مشاهدة النسخة كاملة : اسعار البلايستيشن 3 في مصر ?
Xx_MoDY_xX
13-07-2014, 11:24 PM
السلام عليكم و رحمة الله و بركاته اعضاء المنتدي
انشاء الله تكونوا بخير و صحة و رمضان كريم علينا كلنا
الموضوع طبعاً باين من من عنوانه انا عاوز اعرف اسعار و مواصفات البلايستيشن 3 في مصر
و يا ريت تقوليلي هو في فرق بين كل نوع يعني في كرت الجرافيك او الرام
و هل هيشغل العاب مثلا زي Gta V و Battlefield 3 من غير لاج
و شكراً
Wally
14-07-2014, 08:52 PM
Playstation 3 جديد عامله 3100 جنيه ( ده فى gamevalley ) اما لو هتجيبه من مكان تانى اعتقد هيبقى في فرق 200-300
و انواع الـ PS3 :
- FAT
- Slim
- SuperSlim
الـفات ده اقدم نوع بلاى ستيشن و نزل اول واحد و تقريبا مبقاش حد يبيعه ناو علشان سونى أوقفت أنتاجه و لكن الميزة بتاعته انه ممكن يستحمل معاك 7 ساعات شغال
و الـ Slim , Super slim موجودين حالياً نظرا لأنهم جداد الى حد ما, الـ Slim بيمتاز انه ارفع و اقل/اصغر فى الحجم من الـ FAT و بالأضافة ان الـ FAT فى مشكلة اسمها ylod ده عيب صناعى و سونى مصلحتهوش, عيب الـ slim انه ميستحملش يتفتح مدة كبيرة زى الـ FAT يعنى مدة اقصاها 5-6 ساعات لعب.
اما الـ Superslim انصحك بالأبتعاد عنه علشان ده ارفع و اصغر كمان من الـ Slim
الميزة انك ممكن تتنقل به فى كل مكان نظراً لصغر حجمه اما العيب أنه مينفعش يتفتح مدة كبيرة علشان بيسخن جامد يعنى مدة اقصاها 4 ساعات مثلا
و نظرا بردوا انه ابطأ من الـ Slim
فى النهاية انصحك تجيب الـ Slim لأنه الخيار الوسط, و بالنسبة للرام بتاعتهم و الجرافك كارد فكلهم تقريبا متساويين
تقبل تحياتى.
Xx_MoDY_xX
14-07-2014, 10:16 PM
شكراً لحضرتك علي الجواب الممتاز ده
بس هل السليم ده ممكن يشغل مثلاً Gta v من غير لاج و كده ؟
و معلش سؤال تاني هو ايه الجرافيك كارد بتاع البلاي 3 ؟ و كام الفديو ميموري
معلش تقلت عليك
Wally
14-07-2014, 10:19 PM
اكيد بيشغل من غير لاج ( على حد علمى ) و لو كان فى لاج مكنتش الناس جابت
بالنسبة للجرافك كارد و الرامات مش عارف بصراحة. بس تقدر تعمل سيرش فى جوجل
CHI-VA
15-07-2014, 04:52 AM
تمت الإجابه ..!
يغلق #
vBulletin® v3.8.11, Copyright ©2000-2026, vBulletin Solutions, Inc