المساعد الشخصي الرقمي

مشاهدة النسخة كاملة : زمالك واهلي


Jasmen Mohmed
31-08-2015, 11:29 AM
انا زملكاوية بشجع النادي ده باقتناع زي ما غيري يشجع اللي يحبه سواء اهلي او غيره المشكلة مش في دي

مشكلتنا الاساسية في مصر مش عندنا ثقافة اختلاف
المختلف في الدين = كافر
المختلف في الفكر = غبي ضحل الثقافة
المختلف في السياسة = عميل
المختلف في النادي = جاهل

الاختلاف المفروض بيه نكمل بعض بس عشان تعرفوا اننا اجهل ناس بثقافة الاختلاف شوفوا مثلا اي خبر عن الاهلي هتلاقي ناس بتشتم والعكس لو الخبر يخص الزمالك

اهلاوي يقولي احنا البطولات مش عارفين نوديها فين
زملكاوي يرد انتمائي للنادي مش عشان بطولات

ده شايف انه نادي مفلس وده شايف انه نادي بلا مباديء

انا بشجع اهلي استحالة اشجع زمالك حتي لو بيلاعب مين ده حر في رأيه ومحدش يقولي وطنية

وانا بشجع زمالك ومش هشجع الاهلي لو بيلاعب مين

القصة مش انك تشجع مين القصة انك شجع براحتك من غير غلط او شتيمة او ايذاء للاخرين

كلنا عارفين ان كل رئيس نادي علي دماغه 100 بطحة ونكابر لمجرد اني بنتمي للنادي ده

مش معني انك زملكاوي مخلص انك تكره الاهلي وتتمني اي مصيبة عشان تفرح فيهم والعكس صحيح

الرياضة قبل اي شيء اخلاق

شكرا لكم



زملكاوية وافتخر

khaled.nour
31-08-2015, 06:04 PM
يا بنتي حرام عليكي محدش ملاحق علي الموضيع اللي عمالة تنزليها من الصبح بس بصراحة كلامك صح
Good:thumb_yello:

Jasmen Mohmed
31-08-2015, 06:43 PM
خلاص هاخد هدنة اسبوع

khaled.nour
31-08-2015, 08:19 PM
هههههههه انتي بتحوشيهم:laser: