الـجـروب الـخـاص بـالـمـنـتـدي Silkroad4arab Facebook | Official Group 

من ناحية شوف الطرفين...شفت والله الطرفين و كل ماتكلم مع حديقولي جملتين ولا تلاته متكررين...منهم ومين هيمسك البلد...انت عايز اسرائيل تحتل البلد؟....مخطط لحرق مصر وتقسيمها....لو تلاحظ قالك مخطط لحرق مصر يوم 23 ديسمبر ...اليوم اللي نزلت فيه مليونيات ضد المجلس العسكري في المحاظات كلها و مسيرات نزلت من الجامعات الى الميادين العامه للمحافظات....و عندك بقى الازهر اعلن تاييده للثوار و بيطالب بتسليم السلطه قبل 25 يناير و الا هنجيب السلطه بنفسنا....بالعقل هو ليه طولو في الفتره الانتقاليه؟عشان مش عايزين يسلمو السلطه للمدنيين بعد كده يرجعو يتحاكمو....هما عايزين قبل التسليم يضمنو انهم ميتحاكموش....و اللي يقول غير كده يبقى مضحوك عليه لان ده اللي باين و اكده اكبر الخبراء السياسيين...عندك الشيخ حازم صلاح ابو اسماعيل طالب بتسليم السلطه...ايمن و البرادعي و صباحي و ابو الفتوح برضه طالبوا بتسليم السلطه....عايز ايه تاني يعني

بالنسبه للبنت المسحوله....هاتلي حد من مخترعين برامج المونتاج يعرف يحدد عجله حركه البني ادم و يركب عليه جسم تاني و تبقى بالوضوح ده...انا حاولت اكون محايد بس مفيش سبب واحد يخليني اصدق المجلس العسكري بعد تاريخه المنيل بعد الثوره...

بالنسبه للديموقراطيه هل الديموقراطيه ان كل مدرس يفرض رايه علينا و اللي باين خالص انها اوامر...ان يجيلنا في الامتحانات عظم و بجل المجلس العسكري و اشتم الثوار؟

غير كده حوار وائل غنيم ده برضوا زي حوار البرادعي انه باع العراق...شوف تصريحات البرادعي في مجلس الامن و اسمع كلام السلفيين عن البرادعي...تحس انك مشغل فرح كيت مدلتون على دي جي عمرو حاحا...

وائل غنيم يا صاحبي ده كان في مؤتمر في أمريكا بيقول لهم " بإسقاط نظام مبارك و الحكومات يظل في طريقنا هدف واحد وهو إسقاط المنظمة العسكرية وهي العقبة الوحيدة في طريقنا لننال المراد "

ده غير ان فيه كاتب في إسرائيل نفسه ثقة الشعب تتهز بالجيش علشان الحالة المعنوية للجيش تقل ويقدروا يدخلوا سيناء بكل سهولة

سبحان الله !
إحنا بنقول يسقط العسكر
وإسرائيل بتدعم الجيش بتاعهم
عليه العوض ومنه العوض

أنا هقدم لك نصيحة من أخ لو عايز تقبلها : شوف الحقيقة من الطرفين المؤيد والمعارض متخليش حد يضحك عليك بـ فيديو ولا اثنين .. شوف الحقيقة كاملة أحسن لك
وخد بالك من الى مستني اي فرصة علشان يقضي عليك .

اه صح صح افتكرت كمان
الديموقراطيه الى انتم لسه مفهمتوش معناها كويس ومفكرينها قلت ادب وخلاص
بتقول انك ليك حريتك + متتعداش على حرية الأخرين
في أمريكا أو أي دولة من الدول الديمقراطية دي
لو الشعب كله فكر بس يعتصم قدام اي منطقه زي مجلس الوزراء او مجلس شعب او مناطق زي دي
لو ظابط ضرب بالنار الى اتقتل ده ميقولش ظلموني لإن المنطقه دي أكبر منطقه في الدوله
هي الديمقراطيه انك تمنع رئيس الوزراء انه يدخل مكان شغله ؟
هي الديمقراطيه انك تدخل مجلس الشعب
"قال ايه اصل كنا بنلعب كوره والكوره وقعت"
مصر كلها مفيهاش مكان نلعب فيه ونوقع فيه الكوره غير مجلس الشعب !
للعلم مجلس الشعب لو حد قرب له لو اضرب بالنار ملوش ديه ايش حال ده نط فيه بقى ؟
ده يحمد ربنا انه محصلوش حاجه

وعلى فكره الى مؤيد للمجلس العسكري ده مش امريكي ولا اسرائيلي ده مصري زيك ووطني زيك
بس الفرق انه شايف حاجات انت مش شايفها

براحة بس نتكلم براحة أفضل !
مين قال اني مؤيد للدولة العسكرية ؟
أنا مؤيد لحاجه واحده بس
إنهم يفضلوا لحد يوليو الوقت الى المفروض تقام فيه الإنتخابات الرئاسية
ده اولا
ثانيا انت المفروض متتكلمش خالص "مادام" انت مش بتعتمد غير على فيديوهات مصدر واحد وهو ضد المجلس العسكري
إنت شفت الفيديو بتاع البنت المسحوله ؟
شفت ان الى كان بيضربها لابس لبس مدني وكوتشي أبيض مش بتاع جيش ؟
وإن إلي غطاها وسترها كان ظابط الجيش ؟
شفت السور الى معمول عند مجلس الوزراء شفت الشباب الى طلعوا عليه وقعدوا يستفذوا بحركات لظباط الجيش و بيشاور له بطريقه غلط على العضو الذكري و الست الحامل الى بتعمل حركات مش كويسه بصوابعها والظباط قاعدين مش بيعملوا لهم حاجه وغير كده جه الظابط بتاعهم وهداهم وقال لهم متخلهمش يستفذوكم وسابهم يعملوا كل الى في نفسهم وهم قاعدين وخلاص !
ايه رأيك في حرق المجمع العلمي ؟ والفيديوهات زي العسل الى فرحانين وهما بيحرقوه و الواد الى خد عربية المطافي وطلع ومشى

بكره في الاستئناف لما يطلعوا مبارك و عياله براءه...لما صحابي يخشوا امتحان الفرنساوي و يلاقو ان طفل مدرسته في التحرير و يلاقي انهم كاتبين انه مش عارف يروح عشان البلطجيه الثوار اللي هناك مع ان كان في فيديو ناس بلطجيه نازلين من عربيات امن مركزي بس اتشال...بكره لما يوم الاحد ان شاء الله الاقي في امتحان الانجليزي اكتب رسالة شكر للمجلس العسكري...زي مكانت موجوده في كل المحافظات بس في مواد تانيه