المساعد الشخصي الرقمي

مشاهدة النسخة كاملة : ®©[♥]®][ حـــد لـــيـه شـــوق يـــســـافــر الــمــستــقـبل تـــانـى (2) !! ][®[♥]©®


!_ToGoO_MorY_!
28-08-2012, 08:28 PM
http://img545.imageshack.us/img545/4319/714257239.gif

الأخوه الأعضاء والزوار

اقدم بين يديكم الأن الجزء الثانى من قصه او روايه او اى حاجه ^^
®©[♥]®][ حـــد لـــيـه شـــوق يـــســـافــر الــمــستــقـبل تـــانـــــى !! ][®[♥]©®

بعد والله تعليقاتكم الجميله الى شجعتنى بجد واخجلتنى ومكنتش متوقع ان ده يحصل

وده الجزء الأول للى ما تبعش

®©[♥]®][ حـــد لـــيـه شـــوق يـــســـافــر الــمــستــقـبل تـــانـــــى !! ][®[♥]©® (http://www.silkroad4arab.com/vb/showthread.php?t=448914)

ونبدأ ببسم الله الجزء الثانى :

http://img88.imageshack.us/img88/9747/873949614.gif


المكان : المخابرات العامه
الزمان : 10.35

اللواء محمود : ها يا أنور هما فين دلوقتى ؟
انور : دلوقتى يا فندم هما راحوا بلدهم القديمه
اللواء محمود : جميل اوى خلى عينك عليهم يا أنور
انور : ده شغلى وواجبى يا فندم ومتقلقش ان شاء الله عنيا عليهم
اللواء محمود : طب تمام يا انور ودلوقتى حاول تظبط المهمه عشان خلاص كل حاجه قربت ولازم نبتدى الشغل
انور : تمام يا فندم كله تمام وجاهز
اللواء محمود : على بركة الله

http://img88.imageshack.us/img88/9747/873949614.gif


المكان : اشمون ..منوفيه
الزمان : 10.35 صباحا

احمد: ثوانى يا جماعه هروح اسئل
يذهب احمد الى احد الجالسين

احمد: بقولك ايه لو سمحت
الجالس : نعم اتفضل ؟
احمد : معلش احنا كنا مسافرين وكده وجايين نسأل على عيله هنا لو انت تعرفها
الجالس : مفيش مشاكل
احمد: تعرف عيلة الفيومى ؟
الجالس : اكيد اعرفها ... عاوز مين فيها ؟
احمد: طب تمام تعرف واحد اسمه محمد عصام الفيومى ؟
الجالس : الا اعرفه ده انا اعرفه ونص كمان
احمد: يقرب ليك ؟
الجالس : لأ
احمد: امال ايه ؟
الجالس : ده كان زميل جدى
احمد: ج...دك ؟ جدك مين ؟
الجالس : ايوه جدى
احمد: ايوه جدك مين بقى اسمه ايه ؟
الجالس : جدى احمد محمد حافظ

ويالهول المفاجأه التى وقعت على احمد
احمد يعود مذهولا للغايه


محمد : ايه فى ايه ؟
عبدالله : مالك ياض عامل كده ليه واكنك مات ليك حد ؟
احمد: عارفين مين ده ؟ الى كنت بتكلم معاه ؟
عبدالله : مين ؟
احمد: ده ده حفيدى
محمد : مين ؟ حفيدك ازاى ؟
عبدالله : معقوله ؟
احمد: انا مش مصدق نهائى
محمد : طب ثوانى ايه الى حصل وقالك ايه عليا ؟
احمد: انى جده كان زميل محمد عصام الفيومى وجده ده هو احمد محمد حافظ
الى هوا اانا ؟!!
محمد : يعنى الواد ده حفيدك وانا زميلك
احمد: اه شفت بقى هفضل اعرف الأشكال التيت دى فى المستقبل
محمد : انت هتلاقى ولا هتطنطط يا دزمه
عبدالله : خلاص يا عم انت وهو المهم دلوقتى انتوا هتعملوا ايه ؟
محمد : روح قوله ابوك عايش ولا لسه ؟
احمد: لأ ما اروح اقوله احسن ماما حلوه ؟
محمد : مش عارف انت ادرى بقى بعيلتك
احمد: بس يلا كتك نيله عاوزنى اروح اقوله ابوك عايش ولا لأ عشان تلاقيه شتمنا ويمشى
محمد : يا عم اى بتاع خلينا بس نروح لبيتنا
احمد: طيب استنوا هنا

احمد: كابتن كابتن
حفيده : نعم ؟
احمد : انت اسمك ايه الأول ؟
حفيده : عمر
احمد: كمل بقيت اسمك ؟
عمر: عاوز ايه من بقيت الأسم ؟
احمد: خلاص مش مشكله عاوز اسئلك سؤال
عمر: اتفضل
احمد: ابوك عايش ولا لسه ؟
عمر: نعم ؟
احمد: قصدى والدك موجود ؟
عمر: ايوه هو فى الشغل ولسه هيجى كمان ساعتين
احمد: طب احنا عاوزين نقابله
عمر: مفيش مشاكل لما يجى قابلوه
احمد: طب تعالى ورينا البيت ولا اى حاجه
عمر: مقدرش اتحرك من هنا
احمد: ليه ؟
عمر: أمور شخصيه معلش مش هقدر اقولها ليك
احمد: امور شخصيه ؟!! طيب عاوز اروح عندكم طيب
عمر: خلاص استنى شويه كده وهنروح هناك عشان انا مستنى حاجه
احمد: اوك خلاص انا هروح استنى مع زمايلى هناك
عمر: ماشى وهندهلك لما نكون ماشيين
احمد: ماشى هستناك على الكرسى الى هناك ده

احمد يعود اليهم

عبدالله : ها عملت ايه ؟
احمد: هنقعد نستنى هنا لحد ما عمر ينده لينا
محمد : عمر مين ؟
احمد: اسمه عمر
محمد : طب المهم قالك ايه ؟
احمد: هنستنى هنا لحد ما ينده ليا ونروح كلنا هناك عند ابوه
عبدالله : طيب هنخلينا مستنين

بعد مرور 10 دقائق

عمر: يا كابتن تعالى يلا لو عاوز تروح عندنا
احمد: يا كابتن ؟ ينهار ابيض على العجايب
عبدالله : يلا يا عم سيبك متدوقش
احمد: طيب امرنا لله

ذهب الثلاثه لعمر وكان عمرمع امرأه فى متوسط العشرنات من عمرها

احمد: مين دى ؟
عبدالله : مش عارف انا كل الى اعرفه انها حلوه
احمد: بس يا رمه لتكون قريبتى واطلع عينك ساعتها
عبدالله : انا غلط يا عم انا بقول الحقيقه
احمد: طب امشى وانت ساكت خلينا نوصل

http://www12.0zz0.com/2012/08/28/17/658512243.jpg

بعد المشى 5 دقائق

احمد: انا مش شايف اى حاجه من بتاعت زمان نهائى
محمد : كل حاجه اتقلبت بس الطرق زى ما هى بتودى لنفس الأماكن مش واخد بالك انت ؟
عبدالله : ايوه انا كمان اخدت بالى احنا كده ماشيين فى الطريق الى يوصل على شارعكم
احمد: اها ده احنا قربنا على بيتنا
عمر: اتفضل يا ....
احمد: احمد وده عبدالله ومحمد
عمر: تشرفنا ثوانى استنوا هنا هنده ليك بابا
احمد: خد وقتك

احمد: 1 . 2 . 3 . 4. 5 . 6 ايه ده احنا بتنا بقى 6 ادوار ؟
محمد : ابوك ورث ياض
احمد: منين يا حسره بس البيت مش شبه بتاع زمان
عبدالله : اكيد هتلاقيه اتهد واتبنى تانى عشان ده احنا فرق 100 سنه
احمد: اها...امال فين بيت الفيومى ؟
محمد : مش عاوز اعرف هتلاقيه فى نص الشارع وبرضه جديد ما انا مش عارف اى حاجه خالص

عمر: اتفضلوا يا جماعه والدى فى انتظاركم
احمد: يزيد فضلك يلا بينا يا رجاله
محمد : عمر انت والدك اسمه ايه ؟
عمر: أنس !! امال انت مش عارفه ولا ايه ؟
احمد: أنس ؟ ايوه أنس هو ده الأسم
عمر: نعم ؟
احمد: لا مفيش بكلم نفسى
عمر: طب اتفضلوا من هنا والدى طلع مرحش الشغل النهارده

عمر: اهوت يا بابا هما دول الى عايزينك

يقف الثلاثه امام رجل فى الخمسينات من عمره او ما شابه

انس: مين مين مين ؟ مش انت ....
احمد: هسسس لأ مش انا
انس: روح هات حاجه للضيوف يا عمر
عمر: حاضر!! هو ايه الحوار ده !!
انس: انت احمد صح ؟
احمد: ايوه انا احمد الى المفروض ابوك فى المستقبل
أنس : طب طب ازاى طيب انا مش فاهم !!!
احمد: ولا حد فينا مصدق ولا فاهم
انس: اه صحيح مين دول ؟
احمد: ده محمد الفيومى وده عبدالله عيسى
انس: ايوه ايوه .. ازيك يا عمو اسف مخدتش بالى
محمد : عمو ؟ طيب ميضورش
عبدالله : اول مره حد يحترمنا
انس: اها عشان بس فرق السن الى بينى وبينكم بس فى الأصل مش كده
احمد: سيبك انت احكى لينا ايه الى حصل واحنا فين دلوقتى ؟
انس: من اول فين ؟ وعن ايه ؟
احمد: من اول سنه 2012
انس: ياااااااااااااااااه بس انا اصلا معرفش كتير عن الى حصل فيها عشان مكنتش لسه موجود انا من مواليد الخمسنيات واصغر اولادك
احمد: ايه ؟ يعنى انت ليك اخوات كمان ؟
انس: ايوه انا و محمود وعلى
احمد: طب هما فين ؟
انس : ساكنين فى القاهره هناك
احمد: طيب سيبك احكى لينا عن الى حصل لينا وايه كانت احوالنا ؟
انس: انت اتجوزت فى نهايات العشرنيات من القرن ال 21 مش فاكر امتى بالظبط وساعتها انت قعدت متخلفش لمدة حوالى 15 سنه لحد ما ربنا رزقك بمحمود الى هو اخويا الكبير بعد كده ب على بعد كده جيت انا
احمد : طب الحمد لله وبعدين بعد كده ايه حصل ؟
انس: الى حصل ان انت مره واحده انت و عمو عبدالله ومحمد اختفيتوا
احمد: اختفينا ؟!!! اختفينا ازاى ؟
انس: حصل الكلام ده سنه 2075 ساعتها انت كنت بتكمل السنه ال 70 من عمرك انت وهما واختفيتوا ومحدش عرف ليكم اثر وبعد كده ....
احمد : وبعد كده ايه؟
انس: امى توفت فى سنة 2077 حزينه على فراقك وانها متعرفش حاجه عنك
احمد: الله يرحمها لما اعرفها ان شاء الله هخليها ملكه
انس: انت كنت فعلا كده مكنتوش تقريبا بتزعلوا كتير
محمد : يا عم احمد مش وقت الكلام ده بقى خلينا نشوف ايه حوار الأختفاء ده

فى هذه اللحظه يدخل عمر

عمر: انتوا بتتكلموا عن اختفاء مين ؟
انس: لا مفيش ده قصه كده
عمر: اها قصدك اختفاء جدى ؟ ده خلع
انس: ولد احترم نفسك عيب تقول عن جدك كده
عمر: يا بابا مش قصدى بس هو مشى مره واحده هو وزمايله وهو عنده 70 سنه حضرتك يا كابتن شفت كده عمرك ؟
احمد: والله يبنى كل واحد وليه ظروفه
عمر: ليه ظروفه ازاى بس ده خلع عشان يروح يشتغل مع بتوع الأختبارات دول عشان هو كان عالم كبير
احمد: عالم ؟ عالم ايه وراح ازاى مع زمايله انا كل الى اعرفه ان عبدالله مكنش ليه فى العلوم اوى
عبدالله : ليه يا عم ما كان زى الفل
عمر: انتوا تعرفوهم ؟
انس: كفايه كده يا عمر روح شوف مامتك عاوزه ايه او اختك
احمد: لا سيبه يكمل يا أنس ... قصدى يا استاذ أنس
عمر: اكمل فى ايه ؟
احمد : جدك راح عند مين ؟
عمر: اوك انا هحكى الحكايه كلها من الأول للأخر بس خلى بابا يرضى
احمد: متخفش احكى والدك مش هيمانع مفيش بينا اسرار
انس: احكى يا عمر
عمر: بدأت الحكايه سنه 2075 ...............

بدأ الجميع للأستماع الى عمرالذى كانت احداث القصه تقع كالصاعقه على اذان كل من محمد وعبدالله واحمد من شدة مفاجأة ما سمعوه ,,,,,,,,


http://img88.imageshack.us/img88/9747/873949614.gif

المكان : مكتب مدير المخابرات العامه
الزمان : 1.30 ظهرا

http://www12.0zz0.com/2012/08/28/17/339374388.jpg

انور : مفاجأه يا فندم
اللواء محمود: ايه حصل ايه ؟
انور : اتفضل حضرتك شوف الرساله دى
اللواء محمود: من مين ؟
انور : من احمد

ضغط انور زر فى المكتب فارتسمت الشاشه على الجدار وبدأ المتحدث بالكلام
المتحدث شخص فى السبعنيات من عمره ولكن يبدو عليه فى صحه جيده جدا

المتحدث : احنا دلوقتى وصلنا للمقر السرى الجديد ونقدر نوافيكم بكل جديد منها بالشفرات الى حصلنا عليها
والطول الموجى بتاع جهاز (الهلوموفان) الى تقدروا عن طريقه تدخلوا الى هنا
اللواء محمود: طب تمام اوى انتظر الرد مننا
المتحدث : حضرتك نفذت الخطه الى قولناها ليك ؟
اللواء محمود: ايوه وتم احضارهم وننتظر الفرصه الى ينزلوا فيها ويساعدوك ان شاء الله
المتحدث : طيب يا فندم سلام دلوقتى عشان سامع اصوات جايه

تم اختفاء الشاشه من على الجدار

انور : ايه رأيك يا فندم
اللواء محمود: هننتظر اقرب فرصه للتنفيذ الخطه مش هنضيع وقت نهائى وخلى عينك عليهم
انور : تمام يا فندم
اللواء محمود: على بركة الله

http://img88.imageshack.us/img88/9747/873949614.gif

المكان : بيت انس فى غرفه الجلوس
الزمان :1.30 مساء

http://www11.0zz0.com/2012/08/28/17/476154236.jpg


عمر : بدأت الحكايه فى سنة 2075 لما بدأت الحرب مع عدو الصهاينه تانى
احمد: ثوانى ثوانى تانى ازاى ؟
عمر: ايوه تانى انت مش بتعرف تاريخ
انس: ايوه معلش هما ميعرفوش معلش اسرائيل انتهت نهائى اصلا سنة 2049 على يد العرب
احمد: بجد ؟ يا فرج الله
عمر: ايه يا عم انت اول مره تعرف ولا ايه ؟
احمد: كمل بس ملكش دعوه بيا
عمر: طيب ... بص بدل ما انت متعرفش الصهاينه بعد ما امريكا انتهت ..
احمد: وكمان امريكا ؟
عمر: ايه يا عم احمد انت من العصر الحجرى ولا ايه ؟
انس: عمر روح انت انا هفهم
عمر: احسن برده والله سلام يا جماعه
انس: سلام

بعد ذهاب عمرمن الغرفه

انس: بصوا فى سنة 2034 امريكا وقعت بسبب الأزمه الأقتصاديه بسببها وقع حوالى 20 دوله كبرى من الأتحاد الأوربى معظمهم وامريكا كمان كانت معاهم بعد كده انهار طبعا التمويل لأسرائيل وساعتها مصر كانت فى عز قوتها بعد ما الثوره بتاعت 2011 وبعد كده شوية الأضطربات الى فضلت تحصل على مدار 8 سنين بعد الثوره وبعد كده مسك مصر رئيس كان قوى فعلا بمعنى الكلمه
احمد: ليه ؟
انس: الرئيس ده عمل ضربة قويه جدا على وش الغرب والأتحاد الأوربى كله بأنه عمل اتفاقات مع روسيا وعمل مع العرب كلهم بأن قناة السويس تكون بالعمله المصريه لكل العالم ما عدا العرب وروسيا يدفعوا بالعملات بتاعتهم فى نفس الوقت يكونمحمد م
محمد : بمعنى ان العملات كلها اتحدت وبقت بنفس القدر
انس: هو ده بالظبط الى حصل وتخيل كده بقى مصر ساعتها بقت عامله ازاى هى والعرب وروسيا والدول الى حواليهم ؟
احمد: دول مليانه بترول كلها قصد دول شحيحة البترول يعنى.....
انس : يعنى اقوى دول بقت جنب مصر وكلهم بقوا مع مصر وسوق عربيه وروسيه مشتركه
احمد: وبعدين وبعدين ؟
انس: مصر فضلت تبنى نفسها بجد وبكل عزيمه تحت الحمايه الكبيره دى كلها ووسط الأقتصاد العظيم الى اتبنى ده
احمد: وطبعا الدول التانيه مسكتتش
انس: اكيد ... الدول التانيه اعلنت الحرب مليون مره على مصر وعلى حلفائها
احمد: يا نهار يعنى حرب عالميه ثالثه
انس: ولا حصل اى حاجه احنا الى معانا البترول خلى فى بالك يعنى اقوى سلاح معانا
احمد: صح ... طب كمل
انس: الرئيس ده بقى بنى اكبر كيان اقتصادى مصرى عربى مشترك بس كان فيه مشكله
احمد: ايه هى ؟
انس: اسرائيل فى النص انت نستها ؟
احمد: كنت لسه هسألك ده كله واسرائيل فى النص ؟
انس: المشكله مش فى كده المشكله ان اسرائيل معاها نووى دى المشكله ومعاها سلاح تانى الى هو القنبله الهيدروجينيه
احمد: تمام ... طب وعملتوا ايه ؟
انس: محدش عمل حاجه
احمد: ازاى ؟
انس: ايران كانت موجوده ساعتها والد اعداء اليهود
احمد: طب كمل ايه الى حصل يعنى
انس: مصر فى العشرنيات كانت بتبنى نفسها هى والعرب البناء الحقيقى فى كل حاجه من ناحية العلم والأقتصاد وكل شىء بس الى كان بيهددها اسرائيل وفى سنة 2029 تم اغتيال الرئيس فى اثيوبيا بعد تجدد فترته الرئاسيه بأختيار شعبى شبه كامل بالأصوات الى حصل عليها وسحق بيها جميع منافسيه للمرة الرابعه بعديها راح اثيوبيا ليحضر القمة الأفريقيه وهناك تم اغتياله
احمد: يا خساره اكيد اليهود هما الى عملوا كده
انس: ايوه هما الى عملوا كده
احمد: ده اعلان حرب اكيد على البلد الى اغتال فيها الرئيس !!
انس: الحكايه كانت مفهومه ان اسرائيل هى الى عملتها بعد تهديدها وتهديد الغرب بأعلان الحرب عليها لو متمش الغاء الأتفاقيه ورفع العمله المصريه عن قناة السويس
احمد: طب وبعدين ايه الى حصل للمصريين ؟
انس: انت لما تيجى تبنى مجتمع صح ويموت الى كان بانى المجتمع ده هل المجتمع هينهار ؟
احمد: بالعكس ده المجتمع كله هيكون زيه تماما
انس: وده الى حصل مصر كملت النهضه بتاعتها برئيس منتخب جديد مشى على نفس النهج وعمل حاجه اقوى من الى عملها الرئيس الى قبليه
احمد: ايه هى ؟
انس: جيش عربى مشترك + اتفاقيه مع روسيا وحلفائها
احمد(( وعيناه تلمعان )) : جميل جميل اوى اوى ده على كده بح اسرائيل وامريكا
انس: ما هما اصلا كانوا بيموتوا عشان الأقتصاد بدأ ينهار بشده جدا فيهم
احمد: وفى سنة 2034 وقعت امريكا صح ؟
انس: وتم اعلان الحرب على اسرائيل بس ...
احمد: بس ايه ؟
انس: النووى طيب والقنبله الهيدروجينيه الى تمتلكها اسرائيل ايه العمل فيها ؟
احمد: لازم تسيطر عليها الأول قبل ما تحارب
انس: بالظبط ومين الى يقوم بكده ؟
احمد(بحيره) : مش عارف
انس: اكيد مهندسين بالطاقه النوويه الى تبع الجيش
احمد: تمام .. طب وايه ؟
انس: انت كنت من المهندسين الى راحوا هناك
احمد: انا ؟ انا ؟
انس: ايوه متستغربش انت كنت خريج هندسه نوويه وفى اثناء خدمتك فى الجيش انت كملت هناك فى الهندسه النوويه
احمد : طب كمل طيب
انس: انت تم ارسالك الى هناك بشكل سرى بدون ما حد يعرف وعرفت انت والفريق الى معاك منع سيطرة الأسرائلين على القنبله وبالتالى عرفتوا تخترقوا النظام ومنعتوا ضرب الصورايخ ذات الرؤس النوويه
محمد : بمعنى ان الأسرائليين تم شل حركتهم
انس: تمام وده الى حصل وكنتم انتوا الثلاثه السبب
عبدالله : طب محمد واحمد ممكن انا دورى ايه ؟
انس: مش عارف والله الكلام ده سرى ومش مسموح غير انى اقول ليكم لحد كده
احمد: انت معاهم ؟
انس: ايوه انا من المخابرات المصريه وكل الى انتوا مريتوا بيه ده مقصود لحد ما تيجوا هنا وده متوقع
محمد : تمام بس بردوا عاوزين نفهم دورنا ايه ؟
انس : كل شىء هتفهموه لما تروحوا هناك
احمد : طب ايه حكاية انى هربت دى
انسبضحكه عاليه : اكيد لازم يتقال كده ما انتم فى المخابرات وكل تحركاتكم سريه
عبدالله : واخترعتم اننا هربنا ؟!!
انس: بالظبط كده
احمد: يا ولاد اللعيبه
انس: اللعيب اكيد جاى من ظهر لعيب
احمد: طب كمل الحكايه
انس: حكاية ايه ؟
احمد: حكاية الى احنا اختفينا بسببها والى انتوا اخترعتوا ليها سبب الهروب
انس: اوك امسكوا نفسكم من الذهول ومن الطريقه الى انت الى اخترعتها يا والدى
احمد: انا ؟ اخترعت ايه ؟
انس: اخترعت طريقة الدخول الى لغز المقر
احمد: مقر ؟ ولغز ؟ واختراع ؟ الحكايه شكلها كبيره اوى
انس : فعلا
عبدالله : طيب ابدأ احكى
انس: بدأت الحكايه فى سنة 2075 لما بدأت الحرب مع عدو الصهاينه تانى.....

وكانت هذه المره ليست كالمره السابقه فى الذهول الذى حدث فما قيل فعلا كان
طريقة للعبور لغز وايضا اختراعا لأختراق لغز رهيب....


http://img88.imageshack.us/img88/9747/873949614.gif


تم بحمد الله الجزء الثانى

اتمنى ان ينال اعجابكم

Little.Tornado
28-08-2012, 08:57 PM
لى شرف الرد

الله ينور شغل عالى وقصة ممتعة

!_ToGoO_MorY_!
28-08-2012, 09:05 PM
لى شرف الرد

الله ينور شغل عالى وقصة ممتعة

تسلم بجد والله على ردك وتقيمك الجميل

شكرا ليك مره تانيه

DeMooN_Hell
28-08-2012, 09:56 PM
والله قصة في منتهي الروعة

:medieval:

mazenkhaled
28-08-2012, 10:00 PM
يشرفنى اني اكون ثانى واحد يرد عليك
بجد قصة رووووووووووووووعة

™ ¤New mind¤ ™
28-08-2012, 10:20 PM
توجو محفوظ يابني ^^ .. المفروض تكمل سلسلة رجل المستحيل :cupidarrow:

والله تحفه خيال جامد :ops:

♥ T๑ty♥
28-08-2012, 10:30 PM
بس اشمعنا روسيا !!

لأ جامده

انا شايف ان الواد الى كلمو احمد ده حفيدو :ohmy:





زى مقولتلك مفروض انا اخد التأليف:biggrin:

ALEX_MOON
28-08-2012, 10:59 PM
فااااااااااااااااااااااااااجر اكنك بتحكى حلم انا بتمنى انه يتحقق

™_MrMido0o0o_™
28-08-2012, 11:17 PM
روعة !!!!
فى انتظار الجزء الثالث بفارغ الصبر

kastel
28-08-2012, 11:20 PM
توجو موري حرام عليك
ام الوقفات اللي انت بتقفها
الجزء التات هيجي امتا ؟

Paranoid
28-08-2012, 11:24 PM
أُستااذ ^_^

مايحصلش كده فعلاً , ياااه :specool:

MịηaTσ
28-08-2012, 11:45 PM
متميز كالعادة يا احمد

:thumbup:

انجز بقى و نزل التالت

:inlove:

Mr.D3MO
28-08-2012, 11:59 PM
يا لهوى ى ى ى ى ى ى ى ى ى ى ى

دا انت فزييييييييييييع D:

100 100 و خيال جامد من واحد اجمد

يا سلااااااااااااااااااااااام

الجزء التالت امته بدل ماغزك :zapping:

total20102010
29-08-2012, 12:04 AM
تماااااااااااااااااااااام

°•.♥ H3ll King ♥.•°
29-08-2012, 01:12 AM
فنان ولله يا واد

منتظر الجزء الثالث

MoSTaFa_Pop
29-08-2012, 01:35 AM
قصه حلوه اوى اوى
تسلم وياريت تقول هتنل الجزء التالت امتى

!_ToGoO_MorY_!
29-08-2012, 01:44 AM
والله قصة في منتهي الروعة

:medieval:

والله من ذوقك

يشرفنى اني اكون ثانى واحد يرد عليك
بجد قصة رووووووووووووووعة

ده انا يشرفنى انك تكون قريتها وعجبتك

توجو محفوظ يابني ^^ .. المفروض تكمل سلسلة رجل المستحيل :cupidarrow:

والله تحفه خيال جامد :ops:

ههههههههههههههههه لأ والله ده بس من ذوقك

تسلم يا حبى على رأيك الى اعتبره بجد شرف ليا

بس اشمعنا روسيا !!






زى مقولتلك مفروض انا اخد التأليف:biggrin:


ههههههههههه ماشى عادى ^^

عشان روسيا هى اكبر عدو للغرب

فااااااااااااااااااااااااااجر اكنك بتحكى حلم انا بتمنى انه يتحقق

والله كلنا بنتمناه

شكرا لرئيك الجميل ده

روعة !!!!
فى انتظار الجزء الثالث بفارغ الصبر

تسلم يا حبى
ان شاء الله الجزء الثالث مش هيتأخر

توجو موري حرام عليك
ام الوقفات اللي انت بتقفها
الجزء التات هيجي امتا ؟

والله لازم يكون فيه حته مشوقه يعنى اعمل ايه ^^

عشان الم زباين فى الجزء الى بعده :p

الجزء الثالث والله ما هيتأخر ان شاء الله


أُستااذ ^_^

مايحصلش كده فعلاً , ياااه :specool:

ان شاء الله يحصل ميحصلش ليه ؟ ^^

متميز كالعادة يا احمد

:thumbup:

انجز بقى و نزل التالت

:inlove:

والله جميله منك تسلم يا مصطفى ان شاء الله قريب

يا لهوى ى ى ى ى ى ى ى ى ى ى ى

دا انت فزييييييييييييع d:

100 100 و خيال جامد من واحد اجمد

يا سلااااااااااااااااااااااام

الجزء التالت امته بدل ماغزك :zapping:

ههههههههههههههههههههه والله انت الى راجل عسل ^^

ان شاء الله هنزله قريب متقلقش

تماااااااااااااااااااااام

^__^

فنان ولله يا واد

منتظر الجزء الثالث

تسلم يا حبى
ان شاء الله قريب جدا

!_ToGoO_MorY_!
29-08-2012, 01:46 AM
قصه حلوه اوى اوى
تسلم وياريت تقول هتنل الجزء التالت امتى

والله قريب يا مصطفى بس اصبر عليا طيب اكتبه واكمله قريب ان شاء الله ^^

ღ♥Franky♥ღ
29-08-2012, 02:46 AM
بصراااحة قصة في منتهي الروعة و الجمال...
بجد تسلم ايدك ..
بس في سؤال كدة هو انتا الي مألفها !!

!_ToGoO_MorY_!
29-08-2012, 03:06 AM
بصراااحة قصة في منتهي الروعة و الجمال...
بجد تسلم ايدك ..
بس في سؤال كدة هو انتا الي مألفها !!

تسلم انت على ردك اولا

ثانيا والله اقسم بالله انا الى مألفها والى فى القصه دول زمايلى فعلا فى الحقيقه

Mr.DaNnY
29-08-2012, 03:33 AM
جاااااااااااااااااااااااااااامدة اوى اوى والله

!_ToGoO_MorY_!
29-08-2012, 04:00 AM
جاااااااااااااااااااااااااااامدة اوى اوى والله

تسلم يا صاحبى والله من ذوقك وليس اكثر

Jimmy
29-08-2012, 06:23 AM
روووووووووووووعة مستنى الجزء الثالث :icecream:

kin9_of_alex
29-08-2012, 06:49 AM
روووووووووووووعه :111 (4)::111 (4):
ومشوقه اكتر للجزء الثالث

!_ToGoO_MorY_!
29-08-2012, 09:08 AM
روووووووووووووعة مستنى الجزء الثالث :icecream:

روووووووووووووعه :111 (4)::111 (4):
ومشوقه اكتر للجزء الثالث

تسلموا كتير يا شباب

ان شاء الجزء الثالث قريب

iBrokeRuleZ
29-08-2012, 10:36 AM
روعة اوى تسلم و عجبنى فى الجزء ده ان العرب هيقفوا ايد واحدة و امريكا و اسرائيل ادمروا يارب يحصل كده فى الحقيقة ان شاء الله

lion heart
29-08-2012, 10:38 AM
جميله جدا انتا بتاخد الواحد لعالم الخيال الجميل
استمر

™~BeSo~™
29-08-2012, 11:38 AM
بجد جامده فحت من فوق لي تحت :jump:

! FiRe !
29-08-2012, 01:59 PM
أقل يا زبون من الجزء اللى قات
ساذج اوى
معلش انتا عارفنى صريح وعايز تصحح نفسك :camberman:

!_ToGoO_MorY_!
29-08-2012, 02:38 PM
روعة اوى تسلم و عجبنى فى الجزء ده ان العرب هيقفوا ايد واحدة و امريكا و اسرائيل ادمروا يارب يحصل كده فى الحقيقة ان شاء الله

هيحصل اكيد فى يوم من الأيام ممكن ميكونش النهارده بس احتمال يكون بكره

جميله جدا انتا بتاخد الواحد لعالم الخيال الجميل
استمر

تسلم والله ان شاء الله تنال اعجابك ديما

بجد جامده فحت من فوق لي تحت :jump:

ياااااااااااض حد يفتكر حاجه تانيه ^^

بس على العموم شكرا لرأيك^^

أقل يا زبون من الجزء اللى قات
ساذج اوى
معلش انتا عارفنى صريح وعايز تصحح نفسك :camberman:

يا عم عادى رأيك على راسى من فوق ويهمنى وانا فهمت انت قصدك على ايه من الفيس

omar007
29-08-2012, 03:12 PM
تمام تمام
بس القصه تحس انها متفبركه سيكا
يعنى اى حد فى مطرحهم مش هيقدر يستوعب ده كله :mf_cleopatra:
يعنى الخيال كويس رغم انه واسع شويتين وكده وبعدين مافيش رئيس ينتخب 4 مرات متتاليه ^^
وبعدين هما اختفه سنه 2012 وهما عنده 17 سنه مش اختفه وهما عندهم 70 سنه

!_ToGoO_MorY_!
29-08-2012, 08:13 PM
تمام تمام
بس القصه تحس انها متفبركه سيكا
يعنى اى حد فى مطرحهم مش هيقدر يستوعب ده كله :mf_cleopatra:
يعنى الخيال كويس رغم انه واسع شويتين وكده وبعدين مافيش رئيس ينتخب 4 مرات متتاليه ^^
وبعدين هما اختفه سنه 2012 وهما عنده 17 سنه مش اختفه وهما عندهم 70 سنه

هههههههههههه اصبر على رزقك يا حج عمر ^^

عرفت الأخطاء وهيتصلح ان شاء الله فى الجزء الجديد بس حكاية الأختفاء وهما عندهم 17 سنه

هتشوفها فى الأخر انهم اصلا مختفوش ^^ امال ازاى هما لسه موجودين ؟ ^^

™_King_Redsea_™
29-08-2012, 08:28 PM
هههههههههههههه جزء مسخره :))))


محمد : ايه فى ايه ؟
عبدالله : مالك ياض عامل كده ليه واكنك مات ليك حد ؟
احمد: عارفين مين ده ؟ الى كنت بتكلم معاه ؟
عبدالله : مين ؟
احمد: ده ده حفيدى
محمد : مين ؟ حفيدك ازاى ؟
عبدالله : معقوله ؟
احمد: انا مش مصدق نهائى

و

احمد: خد وقتك

احمد: 1 . 2 . 3 . 4. 5 . 6 ايه ده احنا بتنا بقى 6 ادوار ؟
محمد : ابوك ورث ياض
احمد: منين يا حسره بس البيت مش شبه بتاع زمان

هههههههه لا احلي جزئين هنا :d

ツ SmSm_Smile ツ
29-08-2012, 08:48 PM
مبدععععععععع و علفكرأ ممكن تتعمل Movie
بصراحةوو حاجة فخيمة "خيال دراما و ضحك ^^ :clapping:

!_ToGoO_MorY_!
30-08-2012, 01:39 AM
هههههههههههههه جزء مسخره :))))



و



هههههههه لا احلي جزئين هنا :d

ههههههههههههه ان شاء الله يكون منهم كتير المره الجايه ^^

مبدععععععععع و علفكرأ ممكن تتعمل movie
بصراحةوو حاجة فخيمة "خيال دراما و ضحك ^^ :clapping:


ههههههههههههههه مش لدرجة قطونيل يعنى ^^

تسلم لرأيك انا لسه على قدى ^^

MAXx__warrioR
30-08-2012, 08:15 AM
منتظر الجزء الثانى

!_ToGoO_MorY_!
30-08-2012, 10:39 PM
منتظر الجزء الثانى

الثالث بقى ^^

ان شاء الله نازل قريب جدا

ScAry_MAN
30-08-2012, 11:40 PM
روعة تسلم :welcome:

™MidoGhost™
31-08-2012, 01:11 AM
وحشه :saddest:

!_ToGoO_MorY_!
31-08-2012, 02:05 AM
روعة تسلم :welcome:


Thanks

وحشه :saddest:

طب قولى ايه الى وحش عشان اعرف اصلحه الجزء الى جاى

xD4RKH3R0x
31-08-2012, 02:53 AM
يالهوى على الجمال انت فنان و مبدع ليا شرف الرد على موضوعك و مستنى الجزء الثالث :111 (21):

xD4RKH3R0x
31-08-2012, 02:57 AM
وحشه :saddest:

حرام عليك وحشة في ايه والله قصة جامدة :icon15:

!_ToGoO_MorY_!
31-08-2012, 03:00 AM
يالهوى على الجمال انت فنان و مبدع ليا شرف الرد على موضوعك و مستنى الجزء الثالث :111 (21):

حرام عليك وحشة في ايه والله قصة جامدة :icon15:

والله يا باشا كفايه ذوقك بس ومرورك عليها وده من ذوقك والله

اما الراجل الى بيقول وحشه والله وجهة نظره فوق راسى واتمنى اعرف وحشه فى ايه

عشان اتجنب العيب ده مش اكتر

Patrenda
31-08-2012, 03:12 AM
الله . تـحـفـه أوى و الله .!

!_ToGoO_MorY_!
31-08-2012, 03:14 AM
الله . تـحـفـه أوى و الله .!


تسلم والله يا باشا من ذوقك وجمال اخلاقك

soma_zuma
31-08-2012, 04:46 PM
such a great story and writer keep going bro ^^ waiting for the 3rd part

BackToKill
31-08-2012, 05:53 PM
جميييييييييييييييل

™ No_Name ™
31-08-2012, 06:50 PM
جميــل اوى .. بس قلبت سياسه فى الاخر كدا ليه : )

!_ToGoO_MorY_!
01-09-2012, 02:10 AM
شكرا يا رجاله على الردود

بس هى مش قلبت سياسه بالمعنى فى الأخر

بس شكرا على ردودكم ^^

YError
01-09-2012, 08:45 PM
جميل وياريت تعمل من 10 اجزاء

بجد تسلم ايدك

!_ToGoO_MorY_!
01-09-2012, 10:46 PM
جميل وياريت تعمل من 10 اجزاء

بجد تسلم ايدك

كده هطول جامد ^^ انا هنزل اجزاء بس مش كتير اوى

تسلم لردك

RLOxyGeN
13-09-2012, 10:20 AM
تسلم ايدك