المساعد الشخصي الرقمي

مشاهدة النسخة كاملة : امثال مصرية جديدة

zezo_elooo_pop
20-08-2008, 10:51 AM
امثال مصريه فكاهية

اللى بيته من إزاز ميغيرش هدومه فى الصالون


اقلب القدره على فومها الفول يقع منها

تأتى الرياح محمله بالأتربة

ياخبرالنهارده بفلوس بكره ينزل عليه أوكازيون

اللى معاه قرش محيره يجيب حمام ويحمره

جت الحزينه تفرح شغلت شريط حكيم وقعدت ترقص

قال يامحشحشين يكفيكوا شر الكمين

اللى ياكل لوحده يشبع

لاتبكى على اللبن فى البسكوت

اقطع عرق و حته بتلو

اطبخى ياجاريه الأنبوبه فاضيه يا سيدى

لو حبيبك عسل ما تحطلوش طحينة

اللى يتلسع من الشوربه يتصل بالمطافى

وبكره ترجع ريما من عند خلتها فى مارينا

ياداخل بين البصله وقشرتها حط قطرة علشان هادمع من ريحتها

اصوم اصوم وافطر على المدفع

القرش الأبيض بيعوم فى البحر الأحمر

ضربوا الأعور على عينه قالهم كسرتوا النضاره

اللى ميشفش من الغربال يكشف نظر

المال السايب يعلم الطلبه

نام وارتاح وكل عسل نحل التمساح

من خرج من داره مينساش يأخد المفتاح معاه

الباب اللى يجيجلك منه الريح شيله وركب قبنورى

المضطر يركب التاكسى

رب صدفة خير من ألف ليلة و ليلة

اللى يخاف من العفريت يعمل عبيط

المركب اللى فيها رايسين يلعبوا طاولة

اللى خدتوا الأرعه تخدو ام الخلول

اللى ميعرفش يقول what

أكل العيش يحب الطعميه

العين عليها lenses

قاوا للحرامى أحلف قالهم وحياة قلبى وأفراحوا


أمثــــــال عربيــــات النقــــل

متبصليش بعين رضيه دنا طلع عين أمى فى
السعوديه

ربنا يحميكى من الميكانيكى

الحلوة أسمها تفاحة للسفر والسياحة

ا
mad_killer
20-08-2008, 10:56 AM
هههههه جامدة يا مان
omar007
20-08-2008, 11:10 AM
هههههههههههههههه
جامده بس معلش يا حازم انا كنت عامل نصهم فى موضوع زى ده قبل كده بس النص التانى معملتوش
بس هما فعلن جامدين
zezo_elooo_pop
20-08-2008, 11:11 AM
والله مكنتش اعرف و مشكورين على المرور
pepopnd2010
20-08-2008, 11:16 AM
ههههههههه حلوة بس فى بعضهم مكرر :p بعضهم بس بس حلوين ^^
adem2008
20-08-2008, 11:16 AM
فاقد الشىء يدور عليه

حبيبى حازم :: مينفعش تشبه كلام الله بموضيع فكهايا :: لو سمحت
zezo_elooo_pop
20-08-2008, 11:23 AM
والله انا مش عارف المثل دا اساسا بس انا اسف و ادينى غيرتو
adem2008
20-08-2008, 11:31 AM
شكراا على تفاهمك ::
zezo_elooo_pop
20-08-2008, 11:34 AM
شكرا انك فهمتنى انا كنتش اعرف المثل دا و انا اسف
waelaty
20-08-2008, 11:40 AM
مشكووووووووووووووووووووووووووووووووووووور و جامدة جدا واسنمر بقى ههههههههه