موضوع مهم عن البنات اللي بتلعب سيلك رود

[Hawkaaa]

السلام عليكم و رحمة الله




في اللعبة بنلاقي ساعات ناس مصريين عاملين كركتر بنت و الاسم برضو بنت زي مثلا miss jeje ---jojo---fulla كده يعني و يقولولك انهم مصريين



طيب فيه ساعات ناس من دول بيبقى بنت فعلا و ساعات بيبقى ولد بس عامل نفسو بنت(لا مؤاخذة) طب هتقولي ايه المشكلة يا عم؟


اقولك انا :لو واحد من الناس دي و و في حقيقيتها بنت و تقول انها بنت طبعا مش بنصدق بقى و نفتكر انو ولد كذاب و للاسف ساعات البنات دي تتعرض للشتيمة و التهزيء و السخرية لان احنا اتعودنا ان اللي بيلعبوا ولاد .

مش معنى كده ان كل اللي تقولك انها بنت تبقى كدابة ............لا . لكن فيه حل واحد


ايه هو؟


صدقها لو قالت انها بنت و عاملها على انها كده و لا تشتمها و لا تقولها كلام عيب و ربنا بقى يجازيها على صدقها او يجازيه على كذبه


من اخوكم هوكا ............مصطفى محمد

[waleedledko]

ههههههههههههههههههههه حل عبقري

[I_IRONMAN_I]

منا في سرفر زيوس نصهم هناك عاملين اسامي بنات و بقعدو يقولو لفل اب ويشتغلو في الناس الي هناك بس الواحد لو عمل كدة هيستفيد اية ؟ يا باشا في ناس كيفها كدة لازم ترازي في خلق الله !
مشكور علي الموضوع

[DuDeee]

اللعبة دى انا عرفت فيها بنتين والحمد للة منضحكش عليا :D
واحدة من فلسطين والتانية من اسكندرية واتأكدت من ان هما بنات بجد :D
وهما دلوأتى اصحابى جدا وبنكلم ديما طبعا بعيد عن اللعبة lol

[_kato_]

انا هقولك على اللى انا بعمله
اول ما حد بيقولى انه بنت من غير سبب كده بعرف انه ولد و لو شكيت ,, مش بنوله اى حاجه
يعنى بقوله من اولها انى مش هتفرق معايا انت بنت ولا ولد و سواء كنت بنت او ولد فمتستناش منى حاجه.
عايزه نبقى اصحاب قشطه اما بقى لو هو حوار مصالح و انت عايز تعرفنى عشان مصلحه و خلاص يبقى مع الف سلامه .
و طبعا بعد كده بيحصل اضافه و شات واللذى منه و فى الاخر بيبان .

[Hawkaaa]

مشكور للجميع على المرور

على فكرة يا كاتو انا معاك في اللي بتعملوا

[Oka]

مش كلو بيقول انو بنت انا عامل كاركتر على شكل بنت بس الى بيكلمنى عارف ان انا ولد عادى جدا

[Hawkaaa]

Yes but you named it as a boy.feel me؟

[EgyptianBoy5]

loooooooooooool

[mr_gladitor]

انا هقولك على اللى انا بعمله
اول ما حد بيقولى انه بنت من غير سبب كده بعرف انه ولد و لو شكيت ,, مش بنوله اى حاجه
يعنى بقوله من اولها انى مش هتفرق معايا انت بنت ولا ولد و سواء كنت بنت او ولد فمتستناش منى حاجه.
عايزه نبقى اصحاب قشطه اما بقى لو هو حوار مصالح و انت عايز تعرفنى عشان مصلحه و خلاص يبقى مع الف سلامه .
و طبعا بعد كده بيحصل اضافه و شات واللذى منه و فى الاخر بيبان .

الراجل ده قال الحل المفيد و المقنع وانا بقول كده برده ^^

[thoRnography]

انا هقولك على اللى انا بعمله
اول ما حد بيقولى انه بنت من غير سبب كده بعرف انه ولد و لو شكيت ,, مش بنوله اى حاجه
يعنى بقوله من اولها انى مش هتفرق معايا انت بنت ولا ولد و سواء كنت بنت او ولد فمتستناش منى حاجه.
عايزه نبقى اصحاب قشطه اما بقى لو هو حوار مصالح و انت عايز تعرفنى عشان مصلحه و خلاص يبقى مع الف سلامه .
و طبعا بعد كده بيحصل اضافه و شات واللذى منه و فى الاخر بيبان .

......

[kingXofXstorms]

بصراحه انا عن نفسي بعمل كركتر بنت مع انى ولد وبقول انى ولد بس مش بعمله لحاجه لا ده لانى لحظت فعلا وفى اغلب السيرفرات كركتر البنت حاجته منتشرة اوى وارخص من كركتر الولد
بس لما يجي بقي كركتر بنت او حتى الجن الازرق انا مالى واسال ليه اصلا اذا كان قابلته فى تاكس انا عامله ده بزنس ادفع تلاقي مقابل فى ترادا نفس الوضع فى جيلد مجرد فرند وبندهلوا باسم الاكونت بتاعوا وخلصت احنا هنفتحها بقي حورات وبصراحه انا مبقتش اثق فى حد فى اللعبه دى من كتر اللى شفته فيها يعنى مبثقش ناو غير فى الناس اللى عرفتها هنا وحسيت فعلا انها رجاله بجد
ومشكور على موضوعك وتقبل ردى ^^

[koko000]

مفيهاش مشكلة ان اعمل كركتر بنت انا عندى واحد بس باسم شخصية كرتونية ولو حد سالنى هقول انى ولد ومش غريبة ان فى بنات تلعب سيلك روود

[bedo0000]

انا فى العبة دى عرفت بنات بجد بس مش عرب
وكان معاية واحد صاحبى فى الجيلد دة طلع فى الاخر
وطبعا انا بتاكد بنفسى

[ahmed3afroto]

مشكووووووووووووووووووووووووووووووووووووووووور

[lokaboka]

hhhhhh el modo3 dh funny kek

[blackhorse]

بصراحه مش فارقه بجد اذا بنت او ولد انا بلعب اللعبه وبتخيل شكل الشخص اللي بيلعب نفس شكل الكركتر بتاعو هههههههه ومصيبه لو كان عامل كركتر بنت وهو ولد راح في الباي باي.... بهزر انا حقيقي مش فارقه معايا المحترم بنشيلو على الراس في النهايه

[mjohncena45]

انا هقولك على اللى انا بعمله
اول ما حد بيقولى انه بنت من غير سبب كده بعرف انه ولد و لو شكيت ,, مش بنوله اى حاجه
يعنى بقوله من اولها انى مش هتفرق معايا انت بنت ولا ولد و سواء كنت بنت او ولد فمتستناش منى حاجه.
عايزه نبقى اصحاب قشطه اما بقى لو هو حوار مصالح و انت عايز تعرفنى عشان مصلحه و خلاص يبقى مع الف سلامه .
و طبعا بعد كده بيحصل اضافه و شات واللذى منه و فى الاخر بيبان .

عندك حق فى كل كلمه

[mahmed_hamed1]

بنت ولد لنفسة احنا مش هناخد حاجة منة بس المهم الاحترام وبس

[AhMeD_HeLL33]

......
انا عادى يعنى بنت ولد زى بعض

[AhMeD_HeLL33]

انا هقولك على اللى انا بعمله
اول ما حد بيقولى انه بنت من غير سبب كده بعرف انه ولد و لو شكيت ,, مش بنوله اى حاجه
يعنى بقوله من اولها انى مش هتفرق معايا انت بنت ولا ولد و سواء كنت بنت او ولد فمتستناش منى حاجه.
عايزه نبقى اصحاب قشطه اما بقى لو هو حوار مصالح و انت عايز تعرفنى عشان مصلحه و خلاص يبقى مع الف سلامه .
و طبعا بعد كده بيحصل اضافه و شات واللذى منه و فى الاخر بيبان .
ده كلام صح

[AhMeD_HeLL33]

bbbbbbbbbbbbbbbbbbbbbbbb

[GM] Arc]]

lol

[omaralex]

انا هقولك على اللى انا بعمله
اول ما حد بيقولى انه بنت من غير سبب كده بعرف انه ولد و لو شكيت ,, مش بنوله اى حاجه
يعنى بقوله من اولها انى مش هتفرق معايا انت بنت ولا ولد و سواء كنت بنت او ولد فمتستناش منى حاجه.
عايزه نبقى اصحاب قشطه اما بقى لو هو حوار مصالح و انت عايز تعرفنى عشان مصلحه و خلاص يبقى مع الف سلامه .
و طبعا بعد كده بيحصل اضافه و شات واللذى منه و فى الاخر بيبان .

هو ده الصح أنا بعمل كده برده

[yehya00]

فعلن فى زيس كلو عامل بسم بنات وا بيدحكو علينا
نعمل ايه بقى يا فهلوى
معلش فى الكلمه يعنى قولى بقى

[Ali_Dayem]

انا فى بنت بتلعب معايا على الاكونت بتفتحوا ساعات و هيا مش بتكلم حد
وهى لفل 87 عال سرفر venic وارلوك

[انا المصرى]

كلام جميل

[buterflyezis]

الموضوع ده جامد جدا و بحيي صاحب الموضوع علي رايه و احب اقول ان في بنات بتلعب سيلكرود و عرب بس في بنات جدعة و مش بتكلم حد عشان المصالح و التلفيل

[totosx]

انا مش عارف ليه كلوا يولك بنت ولا ولاد هتفرء معاكو فى ايه , والناس الى بتعمل كركتر بنت عشان التلفيل و المصلحة احنا الى خلناهم يعملوا كدا عشان لما حد بيؤلك انه بنت بتلفلوا وتساعده واى طلب مبترفضهوش انما لو ولد عايز مساعدة او اى حاجا بتكرفوا ,ليه منعملش الناس كلها زى بعض سواء ولد او بنت طالما هو كويس ومحترم معاك....ودا بيحصل كتير بقابل ناس اكونت صغير وبساعدهم وبعدين بلائى واحد تانى لفل اعلى منى بيلفلنى ويطلع هو نفس الشخص اللى انا ساعده قبل كدا ويقولى عشان انت طلعت جدع معايا انا هساعدك وهكذا طلما انت كويس مع الناس هتلاقى الناس كويسا معاك بغض النظر اذا كان بنت او ولد ..... وشكرا على الموضوع الجميل .

[HaZeM2080]

كلام ميه ميه والله
شكرا ليك

[AhMeD_HeLL33]

no woman in the game

[midoelsary77]

شكرا

[thecoold]

lool

[thecoold]

no woman in the game

loool مين قالك كده ممكن انتا متعرفش بنات في الجيم لكن صدقني في كتير جداااااااااااااااااااا و اكترهم من مصر

[romey]

أنا عن نفس كل البنات الى قابلتها فى اللعبة يا أما بنت و عاوزة مصلحة و تستغفلنى و تستغفل غيرى فا ده عندى مرفوض الصداقة لانها لو بنت محترمة من بيت محترمة مش هاتتعرف على اى شخص للمصلحة و النوع التانى شباب عاملين نفسهم بنات بس والله عيب عليهم الى بيعملوه فى نفسهم و دى عقدة نفسية فى الشباب دى لان الى بيعمل كدة بغرض النصب فا ده ممكن يبيع نفسة مقابل الجولد و الى بيعمل كدة لمجرد أن لبس البنات فى اللعبة أرخص من لبس الولاد فاده عادى تفكير تجارى و مفيش لوم علية

[girl_mass]

السلام عليكم ورحمة الله وبركاتة

والله تستحق الشتيمة البنت الى تيجى تقول انها بنت هههههه فى اولاد كتير بيقولوا انهم بنات بس فى النهاية بيطفشوا من رغى ومش بياخدوا الا الصداع :devil: ومثلا فى ولاد تيجى تقول انها ولاد وكمان تقول لى انا بحبك اقوم انا قيلالوا ايه بقى يا ابن ............... ويا ابن ................. ويا ابن ............ وبعدها اقول سامحنى يا ربى استغفر الله العظيم استغفر الله العظيم:worthy: بس يا ترى كان متوقع ايه منى يا ترى هههههه:mf_swordfight::mf_swordfight: وناس تانية تكون كويسة والله لازلت اذكر ولد قال لى هاتى اميلك عشان نتكلم ولحسن حظه كان لابس الكفية زمان ونزلت فيه تمويت اكتر من 10 مرات الحد ما جرى :jawdrop: هو كان متوقع انى اديله اميلى يا ترى بس الحمد لله الحمد لله اتغيرت نظرتى بعد ما لقيت واحد محترم بيقول صباح الخير يا مزة بالفرنكو عرب سعتها عرفت انى فيا حاجه لله رحمت الله على اخر واحد قلبته عشان يتعلم ادعولو يا ناس :bicycle:

يا ريت يكون فى موضوع لبنات سلك رود عشان نشوف مناظر اكتر

وشكرا على الموضوع كان مسلى جدا ههههههههه

[Anac0nda]

انا هقولك على اللى بعمه بنفسى و يا ريت كل الناس تعمل زيي,,هتريحو دماغكو
انا عن نفسى والله مش بحط فى دماغى البنات اللى فى اللعبه
و بعتبر ان الاولاد زى البنات بالظبط
مع ان معرفه الرجال كنوز ^^
بس فى بنات اعرفها فى اللعبه علشان أعلمهم اللعبه و لو فى مشكله واقعين فيها على قد ماقدر بحاول اساعدهم
غير كده مابعملش
بس لو فى اى حد بيطلب منى خدمه بقديمهاله بس لما طلباتو بتكتر مش بعبره لان البنت او الولد اللى عامل نفسه بنت ده بيكلمنى علشان مصلحه يبقى بلاها
و عمرى مأديت اكونتى لحد غير واحد بس انا اتعرفت بيه فى اللعبه دلوقتى انا و هوا بقينا اكتر من اخوات
أما بالنسبه عن الشخصيات ال Famle اللى فى اللعبه
زى ما قال الاخ romey ان ده تفكير تجارى مش اكتر
بس الاولاد اللى بيعمله نفسهم بنات و الشغل ده
بيبقى كلام فاضى و ناس مختله عقليا لما يعملو كده علشان لعبه
و شكرا ليك يا هاواك على الموضوع
انتا حددت نقطه مهمه فى النقاش ده


تحياتى

[atobedo]

يا عم نروح بعيد ليه,,,
أنا كنت متعرف علي واحد في اللعبة ( كان مفهمني انو بنت) بدون زكر أسماء يعني
المهم لما صاحبتو أوي و اداني E-mailo قلت أما أشوفو علي الFacebook فكتبت ال E-mail لقيتو ولد و حاطط صورو و كده كده^^ فلما سقلتو قالي والله ابدا انا معرفش مين ده و كده ^^
علي العموم ...إن بعد الظن إثم...

[GaMeHiT]

ماشى

[LineWar]

موضوع مش مهم بالمرة يخربيت الفراغ

[netm0]

انا بقا هاحكلكو علي موقف محرج اوييييييييييييييييي حصلي في ‏Uranus
كنت مره داخل الافنت بتاع الflag ب كركتر لفل ‏32 و كان كل الي ضدنا فوق اللفل ‏45‏ و كان معانا اكونت واحد بس لفل ‏45 فا هوا الوحيد اللي كان يقدر يموتهم فانا جيت ابص علي اسمو فقرائتو ‏EGY_MENA فقلتلو عايزك تدخل ‏.....‏ و ‏.....‏ و قعت اقول كلام قذر اووووووووووووي فلقيتو عملي بلوك و مش بيكلمني جيت ابص علي اسمو تاني لاقيت اسمو ‏EGY_MERNA
ياعني طلع بنت و كنت مكسوف اويييييييي

[iSlaM_SolM]

بنت او ولد كلهم واحد وبعاملهم زى بعض عشان مش بصدق

[Muchaa]

:icecream: ايه يعنى عااااااااااااااااااااااااااااااااااااااااااادى :teehee:

[rorony]

انا باقى بنت وبلعب بكركتر ولد وكمان بنت والى بيكالمنى بطنش كلامه لم بيسئل

بس سعات بابا بيدخل بالاسس بتاعى

عشان كده مش بعمل اصد
قاء ممكن يقطع عنى السلك :worthy:

[♥♪♫♪BrêâkDâncêr♪♫♪♥]

انا هقولك على اللى انا بعمله
اول ما حد بيقولى انه بنت من غير سبب كده بعرف انه ولد و لو شكيت ,, مش بنوله اى حاجه
يعنى بقوله من اولها انى مش هتفرق معايا انت بنت ولا ولد و سواء كنت بنت او ولد فمتستناش منى حاجه.
عايزه نبقى اصحاب قشطه اما بقى لو هو حوار مصالح و انت عايز تعرفنى عشان مصلحه و خلاص يبقى مع الف سلامه .
و طبعا بعد كده بيحصل اضافه و شات واللذى منه و فى الاخر بيبان .

عندك حق

يا جماعه مفيش بنت هتقولك انها بنت لاي سبب من الاسباب الا اذا كانت تعرفك من ايام وبقيتو اصدقاء وبعديل لو قالتلك انها بنت وطلبت حاجه بعديها يبقى ده ولد علطول اما لو مطلبتش حاجه يبقى هتستفيد ايه لما تقولك انها بنت غير اذا كانت بتقول الحقيقه

وعلى العموم انا مش مصدق ان في بنات بتلعب سلك رود بالذات مصريين اما الجانب ففي منهم كتير وليا منهم اصحاب ودول ولا بيكذبو ولا بيطلبو حاجه بالعكس انا اللي ممكن اطلب منهم ههههههه:queenie:

[fathyhero]

على فكرة انا ما يشغلنيش يكون ولد ولا بنت
وانا مالى اساسا لما يكون بنت ولا ولد ما يكون يعنى ايه المشكله
انا بعامل الشخص اللى قدامى على اساسا هو جدع ولا لا بس
مش هتفرق بقى يبقى ولد ولا بنت ولا حتى يكون شبح

[ღ♥_ akeml _♥ღ]

ههههههههههههه

[^^divo^^]

يا عم فى بنات فى العبه بس بصراحه الى قابلتهم كانو من برا مش مصرين وكانو كويسين جدا وولد او بنت اهم حاجه انو يكون كويس او كويسه :mf_cupid:

[احمد هلال]

الراجل ده كلامه سليم

[himaz]

لول انا مرة واحد قلي ana bent
plz 100k
ههههههههههههههههه

[sagda]

طيب مانا واحد أهوو بشتغل ألناس على أساس انى بنت علشان أخد منهم جوولد و أيتيمز ههههههههههههههه عادى يعنى

[___Hipoly___]

طيب ماهو انا بنت اهو وليا اصحاب كتير في السيرفر عادي جدا ومنهم بنت كمان عندها 25 سنة
وعادي جدا لما حد بيسألني بقوله اني بنت وبيصدق من غير أي مشكلة :)

[MeCHoo]

حلو الموضع دة والله اهو اى رغى وخلاص :icecream: انا عرفت بنوتين من اسكندرية والصراحة انهم مش بيهتمو غير بمصالحهم وبس يعنى هات جولد تعالى لفلى بصراحة مايفرقوش عن الولاد كتير والله دة بجد:worthy::worthy:

[DUKE]

انا هقولك على اللى انا بعمله
اول ما حد بيقولى انه بنت من غير سبب كده بعرف انه ولد و لو شكيت ,, مش بنوله اى حاجه
يعنى بقوله من اولها انى مش هتفرق معايا انت بنت ولا ولد و سواء كنت بنت او ولد فمتستناش منى حاجه.
عايزه نبقى اصحاب قشطه اما بقى لو هو حوار مصالح و انت عايز تعرفنى عشان مصلحه و خلاص يبقى مع الف سلامه .
و طبعا بعد كده بيحصل اضافه و شات واللذى منه و فى الاخر بيبان .

هو دة الصح وانا بعرف من نفس السبب بردة :mf_cupid:

[ForceD]

لول
:angel_not:

[khaledsherif]

السلام عليكم و رحمة الله




في اللعبة بنلاقي ساعات ناس مصريين عاملين كركتر بنت و الاسم برضو بنت زي مثلا miss jeje ---jojo---fulla كده يعني و يقولولك انهم مصريين



طيب فيه ساعات ناس من دول بيبقى بنت فعلا و ساعات بيبقى ولد بس عامل نفسو بنت(لا مؤاخذة) طب هتقولي ايه المشكلة يا عم؟


اقولك انا :لو واحد من الناس دي و و في حقيقيتها بنت و تقول انها بنت طبعا مش بنصدق بقى و نفتكر انو ولد كذاب و للاسف ساعات البنات دي تتعرض للشتيمة و التهزيء و السخرية لان احنا اتعودنا ان اللي بيلعبوا ولاد .

مش معنى كده ان كل اللي تقولك انها بنت تبقى كدابة ............لا . لكن فيه حل واحد


ايه هو؟


صدقها لو قالت انها بنت و عاملها على انها كده و لا تشتمها و لا تقولها كلام عيب و ربنا بقى يجازيها على صدقها او يجازيه على كذبه


من اخوكم هوكا ............مصطفى محمد

و هو يعني لو ولد يتشتم بس لو بنت لأ؟ الاحترام مفرود يكون للكل
lol