المساعد الشخصي الرقمي

مشاهدة النسخة كاملة : وصيتي للي رايح يحرق مقر الإخوان


haloma100
15-02-2013, 11:35 AM
بسم الله الرحمن الرحيم

وصيتي للي رايح يحرق مقر الإخوان :

1- خد بالك من الكشف اللي في درج المكتب الاولاني ، ده كشف باسامي الفقرا اللي في المنطقة بنوزع بيه الاعانات الخيرية عليهم .

2- الدوسيه الاخضر اللي فوق المكتب ده فيه افكار شباب المنطقة ومشاريعهم عشان نحارب البطالة .

3- الدعوات اللي في الأظرف البيضا على الترابيزة الصغيرة كنت محضرها عشان اخدها معايا وانا نازل اوزعها على الدكاترة والممرضين اللي هايشاركوا في القافلة ا
لطبية للعلاج المجاني اللي هاتشتغل يوم الجمعه الجاية في المنطقة .

4- لو دخلت الاوضة المقفولة على يمين الطرقة خد بالك من الملابس في الاكياس على الارفف ، دي كانت ملابسنا المستعملة واحنا اخدناها وسهرنا عليها ايام عشان نجددها ونغسلها ونوزعها على الطلبة الفقرا في جامعتي .

5- اجهزة الكمبيوتر عليها نشيد حلو اوي عن فلسطين ، و شوية قراءات نادرة للقرآن الكريم بصوت عبدالباسط و المنشاوي ، وكمان ملف الاكسل اللي سهرت عليه الخميس والجمعه احضره باسامي الطلبة الغير قادرين في جامعتي عشان نساعدهم بالاعانات الشهرية وتمن الكتب ، بالله عليك حافظ عليهم عشان ماعنديش نسخة تانية .

6- الكتب اللي في المكتبة ومعظمها عن الاخلاق والعمل الجماعي و اعداد الشاب المسلم ، ياريت تاخد بالك منها .

7- اخر حاجة شوية بوسترات للشهداء و اذكار اتفرج عليهم قبل ما تحرقهم وبص لصورة الشهيد (كريم بنونة) يمكن يكون صاحبك وقابلته قبل كدا في الميدان .

ياريت بعد ما تخلص مهمتك في المقر ترد الباب وراك بالراحة عشان ماتزعجش باقي السكان في العمارة اصلهم ناس طيبين من اهلنا وبيحبونا زي ما احنا بنحبهم .

ღ♥Franky♥ღ
15-02-2013, 01:05 PM
1- خد بالك من الكشف اللي في درج المكتب الاولاني ، ده كشف باسامي الفقرا اللي في المنطقة بنوزع بيه الاعانات الخيرية عليهم .


ليهم رب كريم .. و رزقهم مبيقفش ع حد :)

2- الدوسيه الاخضر اللي فوق المكتب ده فيه افكار شباب المنطقة ومشاريعهم عشان نحارب البطالة .


كدب :)

3- الدعوات اللي في الأظرف البيضا على الترابيزة الصغيرة كنت محضرها عشان اخدها معايا وانا نازل اوزعها على الدكاترة والممرضين اللي هايشاركوا في القافلة ا


ممكن بردو

4- لو دخلت الاوضة المقفولة على يمين الطرقة خد بالك من الملابس في الاكياس على الارفف ، دي كانت ملابسنا المستعملة واحنا اخدناها وسهرنا عليها ايام عشان نجددها ونغسلها ونوزعها على الطلبة الفقرا في جامعتي .


كدب بردو ..

5- اجهزة الكمبيوتر عليها نشيد حلو اوي عن فلسطين ، و شوية قراءات نادرة للقرآن الكريم بصوت عبدالباسط و المنشاوي ، وكمان ملف الاكسل اللي سهرت عليه الخميس والجمعه احضره باسامي الطلبة الغير قادرين في جامعتي عشان نساعدهم بالاعانات الشهرية وتمن الكتب ، بالله عليك حافظ عليهم عشان ماعنديش نسخة تانية .


بيكلمونا بأسم الدين .. و هما اكتر ناس كدابين

6- الكتب اللي في المكتبة ومعظمها عن الاخلاق والعمل الجماعي و اعداد الشاب المسلم ، ياريت تاخد بالك منها .


اخلاق ؟ فين الأخلاق دي اساسا ؟

7- اخر حاجة شوية بوسترات للشهداء و اذكار اتفرج عليهم قبل ما تحرقهم وبص لصورة الشهيد (كريم بنونة) يمكن يكون صاحبك وقابلته قبل كدا في الميدان .


عشان بيحب يترسمو قدام الناس

ياريت بعد ما تخلص مهمتك في المقر ترد الباب وراك بالراحة عشان ماتزعجش باقي السكان في العمارة اصلهم ناس طيبين من اهلنا وبيحبونا زي ما احنا بنحبهم .


انا لو مكانهم هولع في المقر 100 مرة

و انا لو مع الناس دي اي مقر للأخوان في البلد هولع في بردو :)

مـلـحـوظه : انا مسلم زيم .. بس مش زيهم في حجات كتير :(

™_ EthereaL_™
15-02-2013, 01:10 PM
كله كدب

انا مسلم ضد الاخوان المسلمين مش ضد الدين

حسبي الله ونعم الوكيل في كل من اخذ الدين كتجاره.
:banned:

Paranoid
15-02-2013, 01:13 PM
مافيش كلمة اتقالت في الموضوع صحيحة

يا حول الله يا رب

مش عارف و الله لسه ليكوا عين تدافعوا عن الإخوان

امسح يا عم الموضوع :mellow: