المساعد الشخصي الرقمي

مشاهدة النسخة كاملة : الرجل الذى ابهرنا بمعرفته وبقوتة وبشخصيته واحترامه وتواضعه فى كرسى الاعتراف


adem2008
24-09-2008, 11:24 AM
بـــــــــسم اللــــــــه الرحـــــمن الرحـــيم


اعضاء ومشرفي منتدي Silkroad4Arab وبلأخص ( قسم بعيداً ) والي هيبقي اسمه المنتدي العام قريباً ..

نرحب بكم في موضوع ( كرسي الاعتراف )

http://img300.imageshack.us/img300/5230/korsijz9.jpg

وفكرة الكرسي بكل بساطة هيا :: ضيف كل اسبوع سيجلس عليه ويستعد لاسئلة الناس ويرد عليهم بكل شفافية او يهرب منها بذكاء في الاجابة .

وطبعاً اسئلة الناس ستكون تحت شروط سنستعرضها بعد قليل .

http://img213.imageshack.us/img213/5127/sbhjkfj7401roh3.jpg

۞ ضيف الاسبوع ۞



http://shababgamed.org/images/t7uaxv1gv6hglyj0cpkc.jpg


معروف للكل من هو

يمكن نعرف عنه صفات ويمكن نعرف عنه طباع ..

بس الاكيد فيه اشياء مانعرفهاش عنه

وده هدف الكرسي الاساسي (( الفضول والكشف عن المجهول ))

بس للفضول حدود طبعاً ,,, والحدود دي هتبقي مبنية علي القوانين دي ::

http://img525.imageshack.us/img525/255/sbhjkfj7401rer9.jpg

۞ قوانين كرسي الإعتراف ۞

تجرى المقابلة خلال أسبوع واحد قد تزيد حسب الحاجة، ومن خلالها سيتم طرح الأسئلة **والي عددها ( 5 اسئلة علي الاكثر لكل شخص ) ** على الضيف بعيدا عن التجريح والأسئلة التي تستهدف الضيف لمضايقته ,, حيث للضيف المستضاف مطلق الحرية بالرد أو عدمه على أي سؤال ..
عدم التطرق إلى الأسئلة التي تسبب مشاكل (عنصرية) وسوف يعاقب العضو السائل على ذلك .
يجب على العضو السائل أن يطلع على الأسئلة السابقة بحيث لا تتكرر الأسئلة.
تمنع التعليقات على الردود حتى لا يتم تغير مسار الحوار إلى ساحة دردشة .
للأعضاء الحق بـ سؤال المستضاف عن الأمور الشخصية وكذلك لهم الحق بالأسئلة التي تت*** بـ أمور المنتدى الغير معروفه للأعضاء والتي تحتاج الى معرفتهم.
سيتم اختيار الضيف التالي من قبل الضيف المستضاف وفي حال عدم الموافقة سيتم اختيار العضو من قبل إدارة المنتدى

http://img525.imageshack.us/img525/255/sbhjkfj7401rer9.jpg

وبسم الله نفتح اول حلقة في سلسلة الاعتراف

ويفتح الكرسي دراعيه لكي يستضيف الضحية الثالثة


http://shababgamed.org/images/t7uaxv1gv6hglyj0cpkc.jpg

والكرسي بيقولكم مش عاوز رحمة http://img83.imageshack.us/img83/2200/browsmz5.gif

=============

تم تجديد الموضوع
مع اطيب تحياتي وتمنياتي للضحية بنجاة من كماشة الكرسي :) ..

Ahmed shafiq
24-09-2008, 11:37 AM
ماشي يا أدم
كده برضه
عهملتها فيه
بس خلي بالك انا مش موجود يومي الجمعه والسبت زي ما إنته عارف
والله المستعان

adem2008
24-09-2008, 11:53 AM
ماشي يا أدم
كده برضه
عهملتها فيه
بس خلي بالك انا مش موجود يومي الجمعه والسبت زي ما إنته عارف
والله المستعان

مانا عارف علاش كده حنخليها بدل اسبوع 9 ايام :d:d

korkor
24-09-2008, 12:20 PM
بسم الله نبدا ومع استاذ احمد واول سوال بيقول
1-استاذ احمد ما هى شخصيتك؟؟؟
2-هل انت متزوج ولو متزوج عندك اولاد قد ايه واسمهم ؟؟؟^^
3-ياترى مين اكتر واحد بتحبو فى المنتدى
4-من انت ؟؟؟؟؟؟

adem2008
24-09-2008, 12:23 PM
بسم الله نبدا ومع استاذ احمد واول سوال بيقول
1-استاذ احمد ما هى شخصيتك؟؟؟
2-هل انت متزوج ولو متزوج عندك اولاد قد ايه واسمهم ؟؟؟^^
3-ياترى مين اكتر واحد بتحبو فى المنتدى
4-من انت ؟؟؟؟؟؟


صبح صبح

korkor
24-09-2008, 12:31 PM
صبح صبح

ربنا يستر واستاذ احمد ميزعلشى منى
^^

Ahmed shafiq
24-09-2008, 12:46 PM
مانا عارف علاش كده حنخليها بدل اسبوع 9 ايام :d:d

ههههههههههههههههههههههههه
روح ياشيخ
وتعالي بسرعه

صبح صبح

ههههههههههههههههه
كوركور داخل عليه سخن شفت يا أدووووم
هههههههههههههههه
ربنا يستر واستاذ احمد ميزعلشى منى
^^

ههههههههههههههههههه
لا يا جميل مستحيل أزعل منك طبعا

USERNAMO
24-09-2008, 12:57 PM
اشطه استاذ احمد اللى فى الكرسى بس للاسف مش عندى اسئلى يا رب تيجى فى دماغى اسئله عشان اسئل انتظرنى ^^

Ahmed shafiq
24-09-2008, 01:10 PM
بسم الله نبدا ومع استاذ احمد واول سوال بيقول
1-استاذ احمد ما هى شخصيتك؟؟؟
2-هل انت متزوج ولو متزوج عندك اولاد قد ايه واسمهم ؟؟؟^^
3-ياترى مين اكتر واحد بتحبو فى المنتدى
4-من انت ؟؟؟؟؟؟


شوف يا سيدي
**************
أحمد محمد شفيق من مواليد الجيزه
- مواليد 13 /5 /1968 م
يعني عمري 40 سنه
- مهندس معماري إستشاري
- بكالوريوس عمارة 1991 كلية الفنون الجميله قسم العمارة
- متزوج وعندي ولد ( يوسف 8 سنوات ) وبنت ( زينه 6 سنوات )

- شخصيتي شويه ممكن تكون متسامحه جدا ومتفائله إلي ابعد الحدود
أحب الله ورسوله وبعد كده أحب أهلي وعائلتي واصدقائي
ثقتي بالله لاتوصف من شدتها .
عندي والحمد لله من الخصال الحميده ما أحب أن أحتفظ بها بيني وبين ربي حتي لا تكون رياءا
متواضع وصبور جدا جدا ولكن إن إنفلت مني صبري
لا تعرف من أنا حينئذ
أكون عصبي لدرجه إنك لا تعرفني من شدة العصبيه
ولكني بعدها يمكن أن أندم علي ما فعلت من العصبية ولهذا احاول بأن
اتماسك واصبر إلي أبعد الحدود حتي لا أقع في الغلط ومن ثم الندم
- عندي خبرات وتجارب هايله من كل النواحي الإيجابيه والسلبيه.

من هواياتي
الصيد والقراءه وكتابة الشعر والسباحة والتأمل

أكتر واحد بحبو في المنتدي .سؤال صعب جدا انا بحبكم كلكم
واكتر واحد أنا بحبه فيكم هوه عارف نفسه كويس

من انا ؟؟؟؟؟؟
أحمد شفيق
عبد من عباد الله


وده رد علي أسئلتك يا عم كركور
هههههههههههههههههه
تحياتي

Golden_Chief
24-09-2008, 01:31 PM
ليه كتبت العضويه باسمك؟؟؟؟

ومكتبتهاش بالنك نيم بتاعك زي ما كل الناس عامله؟؟؟؟

Ahmed shafiq
24-09-2008, 01:34 PM
ليه كتبت العضويه باسمك؟؟؟؟

ومكتبتهاش بالنك نيم بتاعك زي ما كل الناس عامله؟؟؟؟

تقدر تقول إني ما بحبش الأقنعه
صريح وأحب المواجهه
يمكن كمان علشان واثق من نفسي بإذن الله
تحياتي

hero4ever
24-09-2008, 01:46 PM
اولا كل سنة و انتم طيبين يا شباب , ثانيا الاستاذ احمد بعد التحية :

س1 :- هو حضرتك عرفت المنتدى ده ازاي ؟؟

س2 :- هو حضرتك لما عرفت المنتدى ليه عجبك و حبيتو قوي كده وواصلت فيه ؟؟( منورنا طبعا ً :d)

س3 :- هو حضرتك بتلعب سيلك رود ؟؟

silkrano
24-09-2008, 02:48 PM
اولا كل سنة و انتم طيبين يا شباب , ثانيا الاستاذ احمد بعد التحية :

س1 :- هو حضرتك عرفت المنتدى ده ازاي ؟؟

س2 :- هو حضرتك لما عرفت المنتدى ليه عجبك و حبيتو قوي كده وواصلت فيه ؟؟( منورنا طبعا ً :d)

س3 :- هو حضرتك بتلعب سيلك رود ؟؟

جاوب بقى يا معلم

Yagami
24-09-2008, 03:43 PM
هل الصورة الرمزية هي فعلا لك

2- عمرك الحقيقي كاام!

crazyhamada
24-09-2008, 05:45 PM
انا هسئلك كام سوأل انا محتاج اسمع اجابتهم خصوصا واحد و اتنين
1-هل دراسه العماره كانت ممتعه بالنسبة لك ؟
2-هل ليها مجالات شغل كويسه؟
3-ليه كل مواضيعك فبعيدا عن سيلك رود ؟
4-بدام حضرتك مهندس ليه لابس سماعه دكتور(العتب عالنظر بس انا شايفها سماعه)؟

انا لسه ايا سؤال بس مش دلوقتي لما افتكر وانا يا استاذ احمد فتالته ثانوي رياضه و بفكر ادخل عماره لو نجحت فالقدرات شكرا يا ادم انك عرفتنا اكتر بالاستاذ احمد و يا ريت المره الجايه نستجوبك عشان في كام سؤال عسل

_CaESaR_
24-09-2008, 07:16 PM
أحمد شفيق : بيخاف من ايه ..؟
و ليه ..؟

الاسئلة اختيارية ممكن تختار انك متجاوبش عليها .

كورابيكا
24-09-2008, 08:03 PM
بما انى ارتاحت من الكرسى:D
اقولك WelCome مكانى هههههههههه

أسأل انا بقا ال 5 أسئلة بتوعى


سـ1ــہ اية طموحاتك على المستوى الشخصى و المهنى و العائلى؟
سـ2ــہ اية الحاجة الى حملت بيها و معرفتش تحققها؟
سـ3ــہ هل خصرت صديق من قبل؟(مع ذكر السبب إن امكن)
سـ4ــہ هل فى حد ظلمك قبل كدا لدرجة انك قولت (مش ممكن اسامحه)؟
سـ5ــہ من رأيك , من هو افضل مشرف / عضو / موضوع / و رد فى المنتدى ؟

تحياتــــى

ReD_DeviL
24-09-2008, 08:10 PM
بعد التحية : هما سؤالين 1- اية سر نجاحك و حب الناس ليك (سؤال رزل صح :d )

2- اية سر حبك للمنتدى خصوصا ان 95 % من المواضيع بيكون عن سيلك رود وزى ما اعرف حضرتك مش بتلعبها كتير

Geucanda
25-09-2008, 12:25 AM
بســـــــــــــــــــــم الله الرحمن الرحيم

....
..
.

كما وعدناكم اعزائي المشاهدين

مشاركتي حتكون ان شاء الله اغلس مشاركه في الموضوع كله

(( ممنوع التهرب من اي سؤال مهما كان السبب ))

(( ارجو الاجابه بكل صراحه وبجد فعلا ومفيش حد ابدا حيزعل من الاجابه وانا اولهم ))

-----------------------

السؤال الاول

من هو اكثر عضو تحبه في المنتدي ( واحد فقط )


السؤال الثاني

من هو اكثر مشرف تحبه في هذا القسم بالذات ( واحد فقط )


السؤال الثاث

اذكر اصعب موقف مريت بيه في حياتك


السؤال الرابع

لو اولادك كبرو وكان عندك فرصتين تقدر تحقق واحده منهم فقط ليهم وليك

الفرصه الاولي : يتعلمو احسن تعليم ويكونو مثقفين واساتذه

الفرصه الثانيه : تعليم متوسط ( تجاره مثلا ) بس ماااال عزير يحقق احلامهم واحلامك كلها

:: انا متأكد انك حتتعب اوي في السؤال ده ::


السؤال الخامس

لسه مش عارف اجيبه بس اصبر عليا :p

Ahmed shafiq
25-09-2008, 01:28 PM
اولا كل سنة و انتم طيبين يا شباب , ثانيا الاستاذ احمد بعد التحية :

س1 :- هو حضرتك عرفت المنتدى ده ازاي ؟؟

س2 :- هو حضرتك لما عرفت المنتدى ليه عجبك و حبيتو قوي كده وواصلت فيه ؟؟( منورنا طبعا ً :d)

س3 :- هو حضرتك بتلعب سيلك رود ؟؟

هيرو فور إفر إزيك يا جميل
وكل سنه وإنته طيب ويعود علينا وعليك الأيام المباركه بكل خير ويمن وبركات
أولا :- أنا عرفت المنتدي عن طريق واحد صاحبي مهندس كمبيوتر وهوه اللي عرفني الأول علي اللعبه وكنت شايفها سخيفه جدا جدا ومش طايقها وممله ( ولا زالت ) ههههههههههههههه
وكنت عايز تقريبا اتعرف علي اللعبه أكتر فصاحبي قالي علي المنتدي وهلاقي هنا كل اللي عاوز أعرفه عن اللعبه وبالفعل
جيت هنا وعملت برينت من كل اللي عاوزه وبعدين لقيت مواضيع هايفه جدا كتيره وبعض المواضيع اللي ممكن ييجي منها وبعض وأكتر المواضيع منقوله بدون معرفه ومن ضمنها مواضيع دينيه لقيت فيها غلطات في القرأن وفي الأحاديث والقصص
طبعا أنا والحمد لله علي خبره ولو بسيطه بالمواضيع الدينيه والإسلاميه والسيره النبويه الشريفه وده طبعا نتيجه القراءه المستمره للكتب والسيره والتراجم بشتي أنواعها .
المهم بقيت قاعد بالمرصاد لكام واحد بيعملوا مواضيع مضروبه لغايه ما فهموا وبطلوا ولقيت الشباب هنا جميل ومتفهم وبيتعلم بسرعه فقلت ليه ما أنقلش خبراتي ولو كانت بسيطه لكي تستفيدون منها .؟؟
وفضلت هنا في المنتدي يا جميل لغايه وقتنا هذا.

ثانيا :- أنا بلعب سيلك روود كل حين وحين مش مدمن يعني هههههههههههههههه
كل إسبوع ألعبلي ساعتين تلاته ولا حاجه
أنا مشترك في اللعبه من حوالي 7 شهور وأنا دلوقتي لبفل 38 ههههههههههههههههههه
شفت البطء
حاجه تجنن صح
أنا صيور لدرجه غير عاديه علي فكره لا أمل أبدا لغايه ما أحقق اللي في بالي بالصبر
(( علي فكره موضوع الصبر ده مجنن مراتي )) هههههههههههههههههه
تحياتي لك يا جميل


هل الصورة الرمزية هي فعلا لك

2- عمرك الحقيقي كاام!

فعلا يا جميل الصوره الرمزيه هيه صورتي الفعليه
شوف يا صديقي أنا مواليد 13 / 5 / 1968 م يعني عندي أربعين سنه وحوالي أربعة شهور و11 يوم بالظبط
ههههههههههههههههههههههههه
إيه عندك عروسه والا إيه
ههههههههههههههه

انا هسئلك كام سوأل انا محتاج اسمع اجابتهم خصوصا واحد و اتنين
1-هل دراسه العماره كانت ممتعه بالنسبة لك ؟
2-هل ليها مجالات شغل كويسه؟
3-ليه كل مواضيعك فبعيدا عن سيلك رود ؟
4-بدام حضرتك مهندس ليه لابس سماعه دكتور(العتب عالنظر بس انا شايفها سماعه)؟

انا لسه ايا سؤال بس مش دلوقتي لما افتكر وانا يا استاذ احمد فتالته ثانوي رياضه و بفكر ادخل عماره لو نجحت فالقدرات شكرا يا ادم انك عرفتنا اكتر بالاستاذ احمد و يا ريت المره الجايه نستجوبك عشان في كام سؤال عسل


شوف يا حماده
أنا كنت مجنون رسم ونحت وتصوير من وأنا في إبتدائي وفي إعدادي دخلت مسابقات في المدرسه في الرسم والنحت علي الألومنيوم ( الحفر ) وكده يعني وكنت مش بحقق مركز أول
كنت علي طول التاني أو التالث ( كوسه بقه ) هههههههههههههههه
المهم من حبي للعماره إضطريت إني أعيد الثانويه العامه علشان مش عاوز أدخل كليه التجاره
وبعدين من حظي غيروا المناهج في الإعاده وجبت مجموع زي
الأولاني دخلت بيه معهد فني معماري ( برضه علشان العماره )ومارضيتش أدخل تجاره
المهم بعد سنتين طلعت الرابع علي الجمهوريه علي مستوي مصر في المعاهد المعماريه وأول خمسه دخلنا فنون جميله قسم العماره ( علشان التخصص ) وتاني خمسه وتالت خمسه بقه إتوزعوا علي كليات الهندسه جامعات مصر القاهره والإسكندريه وهكذا بس دخلوا إعدادي عام مش عماره.
المهم شفت بقه أنا صبرت وإجتهدت وعلشان كده ربنا وقف جنبي وجابلي اللي أنا عاوزه .
بعد كده في الكليه كنت بفضل الله متميز علي مستوي الجامعه بالكامل من تفوقي للعماره.
وهكذا ومشي الحال والحمد لله.

العماره ليها طبعا مجالات شغل كويسه جدا جدا وشغلانه محترمه جدا .
والعائد الثقافي والمعنوي والمادي جيد أيضا والحمد لله .

أنا كل مواضيعي في بعيدا عن سيلك روود علشان أنا ضعييف جدا في اللعبه
هههههههههههههههههههههههههههههههههههههههههه

دي مش سماعة دكتور يا جميل دي الأي دي بتاعة الشغل
أصلي كنت في الشغل ساعتها .

أنا بنصحك تدخل عمارة وتوكل علي الله ومن توكل علي الله فهو حسبه

تحياتي لك يا جميل
وشكرا للجميع
أحمد شفيق

adem2008
25-09-2008, 01:49 PM
ههههههههههههههههههههههههه
إيه عندك عروسه والا إيه
ههههههههههههههه

^^ ربينا يخليلك ام العيال وفى دوام الصحة والعافية والتفاهم ان شاء الله

وربينا معاك فى الاسئلة لملهاش حل دى ^^

Ahmed shafiq
25-09-2008, 01:59 PM
أحمد شفيق : بيخاف من ايه ..؟
و ليه ..؟

الاسئلة اختيارية ممكن تختار انك متجاوبش عليها .

حبيبي وأخي سيزر
حسين باشا
أحمد شفيق يخاف من الله سبحانه وتعالي أولا وأخيرا
ولا أخشي ولا اهاب إلا منه سبحانه وتعالي
لماذا لأنه يعلم ما في نفسي ولا أعلم ما في نفسه والذي أطمع أن يغفر لي خطاياي يوم الدين

بما انى ارتاحت من الكرسى:d
اقولك welcome مكانى هههههههههه

أسأل انا بقا ال 5 أسئلة بتوعى


سـ1ــہ اية طموحاتك على المستوى الشخصى و المهنى و العائلى؟
سـ2ــہ اية الحاجة الى حملت بيها و معرفتش تحققها؟
سـ3ــہ هل خصرت صديق من قبل؟(مع ذكر السبب إن امكن)
سـ4ــہ هل فى حد ظلمك قبل كدا لدرجة انك قولت (مش ممكن اسامحه)؟
سـ5ــہ من رأيك , من هو افضل مشرف / عضو / موضوع / و رد فى المنتدى ؟

تحياتــــى

ده يا إبني إنته عاوز موضوع لواحدك
ههههههههههههههههههههههههههههه
إيه كل ده
طيب ماشي
طموحاتي علي المستوي الشخصي والعائلي
اولا أن ندخل الجنه
ثانيا الستر في الدنيا وفي الأخره
إبني يوسف يكون دكتور ( طبيب )
وبنتي زينه تكون مهندسه معماريه أو دكتوره صيدله
وربنا يطرح البركه فيهم وأشوف أولادهم
وأتمني انا ومراتي بعد ما نروح نحج نلف العالم كله نتفسح ونشم هوا أصل الهوا هنا سخن
هههههههههههههههههههههه
بجد أنا أحب الترحال قوي
علي المستوي المهني بأن أصل لاعلي المراكز في الشغل
وطبعا الراتب والدخل يزيد
وبارك الله فيما رزق
2- الحاجه اللي حلمت بيها ولسه ما حققتهاش
إني لسه ما كملتش السفر لإني إبتديت فعلا للسياحه ولكن في أسيا زي الصين وتايلاند ودبي والكويت طبعا بحكم شغلي هههههههههههههههه
ونفسي أكمل العالم كله رحلات.
3-بالنسبه لخسرت صديق .....همممم
لا أعتقد ممكن أكون خسرت صديق من قبل .
4-سـ4ــہ هل فى حد ظلمك قبل كدا لدرجة انك قولت (مش ممكن اسامحه)؟
أيوه ومش ممكن أسامحها أبدا لإن الظلم وحش جدا جدا
الله يسامحها بقه .............. 15 سنه ظلم ....... من هي
أحتفظ بالإجابه لنفسي لإنه لا يفيد أحد ......
سـ5ــہ من رأيك , من هو افضل مشرف / عضو / موضوع / و رد فى المنتدى ؟
المشرفين كلهم والأعضاء حبايبي
الموضوع اللي بيعجبني بكتب لصاحبه إنه موضوع هايل
واللي ما بيعجبنيش ممكن حاجه من إتنين
يا اقوله ............. أو ما أكتبش حاجه خالص وأخرج من موضوعه من سكات
بس إن كان موضوع ديني لازم أفهمه غلطه إن كان غلطان .

إنته خلصت عليه في الاسئله دي
يلا علشان أشوف غيرك
تحياتي ليك يا جميل أنا بهزر طبعا

Ahmed shafiq
25-09-2008, 02:00 PM
^^ ربينا يخليلك ام العيال وفى دوام الصحة والعافية والتفاهم ان شاء الله

وربينا معاك فى الاسئلة لملهاش حل دى ^^

ماشي يا أدوووووووووم
شفت
العيال ماصدقوا
ههههههههههههه
بس أنا بحبهم والله كلهم
تحياتي

! FiRe !
25-09-2008, 02:03 PM
اسمحلى ، مش هطول
لكن هو سؤال واحد ، اصلى مش بحب ابقا تقيل على حد
السؤال هو:
1- ايه رايك فى حال العرب؟ وازاى يتصلح حالهم من رايك؟ والعيب فى مين ، ومن مين؟
وشكرا على سعة صدرك
وربنا ما يحطنا فى موقف زى اللى حضرتك فيه ^^

Ahmed shafiq
25-09-2008, 02:09 PM
بعد التحية : هما سؤالين 1- اية سر نجاحك و حب الناس ليك (سؤال رزل صح :d )

2- اية سر حبك للمنتدى خصوصا ان 95 % من المواضيع بيكون عن سيلك رود وزى ما اعرف حضرتك مش بتلعبها كتير

أولا إزيك وعامل إيه وأتمني تكون بخير بإذن الله
أنا ياسيدي بالنسبه لسر النجاح ده من الله ثم من دعاء الوالد ليه الله يرحمه وكان بيدعيلي ويقولي
ربنا يابني يوفقك ويحبب خلقه فيك
وده باين طبعا والحمد لله بحب الناس ليه وباين بتوفيق الله سبحانه وتعالي عليه
إن فضل الله علي عظيما

2- سر حبي للمنتدي إنتم
بحب إني أسمعكم وأقرأ منكم مواضيعكم ولازم يكون فيه مساحه مفتوحه بين الأجيال
علشان توارث القيم والمبادئ والأسس التي سوف تقوم عليها الحياة وتراكم الخبرات المستقبليه لديكم من اجل مستقبل أفضل في ظل حياه سعيده ((( إيه رأيك في الكلمتين دول ))
هههههههههههههههههههههههههههههههههههههههههههههههههه
تقولش سعد زغلول يا خي بيخطب
أنا تقريبا أقل واحد مستوي في اللعبه دي في المنتدي
ومابكتبش خالص عن اللعبه
ولا موضوع واحد حتي
الموضوع الوحيد اللي كتبته طلع متعاد من 4 شهور وهوه عن إني قال إيه شفت صوره الوحش ولقيت إسمه الشيطان فحبيت يعني غني أقولكم عليه .....
العيال قعدوا يضحكوا عليه وحسسوني إني دقه قديمه
ههههههههههههههههههههههههههههههههه
أنا ماليش في اللعبه غير قلييييييل جدا يمشي الحال يعني
شكرا لك
تحياتي

Ahmed shafiq
25-09-2008, 02:27 PM
بســـــــــــــــــــــم الله الرحمن الرحيم

....
..
.

كما وعدناكم اعزائي المشاهدين

مشاركتي حتكون ان شاء الله اغلس مشاركه في الموضوع كله

(( ممنوع التهرب من اي سؤال مهما كان السبب ))

(( ارجو الاجابه بكل صراحه وبجد فعلا ومفيش حد ابدا حيزعل من الاجابه وانا اولهم ))

-----------------------

السؤال الاول

من هو اكثر عضو تحبه في المنتدي ( واحد فقط )
أدم وسيزر وإنته وعمرو ومصطفي وحبيب الله (الله يرحمه) وطارق وكلكم في المنتدي يا جيو أبنائي وأصدقائي وإخوتي مايفعش واحد بس لإنهم كتيييير
وكلكم بحبكم في الله

السؤال الثاني

من هو اكثر مشرف تحبه في هذا القسم بالذات ( واحد فقط )
تعرف يا جيو
المشرف اللي مش بحبه فعلا هوه اللي عملي بلوك بدون وجه حق في بدايه العضويه بتاعتي هنا
ونفسي اعرف مين هوه بس لمجرد المعرفه وعلشان أفهمه إنه غلطان وانا تقريبا عرفته من كلامي معاه كذا مره من قبل كده وهوه مش هنا دلوقتي بعد ما مشي وعمل مشاكل
أما بالنسبه للي بحبهم
كلهم برضه

السؤال الثاث

اذكر اصعب موقف مريت بيه في حياتك
أصعب موقف مريت بيه في حياتي كان يوم ما حصلي شلل نصفي في الدماغ
وكان من أصعب واحلك الأيام التي مرت علي في الدنيا والله لا يعيدها ولا يوري أي أحد منها
وكانت من حوالي 4 سنوات ولا زلت اتعالج منها حتي الأن
والحمد للهالسؤال الرابع

لو اولادك كبرو وكان عندك فرصتين تقدر تحقق واحده منهم فقط ليهم وليك

الفرصه الاولي : يتعلمو احسن تعليم ويكونو مثقفين واساتذه

الفرصه الثانيه : تعليم متوسط ( تجاره مثلا ) بس ماااال عزير يحقق احلامهم واحلامك كلها

:: انا متأكد انك حتتعب اوي في السؤال ده ::

طبعا سؤال متعب جدا وأنا حاسس بيه قوي عارف ليه
لإني بحاول بكل طاقتي وبالإستعانه بالله في شغلي ليل نهار علشان احاول أن أوفر لأولادي أي حاجه يتسندوا عليها وما يبدأوش من الصفر زي حالاتي .
وطبعا علشان أختار الاجابه الأولي قصدي الفرصه الأوليالسؤال الخامس

هههههههههههههههههههههههههههههههه
ماشي يا جيو
لسه مش عارف اجيبه بس اصبر عليا :p

علي فكره أنا أي سؤال بعد أقل من خمس دقائق
كده بإذن الله هرد عليه يوم الأحد
تحياتي لك يا جيو وسلامي للجميع
أحمد شفيق

Ahmed shafiq
25-09-2008, 02:31 PM
اسمحلى ، مش هطول
لكن هو سؤال واحد ، اصلى مش بحب ابقا تقيل على حد
السؤال هو:
1- ايه رايك فى حال العرب؟ وازاى يتصلح حالهم من رايك؟ والعيب فى مين ، ومن مين؟
وشكرا على سعة صدرك
وربنا ما يحطنا فى موقف زى اللى حضرتك فيه ^^

شوف يا جميل
السؤال ده من أخطر الأسئله اللي تم طرحها وسؤالها لي
وده ما يتردش عليه في عجاله
أنا دلوقتي ماشي لإن عندي إجتماع
ويوم الأحد بإذن الله أوعدك إني هرد عليك أول واحد
بس فعلا سؤال في الجــــــــــــــــــــــــــــــــــــــون
تحياتي أحمد

Geucanda
25-09-2008, 02:32 PM
علي فكره أنا أي سؤال بعد أقل من خمس دقائق
كده بإذن الله هرد عليه يوم الأحد
تحياتي لك يا جيو وسلامي للجميع
أحمد شفيق

رديت علي الاسئله بكل ثقه وطبعا ولله حزنت اوي لما عرفت اصعب موقف يارتني مسألتك ولله

بس انت مقولتش واحد بس :mad:

انت داخل تقول المنتدي كله :mad:

لكن مقبوله المرادي بس اصبر علي السؤال الخامس

طبعا انا عارف مين المشرف ده كويس اوي

اللي تقصده

لكن ما علينا

المهم انا كان نفسي تقول واحد بس فينا علشان نقلبها عركه

:D

ĞARA
25-09-2008, 02:34 PM
سؤال الاول = ايه اكتر اكلة بتحبها
سؤال التاني = نوع سيارتك ايه
سؤال تالت = ايه رايك في الاعضاء دول وبتفصيل
عمرو ماندو و وولف و ديابلو وادم وهيل لورد وانا :p

سؤال رابع = بتشجع فرقة مين في الكورة
سؤال خامس = مين احسن فلم عربي واجنبي عندك

Ahmed shafiq
25-09-2008, 02:34 PM
رديت علي الاسئله بكل ثقه وطبعا ولله حزنت اوي لما عرفت اصعب موقف يارتني مسألتك ولله

بس انت مقولتش واحد بس :mad:

انت داخل تقول المنتدي كله :mad:

لكن مقبوله المرادي بس اصبر علي السؤال الخامس

طبعا انا عارف مين المشرف ده كويس اوي

اللي تقصده

لكن ما علينا

المهم انا كان نفسي تقول واحد بس فينا علشان نقلبها عركه

:d

ههههههههههههههههههههه
طول معرفتي بيك وانته دمك خفيف
وشكرا لك لتقبلك الإجابات الجماعيه اللي مش فرديه
ههههههههههههههههههههههههههههه
تحياتي

Golden_Chief
25-09-2008, 03:05 PM
هل قراراتك بتكون دائما نهائيه و حاسمه؟؟

ولا ممكن ترجع عن قرار في أي لحظه؟؟

Bilamose
25-09-2008, 03:29 PM
السلام عليكم يا شباب

ســـ1ــ: هل انتا لما عملت رحلات كتيرة فى الكويت و دبى .....ألخ,... حسيـت انهم احلى من مصر ؟ و لا اوحش ؟

ســ2ــ: عمرك تعرضت للسرقة او النصب فى حاجة غاليــه ؟او أتهدتت بحاجــه عزيزة ؟؟(السؤال دة عندى :d )

بس كدة لو فكرت فى حاجة تانيه هقولك

شكرا جدا ليك مقدما على الرد على أسئلتى

و مش هقول لحضرتك بصراحه لأن انتا مش محتاج;)

ســــــلام

الواد العفريت
25-09-2008, 03:32 PM
بجد انا سعيد اني صادفت القسم المناسب اخيرا .. بعيدا عن الكل والمل والمواضيع الكتيرة الي مكررة
في نفس الوقت والمنقول اغلبها من غير حتى مايعرفوا محتواها .. للقسم الجميل الي كله افاده ومناقشات
وحوارت ساخنة جميلة ... بس كان ليا اقتراح صغير .. ( يعني احنا ممكن نعمل قسم كامل لموضوع ضيف كل اسبوع او كرسي الاعتراف ) يعني علشان تبقى كل الاعترافات وكل السادة الاعضاء الي الله يكون في عونهم زارو الكرسي :D:D او لسه هيزوروه تكون موجوده والعضو الجديد صاحب الكرسي يكون موضوعه متثبت خلال الاسبوع وبعد الاسبوع يتم غلق الموضوع مع شكر خاص لصاحب الموضوع ويتم فكه من التثبيت ... ده مجرد اقتراح واسف على الاطاله ...

استاذنا الجليل استاذ احمد انا قريت كل ردودك ف الموضوع ... وواضح وضوح الشمس
الثقه بالنفس المستمدة اكيد طبعا من قوة في الايمان بارك الله فيك ...

اسألتي بسيطة وسهله ومن داخل المقرر ماتخفش :D:D
1- ايه رأيك ف الشارع المصري اليومين دول .. وايه اخر الاحداث الي استوقفت وخليتك تعيد حساباتك من اول وجديد ؟؟!!
2- شباب اليومين دول معزورين ( مقهورين ) ام مرفهين .. ( طبعا مش مقارنة بزمن الفن الجميل :D:D )
3- طبعا بما اننا ملناش ف السياسه :o ف اسمحلي متكلمش فيها :D
لو اقترحنا عليك منصب سياسي مهم من اول رئيس الجمهورية وانت نازل .. هتفضل اي منصب .. واول حاجه هتعملها ف المنصب ده ايه ؟؟ّّ!!
4- كنت رديت على سؤال فات وقلت انك كثير الترحال والسفر لبلدان كثيرة .. ( سؤال شخصي رخم شوية ) اين زوجتك واولادك في نطاق عملك .. يعني بما انك كثير الترحال :o:o
5- عاوز منك مقارنة صغيرة بين مصر وبين معظم الدول الي زورتها .. يعني مثلا ايه الي شوفته في بلد معينه واتمنيت ساعتها انك تشوفه في مصر ... وكده يعني ;);)

اسف جدا على الاطاله واتمنى ان تكون اسألتي ليست بمحرجه .. وكنت اتمنى ان تكون الاسئلة اكتر من 5 لاني بجد لسة في اسألة كتيرة لوي جواية نفسي الاقي منها اجابة من شخص جدير بالثقة مثلك .. وفي النهاية لا يسعني سوى ان اقول لك .. تقبل خالص وفائق احترامي ,

الواد العفريت
25-09-2008, 03:43 PM
معلش يا ادم اعذرني بس السؤال ده مهم جدا اني اسمعه من اب .. بس ياريت يرد عليا بكل صراحه .. بليز

يا استاذ احمد انت رديت قبل كده وقلت نفسك ان يوسف باذن الله يبقى دكتور و بنتك ربنا يخلهالك مهندسه

معمارية او دكتورة برده ... طب نفترض جدلا ان ولادك جم في المرحلة الثانوية وبعد مجموع كبير مشرف

ولقيتهم وهما بيكتوا الرغبات ان رغباتهم في كليات تنية خالص غير الحلم الي انت كنت عايش عليه ..

واصفلنا تصرفك هيكون ازاي وحالتك النفسيه ساعتها . . وهل ستفل النقاش ولا ستفضل الطريقة المعتاده

( الي مابقتش تجيب نتيجه غير بالسلب ) منتظر الاجابة اذا سمح ادم ..

hellman
25-09-2008, 05:16 PM
بجد موضوع اللي يدخل فيه يروح فيها:D
ربنا يصبرك يا استاذ احمد على الاسئلة دي:o
الناس مبترحمش:mad::D

انا مبحبش ارخم
انا هسئل كام سؤال كده وخلاص

سـ1 حضرتك بتحب الترحال؟,طب ايه البلاد اللي نفسك تروحها اوي
سـ2 هو حضرتك شغال ايه بالظبط ((مش عايز الاجابة مهندس معماري)):D

ومع احلى سلآآآآم:)

Omar_El*POP
25-09-2008, 05:45 PM
السلام عليكم
1-من انهو محافظة؟
2-فرحت لما بئة عندك طفلان زى العسل زيك؟
3-مين اكتر واحد ضايقك فى حياتك
4-كان نفسك تشتغل اية
يا رب اسئلتى لا تضايقق وتقبل مرورى

MiDoElPrO
25-09-2008, 07:37 PM
انا سؤالي سهل جداااا و حسب خبرتب الجواب هيبقا "نعم"


الصورة الرمزية حضرتك كنت في مؤتمر لما اتصورتها صح؟

crazyhamada
25-09-2008, 08:54 PM
تحياتي لك و شكرا علي الاجابه الوافيه حضرتك راجل زي العسل عقبالنا ندخل عماره

ReD_DeviL
26-09-2008, 01:06 AM
أولا إزيك وعامل إيه وأتمني تكون بخير بإذن الله
أنا ياسيدي بالنسبه لسر النجاح ده من الله ثم من دعاء الوالد ليه الله يرحمه وكان بيدعيلي ويقولي
ربنا يابني يوفقك ويحبب خلقه فيك
وده باين طبعا والحمد لله بحب الناس ليه وباين بتوفيق الله سبحانه وتعالي عليه
إن فضل الله علي عظيما

2- سر حبي للمنتدي إنتم
بحب إني أسمعكم وأقرأ منكم مواضيعكم ولازم يكون فيه مساحه مفتوحه بين الأجيال
علشان توارث القيم والمبادئ والأسس التي سوف تقوم عليها الحياة وتراكم الخبرات المستقبليه لديكم من اجل مستقبل أفضل في ظل حياه سعيده ((( إيه رأيك في الكلمتين دول ))
هههههههههههههههههههههههههههههههههههههههههههههههههه
تقولش سعد زغلول يا خي بيخطب
أنا تقريبا أقل واحد مستوي في اللعبه دي في المنتدي
ومابكتبش خالص عن اللعبه
ولا موضوع واحد حتي
الموضوع الوحيد اللي كتبته طلع متعاد من 4 شهور وهوه عن إني قال إيه شفت صوره الوحش ولقيت إسمه الشيطان فحبيت يعني غني أقولكم عليه .....
العيال قعدوا يضحكوا عليه وحسسوني إني دقه قديمه
ههههههههههههههههههههههههههههههههه
أنا ماليش في اللعبه غير قلييييييل جدا يمشي الحال يعني
شكرا لك
تحياتي

الله يسلمك و الحمد لله بخير فعلا اجابات مية مية -مع انى مش فاهم حاجة و كلام كبير بس مش مهم-هههههه انا بهزر طبعا اه انا كنت عايز اقول لحضرتك انك كمان احسن من سعد زغلول على الاقل انا ما شوفتوش سعد زغلول و هو بيكتب كلام زى العسل كدة (اية رايك شوية مجاملات انما اية تمااااااااام ) ههههه :d انا حاسس انى طولت صح طب سلااام بقى

fasterbad
26-09-2008, 08:19 AM
ربنا يقويك يا استاذ احمد علي الاسئله ديه كلها
و ربنا يسمحك يا ادم
انتا علي طول تحت الناس في المواقف ديه^^
و باذن الله ويارب ان ادم يكون القادم

mr_gladitor
26-09-2008, 03:27 PM
والله و انا بكتب مكسوف جدا انا شايف كميه اسئله لا حصر لها:o

و الصراحه احنا عاجزين عن الشكر لأنضمامك للشباب و ازاى احنا استفدنا منك:)

الصراحه ربنا يكرمك و يووفقك

بس انا عندى سؤال بسيط عشان مبأش رزل:D

دلؤتى حال البلد مش محتاج تفسير بس انا مش عارف انا عندى فرص ممكن اسافر بعد الدراسه

(انا كليه سياحه و فنادق قسو ارشاد سياحى سنه2 و اعمل Tour Leader بأحدى شركات السياحه فئه أ)

و بجد محتار اكمل هنا ولا انفد بجلدى من البلد ديه؟؟؟؟؟؟؟؟؟:confused::confused::confused:

مش حطول علي حضرتك اكتر من كده و مشكور مره تانيه

و السلام ختام.

Hellz_Lord
26-09-2008, 04:47 PM
أجب عن سؤال واحد فقط من السؤالين التاليين على ان يكون مجموع الاسئلة المجابة 2 :confused::confused::confused:
(( و الحدق يفهم )) :D:D:cool:


السؤال الاول
ماذا تمنيت ان تكون عندما كنت طفلا :rolleyes::D

سؤال اضافى

كيف ترانى ؟؟؟ (( أوعى تقولى بعينى :mad::mad: )) قصدى شايفنى ايه كانسان :)

سؤال الاول = ايه اكتر اكلة بتحبها

سؤال التاني = نوع سيارتك ايه

سؤال تالت = ايه رايك في الاعضاء دول وبتفصيل

عمرو ماندو و وولف و ديابلو وادم وهيل لورد وانا :p



سؤال رابع = بتشجع فرقة مين في الكورة

سؤال خامس = مين احسن فلم عربي واجنبي عندك






اسمى Hellz_Lord دايما بتنسى الـz :eek::D:cool:

^^

DiaBlo
26-09-2008, 11:27 PM
استاذي العزيز : احمد شفيق ....

انا اسألتي كلها محيراني لأني نفسي استفيد من خبرتك كزوج و كمناضل في الحياة الصعبة اللي احنا فيها ...

السؤال الاول :انا كمان سنتين او تلاتة بأذن الله حتجوز و كنت عايز اعرف ازاي اخلي الغيرة اللي عندي علي خطيبتي تبقي معتدله لأني بجد بغير عليها جدا لدرجة يمكن هي مستغربه من مدي غيرتي عليها ...

السؤال التاني :انا مكنتش منتظم في صلاتي و لما دخل رمضان بفضل الله الواحد انتظم في الصلاة عايز اعرف ازاي احافظ عليها علاطول

السؤال الثالث : حضرتك اتجوزت و انت عندك كام سنه ؟

السؤال الرابع : لو الزمن رجع بيك ورا و قالولك تختار تكون جنسيتك ايه حتقول ايه ؟

السؤال الخامس : ايهما تفضل الاقامة في الكويت ولا في مصر ؟ و ليه ؟ و هل فعلا الكويتيين بيعاملوا المصريين هناك وحش ؟

و الف شكر مقدما ^^

fasterbad
27-09-2008, 07:04 AM
استاذي العزيز : احمد شفيق ....

انا اسألتي كلها محيراني لأني نفسي استفيد من خبرتك كزوج و كمناضل في الحياة الصعبة اللي احنا فيها ...

السؤال الاول :انا كمان سنتين او تلاتة بأذن الله حتجوز و كنت عايز اعرف ازاي اخلي الغيرة اللي عندي علي خطيبتي تبقي معتدله لأني بجد بغير عليها جدا لدرجة يمكن هي مستغربه من مدي غيرتي عليها ...

السؤال التاني :انا مكنتش منتظم في صلاتي و لما دخل رمضان بفضل الله الواحد انتظم في الصلاة عايز اعرف ازاي احافظ عليها علاطول

السؤال الثالث : حضرتك اتجوزت و انت عندك كام سنه ؟

السؤال الرابع : لو الزمن رجع بيك ورا و قالولك تختار تكون جنسيتك ايه حتقول ايه ؟

السؤال الخامس : ايهما تفضل الاقامة في الكويت ولا في مصر ؟ و ليه ؟ و هل فعلا الكويتيين بيعاملوا المصريين هناك وحش ؟

و الف شكر مقدما ^^




شويه اسئله جامده
جاوب يا استاذ احمد

LastThief
27-09-2008, 12:08 PM
يا نهار ازرق استاذ احمد على الكرسى طب يلا بقى اديك 5 اسئلة جامدين كدة (دة انا اسئلتى سهلة خالص :p)

1- شخصيتك اية
2-بتصلى
3-بتشرب سجاير
بس شوفت سهلة ازاى

الاجابة باة ولا :D

memomostafa2010
27-09-2008, 08:24 PM
بسم الله الرحمن الرحيم
اولا اسمحلى رغم كل شىء انى اشكر ادم على الموضوع الرائع ده اللى سمحلنا ان نتعرف على حضرتك و نستفيد منك
اولا: انا كنت عاوز اسئل حضرتك سؤال انا دلوئت فى كليه هندسه جامعه اسكندريه بس لسه فى اعدادى يعنى مهندس تحت الانشاء ^^ بس كنت عاوز اسئل حضرتك هو حضرتك شايف انى قسم افضل عماره و لا مدنى ؟ انا أولت اسأل مجرب ^^
ثانيا : ده مش سؤال بصراحه انا بس كنت عاوز اشك حضرتك على مشاركتك لينا لان زى محضرتك اولت فعلا من المهم التواصل بين الاجيال

شـــــــكــــــرا

GM]RedKiller]
28-09-2008, 12:20 AM
يا جماعه بالراحه شويه على استاذ احمد انتم مقرتوش فى الاول انه مش هيجاوب على اى حاجه غير بعد يوم السبت و الاحد استنو لما يجيى و بعدين كملو

انا عن نفسى مش هسأل دلوقتى لحد ما يجاوب على الاسأله دى و ابقى اقول انا براحتى شعان كده الضغط هيكون كبير شويه

و انا اسعدنى جدا انى اتعرف على استاذ احمد

GM]RedKiller]
28-09-2008, 12:28 AM
استاذي العزيز : احمد شفيق ....

انا اسألتي كلها محيراني لأني نفسي استفيد من خبرتك كزوج و كمناضل في الحياة الصعبة اللي احنا فيها ...

السؤال الاول :انا كمان سنتين او تلاتة بأذن الله حتجوز و كنت عايز اعرف ازاي اخلي الغيرة اللي عندي علي خطيبتي تبقي معتدله لأني بجد بغير عليها جدا لدرجة يمكن هي مستغربه من مدي غيرتي عليها ...


اولا انا اسف انى رديت عليك بس حبيت انك تاخد فكره من اتنين بدل واحد و طبعا استاذ احمد هيقدر يفيدك اكتر لانه اكبر سنن بس حبيت انى اقولك حاجه

الغيره يا احمد بتيجى من الحب انت بتحب خطيبتك عشان كده بتغير عليها و انا عارف احساساك و حسيت بيه قبل كده بس محصلش نصيب

اما انك ازاى تشيل الاحساس ده منك فده على حد تجربتى صعب شويه
الحل و متزعلش من كلامى و هكون صريح معاك
انك لازم تثق فى نفسك شويه اكتر من كده لان خطيبك اكيد بتحبك لانى عارف كويس انك شاب ممتاز و محترم جدا جدا لازم ثقتك بنفسك تزيد شويه و فى خطيبتك و دى على فكره و اكيد الاستاذ احمد هيتفق معايا فيها وسوسة شيطان و اعتقد اننا عارفين كده
استعيز بالله سبحانه وتعالى جل وعالى و خالى ثقتك بنفسك اكبر و ان شاء المولى عز وجل مش هتلاقى الاحساس ده تانى

اسف مره تانيا انى جاوبت على السؤال ده بس حبيت انى افيدك مش اكتر

اسيب الاستاذ احمد ياجاوب على بقيت الاسأله

_CaESaR_
28-09-2008, 10:14 AM
حبيبي وأخي سيزر
حسين باشا
أحمد شفيق يخاف من الله سبحانه وتعالي أولا وأخيرا
ولا أخشي ولا اهاب إلا منه سبحانه وتعالي
لماذا لأنه يعلم ما في نفسي ولا أعلم ما في نفسه والذي أطمع أن يغفر لي خطاياي يوم الدين

اجابة نموذجية ربنا يغفرلك و يغفرلنا كلنا ذنوبنا و يقوينا علي شهوات الدنيا و يحفظنا عنها ..

طيب ممكن سؤال كمان ... ؟

أحمد شفيق بيندم علي ايه في حياته ..؟
انا اسف لو السؤال مكرر بصراحة انا بقالي اكتر من يوم مشغول جدا في موقعي الي كنت بظبط الواجهة بتاعته والله و مش فاضي اقرا اي حاجة خالص .. :( بعتذر كمان مرة اذا كان سؤال مكرر .

تقبل تحياتي و كل سنة و انت بالف صحة و كل المنتدي و المسلمين و ربنا يجعل اياممنا كلها عيد .

_CaESaR_
28-09-2008, 10:15 AM
والله بيصعب عليا الي بيعد علي الكرسي ده ^^

DiaBlo
28-09-2008, 10:31 AM
اولا انا اسف انى رديت عليك بس حبيت انك تاخد فكره من اتنين بدل واحد و طبعا استاذ احمد هيقدر يفيدك اكتر لانه اكبر سنن بس حبيت انى اقولك حاجه

الغيره يا احمد بتيجى من الحب انت بتحب خطيبتك عشان كده بتغير عليها و انا عارف احساساك و حسيت بيه قبل كده بس محصلش نصيب

اما انك ازاى تشيل الاحساس ده منك فده على حد تجربتى صعب شويه
الحل و متزعلش من كلامى و هكون صريح معاك
انك لازم تثق فى نفسك شويه اكتر من كده لان خطيبك اكيد بتحبك لانى عارف كويس انك شاب ممتاز و محترم جدا جدا لازم ثقتك بنفسك تزيد شويه و فى خطيبتك و دى على فكره و اكيد الاستاذ احمد هيتفق معايا فيها وسوسة شيطان و اعتقد اننا عارفين كده
استعيز بالله سبحانه وتعالى جل وعالى و خالى ثقتك بنفسك اكبر و ان شاء المولى عز وجل مش هتلاقى الاحساس ده تانى

اسف مره تانيا انى جاوبت على السؤال ده بس حبيت انى افيدك مش اكتر

اسيب الاستاذ احمد ياجاوب على بقيت الاسأله


ازعل ايه يا جميل ده انت زي اخويا ^^ الف شكر انا بثق فيها و الله و واثق في نفسي الحمد لله و ححاول ابعد وساوس الشيطان :) و شكرا تاني

! FiRe !
28-09-2008, 02:45 PM
معلش يا ريت السؤال ده تختم بيه
لما يفيض بيك من الكرسى
تحب مين يبقا مكانك عالكرسى

ScissorX
29-09-2008, 09:14 AM
ربنا معاك

Ahmed shafiq
29-09-2008, 10:01 AM
اسمحلى ، مش هطول
لكن هو سؤال واحد ، اصلى مش بحب ابقا تقيل على حد
السؤال هو:
1- ايه رايك فى حال العرب؟ وازاى يتصلح حالهم من رايك؟ والعيب فى مين ، ومن مين؟
وشكرا على سعة صدرك
وربنا ما يحطنا فى موقف زى اللى حضرتك فيه ^^

شوف يا جميل
المشكله اللي العرب واقعين فيها تتلخص فيما يلي
البعد عن الله
يعني لو الناس كلها تتقي الله في انفسهم واموالهم واولادهم إذا رفعوا أيديهم بالدعاء إلي الله سوف يستجاب لهم لإن من أساس قبول الدعوه أن يكون المأكل والمشرب حلال .
ولو فيه واحد بس كويس وسط عشره مش كويسين ( ده طبعا علي إفتراض إن النسبه صحيحه وده مش صحيح النسبه ممكن تكون 1/ 1000 ) مستحيل يغيرنا الله
أنا كنت عامل موضوع عن الإستغفار قبل كده متهيألي بإنك قرأته مش كده ؟
((قلت إستغفروا الله إنه كان غفارا يرسل السماء عليكم مدرارا))(( ويرزقكم بأموال وبنين ويجعل لكم جنات ويجعل لكم أنهارا))
شفت
إحنا بعيد عن ربنا لما نقربله حالنا هيتصلح بإذن الله

Ahmed shafiq
29-09-2008, 10:11 AM
سؤال الاول = ايه اكتر اكلة بتحبها
سؤال التاني = نوع سيارتك ايه
سؤال تالت = ايه رايك في الاعضاء دول وبتفصيل
عمرو ماندو و وولف و ديابلو وادم وهيل لورد وانا :p

سؤال رابع = بتشجع فرقة مين في الكورة
سؤال خامس = مين احسن فلم عربي واجنبي عندك




ههههههههههههههههههههه
كده في رمضان
ده إنته ميه ميه
أكتر أكله بحبها شوف يا سيدي
أنا أولا بحب كل الأكل ولا أكره أي شئ
لإني من وانا صغير أكلت علقه سخنه من جدتي الله يرحمها علشان قلتلها مره أنا مش عاجبني الأكل ده
هههههههههههههههههههههههههه
ومن ساعتها يا جميل وحرمت
بس الملوخيه بالأرانب
الكشك ألماظيه
الخروف المشوي و الديك الرومي وكل المشاوي علي الفحم عموما ههههههههه
الرز المعمر

أنا من الأخر أكيييييييييييييييل

2- نوع سيارتي
جيب ميتسوبيشي باجيرو
ياباني الصنع
اللون أحمر مع فضي


سؤال تالت = ايه رايك في الاعضاء دول وبتفصيل
عمرو ماندو و وولف و ديابلو وادم وهيل لورد وانا :p

ناس زي الفل كلهم
كلهم إخوتي الصغار.وإنت أولهم


سؤال رابع = بتشجع فرقة مين في الكورة

أنا بشجع فريق مصر الوطني لما بكون عاوز أتفرج علي كوره

سؤال خامس = مين احسن فلم عربي واجنبي عندك

أحسن فيم أجنبي عندي 300
وعربي متهيألي كان حاجه لأحمد عز

Ahmed shafiq
29-09-2008, 10:21 AM
هل قراراتك بتكون دائما نهائيه و حاسمه؟؟

أكيد

ولا ممكن ترجع عن قرار في أي لحظه؟؟

بصعوبه ممكن أرجع في أي قرار ممكن أكون أخذته
لإني بكون دارسه كويس من قبل كده وده بييجي من الخبره المكتسبه من الحياة
ولازم كمان تتعلم من خبرات الأخرين .
شكرا ليك يا جولدن شيف


السلام عليكم يا شباب

ســـ1ــ: هل انتا لما عملت رحلات كتيرة فى الكويت و دبى .....ألخ,... حسيـت انهم احلى من مصر ؟ و لا اوحش ؟

أحسن بلد في كل حاجه هي مصر
كفايه بإنها مذكوره بالقرأن والسنه

ســ2ــ: عمرك تعرضت للسرقة او النصب فى حاجة غاليــه ؟او أتهدتت بحاجــه عزيزة ؟؟(السؤال دة عندى :d )

لأ ما حصلش
أنا بحب أكون بعيد عن المشاكل علشان المشاكل تبعد عني
هههههههههههههههههههههههههههههه

بس كدة لو فكرت فى حاجة تانيه هقولك

شكرا جدا ليك مقدما على الرد على أسئلتى

و مش هقول لحضرتك بصراحه لأن انتا مش محتاج;)

ســــــلام

سلام يا جميل

Ahmed shafiq
29-09-2008, 10:32 AM
شوف أنا هرد علي سؤالك ده الاول
لإن أسإلتك الأولي عاوزه قعده وشرح
أوكيهمعلش يا ادم اعذرني بس السؤال ده مهم جدا اني اسمعه من اب .. بس ياريت يرد عليا بكل صراحه .. بليز

يا استاذ احمد انت رديت قبل كده وقلت نفسك ان يوسف باذن الله يبقى دكتور و بنتك ربنا يخلهالك مهندسه

معمارية او دكتورة برده ... طب نفترض جدلا ان ولادك جم في المرحلة الثانوية وبعد مجموع كبير مشرف

ولقيتهم وهما بيكتوا الرغبات ان رغباتهم في كليات تنية خالص غير الحلم الي انت كنت عايش عليه ..

واصفلنا تصرفك هيكون ازاي وحالتك النفسيه ساعتها . . وهل ستفل النقاش ولا ستفضل الطريقة المعتاده

( الي مابقتش تجيب نتيجه غير بالسلب ) منتظر الاجابة اذا سمح ادم ..


شوف يا جميل
لن يحدث هذا الموقف ليه ؟؟
لإن الكلام ده ممكن يكون إذا كانت هناك بينك وبين اولادك فجوه عميقه
بعدم المشاركه الدائمه لأي حاجه زي الإهتمامات الدراسيه والهوايات وحتي المشاركات الشخصيه
ولازم تزرع جواهم وهمه صغيرين إيه اللي عايزهم يكونوا عليه طبعا بإذن الله وده لإنك بتفكرلهم لبعيد ومصلحتهم اولا
مستحيل يحصل

Ahmed shafiq
29-09-2008, 10:40 AM
بجد موضوع اللي يدخل فيه يروح فيها:d
ربنا يصبرك يا استاذ احمد على الاسئلة دي:o
الناس مبترحمش:mad::d


هههههههههههههههههههههههههههه
شكرا يا هيلمان

انا مبحبش ارخم
انا هسئل كام سؤال كده وخلاص

سـ1 حضرتك بتحب الترحال؟,طب ايه البلاد اللي نفسك تروحها اوي

تركيا + إيطاليا + جنوب أفريقيا + فرنسا + أستراليا + الجزر زي المالديف مثلا

سـ2 هو حضرتك شغال ايه بالظبط ((مش عايز الاجابة مهندس معماري)):d

أه مهندس معماري
ههههههههههههههههههه

ومع احلى سلآآآآم:)


شكرا يا جميل مع السلامه

السلام عليكم
1-من انهو محافظة؟

أنا من الجيزه

2-فرحت لما بئة عندك طفلان زى العسل زيك؟

طبعا فرحت ونفسي يكون عندي كمان إتنين

3-مين اكتر واحد ضايقك فى حياتك

إنته
ههههههههههههههههههههههههه
طبعا لأ أنا بهزر معاك
أحتقظ بالإجابه لنفسي

4-كان نفسك تشتغل اية

كان نفسي أشتغل
مهندس معمارييا رب اسئلتى لا تضايقق وتقبل مرورى

لا والله تقبل تحياتي

انا سؤالي سهل جداااا و حسب خبرتب الجواب هيبقا "نعم"


الصورة الرمزية حضرتك كنت في مؤتمر لما اتصورتها صح؟

للأسف لأ
ههههههههههههههههههههه
أنا في المؤتمرات لا أظهر سوي بالبدل فقط
الصوره دي كانت في الشغل

تحياتي

Ahmed shafiq
29-09-2008, 10:44 AM
ممكن إستراحه ونعود لتكملة الرد علي الأسئله بعد قليل
علي فكره
موضوع 5 أسئله ده كتييييير جدا
لإن العدد بسم الله ماشاء الله
تحياتي لك يا ادم

Ahmed shafiq
29-09-2008, 12:39 PM
الله يسلمك و الحمد لله بخير فعلا اجابات مية مية -مع انى مش فاهم حاجة و كلام كبير بس مش مهم-هههههه انا بهزر طبعا اه انا كنت عايز اقول لحضرتك انك كمان احسن من سعد زغلول على الاقل انا ما شوفتوش سعد زغلول و هو بيكتب كلام زى العسل كدة (اية رايك شوية مجاملات انما اية تمااااااااام ) ههههه :d انا حاسس انى طولت صح طب سلااام بقى

ههههههههههههههههههههههه
لأ ما طولتش ولا حاجه
وشكرا علي المجاملات الكتيييير دي
هههههههههههههههههههههههههههههههه
سعد زغلول
برضه مافيش فايده

بسم الله الرحمن الرحيم
اولا اسمحلى رغم كل شىء انى اشكر ادم على الموضوع الرائع ده اللى سمحلنا ان نتعرف على حضرتك و نستفيد منك
اولا: انا كنت عاوز اسئل حضرتك سؤال انا دلوئت فى كليه هندسه جامعه اسكندريه بس لسه فى اعدادى يعنى مهندس تحت الانشاء ^^ بس كنت عاوز اسئل حضرتك هو حضرتك شايف انى قسم افضل عماره و لا مدنى ؟ انا أولت اسأل مجرب ^^

المهم إنته ميولك إيه
يعني حسابات ومعادلات وقوانين
والا ميولك فنيه وتخيل بقه وحركات وإبتكارات
لإنك خلي بالك من نقطه مهمه جدا
مش المهم تعب الخمس سنين في هندسه لأ
المهم العمر كله بعد كده هتستريح في إيه؟؟؟
فكر كويس
إذا كنت تقدر تشيل المسئوليه هتختار كويس
وأنا بنصحك بالعماره طبعا
ههههههههههههههههههه
تخصصي
أصل مابيني وبينك فيه دايما عداوه بين المدني والمعماري في الشغل
علشان المدني دايما بيخاف والمعماري الفاهم طبعا لأ
بس والحمد لله أنا كسرت القاعده دي
أرجولك التوفيق من الله عز وجل
ثانيا : ده مش سؤال بصراحه انا بس كنت عاوز اشك حضرتك على مشاركتك لينا لان زى محضرتك اولت فعلا من المهم التواصل بين الاجيال
طبعا وده مهم جدا جدا
شـــــــكــــــرا

الشكر لله وتحياتي

Ahmed shafiq
29-09-2008, 01:03 PM
بجد انا سعيد اني صادفت القسم المناسب اخيرا .. بعيدا عن الكل والمل والمواضيع الكتيرة الي مكررة
في نفس الوقت والمنقول اغلبها من غير حتى مايعرفوا محتواها .. للقسم الجميل الي كله افاده ومناقشات
وحوارت ساخنة جميلة ... بس كان ليا اقتراح صغير .. ( يعني احنا ممكن نعمل قسم كامل لموضوع ضيف كل اسبوع او كرسي الاعتراف ) يعني علشان تبقى كل الاعترافات وكل السادة الاعضاء الي الله يكون في عونهم زارو الكرسي :d:d او لسه هيزوروه تكون موجوده والعضو الجديد صاحب الكرسي يكون موضوعه متثبت خلال الاسبوع وبعد الاسبوع يتم غلق الموضوع مع شكر خاص لصاحب الموضوع ويتم فكه من التثبيت ... ده مجرد اقتراح واسف على الاطاله ...

استاذنا الجليل استاذ احمد انا قريت كل ردودك ف الموضوع ... وواضح وضوح الشمس
الثقه بالنفس المستمدة اكيد طبعا من قوة في الايمان بارك الله فيك ...

اسألتي بسيطة وسهله ومن داخل المقرر ماتخفش :d:d
1- ايه رأيك ف الشارع المصري اليومين دول .. وايه اخر الاحداث الي استوقفت وخليتك تعيد حساباتك من اول وجديد ؟؟!!

شوف يا جميل
أولا أنا متشكر علي المقدمه الجميله عن ردودي في الموضوع
ثانيا علي موضوع التثبيت والضيف والحركات دي أنا ماليش فيها دي شغلانه المشرفين بارك الله فيهم وأكيد هيشوفوا إقتراحك يا جميل
ثالثا بالنسبه إلي السؤال الأول بتاعك إنته وكأنك دوست علي جرح في صدري ويكاد يكون في القلب
الشارع المصري
أه ياريت الشارع المصري يرجع زي ماكان زمان ايام ماكانوا بيحكولنا جدودنا كان عامل إزاي
المهم مش هطول عليك
أنا مشكلتي دائما مع مراتي إنها بتحب تتفرج علي البرامج زي العاشره مساءا وهذا المساء ومعتز الدمرداش وكده يعني أنا كنت الأول بتفرج عليها وبعدين لقيت بإن ممكن يجيلي السكر او شلل في النص التاني ههههههههههههههههههه بعد ماصدقت الاولاني يتعالج شويه
هههههههههههههههههههههههههههههههه المهم
أو أي مرض يعني يقضي عليه من كتر الهم والمشاكل اللي بيعانيها الشارع المصري
فقررت إني أبطل أتفرج علي البرامج دي وأبدأ بنفسي وعائلتي وأسرتي أولا
وبعدين أبقي أعيب علي الحكومه علشان مايجيليش ضغط وسكر وخلافه .......إلخ
شوف يا جميل المشكله أولا زي ماقلت قبل كده تبدأ مننا إحنا وإرتباطنا بالله عز وجل اولا
ثانيا بشغلنا وإخلاصنا فيه وكل واحد يخلص في شغله علشان اللقمه الحلال وإستجابة الدعوه.
ولما الحكومه هتتقي الله لإنها من الشعب برضه
هيتصلح حالنا بإذن الله
وأظن الإجابه كده تكون وصلت


2- شباب اليومين دول معزورين ( مقهورين ) ام مرفهين .. ( طبعا مش مقارنة بزمن الفن الجميل :d:d )
3- طبعا بما اننا ملناش ف السياسه :o ف اسمحلي متكلمش فيها :d
لو اقترحنا عليك منصب سياسي مهم من اول رئيس الجمهورية وانت نازل .. هتفضل اي منصب .. واول حاجه هتعملها ف المنصب ده ايه ؟؟ّّ!!
4- كنت رديت على سؤال فات وقلت انك كثير الترحال والسفر لبلدان كثيرة .. ( سؤال شخصي رخم شوية ) اين زوجتك واولادك في نطاق عملك .. يعني بما انك كثير الترحال :o:o

مراتي وأولادي معايا يا جميل
إلا في رحلة الصين لإنها كانت علاجيه أكتر منها فسحه
كنت لوحدي وأصريت علي كده بإن محدش ييجي معايه
5- عاوز منك مقارنة صغيرة بين مصر وبين معظم الدول الي زورتها .. يعني مثلا ايه الي شوفته في بلد معينه واتمنيت ساعتها انك تشوفه في مصر ... وكده يعني ;);)

اسف جدا على الاطاله واتمنى ان تكون اسألتي ليست بمحرجه .. وكنت اتمنى ان تكون الاسئلة اكتر من 5 لاني بجد لسة في اسألة كتيرة لوي جواية نفسي الاقي منها اجابة من شخص جدير بالثقة مثلك .. وفي النهاية لا يسعني سوى ان اقول لك .. تقبل خالص وفائق احترامي ,


بالنسبه إلي سؤالك
شباب اليومين دول معزورين ( مقهورين ) ام مرفهين .. ( طبعا مش مقارنة بزمن الفن الجميل )
مرفهين إلي التفاهه
طبعا مش كلهم
بس الغالبيه ولازم الجيل الماضي يمد إيده ويلحق قد مايقدر يحاول يساعد أحسن هتبقي مصيبه سوده كمان جيلين تلاته

أما بالنسبه الي إذا شفت حاجه تمنيت إني أشوفها في مصر من البلاد اللي شفتها
النظافه والتعامل بصفاة معامله الدين الإسلامي بين الناس
دي أكتر حاجتين أنا شفتهم و أتمني وجودهم في مصر

أما بالنسبه للمنصب السياسي
أكون في المنصب اللي ممكن أبدع فيه لمصر ولوطني ولديني
يعني وزير الإسكان مثلا
لإني لو بقيت رئيس جمهوريه!!!!!!! مش هعمل حاجه!!!!!!

Ahmed shafiq
29-09-2008, 01:31 PM
اولا انا اسف انى رديت عليك بس حبيت انك تاخد فكره من اتنين بدل واحد و طبعا استاذ احمد هيقدر يفيدك اكتر لانه اكبر سنن بس حبيت انى اقولك حاجه

الغيره يا احمد بتيجى من الحب انت بتحب خطيبتك عشان كده بتغير عليها و انا عارف احساساك و حسيت بيه قبل كده بس محصلش نصيب

اما انك ازاى تشيل الاحساس ده منك فده على حد تجربتى صعب شويه
الحل و متزعلش من كلامى و هكون صريح معاك
انك لازم تثق فى نفسك شويه اكتر من كده لان خطيبك اكيد بتحبك لانى عارف كويس انك شاب ممتاز و محترم جدا جدا لازم ثقتك بنفسك تزيد شويه و فى خطيبتك و دى على فكره و اكيد الاستاذ احمد هيتفق معايا فيها وسوسة شيطان و اعتقد اننا عارفين كده
استعيز بالله سبحانه وتعالى جل وعالى و خالى ثقتك بنفسك اكبر و ان شاء المولى عز وجل مش هتلاقى الاحساس ده تانى

اسف مره تانيا انى جاوبت على السؤال ده بس حبيت انى افيدك مش اكتر

اسيب الاستاذ احمد ياجاوب على بقيت الاسأله

والله ردك جميل وكله صح وأنا نفس اللي كنت هقوله
وأشكرك من أعماق قلبي لحرصك علي فايدة أخوك
أما تحليلي المتبقي من الإجابه بإن
الغيره جائزه وحميده ولاتكون إلا وهناك حب وود وعطف منك تجاه الطرف الأخر ولكن حذاري
بأن تزيد هذه الغيره لإنها إذا زادت تنقلب إلي شك وأعوذ بالله من الشك
ودي بتيجي من إيه
بالعربي أو الخلاصه
بتيجي من كتر اللي الواحد عمله أو شاف أصحابه عملوه او إتحكاله قبل كده عن البنات واللي ممكن يحصل منهم وممكن يتعمل فيهم وإلخ
فأرجو منك بإنك تمرن نفسك علي عدم الغيره الزياده اللي بدون داعي
وهتلاقي نفسك بعد كده مطمئن لإن دي بتبقي ثقه في النفس
وشكرا لكم
تحياتياجابة نموذجية ربنا يغفرلك و يغفرلنا كلنا ذنوبنا و يقوينا علي شهوات الدنيا و يحفظنا عنها ..

طيب ممكن سؤال كمان ... ؟

يا رب تقع في الكرسي ده
هههههههههههههههههه

أحمد شفيق بيندم علي ايه في حياته ..؟
بصراحة يا سيزر أنا بندم علي المعاصي اللي عملتها بقصد أو بغير قصد
وشديد الندم عليها لذلك أرجو من أي شاب وفتاه بأن يبعدوا عن المعاصي صغيرها وكبيرها وأن لا يقللوا من شأن أي معصيه ولو صغيره جدا
والله التواب الرحيم

انا اسف لو السؤال مكرر بصراحة انا بقالي اكتر من يوم مشغول جدا في موقعي الي كنت بظبط الواجهة بتاعته والله و مش فاضي اقرا اي حاجة خالص .. :( بعتذر كمان مرة اذا كان سؤال مكرر .

لأ مش مكرر
وحتي لو مكرر تبقي الإجابه جديده نوفي
ههههههههههههههههههههههههههههههه
أنا بكلمك بمنتهي الصراحه والله وكل إجاباتي معاكم هنا بمنتهي الصراحه

تقبل تحياتي و كل سنة و انت بالف صحة و كل المنتدي و المسلمين و ربنا يجعل اياممنا كلها عيد .

وإنته طيب يارب وربنا يتقبل منك دعائك

والله بيصعب عليا الي بيعد علي الكرسي ده ^^
الله يخليك
ربنا معاك

ربنا يكرمك ويبعدك عن الكرسي ده
أحسن ده مكهرب
ههههههههههههههههههه

Ahmed shafiq
29-09-2008, 02:01 PM
والله و انا بكتب مكسوف جدا انا شايف كميه اسئله لا حصر لها:o

و الصراحه احنا عاجزين عن الشكر لأنضمامك للشباب و ازاى احنا استفدنا منك:)

الصراحه ربنا يكرمك و يووفقك

أمين يارب أجمعين

بس انا عندى سؤال بسيط عشان مبأش رزل:d

دلؤتى حال البلد مش محتاج تفسير بس انا مش عارف انا عندى فرص ممكن اسافر بعد الدراسه

(انا كليه سياحه و فنادق قسو ارشاد سياحى سنه2 و اعمل tour leader بأحدى شركات السياحه فئه أ)

و بجد محتار اكمل هنا ولا انفد بجلدى من البلد ديه؟؟؟؟؟؟؟؟؟:confused::confused::confused:

مش حطول علي حضرتك اكتر من كده و مشكور مره تانيه

و السلام ختام.

أول حاجه
إذا كان الشغل متوفر في مصر وبره مصر بالنسبه لك
يبقي خليك في مصر أحسن طالما الراتب كويس
وبعدين إسأل والدك ووالدتك الأول علي موضوع السفر ده
بس أحسنلك خليك في مصر وسط الأهل والأصدقاء والأحباب وماتعملش زيي
أنا بقالي أكتر من 15 سنه بره مصر
ودي نصيحه مني ليك لوجه الله

استاذي العزيز : احمد شفيق ....

انا اسألتي كلها محيراني لأني نفسي استفيد من خبرتك كزوج و كمناضل في الحياة الصعبة اللي احنا فيها ...

السؤال الاول :انا كمان سنتين او تلاتة بأذن الله حتجوز و كنت عايز اعرف ازاي اخلي الغيرة اللي عندي علي خطيبتي تبقي معتدله لأني بجد بغير عليها جدا لدرجة يمكن هي مستغربه من مدي غيرتي عليها ...

أنا جاوبت علي السؤال ده

السؤال التاني :انا مكنتش منتظم في صلاتي و لما دخل رمضان بفضل الله الواحد انتظم في الصلاة عايز اعرف ازاي احافظ عليها علاطول
ده كلام جميل جدا وزي الفل وهوه ده المفيد
إرتبط بالله عز وجل بقوه لإن مافيش غيره
منه وإليه
وبعدين هتلاقي فتن كتيره جدا بعد رمضان علشان تبطل صلاه ولكن دايما إعمل حسابك إنها فتن من الله عز وجل علشان يشوفك هتعمل إيه
دي أحسن خبريه سمعتها النهارده ربنا يباركلك ويثبتك وإيانا

السؤال الثالث : حضرتك اتجوزت و انت عندك كام سنه ؟
أنا إتجوزت وأنا عندي 31 سنه يا جميل
وهتقولي إتأخرت
أقولك إني كونت نفسي بنفسي
وكونت نفسي لغايه سن ال30 وبعدين توكلت علي الله وإخترت العائله الملتزمه وإتقدمت لبنتهم علي طول بدون قصص ولا حب ولا دياوله
الحب الحقيقي بعد الجواز
وياما حبينا وإتحبينا قبل كده وكله أي كلام
الحب الحقيقي بعد الجواز
وربنا يوفقك

السؤال الرابع : لو الزمن رجع بيك ورا و قالولك تختار تكون جنسيتك ايه حتقول ايه ؟

مصري طبعا

السؤال الخامس : ايهما تفضل الاقامة في الكويت ولا في مصر ؟ و ليه ؟ و هل فعلا الكويتيين بيعاملوا المصريين هناك وحش ؟

الكويتيين بيحبوا المصريين جدا
لإننا قرايب وأصحاب وفيه مصالح مشتركه بينا وبينهم كتيره
الجيل الجديد كتير منهم أمهاتهم مصريين
وتعامل الكويتيين معانا تعامل في منتهي الإحترام طالما إنته محترم
وأنا بقت إقامتي خلاص في الكويت
لإن شغلي ومدارس أولادي وعيشتي هنا بالكويت
يعني لما بنزل مصر يبقي للأجازه فقط ودي بقت حياتي تقريبا
والحمد لله علي كل شئ

و الف شكر مقدما ^^




يا نهار ازرق استاذ احمد على الكرسى طب يلا بقى اديك 5 اسئلة جامدين كدة (دة انا اسئلتى سهلة خالص :p)

1- شخصيتك اية
في اللعبه
نيوكر صيني ههههههههههههههههههه ليفل 39 مش عارف أعدي منه ههههههههه
2-بتصلى

الحمد لله طبعا بصلي. 3-بتشرب سجاير
أيوه بشرب سجاير ومخفف جدا جدا علشان أبطلها قريب
بس شوفت سهلة ازاى

جدا جدا بارك الله فيك

الاجابة باة ولا :d

Ahmed shafiq
29-09-2008, 02:15 PM
أجب عن سؤال واحد فقط من السؤالين التاليين على ان يكون مجموع الاسئلة المجابة 2 :confused::confused::confused:
(( و الحدق يفهم )) :d:d:cool:


السؤال الاول
ماذا تمنيت ان تكون عندما كنت طفلا :rolleyes::d

كنت أتمني أن أصبح مشهورا
أشهر لاعب كره في مصر والعالم

سؤال اضافى

كيف ترانى ؟؟؟ (( أوعى تقولى بعينى :mad::mad: )) قصدى شايفنى ايه كانسان :)
بصراحه يالورد هيلز أنا ما أقدرش أحكم عليك علشام ما أظلمكش
هههههههههههههههههههههههههه
يا عم ربنا يبارك فيكم إنتم شباب زي الفل وربنا يتولاكم برحمته في ظل ظروفكم دي
وربنا معاكم دايما وماتزعلش نفسك
إنته دمك خفيف ومشاكس بس ميزتك إنك خطك حلو
ههههههههههههههههههههههههههه
تحياتي

اسمى hellz_lord دايما بتنسى الـz :eek::d:cool:
تصدق صح
ههههههههههههههههههههه
أنا دايما بنسي ال ( ز )
معلش أنا أول مره أخد بالي

^^


أنا حبيت أرد عليك في النهايه علشان أنا بصراحه تعبت من كتر الردعلي الأسئله
يعني كنت بحلي بأسئلتك
هههههههههههههههههههههههه
وعلي فكره أنا متشكر جدا جدا لكل اللي شاركوني
وشكر خاص لصديقي أدم

DiaBlo
29-09-2008, 02:19 PM
أنا إتجوزت وأنا عندي 31 سنه يا جميل
وهتقولي إتأخرت
أقولك إني كونت نفسي بنفسي
وكونت نفسي لغايه سن ال30 وبعدين توكلت علي الله وإخترت العائله الملتزمه وإتقدمت لبنتهم علي طول بدون قصص ولا حب ولا دياوله
الحب الحقيقي بعد الجواز
وياما حبينا وإتحبينا قبل كده وكله أي كلام
الحب الحقيقي بعد الجواز
وربنا يوفقك


ده هو ده الصح ان الواحد يكون نفسه بنفسه بس الايام دي صعب اوي يا استاذ احمد العيشة بقت صعبة و الاسعار في ارتفاع مستمر عارف انا والدي بيشتغل في الكويت برضه كانت الحجات في الكويت زمان ارخص من مصر و بعدين الكويت بقت غالية اوي الايام دي و مصر بقت زيها بالظبط ربنا يستر الايام الجاية حتبقي عامله ازاي و الف شكر تاني يا جميل علي ردك للأسئله و ارجو اني مكنش ازعجتك

Ahmed shafiq
29-09-2008, 02:19 PM
معلش يا ريت السؤال ده تختم بيه
لما يفيض بيك من الكرسى
تحب مين يبقا مكانك عالكرسى

أهدي الكرسي الكهربائي ده طبعا
إلي صديقي (( أدووووووووووووووووووووووووم ))
بإنه يكون الضيف القادم
وده علشان يعرف
من حفر حفرة لأخيه .....تدحرج فيها هو وأخيه
هههههههههههههههههههههههههههههه

Ahmed shafiq
29-09-2008, 02:21 PM
ده هو ده الصح ان الواحد يكون نفسه بنفسه بس الايام دي صعب اوي يا استاذ احمد العيشة بقت صعبة و الاسعار في ارتفاع مستمر عارف انا والدي بيشتغل في الكويت برضه كانت الحجات في الكويت زمان ارخص من مصر و بعدين الكويت بقت غالية اوي الايام دي و مصر بقت زيها بالظبط ربنا يستر الايام الجاية حتبقي عامله ازاي و الف شكر تاني يا جميل علي ردك للأسئله و ارجو اني مكنش ازعجتك

لا والله مافيش إزعاج ولا حاجه
ربنا يوفقك يارب
تحياتي لك
أحمد شفيق

adem2008
29-09-2008, 02:52 PM
ممكن إستراحه ونعود لتكملة الرد علي الأسئله بعد قليل
علي فكره
موضوع 5 أسئله ده كتييييير جدا
لإن العدد بسم الله ماشاء الله
تحياتي لك يا ادم

ربينا يسمحنا على لبنعملو فى الناس ده :d:d:d:d

korkor
29-09-2008, 02:57 PM
أهدي الكرسي الكهربائي ده طبعا
إلي صديقي (( أدووووووووووووووووووووووووم ))
بإنه يكون الضيف القادم
وده علشان يعرف
من حفر حفرة لأخيه .....تدحرج فيها هو وأخيه
هههههههههههههههههههههههههههههه

صبح صبح
ياله الى بتعملو فى الناس يا ادم هيتعمل فيك دانا هاهريك اسئله ^^

adem2008
29-09-2008, 02:58 PM
سوف يكون اليوم ان شاء الله هو اخر ايام ... اخويا حماده على كرسى الاعتراف .. بجد .. نفسى يفضل اكثر ..

المهم .. طبعا العيد بكره ...................................... لا دا فى ليبيا . احب اهنيك وكل سنة وانت بالف خير وصحة وعافية وكل عام وانت بخير يا اخى حماده ادام الله عليك بخير والفرح والصحة ..

وسوف يتم وضع .. اسم المشترك التالى 3 ايام العيد .. وليكن الجميع فى انتظار الشخص ...

تحياتى .... وياريت لو سمحتو يتم وضع الاسئلة لحد الساعه 02.00 ضهرا .. لكى يثم الاجابه عنها ... لن اليوم هو اخر الايام

adem2008
29-09-2008, 03:00 PM
*.* انا القادم يا رب استر ....

! FiRe !
29-09-2008, 03:41 PM
اها
ادم اللى هيتحط عالكرسى
يا رب يا معين