|
اقتباس:
|
اقتباس:
ناس كتيــــــر جداً قدمت و النائب العام عمرو ما هياخد اجراء ضدهم ... لأن احنا شلنا مبارك لكن دولة الفساد لسا قائمة كما هي زاى مكان محدش يقدر يستدعي مبارك عشان يحقق معاة محدش يقدر يستدعي المجلس العسكري و يحقق معاة "و إلا كنا استدعينا مبارك و حاكمناة و معملناش ثورة اصلاً " لاكن تم استدعاء بعض اعضاء 6 ابريل و تم تبريئم من كل التهم الموجهة اليهم |
اقتباس:
فى البداية انا بهاجم الفساد حتي لو الناس كلها مؤيدة لية و بدافع عن الحق حتي لو الناس كلها ضدة . و دا موقفي من اول ما جيت هنا فى المنتدي و اول ما اتكلمت فى السياسة هنا ايام 25 يناير . تاني حاجة 6 ابريل اول حركة دعت للإضراب احتجاج على نظام مبارك 6 ابريل 2008 و من اوائل الناس الى طالبو بالتغيير و دعوا للنزول الى الشارع و كان ليهم دور كبير فى الثورة و استشهد منهم ناس فى الثورة . و اسماء محفوظ اول واحدة شفت فيديوهاتها بتدعو للنزول يوم 25 يناير . و جروب كلنا خالد سعيد بتاع وائل غنيم كان بينظم وقفات احتجاجية كتير قبل الثورة و اول من دعى او نشر فكرة النزول يوم 25 يناير . و مليش دعوة بالحياة الشخصية سواء عندهم كشك ولا بيشتغلو اية هما نفو تماماً الاتهمات الى وجهها ليهم المجلس العسكري بخصوص التمويل و غيرة و قدمو نفسهم للنيابة و تم تبرئتهم تماماً من جميع التهم . مهما تختلف معاهم متنكرش دورهم فى انهم اول من دعوا للثورة ... و بالنسبة للمعونة انا عارف طبعاً ان هيا تبع معاهدة السلام " و المعاهدة دى اصلاً عار علينا " و بالنسبة للإضراب فهوا حق مكفول فى الدستور و وسيلة للضغط على النظام ولو هدفة تبويظ البلد مكنوش حطوة فى الدستور . و تسلم يا معلم |
اقتباس:
وبعدين مش مكسوف على دمك من اللى انت حطوا فى توقيعك ده ؟ حتطلى شرطه عسكريه بيضربو فى اخوك المصرى اللى بيطالب بحقك ؟ بجد انا مش هقول الا الكلمه ديه ( لأول مرة في التاريخ بلاقي جيشي بيحاربني ... جيش مدعم الجريمة لأيام مبارك ساحبني ... ) وهابى خلع داى للمخلوع ... احنا اسفين يا مخلوع |
اقتباس:
ولما حد يجيب فيديوهات و ادلة تقول ملوش اساس من الصحة؟؟؟ ارجو انك تكون حيادى وبلاش شغل غسيل المخ دا احنا مش بنقول الكلام دا عشان احنا بنحب المجلس العسكرى مثلا لا يا عم المجلس العسكرى خارب الدنيا وبنتمنى اليوم اللى يمشى فية ويسلم السلطة و لعلمك اغلب الاعضاء هنا زاى كدا لكن محدش فينا بيهاجم لمجرد الهجوم وخلاص ارجو من حضرتك انك تكون موضوعى بالنسبة ل6 إبريل انا عمرى فى حياتى مستريحت للعالم دى كل نصيبة فى البلد تحصل بيكون وراها 6 إبريل حتى البنت اللى تعرت فى الشارع طلعت من 6 إبريل ومحدش يكلمنى فى حوار البنت دى عشان دا منتهى من زمان اه صحيح نسيت بالنسبة ل نقدم بلاغ ونقبض عليهم و نخلص اظن انت اكتر واحد عارف ان الكوسة اللى فى البلد لسة زى ما هيا حتى موضوع منظمات المجتمع المدنى دا على الرغم من ان امريكا قالبة الدنيا علية إلا ان المجلس العسكرى ماسك فى الموضوع دا ومتبت عشان هوا عارف ان صورتة فى الشارع المصرى مهزوزة جامد عشان كدا هوا ماسك الموضوع دا عشان يجمع الناس حولية من تانى ويدعموة غير كدا كنت هتلاقى الناس دى طلعت برآءة من اول مكالمة من اوباما |
اقتباس:
هاتلى الحاجة الى انا قبلتها على المجلس العسكري مصدرها عم عبدة البواب كل جرايم المجلس العسكري واضحة صوت و صورة كمان بعدين الى انت جايبة دا فيديو ممكن اى واحد يعملو مفهوش اى حاجة و هوا دا فعلاً غسيل المخ و نفس اسلوب مبارك الى كان بيستخدمو علشان الناس البسيطة تصدق و بالنسبة لتقديم البلاغ اعضااااء 6 ابريل نفسهم راحو و قدمو بلاغ فى نفسهم على الاتهمات الى موجها ليهم و معرفوش يثبتوا عليهم حاجة . و الكوسة لسة زاى ما هية تبع نظام مبارك يعي عمرهم ما هيحكمو العسكر حبايب مبارك على الجرايم الي ارتكبوها ضدنا . و لا هيجيبوا حق الشهداء الى العسكر موتوهم او حتى ماتو فى ظل حكم العسكر . |
يا جاست وريور وبوليس
ماتتعبوش نفسكم فى الكلام انا كنت زيكم الاول وفعلا ذى مانت قلت - مش بيحبو يشوفو مواضيع او يقرو عن شىء حلو للجيش وفى ناس فخورة بعرض الجيش وهو بيضرب فى البنت د غير كمان بيهينو الجيش ذى مانت شايف - ومش عاملين تفرقة بين الجيشوالعسكرى - ولا عملين فروق بين العسكرى والشرطة العسكرية (والمجلس العسكرى ) هما بيتهمو اى حاجة فى اى شىء تبع الجيش او العسكر فا اعمل زييى - مابقتش ارد على مواضيعهم سيبهم وهما لو عدتهم هتلاقيهم لا يتعدو 3 اشخاص او اربعة حسب منا عديتهم هنا - فا ريح بالك وماتردش انت كمان سيب اللى يتكلم يتكلم هو احنا خسرانيين حاجة ؟ :stereo: ومش عايزكم تضايقو من الناس اللى بتهين الجيش الفاضل فى توقيعهم لان انا وانت فى الجيش - وانا هدخله بعد شهرين فقط - وكمان اظن هكون شرطة عسكرية - وهكون فخور بخدمة بلدى ومش هتعدى على حد فا انت استحمل الناس اللى بتهين بلدك وجيشها وانا على فكرة مش عاجبنى اللى بيحصل من المجلس العسكرى - لكن الجيش والشرطة العسكرية بتعمل الصح - وادعى لهم بالهداية السريعة وانهم يكتبو فى توقيعهم مجلسهم العسكرى وليس الجيش - لانه هيتحاسب على كل انسان يقرأ الكلمة دى لان اصحاب القلوب الضعيفة هتكره الجيش المصرى وتكون ضده - وربنا قال من عمل مثقال ذرة شرا يره وده معناه انه مافرقش بين الجيش والمجلس واهان الجيش - فا القارىء هيفهم الجيش فا هيتحاسب عليها يوم القيامة حتى لو كتبت برده المجلس العسكرى فا انا برىء منهم - كل واحد يشيل وذره يوم القيامة اللى اقدر اقوله لبلدى يارب المجلس العسكرى ينظف من اللى فيه من خطَائين ومتواطئين مع مبارك - ويجعل البلد امنا اكثر مع البرلمان والشرطة المصرية تراعى ربها ولا تظلم احد |
| الساعة الآن 04:22 AM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.