استفسار

[Lury]

دلوقتي المشرف ToxicGeneral حذف موضوعي ( اجمد لقطة في الأسبوع متجدد ) من التثبيت من فتره و قلي علشان هو هيعمل موضوع زيه للأعضاء و فعلا عمل واحد

بس اغلق الموضوع بتاعه من فترة طويله و مش شغال

دلوقتي بقي انا عايز اعرف موضوعي إلي تعبت فيه و رفعت فيه اكتر من 200 صوره هيرجع تاني للتثبيت ولا إيه ؟؟

ثانيا : مال موضوعي بموضوعه هو انا عامل موضوعي علشان بحط الصور إلي موقع Silkroadonlin نفسه بنزلها و هو عامل موضوع للأعضاء ايه إلي يخليه يحذف موضوعي و كمان يغلقه للابد :chair: :chair: :chair:

[ToXi]

هنرجع للموضوع دا تاني مش كنا خلصنا ؟!

[Lury]

لا مخلصناش لاني مفهمتش اي حاجة منك يوم ما بعتلي رساله ^__^

[ToXi]

بص يا باشا واحده واحده

اولا انا في اجازه بسبب الامتحانات ومشاكل وظروف خاصه

يعني متطلبشي مني دلوقتي اي نشاط في الموضوع دا

ثانيا انا هقولك وجهة نظري تاني

انا بقوول ليه نحط صور اعضاء من على جوي ماكس ومنعملشي البوم خاص باعضائنا بس !!!

فهمت ؟!

ولو كان ع الموضوع يعني هوا خد وقتو اصلا وزياده وكفايه عليه كدا ..

[Lury]

يا راجل ههههههههههههههههههه

انتو اول ما مسكتو مشرفين شلتو موضوعي و قلتلكو اني في 2 ثانوي قلتولي

لا و مينفعش و مش عارف ايه و لو مش هواظب عليه هيتمسح و فتحتولي ملفات مع اني كنت متأخر اسبوع علي تجديده

و دلوقتي بتقلي انتا في 2 ثانوي

بجد ؟؟!! :111 (3): :111 (3): :111 (3): ضحكتني

ثانيا فيها ايه لو الموضوعين مجطوطين يعني بتاعي هياخد الزباين بتاعتك ولا ايه ؟؟

[ToXi]

انا قولتلك اني في تانيه ثانوي ؟؟؟

فهمني بردو اييه اللي يضحك معلش عشان عاوز اضحك شويه

و ع الموضوع انا قولتلك رايي وقراري ومش هتكلم تاني

[Lury]

معلش شفتها غلط انا قصدي انك بتقول انك عندك امتحنات

طيب ما انا لما قفلتو موضوعي قلتلكم اني في 2 ثانوي و اظن ان امتحناتك مش اهم من 2 ثانوي بتاعتي

ثانيا : هو المفروض ان انتا قرارك قرار وزاري ؟؟ انا مش فاهم ايه إلي هيحصل لو فتحت موضوعي

يا ريت No_Rule يقلي مش انتا

[ToXi]

اولا اه اكتر من قرار وزاري كمان

ثانيا انا قافل موضوعك مش عشان الثانويه الزفت

ثالثا متجمعش المشرفين متقولشي من اول ما مسكتو وكدا شووف الموضوع اللي انا قفلتلهوولك بس

متشوفشي حاجه تاني

رابعا قرار في اييد مصطفى وياسر طبعاا وقرارهم فووق راسي من فووق

وبردو انا مش بعمل حاجه من دماغي لان اللي انا عملتو دا كنت عامل عليه اقتراح في قسم المشرفين واتوافق علييه

[Lury]

خلاص يا باشا سهله اتحلت انا همسح موضوع ( جميع افاتارات سيلك رود متجدد ) و يا ريت انتا تمسح موضوع ( اجد لقطة في الأسبوع ) و هسيب المنتدي و كده كده انا مليش لزمه و انتهي الموضوع ولا تزعل نفسك ولا ازعل نفسي

[ToXi]

ربنا يوفقك

[Lury]

امين سلاموز بالأشطه و اللوز و تم مسح موضوع جميع افاتارات سيلك روود

اعملي جميل و افتح موضوع ( اجمد لقطه ) علشان هاخد بيناته كلها و همسحه من الموقع انا عايز بيناته لاني تعبت فيه ممكن ؟

[Lury]

هو طلب اخير با ربت تعمله يعني افتحلي موضوع اجمد لقطه في الأسبوع علشان اخد بيناته افتحه يوم بس او افتحه دلوقتي 1 ساعه

[ToXi]

تم

http://www.silkroad4arab.com/vb/showthread.php?t=397814

[Lury]

شكرا يا حبي تقدر تغلقو بعد 30 دقيقة ^__^

[ToXi]

قولي تم بس وانا اغلقو على طوول !!

[No_Rules]

هو الموضوع اتفتح تانى ليه ؟

مش انا قولت لو الموضوع لو متجدد ميتقفلش مهما كان تاريخه ولو مش متجدد يتقفل !!؟

[ToXi]

خلاص يا ياسر اغلق

هوا الراجل بوظ موضوعو وخلاص نعمل اييه

[No_Rules]

:wacko: