تسجيل الدخول

مشاهدة النسخة كاملة : لو كنت في غرفه عمليات و سمعت الكلام دة هتعمل اية


mezoz_star
03-09-2008, 05:37 PM
تخيل إنك فى أوضة عمليات و سمعت الكلام دا!!!
- يا لهوى!
- هيه النور جه!
- طيب اذا كان ده البنكرياس،امال اللى طلعناه ده يبقى ايه!!!
- حد شاف الدبله بتاعتى؟؟!
- طب أقوله ايه لما يفوق؟ وزعلان انى سقطت 3 مرات فى الماجستير؟!!!
- الحق يابنى القطه اللى جريت بالعضمه دى،خلينا نرجعها رجل الراجل من سكات!
- ياما ربنا بيخلق عجايب،محدش معاه كاميرا يا اخواننا؟
- ولا حركه محدش يخيط،أنا مش لاقى الكونتاكت لنسز بتاعتى!!!
- يا جماعه،تعرفوا اذا كان حد عاش بعد ما خد 500مللى من الهباب ده؟!
-بالراحة على مهلك,مش عايزين نحسسه إن إحنا غيرنا حاجة!
- شيل ايدك، الحاله دى بتاعتى أنا، ولا هيه الكحكه فى ايد اليتيم عجبه؟!!!
- آه يا عينى ! والله ما أنا سايبك!
- حد يسكت الزفت اللى بيدق ده،مش مخلينى عارف أركز!
- لأ حاشتغل،أنا صحيح نسيتها،بس بأعرف أشوف طشاش من غيرها!
- جاى تقوللى واحنا بنقفل ان مش ده المريض اللى جاى يشيل البروستاتا ؟!!!!!!
- يا أخى سيبك من دلع الخوجات ده،المشرط مش تلم ولا حاجه!
- أنا مش عارف ده ايه بالظبط،حطه فى التلج وهاتلنا واحد بتاع جلااحة أوعيه بسرعه!!
- يلا يابنى خلّص الماتش حيبتدى بعد ربع ساعه!
- يا جدع انت شيل الملايه من على وشه،ده لسه فيه نفس وبيتكرع!!!
- انت متأكد ان الحاله عارفه ان شكلها حيبقى كده بعد العمليه؟؟؟؟
- ريحة شياط؟!!!...حريقه...........حريقه!!!!

! FiRe !
03-09-2008, 05:41 PM
هههههههههههههههههههههههههههههههههههههههههههههههه
يخرب عقلك
انتا مصيبة والله

DrACuLA
03-09-2008, 05:44 PM
هاخنق الدكتور و الممرضين و كل اللى ف المستشفى و ادخلهم المستشفى و اعمل فيهم زى ماعملوا ف البنى ادمين الغلابه دول

hellman
03-09-2008, 05:46 PM
هههههههههههههههههه
لو كنت سمعت كده
كنت جريت بكل سرعتي وصوت زي العبيط وطلعت برة المستشفى خالص هههههههههههههههه

mad_killer
03-09-2008, 05:57 PM
يلا يابنى خلّص الماتش حيبتدى بعد ربع ساعه! لو سمعت ده هرو ح اتفرج على الماتش معاه وبعدين نبقى نكمل

MAX EGYPT
10-09-2008, 09:47 AM
انا هعملوا العملية

nossah
10-09-2008, 10:05 AM
مش عارف اذا كان وانا بقراها كان حيغمى عليا مابالك اذا كنت موجود لول

mado12
10-09-2008, 10:16 AM
يخرب بيت دماغك اية دا يا واد
بس هل كلوا كدة
معتقدش
تقبل مرورى

pepopnd2010
11-09-2008, 09:26 AM
ماهو النور قطع فى المستشفى بجد قريب....

بس انا لو سمعت كدة حطلع من الستشفى و اولع فيها كلها علشان محدش يخشها تانى و يحصلوا حاجة -.-