المساعد الشخصي الرقمي

مشاهدة النسخة كاملة : كلمات مواطن الجزء الثانى


aymanarafa
10-04-2014, 11:13 AM
السلام عليكم

أتاخرت عليكم بس جايبلكم حاجة حلوة يا رب تعجبكم :)

ملحوظة
علامه @ تُمثل شعب يتحدث , علامه $ تُمثل مسؤل يتحدث


......................................... ! عايشين فى زريبة ! ......................................
@ : عايشين فى زريبة , يا آخى ميت خيبة , هيا مُصيبة , ومتقولش عيبة ,
أنت نضيف وهُما نُضاف و إحنا الى على بلدنا نخاف.
$ : الزبالة مش مننا دى غصب عننا.
@ : بتجيلكُم مِن برة يا باشا ولا عـلشان أنت عنا بتتلاشا ,
وبترمى زبالتلك فـ شوارعنا و فـ لحظة أكيد هتبعنا ,
بس أنت لوحدك مش كافى وعلشان خطرى متنساشى مبتتعاملشى مع مواشى ,
هتضربنا بِعُصيانك يمكن بس إحنا عليك هنثور لو حتى بنيت ميت سور ,
وكلابك مش عاوزنهم.
$ : إخوانكُم مِنهُم.
@ : إخوان مين يا خسيس دة أنت حَطِتنا فى كيس وزبالتك فية ترميها مهو أصل حاميها حراميها.
$ : بس أنا حاميهالكُم ورحيلى هيخربهالكُم.
@ : مين دة ألى هيخربهالنا دة المولى إلى حافِظهالنا.
:- رسالتى مِش ليك يا عسكر ولا حتى أنت يا إخوان .. بس أنا مش هبقى جبان ولا حتى هقبل أتهان .. رغباتكُم كترت ياما , ومتنسوش يوم القيامة.
:- رسالتى للى هيُحكُمها ونصيحة منى إشكُمها.

" حِسوا بشعب لما قام يثور قلب كُل العصور "
Poet Tanta

.a7la-smile.
10-04-2014, 03:00 PM
الله عليك

فنان ولله

كمل يابنى

بس نسق شوية .

aymanarafa
10-04-2014, 03:23 PM
ماشى يا كبير :welcome:

kozi
10-04-2014, 06:00 PM
زى ما قلت .. ليك مستقبل والله يابنى .!!!

بس نسق شوية برضه عشان نثبتهولك فترة كبيرة :smokeing:

aymanarafa
10-04-2014, 06:23 PM
ربنا يخليك يا غالى , بس معلشى انا مكنتش بدخل القسم كثير فانا مش عارف يعنى اية نسق الموضوع لو ينفع تديلى طريقة تنسيق المواضيع دى يبقى تمام اوى علشان كُل المُشرفين بيقولوا نسق ومحدش قالى إزاى أنسق أصلاً :D

kozi
10-04-2014, 06:47 PM
زى اى موضوع فى القسم ... هتلاقى الناس حطه فواصل و بسملة ...الخ و الحاجات دى و النصوص ملونة و كدة ..!!!

aymanarafa
10-04-2014, 06:52 PM
تمام هظبط الموضوع الجاى ان شاء الله

.a7la-smile.
10-04-2014, 07:08 PM
بص .. شوف الموضوع دة و انا هظبطك .

http://www.silkroad4arab.com/vb/showthread.php?t=554115

☜ ĂиTaKą ☞
11-04-2014, 12:05 AM
الله ينور