المساعد الشخصي الرقمي

مشاهدة النسخة كاملة : سؤال عن لاب توب


Out_OF_RuleS
29-01-2015, 02:43 AM
انا انهاردة اشتريت لاب توب جديد ديل كور أى سيفن
بس بعد ما روحت البيت لاقيت ان الامكانيات بتاعتو اللى هى حجم الشاة و البلوتوث و كدة اللى هى بتبقى على اللزة اللى على اللاب دى مكتوبة بالعربى !
ف ليه بقى مكتوبة بالعربى و هل دى حاجة تعيبو ؟

drmand-
29-01-2015, 02:53 AM
يااااااااه مكتوب بالعربي انت لازم ترجعوا فوراااااااااااااااااااااااااااا
:wallbash:

Out_OF_RuleS
29-01-2015, 03:07 AM
يااااااااه مكتوب بالعربي انت لازم ترجعوا فوراااااااااااااااااااااااااااا
:wallbash:

طب ممكن اعرف السبب ؟

drmand-
29-01-2015, 03:32 AM
بوص هو ليه الاب مكتوب مواصفاته بالعربي ؟؟؟؟ :boxing:
معنى انهم حاطين استيكر بالعربي ايه ؟!!
ان اللاب ده متصنع خصيصا او زي متقول النسخة اللى رايحة لمنطقة عربية !!
مش بقولك بكده مثلا ان اللاب ده ناقص منه حتة مثلا او حاجه

ممكن تقول مثلا
1-السعر !! الناس فى مصر بتحب تشتري الرخيص وتبعد عن الغالى او فى النص كده
فالشركة بتضر انها عشان تبيع بتنزل فى خصائص اللاب توب (مدير الشركة:****** احنا مش منزلين دولار فى اللابتوب قللهم بالامكانيات وكلو على قد فلوسو ههههههههههه) بدليل انى بلاقى لابتوب من موديل محدد !! موديل معين
بلاقيه فى مصر مثلا رامات 4 جيجا (وملاقيش ابو 8 جيجا ولا اعلى) والاقيه فى دولة اوروبية او امريكا !!
مع انه نفس الموديل مش شرط 4 جيجا او 8 جيجا ولا شرط الرامات بس ممكن يكون الاختلاف فى البروسيسور او جودة كارت الشاشة ومين عارف ممكن يكون جودة التصنيع بشكل عام والمواد اللى متصنع منها اللاب توب :]

2-عامل الجو و المناخ
بتلاقى مثلا فى مصر الجو فى الصيف درجة الحرارة مرتفعه اوى بشكل غريب
بتلاقى فى الدول الاوروبية الجو طبعا معرووف للجميع
فهل جهازك اللاب توب العادى يقدر يستحمل الجو فى مصر اكيد ده فى الحسبان !


كل دي احتمالات مثلا فهما بيدرسوا السوق والجو العام والامكانيات اللى تناسبنا وبينزلوها او بينزلوا اقرب حاجه ممكن تمشى فى السوق عشان طبعا اهم حاجه انه يحقق مكسب ويقدر ينجح فى السوق !

انا مش بقولك مثلا ارمى الجهاز او رجعوا او جهازك ناقصة "ايد" أو "رجل" وسافر بطيارة وروح اشتري لابتوب من امريكا ..

جهازك جميل ومفهوش حاجه والف مبرووك يا سيدي وانت المفرود بتشتري لاب بامكانيات تناسبك وبفلوس تناسبك واكيد الشركة طالما معروفة ومشهورة مش هاتحط لعميل مثلا حاجه بايظة قصد !! وإلا كده بتضر نفسها وبتعرض نفسها للدعاوى القضائية ممكن يدفعوا غرامة
:soccer_h4h:

drmand-
29-01-2015, 03:34 AM
بوص انا لما قولتلك لازم ترجعوا فورا كنت بهزر معاك :mf_grenade:
اقرا الرد اللى نزلتوا قبل ده وانت هاتفهم كل حاجه

Out_OF_RuleS
29-01-2015, 10:34 AM
بوص انا لما قولتلك لازم ترجعوا فورا كنت بهزر معاك :mf_grenade:
اقرا الرد اللى نزلتوا قبل ده وانت هاتفهم كل حاجه

تمام بس يعنى الافضل انى ارجعو و اجيب واحد تانى بدل دا ولا دا ذى دا ؟

™DesertStorm™
29-01-2015, 12:45 PM
ينقل للقسم المناسب :harp:
##

Kenkoz
29-01-2015, 02:35 PM
حكاية المصري بيختار الرخيص غالبا مش هيكون في الاب دا لانة مش رخيص انت جبتة بكام في ناس بتبيعة رخيص و بتغش ببقولك يا باشا انا اجيبلك الاب دا بكذا ارجو انك متكونش استرخصت

Kenkoz
29-01-2015, 04:15 PM
###

Out_OF_RuleS
29-01-2015, 06:51 PM
ﻻ مش استرخصت وﻻ حاجة انا جايبو ب 5200 جنية

drmand-
29-01-2015, 10:03 PM
انا مقولتلكش اللاب فيه عيب وروح رجعوا انا كنت بهزر معاك :mfr_lol:
جهازك زي الفل ولو شاكك برضوا اكتبلنا مواصفاته وسعره واحنا نقولك سعرة كويس ولا لا

3ashek El7ozn
30-01-2015, 12:42 AM
الحكاية مش مستاهلة موضوع اصلا !
شوف اللى مكتوب ع الورقة لو هى امكانيات اللاب خلاص مش مستاهلة #
عربى او انجليزى عمرك ما هتوصل للحاجة اللى متصنعة فى بلدها كل ده صينى :thumbup1:

Out_OF_RuleS
30-01-2015, 02:17 AM
انا مقولتلكش اللاب فيه عيب وروح رجعوا انا كنت بهزر معاك :mfr_lol:
جهازك زي الفل ولو شاكك برضوا اكتبلنا مواصفاته وسعره واحنا نقولك سعرة كويس ولا لا

Dell Core i7 -- Ram 8GB-- Kart shasha Nevadia 2G
5200 LE

3ashek El7ozn
30-01-2015, 03:28 PM
مغلق لاختيار العضو لافضل اجابة #