المساعد الشخصي الرقمي

مشاهدة النسخة كاملة : الفراااااااانــــــــــــــــــنكو


AnA OmAr
25-04-2012, 02:00 PM
غريبة دي



استخدام حروف انجليزية في الكلام باللغة العربية

طبعا فيه ناس مضطرة لان اجهزتهم ما بتكتب عربي خصوصا المغتربين فهم

مضطريين لاستخدام والكتابة بالانجليزي فهم مضطريين لاستخدام والكتابة بالانجليزي

لكن غريب العرب بيتكلموا بهذا الشكل ليه؟؟

لو سألت حد يرد عليك لو سألت حد يرد عليك

asli met3awed akteb english


طب اتعودت امتى ؟

اكيد متولدتش بتكتب انجليزي !

هل هو نوع من الفزلكه؟

ولا نوع من الكسوف من الحروف العربى؟؟

عمرك شوفت واحد انجليزي بيكتب بحروف عربى ولا هندى ولا صيني ؟

كل لغه ليها حروفها

هتتكلم عربى يبقى حروف عربى

هتتكلم انجليزي يبقى حروف انجليزي



لكن متعملش لغه ولا هى عربى ولا هي انجليزي!!!



أنا من رأيي انها لغة مينفعش إن احنا نستخدمها للأننا عرب فليه نكتب كده وعلى الأقل المفروض إن احنا نحترم لغتنا العربية (لغة القرآن)


وللأسف بنخلي الأجانب لما يشوفوا الطريقة دي يضحكوا علينا وعندهم حق لأنها فعلا لغة تدل على الرجعية والجهل وعدم الإهتمام والاستهتار بلغتنا الحبيبة ولازم نكون مفتخرين بها..





حد سال نفسه ايه الفرانكو ده ؟؟
طيب ايه اصل اللغة دى او جت منين ؟؟



معظمنا او اللى بيتكلموا فرانكو مايعرفوش غير انها لغة منتشرة بين الشباب والبنات فى الشات

بس الموضوع طلع اكبر من كده ويمكن مفيش ناس كتير تعرفه

المهم احنا دلوقت هنحاول نوضح الصورة لكل االناس اللى يعرفوا الفرانكو واللى ما يعرفوش




طيب ايه اصلها ؟؟



تاريخ الفرانكو ده بيبدأ من زمان من ايام سقوط الاندلس في ايدي الفرنجه

وايام محاكم التفتيش الاوروبيه....طبعا كانت الاندلس مليانه مسلمين بعد ما احتلها الاسبان

دا غير الناس اللذين هاجروا الى المغرب والى الاراضي العربيه....

بس كانوا بيتعاملوا بقسوه شديده جدا من قبل محاكم التفتيش...في البدايه اخدوا المصاحف ومنعوا الصلاه في المساجد وبعدين عملوا حاجه خطيره جدا.....


خلوا الناس تتكلم عربي عادي بس خلوهم يكتبوا اللغه العربيه بحروف لاتيني

اللى احنا عارفينه بالفرانكو اراب الان

وللاسف فضلو يضيقوا عليهم جدا لحد ما طلع منهم جيل ميعرفوش هما مسلمين ولا مش مسلمين
والناس دول كان اسمهم الموريسكيين او اختصارا" المور


بس احنا عارفين اصلنا
ايه السبب في استخدمنا لها الان ؟
تحياتي :gohan:

ღ♥:: Beckham::♥ღ
25-04-2012, 02:03 PM
بص كل اللى اقدر اقولهولك ان الناس كتبت فرانكوا لما لعبت سيلكرود

OoReMooO
25-04-2012, 02:11 PM
بص كل اللى اقدر اقولهولك ان الناس كتبت فرانكوا لما لعبت سيلكرود


تمام فعلا لان اللعبه لا تدعم اللغه العربيه فتم استخدامها بين اللاعبين العرب عشان يتفاهموا مع مرور الوقت اصبحت تعود حتى فى الشات بتاع الياهو و الفيس بيتكلموا بالطريقه دى و ابتدت كمان تاثر على اللغه العربيه نفسها
الناس بقت تكتب غلط و معظم كلماتهم فيها غلطات املائيه و اللى يكت ساحبى و اسحابى ؛ بسبب ان الانجليزى اللى متعودين عليه مفهوش حرف ص
و ينتشر الخطأ كانتشار اللهب فى الهشيم

omar007
25-04-2012, 02:15 PM
احنا بنحب نمشى تبع الموضع حتى لو غلط

CHeeToS
25-04-2012, 02:15 PM
طب وهى كل الناس بتلعب سيلك رود ؟؟

فى ناس واخده الموضوع ده أنه نوع من أنواع المنظره

وهما اصلا مش عارفين يكتبو انجلش

بس نعمل ايه بقى

SHbab SeS
:lulu1:

°•.♥ The Uploader ♥.•°
25-04-2012, 02:18 PM
علشان سيلك رود بس مش اكتر :)

_ReDEv1L_
25-04-2012, 02:30 PM
انا شايف انو مفيهاش مشكلة وان اللغات مش شرط واحد يتقيد فيها

وكل واحد يعمل الى هو شيفو وفيه ناس مبتعرفش تكتب الفرانكو تعرف تكتب عربى بس

ديه وجهة نظرى

amr174747
25-04-2012, 02:40 PM
انا عن نفسي مش بتكب فرنكو الا في سلك رود علشان العربي فيها مش منسق

seka20009
25-04-2012, 02:56 PM
اة الفرامكو انتشر حتا البيكتب عربى عايز يتعلم فرنكو

Fire_Snake
25-04-2012, 03:25 PM
بصراحة انا كونت بكتب فرانكو يعني تقدر تقول ميه ميه وكنت بكتب سريع جداً
لكن العربي بطئ جداً كل ده وانا بلعب Silkroad يعني
اما بعد ما سبت سيلك رود ولعبت كونكر عربي بقيت العكس وبكتب عربي اسرع وميه ميه

دسوقي ابو عجله
25-04-2012, 03:46 PM
الفرانكو حررررررررررررررررررررام

لأن الغة العربية يجب كتابتها كما انزلها الله ولأ يستطيع احد تحريفها

يعنى ربنا قال أ فى كتابة و مقلش a

يعنى كل الأمور دى بدعة و كل بدعة ضلأل

ღ♥:: Beckham::♥ღ
25-04-2012, 07:12 PM
الفرانكو حررررررررررررررررررررام

لأن الغة العربية يجب كتابتها كما انزلها الله ولأ يستطيع احد تحريفها

يعنى ربنا قال أ فى كتابة و مقلش a

يعنى كل الأمور دى بدعة و كل بدعة ضلأل

مش للدرجادى يعنى انه حرام الكلام ده لو بتكتب قران فرانكو لكن انت بتتكلم مع صاحبك يعنى تكتب زى مانتا عاوز

™_King_Redsea_™
25-04-2012, 07:20 PM
الفرانكو انتشر بسبب الألعاب الاونلاين لانها مش بتدعم اللغه العربيه وده السبب الرئيسي :tears:

DeMooN_Hell
25-04-2012, 07:31 PM
بسبب اللعبه

Kemo Eagle
25-04-2012, 07:44 PM
الفرانكو حررررررررررررررررررررام

لأن الغة العربية يجب كتابتها كما انزلها الله ولأ يستطيع احد تحريفها

يعنى ربنا قال أ فى كتابة و مقلش a

يعنى كل الأمور دى بدعة و كل بدعة ضلأل

يابنى متفتيش فى حاجه متعرفهاش كويس عشان هتتسأل على كلمة حرام دى
تانى مره اقولك وهتلر كلمك بلاش اى حاجه تقول عليها حرام وانت مش متأكد
لكن لو متأكد انها حرام قوول انها حرام مع ذكر ايه من القرأن الكريم او حديث شريف

وبقول لصاحب الموضوع شكرا على موضوعك الجميل ده ويارب نرجع للغتنا لغة القرأن الكريم تانى
بس السبب هو silkroad و Wolfteam و .. الخ الخ الخ عشان مفيهاش لغه عربيه
وان شاء الله انا هحاول اقلل من كتابتى ليها كده كده انا معتزل الالعاب الاونلاين كلها ...

Protect
25-04-2012, 07:52 PM
تمام فعلا لان اللعبه لا تدعم اللغه العربيه فتم استخدامها بين اللاعبين العرب عشان يتفاهموا مع مرور الوقت اصبحت تعود حتى فى الشات بتاع الياهو و الفيس بيتكلموا بالطريقه دى و ابتدت كمان تاثر على اللغه العربيه نفسها
الناس بقت تكتب غلط و معظم كلماتهم فيها غلطات املائيه و اللى يكت ساحبى و اسحابى ؛ بسبب ان الانجليزى اللى متعودين عليه مفهوش حرف ص
و ينتشر الخطأ كانتشار اللهب فى الهشيم

حضرتك ميين الى قالك ان الى بيكتب اساحبى ولا اسحابى بيبقى قصدة علشان الفرانكو انا لما بكتب كده بيبقى بسبيل الهزار يعنى مش بيبقى غلطات املائيه ولا بسبب الفرانكو

بخصوص الفرانكو فعلا انتشر جدا جدا و انا بحاول اكتب العربى عربى و الانجليزى انجليزى و شكرا على الموضوع اساحبى :p

Little.Tornado
25-04-2012, 08:26 PM
السبب العاب بس اساسن نص الناس بتتكلم بيها فزلكة انا اول لما اتعلمتها رحت لكل اصحابى واقعد اقلهم انت جهلة وى الكلم دا بس الحمد لله سبتها خالص
ونا شيفها لغة رخمة وبردا معاى واحد جارى مش بيعرف بيكتب عربى اساسن هو من حوالى 5شهور بدا يتعلم ساعة:tomato: راس السن الى فاتت بتاعت 2011 لقتو بيقلى اكتبلى رسالة بلعربى عشان ابعتها لصحابى

FightToDie
25-04-2012, 08:34 PM
عادى عشان سلك رود لو فى سلك رود ينفع يكتب عربى كنت كتابت

lion heart
25-04-2012, 08:52 PM
عندك حق

™ No_Name ™
25-04-2012, 09:17 PM
فعلا حاجه رخمه اوى الفرانكو دا
ده للناس اللى نفسهم يكلمو انجيزى ومش عارفين فابيعملو نفسهم مثقفين

ALEX_MOON
25-04-2012, 09:18 PM
انا معرفتش الفرانكو و الحمد لله مش بكتب بيه الا فى سيلك رود لكن الحمد لله فى اى شات او بره اللعبة عموما عربي

AnA OmAr
26-04-2012, 01:08 AM
ممكن تثبيت ؟؟؟

iMido
26-04-2012, 02:15 AM
ya 3am elfranko dah b2a asas el al3ab el online :)
كل الى بيكتب فانكو اعرف انو مش بيلعب لعبه اونلاين اهرف انه مدمن لانه من كتر اللعب ايده عرفت مكان الحروف الانجلش

ولا ايه يا رداله

CError
26-04-2012, 04:23 AM
علــشــــانــ ســيــلــك رود بــســ مــــش اكــتــر..


:pash:

CError
26-04-2012, 04:27 AM
علــشــــانــ ســيــلــك رود بــســ مــــش اكــتــر..

:bangin:

Sky_AnGel
26-04-2012, 04:30 AM
بنستخدمها عشان نبين ان احنا جامدين فى انجليزى :kid:

MR ! HЄRO
26-04-2012, 04:14 PM
ممكن تثبيت ؟؟؟

دانتا بقا داخل علي طمع :sbav:
^^

AnA OmAr
26-04-2012, 06:53 PM
دانتا بقا داخل علي طمع :sbav:
^^

مش اوي :gunsmilie:

Jimmy
27-04-2012, 01:51 AM
علشان سيلكرود مش اكتر

EcW0
27-04-2012, 02:41 AM
والله انتو وجعين دمغكو على الفاضى ده غصب علينا علشان الالعاب دى مفهاش عربى هنعمل اية المطر يكتب فرنكو

AnA OmAr
27-04-2012, 03:27 PM
والله انتو وجعين دمغكو على الفاضى ده غصب علينا علشان الالعاب دى مفهاش عربى هنعمل اية المطر يكتب فرنكو

انا ساكت في الموضوع كلة بس يعني اية غصب عننا علفكرا ف سيلك رود انتا ممكن تغير اللغة من انجلزي ل عربي و اظن الطريقة سهلة جدا حتة لو اللعبة مفهاش عربي مش لعبة هيا الي هتنسينا لغتنا و حضرتنا