الفيدبو الذي أدهش الملايين ( القاعدة كالاتي )

[omar34]

الموضوع الذي تناوله الفيديو إياه الموجود في الرابط التالي
5StJVezaCmQ&feature=related
[دي قاعدة أو معادلة حسابية بسيطة
و احنا عيال صغيرين كانوا يحكوها لينا بالطريقة دي
الأب / خدلك رقم في سرك و متقوليش عليه
الابن / ماشي أخدت رقم في سري (خد انت الان أي رقم يعجبك)
الاب/ خد ليا أنا كمان رقم زيه بالظبط بس متأليش عليه برضه
الابن/ ماشي يا ابا اخدتلك رقم زيه
الاب / خد مني 5 و اجمع الأرقام الثلاثة و متقوليش حاجة.
الابن بيجمع مع نفسه
الاب / جمعت حلو؟
الابن / آه
الاب / اوعى تكون غلط
الابن /لا
الاب/ طيب ارمي نص الفلوس اللي معاك في البحر و متقوليش معاك كام
الابن / رميت يا بابا
الاب/ خد رقمك اللي اخترته لنفسك
الابن / أخدت
الاب / معاك 2 ونص
الابن / عرفتها إزاي يا بابا؟
الاب / لما تكبر هتعرف
و لما كبرنا عرفنا و الله من غير محد يقولنا
اللغز و طريقة حله
انت لما بتختار لنفسك رقم و لشخص تاني رقم زيه (كأنك ضربت ×2) فلما يقولك خد مني 5 او أي رقم و بعد كدا تجمع الثلاثة أرقام بيحل اللغز بعملية ارمي نصه في البحر (اللي هي اقسم على 2)
انت لما رميت نص المجموع في البحر بسلامتك رميت حقه و نص الرقم اللي عطهولك و هيفضل معاك حقك والنص التاني من الرقم اللي عطهولك فلما يقولك خد حقك يبقى هيفضل معاك نص الرقم اللي أبوك عطهولك
إذا
حل اللغز دائما هو نصف الرقم الذي سوف تعطيه للشحص الآخر يعني لو عطيته 8 يبقى الباقي أو الحل هيطلع 4
و لو عطيته 100 الحل هيبقى 50
أرجو يكون حل اللغز وصل
جربها مع أي حد هتلاقيها تمام
آسف على التطويل و لو حد مش فاهمها يقول و أنا هرد عليه

[MR ! HЄRO]

ههههه
شكرا ع المعلومة

[omar34]

ههههه
شكرا ع المعلومة

الشكر ليك يا برنس
بس انت مش ملاحس إن الردود قليلة ؟
هو الموضوع مش قد كده و لا إيه؟:111 (13):

[scorpion63]

موضوع حلو فكرتنى بايام زمان

[Delivery]

لا موضوع جامد والله
تسلم صوابعك

[™_Blast_™]

انا هرد عليك نفس الجواب و اقولك ان ده فيديو مش صوره..........ملييييييييس دعوه انا عايز صوره واااااااااااااااااااااااااااء

[poiu]

لأ شغالة ‏:‏)‏

[iMido]

يا الله البتاعه دى انا عرفها من و انا قصير

[☜ ĂиTaKą ☞]

:wink:

تسلم

[omar34]

موضوع حلو فكرتنى بايام زمان

شكرا يا برنس
لا موضوع جامد والله
تسلم صوابعك

الله يخليك يا عسل سكرا ليك
انا هرد عليك نفس الجواب و اقولك ان ده فيديو مش صوره..........ملييييييييس دعوه انا عايز صوره واااااااااااااااااااااااااااء
شكرا على الرد
و شكرا على الملحوسة
لأ شغالة ‏:‏)‏
تشكر يا برنس
يا الله البتاعه دى انا عرفها من و انا قصير
و الله كويس إنك لسة فاكر
شكرا على ردك يا مان
تسلم
تسلم يا هاني

[CError]

شكر ليك يا برنس

:harp:

[MịηaTσ]

تسلم بس قديمة

[™~BeSo~™]

مشكور يا كبير
ملحوسه الموضوع حلو اوي اساحبي

[SmileZ]

:laughbounce2:
ايام الطفولة
لـــيس لــهآ حــل

[DeMooN_Hell]

انـا زمـان كـنـت اتـحـيـر مـن الـلغـز ده ,شـكيـت ان ابـويـا بـيـقـرا افـكـاري .

:icecream:
كـنـت اخــاف افـكـر في حـاجـه وحـشـه ^.^

[kazA]

اول مره اسمع اللغز دا :]

[legend_killer]

تسلم موضوع جامد

[omar34]

شكرا على الردود يا شباب