المساعد الشخصي الرقمي

مشاهدة النسخة كاملة : لماذا تحولنا الى وحوش نكره بعضنا بعضا


EgyFullMax
19-08-2012, 05:59 PM
بسم الله الرحمن الرحيم
طبعا فى كتير هايتسغربوا من اسم الموضوع لكن هي دي الحقيقة المؤلمة
احنا ليه تحولنا الى وحوش تكره بعضينا مفيش محبة ولا اخوة ولا اي حاجة
الكلام ده بقى فى العالم كله مش فى مصر بس
تلاقى اللى يتهزأ بيك واللى مليان بالحقد عليك لمجرد مثلا انك اشطر منه
او عندك مميزات مش عنده او حتى فى حالك
تلاقى البرود والغلاسة :whistling1:
ليه مش بنعامل بعضينا بالحب
مع ان الرسول صلى الله عليه وسلم قالنا
(لايؤمن أحدكم حتى يحب لأخيه مايحبه لنفسه)
ليه مش بنطبق الكلام ده ولا احنا بنذاكر بس عشان ننجح مش بنتعلم ونطبق اللى اتعلمناه
الموضوع ده معمول للمناقشة لتصفية القلوب
وعشان نعامل بعضينا بالحب
اشوف ردودكم الحلولة

MịηaTσ
19-08-2012, 06:03 PM
فيه فعلا ناس كتييييييير كده

بس برده فيه الحلو

فيه اللى بيحب لأخوه اكتر ما بيحب لنفسه

EgyFullMax
19-08-2012, 06:06 PM
عندك حق بس ياريت
نكترهم
وشكرا على الرد الجميل ومرورك العطر :in_love:

! FiRe !
19-08-2012, 06:22 PM
كلامك فى الجول والله
القصة كلها
السياسة مش مساعدة
سياسة الدولة حطتنا فى زاوية حرجة
مفيش حقوق بتيجى بالحسنى
فتظهر البلطجة والتنشنة
ومحدش يدوسلى على طرف
وهكزا
انما لو السياسة مساعدة
الناس اخلاقها هتتعدل
موضوع ممتاز ^^

™~BeSo~™
20-08-2012, 06:15 AM
والله كلامك حلو بس نتعلم منه

lion heart
20-08-2012, 07:37 AM
هيا الغيره غريزه موجوده فى كل انسان انه بيحب دايما انه يكون الافضل لاكن فى ناس بتستغلها بشكل ايجابى وتحاول تطور من نفسها وقدراتها للأحسن ولاكن ناس بتوصل عندها الغيره بشكل مرضى انه يكرهك يحبلك الفشل اكتر ما يحب لنفسه النجاح

Loleta
20-08-2012, 08:16 PM
السياسة السبب ^^
انا والله شخصيتى فى الجيم ومع اصحابى الى ساكنين جنبى وطريقة تعاملى مع الناس مش كده خالص(مش زى شخصيتى الى فى المنتدى)
انا مش ببق عصبى الا لما بكلم فى السياسة
معرفش ايه الى بيحصلى لما حد بيجيب سيرة المشير بكلام مش حلو :confuzzled: