قناة فضائية جميع مذيعاتها منتقبات

[omar34]

أعلنت قناة "ماريا" الفضائية الإسلامية انطلاقها نهاية الشهر الجارى بطاقم مذيعات من المنتقبات بالكامل.
http://images.alarabiya.net/bb/ba/436x328_82509_215770.gif
ولن يظهر فى القناة أى امرأة محجبة أو غير منتقبة، وسيكون التركيز على طاقم عمل مكون من النساء المنتقبات فقط، ولا مكان للرجال أو غير المنتقبات فيه، وفقاً لما ذكره موقع "العربية نت".

وذكرت مديرة القناة الشيخة صفاء أنها ستكون نسائية بحتة، ولا يجوز للرجال التدخل فى سياستها العامة أو نوعية برامجها، مشيرة إلى أن صاحب القناة الشيخ السلفى المصرى أبو إسلام أحمد عبدالله سيكون له دور استشارى بحكم الخبرة الإعلامية والعلمية.

وقالت: "شئون القناة ستتولاها الأخوات القائمات على إدارة القناة، خاصة أن النساء أفضل من يتحدثن عن احتياجاتهن، وتهدف القناة إلى رفع الغبن عن المرأة المنتقبة التى تعانى التهميش، من خلال خلق مناصب تعمل بها تلك الفئة من النساء".

وحسب ما صرح به صاحب القناة فقد تم اختيار اسم "ماريا" لقناته ليكون عنواناً ودليلاً على الحرية، التى تجسدت فى ماريا القبطية زوجة النبى صلى الله عليه وسلم، بعد أن أعتقها النبى وتزوجها وجعلها حرة بعد أن أنجبت الولد.

ويرى المنتقدون للفكرة أنه من الصعب تواصل المرأة المنتقبة مع المشاهد، نظراً لاختفاء تعبيرات وجهها التى تبنى جسراً من التواصل مع المشاهد والضيوف، بل إنها طريقة تخفى المذيعة عن الأنظار، ولا يتم التعرف عليها نهائياً، وعن ذلك الأمر أجاب صاحب القناة عن طرق تمييز منتقبة عن أخرى: نحن نعرف نساءنا فى صلاة العيد من بين 200 امرأة.

وعبرت الفنانة آثار الحكيم عن عدم تقبلها للفكرة، حيث وجدت تخصيص قناة للمنتقبات فقط شيئاً غير مبرر.

وقالت: من حقى أن أعرف من يحدثنى عبر شاشة التليفزيون، مثلما يرى البعض تعبيرات وجهى سواء كنت سعيدة أو العكس، لأن قصة النقاب أمن قومى، كما أن وزير الأوقاف السابق د. حمدى زقزوق وشيخ الأزهر السابق الشيخ طنطاوى كان لهما رأى فى هذا الموضوع فى كتب خاصة بهما.

واعتبرت أن "هذا الأمر مرفوض فى مجتمع مصر مع التنوع الشديد فى الديانات والمعتقدات، وكل واحد حر، ولكن كم من جرائم ارتكبت باسم النقاب؟، وبالتالى من حقى أن أعرف هوية من أمامى، سواء كان مصرياً أو أجنبياً.
المصدر
http://www1.youm7.com/News.asp?NewsID=685293&SecID=287

[poiu]

نحن نعرف نساءنا في صلاة العيد من وصط ‏200‏ إمرة


يعني المفروض بتبقي مختومة و لا مربوطة بحاجة في قفاها ‏:‏@‏

اعارض ‏
بشدة طبعا الهبل دة ‏:‏@ قمة الهبل و الجهل كمان


انا مع الحجاب في القنوات و ليس النقاب


صراحة موضوع يضرب الدم في النافوخ

[MịηaTσ]

ما اعتقدش ان القناة دى هتكمل

اعتقد كانت للمحجبات تكون اكثر تقبلا فى مجتمعنا

[T__O__P]

القناه ديه اخرها بريل اقوى سائل غسيل فى مصر

[Sky_AnGel]

اذا كان دلوقتى عملوا قناة مناقبات بعد كدة كل الستات تلبس نقاب

[GaKsoN]

لا يا راجل

[poiu]

يا ناس إلي إنتوا مش فاهمينه إني لو القناة دية كملت ‏

يبقي كدا مصر بتخرب هتقولي ليه هقولك عشان

فيه حاجة إسمها لكل فعل ردة فعل ‏

يعني دلوقتي القناة دية في قمة التزمت الديني و الأخلاقي يبقي شوي و إستني ‏

قناة النقيض و هتبقي أوطا من قناة التت ‏

يا ناس إحنا أمة وسط و لا عايزين تشدد و لا عايزين خلاعه

الدين يسر مش عسر

[™ No_Name ™]

الدين يسر مش عسر !!

والنقاب مش فريضه دى سنه عاديه عشان زوجات سيدنا محمد كانو بيتنقبو !!

ليه بيعملو كدا بيكرهو الناس فى الاسلام

[omar007]

عادى يا جماعه هما حرين اللى هيتفرج عليهم الناس اللى المتدينه اوى
زى اللى بيتفرج على التت الناس التعبانه والهيجانه اوى :dots::sorry:

[omar34]

عادى يا جماعه هما حرين اللى هيتفرج عليهم الناس اللى المتدينه اوى
زى اللى بيتفرج على التت الناس التعبانه والهيجانه اوى :dots::sorry:
برافو عليك
و الله أحسن تعليق سواء كنت فايلوا بجد أو حتى بتهريج
اللي عاوز يتفرج يتفرج و اللي مش عجباه مينزلهاش على الرسيفر يحذفها خالص

[darko]

طيب احد جبركم تتفرجوا عليهم ؟

اللي مو عاجباه القناة يتفرج غيرها

انا الحمدلله امي متنقبة فين المشلكة ؟ لاتكون صارت ارهابية وانا مادري !

ولو تحط امي بين 1000 حرمة اطلعها

والنقاب مو تشدد يعني لو واحد يستعمل المسواك او يصلي السنة متشدد ؟

في ناس تتحجب وهي كاشفة وجهها وعامله مكياج .

لكن لما الحرمة تروح تصلي العيد وهي متعطرة ومكياج حرام . تقدروا تتأكدوا من جوجل

[™MidoGhost™]

انـا عـن نـفـسـي الـافـضـل ان الـقـنـاه كـلـهـا لـو حـتـكـون نـسـاء يـبقـو مـحـجـبـات بـس طـبـعـا مـش اسـبـنش وكده لا محجبات صـح ومـش مـع المنـقـباـت لـان انـا مـوش عـارف مـيـن الـي حـيـكـلـمـنـي

[iZexo]

يا جدعان في برنامج الحقيقه من أسبوع أو إتنين جابو الراجل ده و هو بيقلهم على القناه دي ..

عزت أبو عوف إتصل : قلو طب في البيصورو الكاميرا الفوق دي بتبقى تقيله و محتاجه إتنين رجاله شداد عشان يحركوها لو راجل واحد مبيقدر فمش هتقدر عليها و لو تلت ستات

قلو يا سيدي نبقى نجيب 2 رجاله مش مشلكه -.-

ولا مكان للرجال أو غير المنتقبات فيه،

الجمله دي كدا أنا متأكد إنها كذب !!

و هو بيقول بردو ده ستايل جديد برد بيه على قنوات العراة الموجوده ..

-----

بصراحه يا جدعان أنا إتفصلت منه يومها إفتكرته مجنون يعني ..

بس العجبني في الحلقه إن أبو عوف قلو خليها إذاعه بس و ناس كتير قلتله كدا عشان توفر عبء الكاميرات و الستوديو على ستات في نفس الوقت الواحد لما بيحب يتفرج على حد بيحب يشوف وشو و طريقتو فالكلام مش ميكونش شايفه

[_DeviL_DooM_]

يعني وهوا مش صوت المراة عورة !!
ناس ممشية الدين على مزاجها ياخدو اللي يعجبهم ويطنشوا اللي يتعارض مع مصلحتهم

[Omar_El*POP]

قمة النفاق يعنى لو واحدة عريانة اوكى هى حرة لكن لو منقبة يبقى تخلف و النس تكرة الإسلام المش عاجبة الدين يلا مع السلامة المش عاجبة دين عشان نقاب يبقى أهبل معلش يعنى ان مش حختار دين او حسيبة عشان الهدوم لما المسلمين يقولو جدة اومال الفى الاديان التانية حيئولوا اية

[poiu]

يا عمر إفهم

مش قصة بنمسك في حاجة و نسيب التانية ‏

القصة كلها و مافيها إن قصة العري عادي بمعني دية برا الدين

إنما يجي واحد يلعب بالدين و يقولك هعمل قناة منقبات و الكلام البايخ دة

يبقي كدا هو داخل في الدين و مش بيفهم فيه !!!!!!‏

و زي ما قال ‏devil_doom‏ هو مش صوت المرأة عورة ‏............‏!!!‏

المصيبة إني إحنا كمان شعب متخلف لما نشوف واحدة منقبه نحب و نموت إن إحنا نشوف

إية إلي تحت النقاب و إنزل الشارع المصري و شوف المعاكسات لمين أعلي ‏

المنتقبات و لا المحجبات

[omar34]

يعني وهوا مش صوت المراة عورة !!
ناس ممشية الدين على مزاجها ياخدو اللي يعجبهم ويطنشوا اللي يتعارض مع مصلحتهم
ب النسبة لصوت المرأة عورة
المسألة خلافية بين العلماء يعني مفيش إثم هيقع على حد
و يا سيدي لو انت مقتنع و أخدت بالرأي اللي بيقول صوت المرأة عورة هقولك العورة حرام يبقى متبوصش لآي قناة عليها مذيعة حتى لو منقبة أو مش منقبة
مش انت اللي بتقول صوتها عورة و مشيت على الرأي القائل بذلك يبقى ينبغي عليك عدم استماع صوت أي امرأة
انت اللي بتشدد على نفسك
و خد يا سيدي فتوة الشيخ ابن عثيمن أهو بيقول مش عورة إلا لو رققت صوتها
من تأمل نصوص الكتاب والسنة وجدها تدل على أن صوت المرأة ليس بعورة، بل بعضها على ذلك بأدنى نظر:

. فمن ذلك قوله تعالى يخاطب نساء النبي صلى الله عليه وسلم: {فَلا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ وَقُلْنَ قَوْلاً مَعْرُوفاً}، فإن النهي عن الخضوع بالقول، وإباحة القول المعروف يدل على أن صوتها ليس بعورة إذ لو كان عورة لكان مطلق القول منها منكراً، ولم يكن منها قول معروف، ولكان تخصيص النهي بالخضوع عديم الفائدة.

. وأما السنة فالأدلة على ذلك كثيرة، فالنساء اللاتي يأتين إلي النبي صلى الله عليه وسلم يخاطبنه بحضور الرجال ولا ينهاهن، ولا يأمر الرجال بالقيام ولو كان الصوت عورة لكان سماعه منكراً ووجب أحد الأمرين، لأن النبي صلى الله عليه وسلم لا يقر منكر.

وقد صرح فقهاؤنا الحنابلة بأن صوت المرأة ليس بعورة، انظر شرح المنتهى 3/11 وشرح الإقناع 3/8 ط مقبل، وغاية المنتهى 3/8 والفروع 5/157.

* وأما قول النبي صلى الله عليه وسلم: "إذا نابكم شيء في الصلاة فليسبح الرجال وليصفق النساء"، فهذا مقيد في الصلاة، وظاهر الحديث أنه لا فرق بين أن تكون مع الرجال أو في بيت لا يحضرها إلا النساء أو محارم، والعلم عند الله تعالى.
و ده رابط تاني فيه خلاف في المسألة
http://www.ahlalhdeeth.com/vb/showthread.php?t=35884

[Emely]

ده تخلف ما دام هما متشديدين اوى كده طب ما صوت المرأة عوره ولا انا بتكلم غلط يعنى المفروض ما يكونش فى مرأة اساسا مش ينقبوها هما بس حبو يلفتو النظر للقناة ديه عشان القنوات الاعلاميه و الدينيه كتريت اوى

[عمك]

يعني وهوا مش صوت المراة عورة !!
ناس ممشية الدين على مزاجها ياخدو اللي يعجبهم ويطنشوا اللي يتعارض مع مصلحتهم

صوت المراه عوره !! :111:

اللى مش عاجبوا القناه ميتفرجش عليها :tongue_tied:

[tit3o]

واية المشكلة ف كدا ؟ يعنى ممكن افهم من صاحب الموضوع حضرتك كاتبة لية ؟

[tit3o]

يا عمر إفهم

مش قصة بنمسك في حاجة و نسيب التانية ‏

القصة كلها و مافيها إن قصة العري عادي بمعني دية برا الدين

إنما يجي واحد يلعب بالدين و يقولك هعمل قناة منقبات و الكلام البايخ دة

يبقي كدا هو داخل في الدين و مش بيفهم فيه !!!!!!‏

و زي ما قال ‏devil_doom‏ هو مش صوت المرأة عورة ‏............‏!!!‏

المصيبة إني إحنا كمان شعب متخلف لما نشوف واحدة منقبه نحب و نموت إن إحنا نشوف

إية إلي تحت النقاب و إنزل الشارع المصري و شوف المعاكسات لمين أعلي ‏

المنتقبات و لا المحجبات



صوت المراءة عورة لما يكون ف غير محلة زى واحدة اعدة تضحك ف الجامعة وعمالة تدلع انما لما تكون واحدةمحترمة بتتكلم ف شىء هام زى دكتورة جامعة او كدا ميبقاش عورة هديلك مثال علشان انهيلك المسئلة ( الترامدول دا مش يعتبر من الممنوعات ؟ لية المريض بيستخدمة مع انة ممنوع ؟ هى نفس الاجابة لصوت المراءة عورة)

[HecT000R]

لا حول ولا قوة الا بالله
:huh: