bakaar81
30-12-2007, 12:48 AM
السلام عليكم ورحمه الله وبركاته
انا جربت كل المشاكل دى وحبيت اعرف اكبر قدر ممكن من الناس علشان ميقعوش فى نفس الاخطاء لتوفير الوقت والجهد والفلوس كمان
وارجو ان ما يطول شرحى
بسم الله بندء بالناس اللى جايلهم فيزا من السعوديه
طبعا الفيزا بتيجى على مكتب عماله فى مصر
الحاجات اللى يجب ارسالها من السعوديه هتكون
1 - التوكيل من مكتب استقدام فى السعوديه الى مكتب العماله هنا
* النظام القديم بتاع الوكاله من الكفيل اتمنع وسارى لمهن معينه هى ( السائق الخاص و العامل المنزل او العامله المنزليه )
2 - الفيزا بتاعت الشغل اللى بيكون زى ما بيكون مكتوب فى المهنه فى الجواز
الحاجات اللى انتا بتعملها لما بترسل ليك الحاجه فى مصر
الحاجات المطلوب منك عملها
1 - جواز السفر
2 - التوكيل + الفيزا
3 - صوره البطاقه
4 - فيش وتشبيه سارى المفعول ( مدته 3 شهور )
5 - تحليل الفيروس الخاص بالكبد C ( لازم ونتا رايح تحلل تاخد صورتين خلفيه بيضا + 70 ج رسوم التحليل ) روح حوالى الساعه 10 مش لازم بدرى اوى :)
6 -2 صوره شخصيه خلفيه بيضاء
7 - المؤهل موثق ومصدق عليه من وزاره الخارجيه المصريه
* للدبلومات لازم تروح الاول الاداره العامه للامتحانات تصدق عليه قبل ما تروح للخارجيه علشان ميرجعكش تانى
* المعاهد والمؤهلات العاليه ليهم مكان فى ميدان لازوغلى بجوار مجلس الشعب
* الاداره العامه للامتحانات عنوانها ش امين سامى من ش القصر العينى
* تحليل الفيروس فى معامل وزاره الصحه عنوانها ش الشيح ريحان خلف مجلس الشعب
8 - الشهاده الصحيه ودى بتاخد تصريح من مركز اسمه جاماكا جنب السفاره السعوديه وبيدولك تصريح فى اى مستشفى انتا عاوزها خلاف الفيروس دا لازم فى معامل وزاره الصحه سواء فى القاهره او الاقاليم
بتاخد كل الطلبات دى وبتوديها المكتب اللى انتا مختاره تجيلك عليه الفيزا
وبعد 3 ايام بيدولك ان شاء الله التاشيره
بالنسبه للناس اللى معاها معافاه مؤقت او تاجيل
بيروح بياخد اذن سفر مش بياخد وقت
وبتاخد برضه تصريح من مكتب العمل اللى فى بلدك ( ده للمتعلمين )
وبعدين تشوف انتا عاوز تسافر بر او بحر او جو
وسلمولى على السعوديه واللى يستفيد من الكلام ده يحجزلى دعوه عند الحرم
او قدام الجهاز :)
وارجو انى اكون وفرت عليكم التعب
او السؤال فى غير محله
وارجو انى مكنت طولت عليكم
والسلام عليكم ورحمه الله وبركاته
انا جربت كل المشاكل دى وحبيت اعرف اكبر قدر ممكن من الناس علشان ميقعوش فى نفس الاخطاء لتوفير الوقت والجهد والفلوس كمان
وارجو ان ما يطول شرحى
بسم الله بندء بالناس اللى جايلهم فيزا من السعوديه
طبعا الفيزا بتيجى على مكتب عماله فى مصر
الحاجات اللى يجب ارسالها من السعوديه هتكون
1 - التوكيل من مكتب استقدام فى السعوديه الى مكتب العماله هنا
* النظام القديم بتاع الوكاله من الكفيل اتمنع وسارى لمهن معينه هى ( السائق الخاص و العامل المنزل او العامله المنزليه )
2 - الفيزا بتاعت الشغل اللى بيكون زى ما بيكون مكتوب فى المهنه فى الجواز
الحاجات اللى انتا بتعملها لما بترسل ليك الحاجه فى مصر
الحاجات المطلوب منك عملها
1 - جواز السفر
2 - التوكيل + الفيزا
3 - صوره البطاقه
4 - فيش وتشبيه سارى المفعول ( مدته 3 شهور )
5 - تحليل الفيروس الخاص بالكبد C ( لازم ونتا رايح تحلل تاخد صورتين خلفيه بيضا + 70 ج رسوم التحليل ) روح حوالى الساعه 10 مش لازم بدرى اوى :)
6 -2 صوره شخصيه خلفيه بيضاء
7 - المؤهل موثق ومصدق عليه من وزاره الخارجيه المصريه
* للدبلومات لازم تروح الاول الاداره العامه للامتحانات تصدق عليه قبل ما تروح للخارجيه علشان ميرجعكش تانى
* المعاهد والمؤهلات العاليه ليهم مكان فى ميدان لازوغلى بجوار مجلس الشعب
* الاداره العامه للامتحانات عنوانها ش امين سامى من ش القصر العينى
* تحليل الفيروس فى معامل وزاره الصحه عنوانها ش الشيح ريحان خلف مجلس الشعب
8 - الشهاده الصحيه ودى بتاخد تصريح من مركز اسمه جاماكا جنب السفاره السعوديه وبيدولك تصريح فى اى مستشفى انتا عاوزها خلاف الفيروس دا لازم فى معامل وزاره الصحه سواء فى القاهره او الاقاليم
بتاخد كل الطلبات دى وبتوديها المكتب اللى انتا مختاره تجيلك عليه الفيزا
وبعد 3 ايام بيدولك ان شاء الله التاشيره
بالنسبه للناس اللى معاها معافاه مؤقت او تاجيل
بيروح بياخد اذن سفر مش بياخد وقت
وبتاخد برضه تصريح من مكتب العمل اللى فى بلدك ( ده للمتعلمين )
وبعدين تشوف انتا عاوز تسافر بر او بحر او جو
وسلمولى على السعوديه واللى يستفيد من الكلام ده يحجزلى دعوه عند الحرم
او قدام الجهاز :)
وارجو انى اكون وفرت عليكم التعب
او السؤال فى غير محله
وارجو انى مكنت طولت عليكم
والسلام عليكم ورحمه الله وبركاته