دلوقتى يا جدعان اللى هقولوا ده اقسم بالله العلى العظيم حصل بالظبط
انا امبارح لما جالى لقيت واحد بيكلمنى انجليزى انا قلت حلال عليا حاجة ولقتها ومش واحد عربى عشان
اعمل معاه حركة جدعنا هوبا لقيته بيقولى ريبورت ومش عارف ايه انا قلت فى نفسى يعنى انت هتهدننى
قلت مش مدهولوا وبعد كده بعدها بحوالى 10 دقايق قلت يعنى ده اللى هيزودنى لا قلت ادهولوا وهوا اكيد
هيشفنى بحاجة عشان انا فعلا الحياة معايا بايظة خالص
جيت اكلموا لقيته قفل جيت اكلم الاكونت التانى اللى كان بيكلمنى بردوا لقيته قفل قلت استنى فى اللعبة ممكن يخش مع انى كان عندى شغل قلت استنى وكل 10 دقايق اكلموا الاقيه قافل قفلت على الفجر وصحيت الصبح
ما رحتش الشغل واعدت الصراحة والله ده اللى حصل انى نسيت اكتب اسم الاكونت بتاعوا ولما كتبتوا
هنا فى المنتدى مكنتش متأكد منوا فقلت استنى ممكن هوا يكلمنى ولو كان كلمنى اقسم بالله العلى العظيم
كنت هدهولوا محدش كلمنى المهم كنت مسكوا فى ايدى لقيت واحد بيقلى تبيعوا قلتله استنى قلى انا محتاجوا
وبتاع المهم وانا بتكلم معاه لقيت الاكونت اللى اسموا kimo kings حاجة زى كده يعنى لقيته واقف عند استبل
سمركند كلمتوا عشان ادهولوا مردش عليا استنيت شوية وكلمتوا تانى قلتله انا كلمتك اهوا عشان مدجيش تقلى
كذا وكذا بردوا مردش قلت خلاص وانا اساسا معرفش انوا هنا من المنتدى والله العظيم كلمت الواد وبعتهولوا
بى 350 مليون لانى اساسا معرفش سعره
وبكرر تانى والله انا ما اعرف انوا من هنا من المنتدى انا لما جيت عملت الموضوع هنا عشان اخد رأيكوا
وبعدين انا لو حرامى او معنديش ضمير كنت كفيت على الخبر مجور وما كنتش جيت فضحت نفسى هنا صح ؟
وبالنسبة لكلام حضرتك اللى بتقول انا ممكن اقول للجى ام انك ما ينفعش يبقى معاك هونور
ارد عليك اقولك انت رميتوا فى الارض وانا ختوا يعنى اكنك بعتتهولى وانا رميتوا فى الارض والواد خدوا يبقى اكنى بعتوا
انا بس حبيت اعلق على الاخوة اللى فكرين انى حرامى ولا معنديش ضمير ولا حاجة وبعدين انا بقالى فى المنتدى
هنا من فترة رقم اشتراكى 9 الاف وكسور ولحد دلوقتى محدش سمعلى صوت
وارجو الدخول للموضوع ده ده كان من ايام صن ورلد
http://www.silkroad4arab.com/vb/showthread.php?t=208616
انا مش بتفشخر بنفسى ولا حاجة انا بس بوريكوا انى ما بقبلش حاجة على نفسى
كل الموضوع ان الحالة معايا كانت بايظة خالص ومعيش جولد ولقيت حاجة وواحد المفروض انى مش عربى
وفرحت قلت ربنا بعتلى رزق وبعد كده رجعت ضميرى بس اللى حصل حصل
شكرا ليكوا كلكوا
