مشكلة الـdc أثناء بطء النت

[sh ali]

دلوقت أنا قبل ما استخدم البوت كنت بعمل داونلود على الجهاز وبشغل فيديوهات وبعمل كل حاجه فى النت عادى واللعبه شغاله وعمرى ما كنت باخد دى سى , كان بيحصل لاج جامد وخلاص لكن محصلش خالص انى كنت باخد دى سى , دلوقت وانا فاتح بالبوت مجرد ما بشغل فيديو على النت ولو لمدة 15 ثانيه بروح لابس دى سى وجربتها أكثر من مره ومبعرفش افتح اى فيديو ولا أحمل حاجه نهائى ... سألت واحد صاحبى بيستخدم phbot وقالى ان مبيحصلش عنده الكلام ده وبيحمل عادى ويشغل فيديوهات واللعبه شغاله ومش بياخد دى سى ... هل الناس اللى عندها sbot كلها نفس الكلام دا بيحصل عندها ولاعندى انا بس الكلام ده ؟!! وايه الحل عشان لو الحوار دا استمر كده وملوش حل انا هحول phbot أفضل

[Galactus]

ههههههههههههههه انا بعمل Download manager و انا فاتح اس بوت و مافيش مشكله xD

بس بيعمل lag مش اكتر ^^

[Galactus]

بخصوص ال dummy client امسح الانتى فيرس و بلاش كلينت لس :hypo:

[ahmed_mehrez]

انا على فكرة عندى نفس المشكلة لدرجة انى بقيت بقلل من دخول بسبب انى لو دخلت باضطر اسيبلها النت ومافتحش اى فيلم حتى اسلى نفسى بيه مش عارف ليه رغم ان بيكون الجهاز التانى شغال عليه الاكونت التانى ومش بياخد دى سى خالص من اول ما بفتحه لغاية ما اقفله بنفسى

[sh ali]

طيب وايه المشكله اللى عندى كده بتخلينى أخد دى سى !!
انا لاغى الكلينتليس

[sh ali]

مع انى زى مانا كاتب , قبل ما اجيب البوت كنت بعمل داونلود عادى وكنت بحمل بدل الملف اتنين والله وكل ملف 800-900 ميجا ومكنش بيبقى فيه دى سى نهائى

[Un4Given]

كل المشكلة ياباشا
ان اللعبة مش عايزة حد يفتح بوت عندها !

وشركات البوت مصممة انها تنزل نسخ تتخطى الحماية الخاصة بالشركة
فبالتالى هيكون فى مشاكل كتير وجرب من غير بوت مش هتلاقى لاج

[sh ali]

مانا مجرب من قبل ما استخدم البوت مكنش فيه الدى سى بالشكل ده , بس زى ما المشرف بيقول اهو انه بيحمل عادى ومبيحصلش عنده دى سى واللى عندهم phbot برضو مفيش الكلام ده يبقى ايه المشكله اللى عندى

[Galactus]

خلاص يا باشا استخدم phbot

انت مش موضح اى حاجه على شان احل المشكله،،،

[Galactus]

زى ما قالك المشرف Silkroad R !!

[Galactus]

##

[sh ali]

دلوقتى انت بتقول انت بتحمل عادى وانت مشغل البوت وبيحصل لاج بس , دا كان نفس الحال عندى قبل ما استخدم البوت ولما بستخدم البوت دلوقت واجى احمل او افتح فيديو مبقاش يحصل لاج بقيت أخد دى سى علطول .. يبقى كده فيه مشكله عندى ايه هى وايه الحل ؟!

[Galactus]

مشكله نت مش اكتر انا النت عندى سرعه عاليه و لوحدى !! على شان كده مش بياتر ال تحميل مع سيلك رود جمد بس ساعات بيوقف بتاع دقيقه كده و يرجع تانى و لو فاتح اكتى من 18 اكونت ممكن 3 او 2 يطلعو dc

سيلك رود من اقل حاجه تيجى dc و السيرفر اصلان 3000/3000 فا يعنى مش ناقصه هيا xD

:police:

[sh ali]

أنا 2 ميجا لوحدى ومش فاتح غير أكونت واحد
وانا والله كتبت 3 مرات انى قبل البوت مكنتش باخد دى سى خالص اشمعنا اما جبت البوت بقيت أخد دى سى .
معتقدش انها مشكلة نت خالص

[sh ali]

يعنى انت متخيل كنت بحمل بالملفين مره واحده ومكنش بيبقى فيه دى سى
دلوقت مجرد ما بشغل فيديو يوتيوب لو فيديو دقيقه ونص مبلحقش اكمل نص الفيديو وبلاقينى واخد دى سى !!

[Galactus]

طيب ديه مشكله من عندك مش تبع البوت

انت بتقول لما تفتح الفيديو خلاص ماتفتحش فيديو يا عم :mfr_lol:

[sh ali]

والله لو كان عليا مبفتحش بس ف البيت بيفتحوا كتير ومقدرش اقولهم متفتحوش أكيد :3
يعنى مفيش حل؟! طب احجب اليوتيوب ازاى من ع الراوتر الموضوع اللى انا نزلته فى قسم الحمايه محدش فادنى فيه

[Galactus]

والله لو كان عليا مبفتحش بس ف البيت بيفتحوا كتير ومقدرش اقولهم متفتحوش أكيد :3
يعنى مفيش حل؟! طب احجب اليوتيوب ازاى من ع الراوتر الموضوع اللى انا نزلته فى قسم الحمايه محدش فادنى فيه

انا بلغت المشرف هناك هو كان بيتابع معاك انا و هو

اى سوال تانى هنا ؟

[sh ali]

لأ شكراًً ^^

[Galactus]

العفو

[Galactus]

##