المساعد الشخصي الرقمي

مشاهدة النسخة كاملة : كم مرة ... خانتك دموعك ..

OnlyHer
31-10-2008, 03:51 AM
السلام عليكم يا أحلى شباب و أحلى أعضاء فى الدنيا ..
http://www.mowjeldoha.com/mix-pic/borders/www.mowjeldoha.com-borders-45.gif
أولا و قبل البدء فى الكلام .. أحب أقولكم إنى مليش قوى فى نقل المواضيع و كمان مليش فى المواضيع اللى هى بتبقى ردها .. مشكور .. جزاك الله خيرا و أكم من الردود اللى كلنا عارفينها و مجربينها ..
المهم يا شباب انا معظم مواضيى زى ما انتوا مالحظين (( :rolleyes: )) بتبقى خواطر ..

و بإختصار .. انا عامل الموضوع ده عشان أفتح الأبواب المقفله جوا قلوبنا ..
الأبواب اللى قفلناها و بنينا عليها مئات الحوائط و قررنا نسيانها ..

كام مره خانتك دموعك .. و ليه .. ؟؟
و كام مره قدرت تحكمها ..

متزعلوش منى .. كده كده اللى مش بتعجبه المواضيع مش بيرد ..
بس بجد .. انا الموضوع جه فى بالى ..
أيه اللى ممكن يكون بيوجعنا و يتعبنا و مهما حاولنا .. دموعنا بتبقى أقوى مننا ..

على فكره انا هرد انا كمان .. بس هستنى كام رد .. يمكن ألاقى أصلا

http://www.mowjeldoha.com/mix-pic/borders/www.mowjeldoha.com-borders-45.gif
handasa99
31-10-2008, 04:42 AM
إنت كده حتخلى عينى تخنى تانى

المره اللى دموعى خنتنى فيها

كان فيه واحد صحبى إسموا عبد الله

ليه أخين توئم (حسن وحسين) كان عمر حسن وحسين 6سنين

وكانوا ولدين ماشاء الله عليهم زى العسل

وأنا شخصيا كنت متعلق بيهم جامد

كان عندهم فى البيت بندقيه رش فا عبد الله كان ديما يلعب معاهم بالبندقيه دى فى البيت

كان بيجيب كوتشه أو جلده مدوره ويرسيموا فيها دواير وينشنوا عليها

فا فى مره عبد الله بيضرب على الكوتشه دى وحسن وحسين جمبوا من بعيد

فربنا قدر إن الرشايه تخبط فى الكوتشه وترد تانى فى صدر (حسن)

إخترقت الحجاب الحاجز و ... الله يرحموا

ساعت الحادثه دى أن كنت مسافر ورجعت بعده ب 4أيام وعرفت الخبر

أول ما شوفت عبد الله وشوفت شكله وحالته النفسيه علشان هو حاسيس بالذنب علشان موت أخوه

بالخطأ

معرفتش أمسك نفسى


____________________


المره اللى مسكت فيها دموعى

أنا كنت بأخد دوره فى صيانه الهارد وير للكمبيوتر فى القاهره وعلى فكره أنا من البحيره

المهم الدوره دى كانت لمده شهرين بس

بعد الدوره ماخلصت البشمهندس تامر اللى كان بيدنى الدوره دى عارض عليا إنى أفضل معاه

لفتره أخلصلوا شغل و فى نفس الوقت أتعلم وأشتغل عملى أكتر

المهم ربنا قدر وفضلت معاه كمان 7 شهور

وكانت أصعب لحظه وأنا بودعوا ومسكت دموعى بالعافيه
_kato_
31-10-2008, 06:37 AM
انا عن نفسى من الصعب جدا جدا انى اعيط و حد موجود , ودى مشكله كبيره جدا , لإن الدموع دى بتريح كتير و بتخلى الواحد يهدى .
بس يمكن فى مرتين افتكرهم . موت خالى . و مره اضربت لما كنت فى المدرسه و كنت مظلوم و مقدرتش امسك نفسى .
و شكرا على الموضوع الرائع و على فكره ده اكتر نوع من المواضيع بيعجبنى و بيشدنى , الموضوع اللى يكون من دماغ اللى كاتبه ,( خواطر ) زى ما انت بتقول . :)
OnlyHer
31-10-2008, 08:06 AM
إنت كده حتخلى عينى تخنى تانى

المره اللى دموعى خنتنى فيها

كان فيه واحد صحبى إسموا عبد الله

ليه أخين توئم (حسن وحسين) كان عمر حسن وحسين 6سنين

وكانوا ولدين ماشاء الله عليهم زى العسل

وأنا شخصيا كنت متعلق بيهم جامد

كان عندهم فى البيت بندقيه رش فا عبد الله كان ديما يلعب معاهم بالبندقيه دى فى البيت

كان بيجيب كوتشه أو جلده مدوره ويرسيموا فيها دواير وينشنوا عليها

فا فى مره عبد الله بيضرب على الكوتشه دى وحسن وحسين جمبوا من بعيد

فربنا قدر إن الرشايه تخبط فى الكوتشه وترد تانى فى صدر (حسن)

إخترقت الحجاب الحاجز و ... الله يرحموا

ساعت الحادثه دى أن كنت مسافر ورجعت بعده ب 4أيام وعرفت الخبر

أول ما شوفت عبد الله وشوفت شكله وحالته النفسيه علشان هو حاسيس بالذنب علشان موت أخوه

بالخطأ

معرفتش أمسك نفسى

كل نفس ذائقة الموت .. و العبد ما هو إلا نهاية أو وسيلة لها نهاية هى الأخى .. الف رحمه عليه و يا ريت لو كل عضو يقراله الفاتحه بس بنفس صافيه .. و عايز أقولك يا هندسه .. الحاجه الوحيده اللى مش عارف أشيلها من دماغى .. تعاشر يا ابن آدم ما تعاشر .. مسيرك يا ابن آدم تفارق ..
الموت فعلا .. بياخد منا اللى بنحبهم بل ا سابق إنذار و بلا طلب إذن .. مشقة هة تلك الحياة .. مش عارف أقولك أيه تانى
____________________


المره اللى مسكت فيها دموعى

أنا كنت بأخد دوره فى صيانه الهارد وير للكمبيوتر فى القاهره وعلى فكره أنا من البحيره

المهم الدوره دى كانت لمده شهرين بس

بعد الدوره ماخلصت البشمهندس تامر اللى كان بيدنى الدوره دى عارض عليا إنى أفضل معاه

لفتره أخلصلوا شغل و فى نفس الوقت أتعلم وأشتغل عملى أكتر

المهم ربنا قدر وفضلت معاه كمان 7 شهور

وكانت أصعب لحظه وأنا بودعوا ومسكت دموعى بالعافيه

برضه .. تعاشر يا ابن آدم ما تعاشر .. مسيرك ي اابن آدم تفارق ..
أكتر حكمه ممكن تكون غريبه على الآذان انا سمعتها بس أكترهم إستمراريه ..

انا عن نفسى من الصعب جدا جدا انى اعيط و حد موجود , ودى مشكله كبيره جدا , لإن الدموع دى بتريح كتير و بتخلى الواحد يهدى .
بس يمكن فى مرتين افتكرهم . موت خالى . و مره اضربت لما كنت فى المدرسه و كنت مظلوم و مقدرتش امسك نفسى .
و شكرا على الموضوع الرائع و على فكره ده اكتر نوع من المواضيع بيعجبنى و بيشدنى , الموضوع اللى يكون من دماغ اللى كاتبه ,( خواطر ) زى ما انت بتقول . :)

يعنى ننفع يا باشا و ننول الرضا ولا لأ ؟؟ :rolleyes:

على فكره انا عامل الموضوع ده و الله عشان حكاية إننا بنكتم جوانا دى . انا فاكر انا فى حاجه فى حياتى كده فضلت م ستحملها .. سنه و نصه .. ولا دمعه واحده ..
ولما تعبت بجد و مبقتش قادر أستحمل ..

وقعت من طولى فى الشارع و كن عندى درس أحياء و واحد من أقرب أصحابى كان معايا و ربنا سترها :d


يا رب الموضوع يعجبكم .. و الف شكر على المرور الكريم يا شباب