مساعده في جهـــازي علشان انا اتعفرت خلاص

[CHI-VA]

السلام عليكم ورحمة الله وبركاته

بصو بقا . هتساعدوني ولا اشخط وازعق ؟؟؟

انا عاوز حد فاهم كويس يقولي حاجه واحده

الجهاز بتاعي عمل ريستارت فجأه وبعد كده مشتغلش ...يقفل ويشتغل لوحده يقفل ويشتغل وهكذا وبمجرد ما اوصله كهرباء يشتغل لوحده ويكرر نفس الريستارت

فدا من ايه وايه حله ياولا انت وهو ( انا جامد ع فكره )

1/ باد سيكتور
2/ رامات
3/ عيب في احد الوصلات
4/مروحة البروسيسور
5/ مفيش حاجه من دول

:111: وتقبلو تحياتي بقا

بس بالله عليكم السرعه في الاداء بقا

[Alone iN The Sky]

نوع البوردة بتاعتك

g41
جيجا بايت
???

--------------

اول ما تركب الكهرباء بيشتغل بدون ما تضغط على زرار الباور ؟؟


-------------------

الريستارت اكتر شىء فين
بمجرد ما بيشتغل ويدخل على الدوس اللى هى الشاشة السوداء .. بيعمل ريسترات كتير فيها - او الريستارت الكتير وانت فاتح الويندوز نفسه والديسك توب ظاهرلك ؟؟

----

لو بيرستر فى الدوس (الشاشة السوداء فى اول مرحلة التشغيل )
بعد ما تضغط على الباور فى الكيسه ... المراوح بتشتغل والشاشة بتكون لسه لمبتها برتقالى وبتتأخر لحد ما الشاشة تشتغل وبعدين تعطى اللون الاخضر وتفتح ؟ او الشاشة بتشتغل مع الكيسة على طول مرة واحدة ؟

---------------


الجهاز بقاله اد ايه معاك؟؟

---------------
اخر مرة فتحت الجهاز امتى وليه ؟

[IError]

بص يا مان هى مش من الرامات خالص ولا عيب فى الوصلات بس هو تقريبا الباور بتاع الجهاز انت حلك ان انت تنزل اى فرع بتاع شركة كمبيوتر و هى تشوف الدنيا ماشيا ازاى مع جهازك

و تقبل مرورى

[MoST_WanTeD]

ممكن يكون زرار الباور ملمس ولا حاجة لو بتعرف تفكو فكو وركبو تاني شوف الوصلات اللي واصلة ليه وكده

[!! Prince World !!]

اخر مرة فتحت الجهاز امتى وليه ؟


ههههههههههههههههههههه :laughing1:

هو اية اللي لية



اتأكد من حوار الباور دة :vertag:

[♥ ♥.•°YoYo°•.♥ ♥]

بوص بوص بوص

الكلام ده كلو من مروحة البروسيسور

الاول شوفها كده افتح غطا الكيسة الخارجي وشوف المروحة الى فى البوردة بتلف وله لا

لا مش بتلف يبقى تعمل كده حاول تلفها عمس الاتجاه الى بتلف في بأديك هتلاقيها بتشتغل بس بتلف براحة تلفها بأديك تانى

انا كانت لسه عاملة معايا كده نزلتها لواحد بتاع صيانة عملي حوار يقولي المروحة بايظة وبتتغير بي 25 جنيه اعمل كده وشوف وقولي انا متابعك اهو :thumbsup:

[Paranoid]

وديه لبتاع صيانه و ريحنا :d

[FirstOne]

السلام عليكم ورحمة الله وبركاته

بصو بقا . هتساعدوني ولا اشخط وازعق ؟؟؟

انا عاوز حد فاهم كويس يقولي حاجه واحده

الجهاز بتاعي عمل ريستارت فجأه وبعد كده مشتغلش ...يقفل ويشتغل لوحده يقفل ويشتغل وهكذا وبمجرد ما اوصله كهرباء يشتغل لوحده ويكرر نفس الريستارت

فدا من ايه وايه حله ياولا انت وهو ( انا جامد ع فكره )

1/ باد سيكتور
2/ رامات
3/ عيب في احد الوصلات
4/مروحة البروسيسور
5/ مفيش حاجه من دول

:111: وتقبلو تحياتي بقا

بس بالله عليكم السرعه في الاداء بقا

1 - لو باد يبقى الجهاز هيفتح بس النسخة لا ( وديه لحد بتاع صيانة بيفهم )
2 - لو بتسمع صوت تيت لما الجهاز يفتح تبقى سليمة ( جرب تشيلها وتنظف مكنها وتركبها كويس )
3 - ممكن لو انت لسه مركب حاجة جديدة ( شيل اى حاجة وسيب الهارد بس وجرب )
4 - ميعملش كدة غير لو شغال بقالو كتيير ودرجة الحرارة عليا ( زيت المروحة وجيب مبرد للبروسيسور )
5 - كان اشتغل عادى ( شربو حاجة ساقعة يمكن مضايق :drinks_wine: )

[Star_Scream]

من الاخر المشكله ديه كانت عندي و الحوار كلو كان فيروس مش اكتر لا حاجه سقعه ولا حاجه سخنه :))

[soonashow]

انزل صلحو ومضيعش وقت :)

[Alone iN The Sky]

الاخ اللى بيتريق على كلامى

انا كاتب فاتح الجهاز ليه - يعنى فتحت الكيسة من جوا للصيانة ليه - مش فتح الويندوز ذى مانت فاهم
ثانيا انا سألت السؤال ده ليه ... مش هقولك عشان انا بفيد اللى عايز يستفيد - لكن انت بتتريق لذلك مش هرد عليك

اتعلم تسمع الاول عشان تتحب

[!! Prince World !!]

ياعم و انا أتريق عليك لية ؟؟

فهمتك غلط و خلاص مش محتاجة العملية :trumpet:

[CHI-VA]

ممكن يكون زرار الباور ملمس ولا حاجة لو بتعرف تفكو فكو وركبو تاني شوف الوصلات اللي واصلة ليه وكده

هو شكرا بصراحه يا جماعه انكم دخلتو الموضوع تساعدوني ..... بس تقريبا كلام الاستاذ ده هو الاصح


شكرا ليكم جميعا

[LightBow]

الأجابه رقم 2 :whistling2:

[Kazabianka]

يا جدعان الموضوع اسهل من اللى انتوا بتتكلموا فيه ^^

بص يا معلم المروحه بتاعه البروسيسور هتلاقى من فوق كده ورقه شيلها و حط نقطه زيت فى الفتحه الصغيره عشان المروحه تلف كويس معاك ... لو لسه فى مشكله برده يبقى حضرتك دى مروحه بلاستيك تغيرها و تجيب واحده معدن :fishing_h4h:

[CHI-VA]

يا جدعان الموضوع اسهل من اللى انتوا بتتكلموا فيه ^^

بص يا معلم المروحه بتاعه البروسيسور هتلاقى من فوق كده ورقه شيلها و حط نقطه زيت فى الفتحه الصغيره عشان المروحه تلف كويس معاك ... لو لسه فى مشكله برده يبقى حضرتك دى مروحه بلاستيك تغيرها و تجيب واحده معدن :fishing_h4h:

اولا : شكــــــــــراجزيلا ليك بس للأسف مش هو ده الحل الحل انه احد الوصلات كان فيها عيب ودي انا كنت متوقعها بنسبة 80 % ( زر الباور ) كان معلق وطبعا في حلين :
1/ اغيـر الكيس كلها
2/ الغس حاجه من الاتنين - ( زر الباور او زر الريستارت )
وطبعا لغيت الريستارت وعملته باور

وشكرررررررررا ليك انا حبيت بس اوضحلك

[Alone iN The Sky]

مبروك حل المشكلة

بس انا سألتك اسئلة عشان احللك مشكلتك رغم انك تجاهلتنى وانا اول من اراد مساعدتك بس المهم انك حليتها


انا قلت -

----------------
نوع البوردة بتاعتك

g41
جيجا بايت
???

لو قلت ايوه - كنت قلتلك ده نظام فى البوردة دى بيقسم الباور للقطع وبيرستر فيها كتير (ليست كل البورد من هذا النوع )
--------------

اول ما تركب الكهرباء بيشتغل بدون ما تضغط على زرار الباور ؟؟

لو كنت رديت علياوقلت ايوه كنت قلتلك ان زرار الباور عندك متوصل لوحده بالكهرباء وضاغط وموصل الدائرة - شىء طبيعى هيشتغل عشان كده سألتك السؤال ده بدل ما اقول اى شىء ويمكن تيجى صح او لا

-------------------

الريستارت اكتر شىء فين
بمجرد ما بيشتغل ويدخل على الدوس اللى هى الشاشة السوداء .. بيعمل ريسترات كتير فيها - او الريستارت الكتير وانت فاتح الويندوز نفسه والديسك توب ظاهرلك ؟؟

لو كنت قلت الريستارت فى الدوس - كنت قلتلك مشكلة فى البوردة .. ولو قلت اثناء تشغيل الويندوز - كنت قلتلك المشكلة فى مروحة البروسيسور

----

لو بيرستر فى الدوس (الشاشة السوداء فى اول مرحلة التشغيل )
بعد ما تضغط على الباور فى الكيسه ... المراوح بتشتغل والشاشة بتكون لسه لمبتها برتقالى وبتتأخر لحد ما الشاشة تشتغل وبعدين تعطى اللون الاخضر وتفتح ؟ او الشاشة بتشتغل مع الكيسة على طول مرة واحدة ؟

ودى عشان اتأكد لو المشكلة فى البوردة - لو قلت بدون ما تشتغل الشاشة كنت قلتلك نظام البوردة كده - ولو قلت الشاشة بتشتغل وبيعمل ريستارت كنت قلتلك فى مشكلة داخل البوردة يجب اصلاحها
---------------


الجهاز بقاله اد ايه معاك؟؟

ودى عشان لو قلت جهاز قديم - كنت عرفت ان المشكلة عيب مستخدم - ولو قلت جديد كنت عرفت انه عيب مش منك واحاول اعرفه
---------------
اخر مرة فتحت الجهاز امتى وليه ؟

لو كنت قلت الجهاز انت فتحته او حد بتاع صيانة او صديقة قريب - كنت اتأكدت ان المشكلة فى الكيسة منك - لكن لو قلت مافتحهاش من زمن - يبقى مستحيل هيكون فى شىء كبير حصل جوا او اتحرك من مكانه او اتركب غلط
----


عرفت بقى انى تعبت عشان اساعدك وانت تجاهلت كلامى وانا اول مشاركة :)

حبيت اساعد من غير ما اكتب حل خطأ او حل هبائا ويمكن صح او لا - انا بحب اكتب الشىء اللى متأكد منه فقط وكنت عايز اعرف مشكلتك بالظبط ايه الاول :)

بالتوفيق لك وللجميع والحمد لله