المساعد الشخصي الرقمي

مشاهدة النسخة كاملة : اعتذار


!MaGeD
29-08-2013, 01:23 PM
سحبت كلامي يا حببتي
وبتأسف علي غيبتي
تسمحيني دا اكبر حلم بتمناه
تفارقيني دا موت وحياه
بنادي الضل علشانك
ف ساعة الضهر
وباسعي اكون حصان ثاير
يا احسن مهر
بيجي الليل بكون سهران
ومن حبك أكون سكران
ابص لفوق اشوف صورتك
قمر طالع في نص الشهر
ونفسي الفجر يتأخر
ويجي النجم يتمختر
علي عيونك
يا احلي ملاك بروح انسان
معاكي الدنيا ما بتخلص
حياتي الغالية ليكي ترخص
ساعات الفرح بتاخدنا
وننسي الحزان وهمومنا
وما نفكرش غير في اليوم
سما صافيه ما فيها غيوم
يا مين ضامن يعيش بكره
حاولت اقول كلام قلبي
كلام في القلب متخبي
سعيت علشان اقولهولك
لان العمر مش واثق
يكمل سكتوا معايا

تاليف صحبي وحبيبي ابراهيم ابوسمره
ده زي اخويا :) رايكم بصراحة عشان يشوفها :texano:

!_ToGoO_MorY_!
29-08-2013, 01:53 PM
بصراحه مش عارف اقولك ايه

الكلام جميل جدا

يسلم ايد الى كتبه

♥MoKa♥
29-08-2013, 04:45 PM
فنانـ

™_SaMeR_™
29-08-2013, 07:26 PM
جميل الكلام

!_Omar Mohamed_!
29-08-2013, 08:28 PM
تسلم كلام جميل

CHI-VA
29-08-2013, 09:32 PM
ممتــاز بصراحة ..بس ياريت التنسيق

!MaGeD
29-08-2013, 11:04 PM
:specool: شكرا ليكم يا احلي اعضاء :)

Nytros
30-08-2013, 12:41 AM
الكلام دة ميكتبهوش غير عاشق ولهان