المساعد الشخصي الرقمي

مشاهدة النسخة كاملة : الجزء الاول من الدوره ( المتغيرات و الثوابت )


iMido
31-03-2013, 08:27 PM
بسم الله الرحمن الرحيم

النهارده هنشرح المتغيرات و الثوابت الى يعتبرو من اهم اساسيات تعلم البرمجه لانك قليل اوى لما تلاقى برنامج مفيهوش متغيرات و ثوابت

المتغيرات و الثوابت عموما بتنقسم ل 3 اقسام نصيه و رقميه و منطقيه

الثوابت :-
--------------------------------------------------

ازاى بعرف الثابت
باستخدام الكلمه المحجوزه
Const

والقاعده هيا

Const Name As Type = Value

مثال على تعريف ثابت نصى ( string )

Const X As String

الكود ده غلط .. ليه غلط ؟
لو كتبته فى الفيجوال ستوديو هيجيلك الخطا ده
Constant Must Have A Value

مينفعش تعرف ثابت من غير م تحددله قيمه و فى نفس الوقت مينفعش تعرف ثابت و تحطله قيمه فى سطر تانى من الكود ..

مثال غلط
Const Y As String
Y = "Silkroad4Arab"

المثال الصح

Const Y As String = "Silkroad4Arab"

ملجوظه : فى لغه بيسك و السى شارب و اى لغه عموما النصوص بتتحط بين العلامتين دول "" علشان تعرف المترجم ان ده نص

طرق تعريف الثوابت
1 - الطريقه العاديه الى شرحناها فوق
2- كتابه الثابت من غير تحديد نوعه

Const U = "OOOO"

3- تعريف اكتر من ثابت فى نفس السطر و لازم تحدد قيمتهم برضو فى نفس السطر

Const name As String = "mohammed", age As Integer = 16

واخدين بالكو اننا مش استخدمنا الكلمه المحجوزه Const غير مره واحده ؟

اخطاء متوقع حدوثها و انت شغال مغ الثوابت ...

تغير قيمه الثابت فى البرنامج
Const M As Integer = 11
M = 5

تعريف الثابت فى سطر و قيمته فى سطر تانى زى م قلنا فوق

المتغيرات :-
---------------------------------------------------

تعريفها : مكان محدد فى الذاكره بيحتوى على بيانات من انواع مختلفه و بينفع تغير قيمتها عكس الثابت

شروط تعريف المتغير :

اسم المتغير ميكونش بيبدا برقم
Dim 1h as integer
اسم المتغير ميكونش فيه علامات زى ! او # او %
Dim c.g as string

متستخدمش الكلمات المحجوزه فى اسم المتغير
Dim if as float

كيفيه تعريف المتغير :

ياستخدام الكلمه المحجوزه Dim

Dim A as String

انواع المتغيرات وا الثوابت

http://vb4arb.com/vb/uploaded/5_51348343187.jpg

http://vb4arb.com/vb/uploaded/5_61348343187.jpg

النهايه :(88):

معلش ع التاخير يا رجاله مدرسه بقى و كده

اى سؤال سيبوه فى الموضوع ... مع السلامه

CHeeToS
31-03-2013, 10:04 PM
ياااه وانا بقرأ الدرس افتكرت حاجات كتير في البرمجة
لاني متغايب عن المجال لمدة سنة

---

تسلم ايدك يامعلم ^^
:(65):

iMido
31-03-2013, 11:00 PM
ياااه وانا بقرأ الدرس افتكرت حاجات كتير في البرمجة
لاني متغايب عن المجال لمدة سنة

---

تسلم ايدك يامعلم ^^
:(65):


اى خودعه :(84):

نورت الموضوع

Cursed_Devil
02-04-2013, 09:12 PM
تسلم تسلم و منتظرين المزيد (ملحوظة : وضح أكتر علشان منتساش ان فى ناس أبيض خالص خالص).

3ashek El7ozn
02-04-2013, 09:42 PM
مجهود رائع استمر !

°•.♥ H3ll King ♥.•°
02-04-2013, 11:31 PM
إزاي تدخل على المتغيرات والثوابت على طول ؟

فيـه ناس متعرفش منين تحميل البرنامج .. ولا فتحه .. ولا الواجهه .. ولا فتح مشروع جديد .. ولا حتى يكتب الكود ده فين .. ولا يجرب المتغيرات والثوابت ازاي .. ولا يطبق ازاي .

:(6):

تذكر : النــاس لسـه متعرفش اي حاجه !

DeMooN_Hell
03-04-2013, 10:50 AM
انا مش فاهم حاجة :|

iMido
04-04-2013, 02:14 AM
تسلم تسلم و منتظرين المزيد (ملحوظة : وضح أكتر علشان منتساش ان فى ناس أبيض خالص خالص).
حاضر ان شاء الله هقلب الدوره فديو :)

مجهود رائع استمر !

ربنا يخليك

إزاي تدخل على المتغيرات والثوابت على طول ؟

فيـه ناس متعرفش منين تحميل البرنامج .. ولا فتحه .. ولا الواجهه .. ولا فتح مشروع جديد .. ولا حتى يكتب الكود ده فين .. ولا يجرب المتغيرات والثوابت ازاي .. ولا يطبق ازاي .

:(6):

تذكر : النــاس لسـه متعرفش اي حاجه !

ايه يا عم انتا هتضربنى ولا ايه :(57):
بص
انا واخد بالى من الحته دى اوى اوى بس انا النت فاصل عندى وشغال مودم و الصور كل لما اجى ارفعها مش راضيه تترفع و الدرس اتاخر تقريبا يومين فقلت مش هينفع ااجل اكتر من كده ادخل فى المتغيرات و امرى لله

هوا غباء منى بس معلش النت رجع و الدوره هتكون فديو و هنظبط الدنيا ^_^
انا مش فاهم حاجة :|

معلش بقا ان شاء الله هحاول اعيد الحزء ده بطريقه اوضح

نورتو الموضوع يا رجااله :(132):

MissDooM
04-04-2013, 08:54 PM
مشكور

iMido
07-04-2013, 01:06 AM
مشكور

اى خودعه :(117):