشاركتهم اخليهم مشاركاتهم (0) ويبيقو اعضاء جدد
فنرجو من الناس انهم يكونو كبار وكل واحد ملوش دعوه باى تعليق على الموضوع طالما الموضوع مش بتاعه
اللى عاجبه الموضوع يتفضل يرد برد داخل نطاق الموضوع
كلمه شكرا فى الموضوع دى من غير منقرا الموضوع مرفوضه
عاوزين نبقى ناس حاضريين ونرقى بمنتدانا بعيد عن الكلام الفارغ ده

ملحوظه تانيه لجميع اصحاب المواضيع
ممكن لما حضارتكم تكونو عاملين مواضيع وناس ترد عليكم
مش لازم تعملو اقتباس لكل رد اترد عليكم فى الموضوع وتردو على كل شخص برد منفصل
فى ناس عاقلين بيعمل اقتباس متعدد

لازم الناس تبقى فاهمه ان مقياس العضو هنا ليس بعدد المشاركات
اهم حاجه الافاده
مش هنملئ المنتدى مواضيع هايفه وردود هايفه وخلاص
عاوزين الافاده

اى عضو سيخالف هذه القوانين سيتم حظره من الموقع فورا
هذا قرار نهائى لا رجعه فيه وعلى الساده المشرفين البدا فى حذف جميع spam وعدم الالتفات او تحذير الاعضاء قبل الحذف وحذف اى ردود مخالفه للسابق مهما كانت اهميتها
وسيتم مراجعه جميع المشاركت المحذوفه وطرد جميع الاعضاء المنطبق عليهم الامثله السابقه فورا مهما كان العضو او رتبته

وفى النهايه يجب ان تتاكدو ان هذا فى مصلحه المنتدى والاعضاء
ولكم منا فائق الاحترام