المساعد الشخصي الرقمي

مشاهدة النسخة كاملة : استبعاد عمر سليمان والشاطر وأبو إسماعيل ونور ومرتضى من الانتخابات

Little.Tornado
14-04-2012, 09:52 PM
أعلنت اللجنة العليا المشرفة على انتخابات رئاسة الجمهورية، أنه فى تمام الساعة السابعة والنصف من مساء اليوم السبت، الموافق 14 من إبريل سنة 2012، أنهت عملها الذى بدأته منذ أول أمس بشأن فحص ومراجعة جميع ملفات المتقدمين للترشح لمنصب رئيس جمهورية مصر العربية، والذى تحدد له يومى 23 ، 24 مايو سنة 2012، وكذا بحث الاعتراضات المقدمة من بعض المرشحين على آخرين، وقد انتهت اللجنة إلى استبعاد عشرة من طالبى الترشيح لعدم توافر شرط أو أكثر من الشروط الواجب توافرها قانونًا.

وأوضحت اللجنة فى بيانها الصادر منذ لحظات أنها كلفت المستشار حاتم بجاتو الأمين العام للجنة بإخطار من تم استبعادهم ليتسنى لمن يرغب منهم فى التظلم إلى اللجنة فى المواعيد المقررة قانونًا.

و كشفت مصادر لـ"اليوم السابع" أن من بين المستبعدين كلا من عمر سليمان الذى لم يستكمل ألف توكيل من إحدى المحافظات، وخيرت الشاطر الذى كان محبوسا على ذمة إحدى القضايا، وحازم أبو إسماعيل لحصول والدته على الجنسية الأمريكية، وأيمن نور لاتهامه فى إحدى القضايا، ومرتضى منصور لنفس السبب.


المصدر
هنا هون (http://www3.youm7.com/News.asp?NewsID=653211)
Kemo Eagle
14-04-2012, 09:54 PM
ماهم قالوا ان حازم ابو اسماعيل مطلعتش امه امريكيه ؟
ايه يا جدعان احنا كده بنتسوح
CHeeToS
14-04-2012, 09:56 PM
مبروك ابو الفتوح مقدما

بيلعبو لعبه مكشوفه والمشكله الـ احنا بنصدق
:book:
DeMooN_Hell
14-04-2012, 09:56 PM
محــدش فــاهـم حاجـــه !! :shock:
Little.Tornado
14-04-2012, 10:04 PM
قالو ان ابو الفتوح امو مصرية لان مكنش فى اثبات لاكن اكيد جة ورق او حاجة تثبت
وابو الفتوح اكيد اخدها
kastel
14-04-2012, 10:06 PM
السباق بقى سهل اوي دلوقتي
WELFA
14-04-2012, 10:12 PM
قل العلم عند الله و الواحد بجد مش عارف ايه الليـ حاصل :(
يعنيــ انا حسيبه مفتوح بس العضو الليـ حيشتم و لا أيـ تطاول
أنذار اداريـ
Little.Tornado
14-04-2012, 10:17 PM
قل العلم عند الله و الواحد بجد مش عارف ايه الليـ حاصل :(
يعنيــ انا حسيبه مفتوح بس العضو الليـ حيشتم و لا أيـ تطاول
أنذار اداريـ

هو دا الكلام الصح:george:
SoCooL
15-04-2012, 02:41 AM
قل العلم عند الله و الواحد بجد مش عارف ايه الليـ حاصل :(
يعنيــ انا حسيبه مفتوح بس العضو الليـ حيشتم و لا أيـ تطاول
أنذار اداريـ

الديك فـ العشه:lol3:
ღ♥:: Beckham::♥ღ
15-04-2012, 03:42 AM
الله هو مش قالك ابو اسماعيل امه طلعت مصرية
هو فى ايه!!
Just4Me
15-04-2012, 04:19 AM
الله هو مش قالك ابو اسماعيل امه طلعت مصرية
هو فى ايه!!

اكيد هيقولو مصرية عشان خايفين على نفسم من غير امن للمحكمة السلفيين كانوا ممكن يعملوا حاجة فى القضاة
بس حازم لو كان صادق يطلع الباسبور و يخلص بدل اللف و الدوران
™ ¤New mind¤ ™
15-04-2012, 04:29 AM
باسبور ايه والدته معاها الجرين كارد وكمان الباسبور اللي اللجنة قدمته هينتهي في 2220

يعني ب 200 سنه والباسبور الامريكي اصلا بينتهي بعد 10 سنين حكومة هبلة عملوا كل حاجة بس لخبطت معاهم في التاريخ ^^ عسل عسل :ops:
Yass.ThMuslim
15-04-2012, 05:20 AM
اكيد هيقولو مصرية عشان خايفين على نفسم من غير امن للمحكمة السلفيين كانوا ممكن يعملوا حاجة فى القضاة
بس حازم لو كان صادق يطلع الباسبور و يخلص بدل اللف و الدوران

باسبــور ايه اللى هيطلعــوا !
اذا كان قرار المحكمه طلع اصلا بعدم ثبوت الجنسيه !

انا مش عارف بصراحه انتم بتكلموا ايه !

لو كان صادق ؟ لف ودوران ؟
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !! لا تعليق !!!!!!!!!!!!!!!!!!!!!!!!!!!!!!!!!!!!!!!!!!!!

علشان الاعضاء كلها ترتاح بس لان اولا اليون السابع دى عايزه الحرق
ده موقع الاتخابات https://www.elections.eg/index.php/
تقدروا تعرفوا ميين اللى لسه وميين اللى بره !

عموما كله اتأكدت من الموامره على حازم صلاح ابو اسماعيل
لان بجاتوا طلع وقال " لو مخرجنهوش بالجنسيه هنخرجوا بحاجات تانيه " !!!!!!

بس ارادة الله فوق كل شى
Sky_AnGel
15-04-2012, 07:32 AM
كدة مافيش غير ابو الفتوح
حازمون
15-04-2012, 07:37 AM
مؤامرة على حازم ابو اسماعيل ..
احنا مش لازم نسكت ..
GaKsoN
15-04-2012, 10:03 AM
مش عارف اقول ايه بصرحا !

محدش فاهم حاجة ؟

ياعنى انت عايز تفهمنى ان نزول الناس يوم الجمعة الى فاتت فى عهد حكم العسكر ده جاب نتجية !

ديه اول مرة تحصل من يوم الثورة الاولة

مش عارف والله بس اكيد فى حاجة ملعوبة برضو

اصل لجنة ايه يابو لجنة الى هتستبعد و تحكم هيا

العسكر اقوه منها 100 مرة :)

اذا كان خاله القاضى الى المفروض اكتر واحد بيخاف ربنا و هيتحاسب يوم القيامة على كل حكم حكمه

انه يفرج على الامريكان !

مش عارف بس مش مطمن ابدا !

عمر سيلمان هو مرشح المجلش العسكرى و اما عمر سيلمان يستبعد يبقى فيها انه كبيرة

الله اعلم محدش فاهم حاجة خالص
Omar_El*POP
15-04-2012, 01:03 PM
الأخوان نازليين باتنين طلع واحد ناقص التانى يعنى عاملين حسابهم و كل دة فى مصلحة الاسلاميين كدة حيتفقوا على شخص واحد
Little.Tornado
15-04-2012, 01:58 PM
مؤامرة على حازم ابو اسماعيل ..
احنا مش لازم نسكت ..

هى مش عافية ولله
WELFA
15-04-2012, 02:08 PM
يا جدعان انا سايب رجالة ها
النقاش بالراحة
darko
15-04-2012, 02:11 PM
راح يعملوا زي اليمن يحطوا مرشح واحد (اللي يبغوه ) ويقولوا للشعب صوتوا






" اللهم ولي على المسلمين اتقاهم "
moha1a
15-04-2012, 03:56 PM
خليهم يزورو بقى
عشان الناس تعرف ان النظام لسا مسقطش و تعرف ان احنا كان معانا حق لما كنا بننزل و نقول يسقط حكم العسكر
و العسكر كانو بيموتونا و يعرو بناتنا و الناس كانت بتهاجمنا وبتتهمنا بالعمالة و الخيانة
Osam2010
15-04-2012, 05:17 PM
هو عمر سليمان احسن واحد لي الرئسه
MR ! HЄRO
15-04-2012, 06:00 PM
شكرا علي الخبر