رسالة لكل مصرى

[hismmm]

مصرى بيحب بلدة مش مصرى عاوز يخربها
لو عايز تعمل عصيان مدني و أضراب عن العمل يوم 11 برحتك .. بس كمل عصيانك و لا تتحدث فى التليفون الارضى ولاكبائن الخدمة العامة لأن وراء تشغيل السنترالات كتيبة من المهندسين والمديرين والفنين فلا تستخدم أنتاجى من فضلك
لو عايز تعمل عصيان مدني و أضراب عن العمل يوم 11 برحتك .. بس كمل عصيانك و لا تأكل رغيف عيش من صنع خباز شريف يعمل في هذا اليوم
لو عايز تعمل عصيان مدني و أضراب عن العمل يوم 11 برحتك .. بس كمل عصيانك و لا تستخدم الأنارة في منزلك و التي وراءها مهندسين و عمال شرفاء يعملون في محطات توليد الكهرباء لينير لك المنزل
لو عايز تعمل عصيان مدني و اضراب يوم 11 برحتك .. بس كمل عصيانك و لا تشرب كوب ماء لأنه يأتي لك بعمل عمال شرفاء في محطات تنقية المياه
لو عايز تعمل عصيان مدني و اضراب يوم 11 برحتك ... بس كمل عصيانك و لا تشتري دواء من صيدلي شريف يعمل في هذا اليوم
لو عايز تعمل عصيان مدني و اضراب يوم 11 برحتك ... بس كمل عصيانك و لا تستقل تاكسي يقوده سائق تاكسي شريف يعمل في هذا اليوم
لو عايز تعمل عصيان مدني و اضراب يوم 11 برحتك .. بس لا تشاهد التليفزيون لأن وراء بث أرساله كتيبة من المهندسين و العمال الشرفاء الذين يعملون في هذا اليوم

لو أنت جاد حقيقي في العصيان المدني و الأضراب يوم 11 .. لا تسخدم أنتاج عمل غيرك في هذا اليوم ... لأنه ببساطة الناس دي لا يصح أن تعمل و تنتج لسيادتك و أن أنسان غير منتج و مضرب عن العمل
الوطن لنا جميعا .. أضرابك عن العمل يضرني
و أنا سأعمل ... فلا تسخدم أنتاجي من فضلك

http://t1.gstatic.com/images?q=tbn:ANd9GcTf4UUwyQD_G7AxsXCI2Eg5qmeuzUcwe bsgXk1F1pHi00mQHkZWmg

[Kemo Eagle]

وانا معااااااااااااااااااااااااااااك

والله كلااااااااااااااام جميل وعقول وبارك الله فيكـــ:cheers:ــــــــ:flowers:

[MadOmar]

عندك حق فعلا انا ضد المجلس العسكري بس ضد الاضراب برده

[Wally]

ما هو لو كل واحد قال انا نازل يوم 11 فبراير هتحصل مصايب

[Kemo Eagle]

ما هو لو كل واحد قال انا نازل يوم 11 فبراير هتحصل مصايب
منور يا يوسف
عندك حق فعلا انا ضد المجلس العسكري بس ضد الاضراب برده

الله عليك يا عمر


كلاااااااااااااام مظبوط انا ضد التخريب والاضراب

[moha1a]

البيان دا انا سمعتو على جروب الأخوان المسلمين و جروب انا اسف يا ريس :)
مع العلم ان الأخوان اول من أيدو اضراب 6 ابريل 2008 و دلوقتي بقي حرام ...
و كل واحد لية كامل الحرية فى الاضراب او العمل و الخضوع تحت اشراف قتلة الثوار و عملاء مبارك .
يسقط حكم العســكر .

[MadOmar]

تمام بس الاضراب يبقى اضراب على كل حاجه مش ع الحجات التريحك بس

[moha1a]

محدش هيشطرت عليا اضرب عن اية :)

[moha1a]

بعد 11يوم إضراب سلم العسكريين السلطة للمدنيين فى بولندا.وفى فرنسا تخلى ديجول عن السلطة فى 1968 بعد إضراب 14يوم شارك فيه 22% من الشعب .. الإضراب مش إختراع مصرى الإضراب سلوك إيجابى مش سلبى ولا يوجد دوله حدث بها إضراب وهدمت أو تأثرت سلباً .

[Alone iN The Sky]

ما هى بعد العصيان هتخ ب على كل مصرى

انا اصلا مش مع الاضراب العام

لان اصلا البلد مشلولة وكده هيبقى شلل كلى

والعرب باعونا اصلا

مين هيبقى على مصر غيرنا لو بعناها ذى العرب ؟

[hismmm]

بعد 11يوم إضراب سلم العسكريين السلطة للمدنيين فى بولندا.وفى فرنسا تخلى ديجول عن السلطة فى 1968 بعد إضراب 14يوم شارك فيه 22% من الشعب .. الإضراب مش إختراع مصرى الإضراب سلوك إيجابى مش سلبى ولا يوجد دوله حدث بها إضراب وهدمت أو تأثرت سلباً .
ياكبير دى مصر مش بولندا ولا فرنسا لان الدول دى مش عاوزه مصر تبقى مستقره لان لو ده حصل مصر هتقود العالم ان شاء الله

[moha1a]

ياكبير دى مصر مش بولندا ولا فرنسا لان الدول دى مش عاوزه مصر تبقى مستقره لان لو ده حصل مصر هتقود العالم ان شاء الله



انا جايبلك حقائق تاريخية
فى كذا دولة عملوا عصيان مدني و جاب نتيجة
مجرد امثلة فقط مليش دعوة ببولندا ولا فرنسا
و مصر مش هتستقر غير لما يتم تسليها لسلطة منتخبة من الشعب
و دا المطلب الأول للعصيان المدني

[MadOmar]

ما هوا محدش حيشترط عليك بس الاضراب العام يعني اضراب عام يعني تضرب عن كل حاجه تصور انت كده بتقول لبتاع الفرن اضرب بكره يعني انت كده مش حتأكل اغلب الشعب يا ريت قبل ما نفكر بثوريه زايده شويه نفكر في الناس الحيتؤثروا وحيضيعوا بسبب الموضوع ده وحتلاقيه 3/4 من الشعب يعني انت حضر 3/4من الشعب

[DeViL_MaSTeR]

انا جايبلك حقائق تاريخية
فى كذا دولة عملوا عصيان مدني و جاب نتيجة
مجرد امثلة فقط مليش دعوة ببولندا ولا فرنسا
و مصر مش هتستقر غير لما يتم تسليها لسلطة منتخبة من الشعب
و دا المطلب الأول للعصيان المدني



ماشي بس احب افكرك بحاجة فيه فرق بين مصر وبولندا وفرنسا لأن بولندا وفرنسا ناس مثقفة وفاهمة هي بتعمل ايه ؟
لكن لو حصل الاضراب ده في مصر هتبقى زيطة و اللي عايز حاجة يعملها
والسلطة المنتخبة اهي امال البرلمان ده كان ايه يعني ؟ تخليص حق ولا ايه وانتخابات الرئاسة هتبقى في شهر 6 لو عملتوا ايه عشان لازم اولا تبقى في الاجازة عشان الدراسة تكمل بدل ما تلت تربع الشعب الثقافة عندهم بنسبة 5%
وحتى لو حصل الاضراب وحضرتك اضربت لازم تعمل اللي مكتوب في الموضوع عشان مثلا متروحش للمخبز للناس المفحوتة دي عشان تعملك رغيف عيش تفطر بيه وحضرتك قاعد مش بتعمل حاجة
معلش اتكلمت كتير بس الاضراب ده لو زاد على 3 ايام هتبقى مهزلة

[moha1a]

ماشي بس احب افكرك بحاجة فيه فرق بين مصر وبولندا وفرنسا لأن بولندا وفرنسا ناس مثقفة وفاهمة هي بتعمل ايه ؟
لكن لو حصل الاضراب ده في مصر هتبقى زيطة و اللي عايز حاجة يعملها
والسلطة المنتخبة اهي امال البرلمان ده كان ايه يعني ؟ تخليص حق ولا ايه وانتخابات الرئاسة هتبقى في شهر 6 لو عملتوا ايه عشان لازم اولا تبقى في الاجازة عشان الدراسة تكمل بدل ما تلت تربع الشعب الثقافة عندهم بنسبة 5%
وحتى لو حصل الاضراب وحضرتك اضربت لازم تعمل اللي مكتوب في الموضوع عشان مثلا متروحش للمخبز للناس المفحوتة دي عشان تعملك رغيف عيش تفطر بيه وحضرتك قاعد مش بتعمل حاجة
معلش اتكلمت كتير بس الاضراب ده لو زاد على 3 ايام هتبقى مهزلة

انا ثقتي فى الشعب المصري كبيرة و هوا من افضل شعوب العالم .
و احنا عايزيين البلد تتسلم للسلطة المنتخبة الى هيا البرلمان
الى الشعب المصري نزل و انتخبها .
و بالنسبة لأننا ننتظر لشهر 6 مش هنستني لحد ما يموت اكتر من كدا
و كلنا شايفين كل فترة بيموت كام واحد .
و بالنسبة ليا فأنا مش هعمل الى مكتوب انا هشارك فى الإضرب و هروح المخبز اشتري الرغيف
:)

[™~BlackSpeeR~™]

كل الهيعملو اضراب زعلانين ان هم وصلوا للدرجة دى ..

و اديك شايف.. ينزلوا .. يضربوا .. و فى الاخر يقولك الشرطة مبتضربش !!

فهم قالو خلاص مش عايزين ضرب احنا هنعد فى بيوتنا عشان محدش يموت .. و البلطجية بس الهينزلوا فالموضوع يبقى سهل على الشرطة تمسكهم

عشان لو نازلنا فى اليوم دة مصر هتتحول لسوريا :cry:

[DeViL_MaSTeR]

انا ثقتي فى الشعب المصري كبيرة و هوا من افضل شعوب العالم .
و احنا عايزيين البلد تتسلم للسلطة المنتخبة الى هيا البرلمان
الى الشعب المصري نزل و انتخبها .
و بالنسبة لأننا ننتظر لشهر 6 مش هنستني لحد ما يموت اكتر من كدا
و كلنا شايفين كل فترة بيموت كام واحد .
و بالنسبة ليا فأنا مش هعمل الى مكتوب انا هشارك فى الإضرب و هروح المخبز اشتري الرغيف
:)


انا مش ممانع في انو افضل شعوب العالم بس خلينا واقعيين قوللي نسبة المثقفين في مصر قد ايه ؟ اللي فاهمين بجد مش اللي بيحفظوا اي حاجة يسمعوها . او حتى الناس اللي بتفهم فالسياسة مش اللي بتسمع اي حد وتصدقوا كام
مش محصلين الربع والله . ماهو الاضراب ده هيموت اكتر لو حصل فعلا لأن ممكن تحصل مجاعات وفقر بسبب قلة الفلوس والاكل وعلى ما اظن قولتلك في موضوعك امتي . لو معملتش المكتوب فا ده اضراب اي كلام لأنك بتضرب عن كل حاجة عشان اللي ياخد انتاج حد هو الشخص المنتج مش اللي قاعد ومريح دماغوا وولا هاموا حاجة
من الاخر براحتك بس انا رأيي انو هيبقى دمار مش اصلاح ولا حاجة

[Joy_Egy]

بص انا بس عايز اقول وجهتى نظرى وياريت باختصار متزعلش حد منى :

اول حاجه الاخوان ضد الاضراب ده طبعا علشان هما خدو المجلس اللى هما عايزينو بالهنا والشفا
وملاحظين انهم كانو بينزلو قبل الانتخابات معانا فى 25 يناير 2011 على طول واول ما اخدوا المطالب الشخصية بتاعتهم بقو ضد الثورة طبعا ,,,

تانى نقطة : بالنسبة للى مش عايز ينزل فى الاضراب متنزلش حضرتك واللى هينزل يعبر بحريه ( ولكن فى حدود حريتى ) طبعا الكلام ده للثوار بجد . وكل واحد ورايه فى الاخر كلنا مصريين فى بلد واحده

فا ياجدعان اللى عايز يضرب يضرب ديه حرية شخصية واللى مش عايز بلاش كل واحد ورايه ( امال الثوره ديه كلها اتعملت ليه علشان حرية الراى والتعبير ولكن فى حدود )

وانا اسف طولت عليكم وارجو انى اكون مزعلتش حد فى راى ده وشكرا ...

[™~BlackSpeeR~™]

ما هوا محدش حيشترط عليك بس الاضراب العام يعني اضراب عام يعني تضرب عن كل حاجه تصور انت كده بتقول لبتاع الفرن اضرب بكره يعني انت كده مش حتأكل اغلب الشعب يا ريت قبل ما نفكر بثوريه زايده شويه نفكر في الناس الحيتؤثروا وحيضيعوا بسبب الموضوع ده وحتلاقيه 3/4 من الشعب يعني انت حضر 3/4من الشعب


بوص يا معلم .. عشان الناس واخدة فكرة وحشة عن العصيان المدنى

العصيان هيشارك فيه كل الشعب

ما عدا اصحاب الصيدليات و العيادات و المستشفيات (الدكاترة)
و افران العيش

[™~BlackSpeeR~™]

ينزل فى الاضراب

يعنى ايه ينزل فى الاضراب ؟؟ !!

الاضراب دة معناه انك تعد فى بيتك متنزلش .. تبقى منقطع عن جميع المصالح الحكومية

[Joy_Egy]

يعنى ايه ينزل فى الاضراب ؟؟ !!

الاضراب دة معناه انك تعد فى بيتك متنزلش .. تبقى منقطع عن جميع المصالح الحكومية

تمام حضرتك ... انا قصدى على الناس المضربة فى التحرير يعنى بدل ما يقعد فى البيت ينزل يقعد فى التحرير فاهمنى حضرتك ؟

[™~BlackSpeeR~™]

تمام حضرتك ... انا قصدى على الناس المضربة فى التحرير يعنى بدل ما يقعد فى البيت ينزل يقعد فى التحرير فاهمنى حضرتك ؟


ايوة فهمك بس المفروض فى العصيان دة الاحسن كل واحد فى بيتو عشان ميحصلش اشتباك

[Joy_Egy]

ايوة فهمك بس المفروض فى العصيان دة الاحسن كل واحد فى بيتو عشان ميحصلش اشتباك

صح كده 100%


بس قريت راى اللى فى الاول خالص الى فيه الاخوان ايه رايك ؟ :pokemon:

[DeViL_MaSTeR]

بص انا بس عايز اقول وجهتى نظرى وياريت باختصار متزعلش حد منى :

اول حاجه الاخوان ضد الاضراب ده طبعا علشان هما خدو المجلس اللى هما عايزينو بالهنا والشفا
وملاحظين انهم كانو بينزلو قبل الانتخابات معانا فى 25 يناير 2011 على طول واول ما اخدوا المطالب الشخصية بتاعتهم بقو ضد الثورة طبعا ,,,

تانى نقطة : بالنسبة للى مش عايز ينزل فى الاضراب متنزلش حضرتك واللى هينزل يعبر بحريه ( ولكن فى حدود حريتى ) طبعا الكلام ده للثوار بجد . وكل واحد ورايه فى الاخر كلنا مصريين فى بلد واحده

فا ياجدعان اللى عايز يضرب يضرب ديه حرية شخصية واللى مش عايز بلاش كل واحد ورايه ( امال الثوره ديه كلها اتعملت ليه علشان حرية الراى والتعبير ولكن فى حدود )

وانا اسف طولت عليكم وارجو انى اكون مزعلتش حد فى راى ده وشكرا ...

اولا : الاخوان لما كانوا في الثورة كانوا عايزين يسقطوا النظام اللي كان معذبهم وخدوا المجلس باختيار الشعب مما يدل على ان الشعب عايز الدين عايز يقرب من ربنا عشان بعدنا عنو اديلنا اكتر من 30 سنة لكن هما ضد الاضراب عشان هما شايفين انو مش في مصلحة البلد
ثانيا : انا مأجبرتش حد على انو يقاطع الاضراب بس كنت بقول رأيي وبوضح لأسباب
ثالثا: ماهو موضوع الحدود ده اللي محدش فاهموا عشان لو حد خرج عن الحدود واتعاقب هيقولوا بتعاقبوا واحد بيقول رأيوا وكده و مش هيبقى فيه حدود عشان كده انا قلت بلاش عشان فيه ناس بتستغل الفرص

في حاجة عايز اقولها في الاخر
هو ليه دايما بنقول من حق المواطن كذا كذا
ليه مبنقولش من الواجب على المواطن انو يعمل كذا كذا
ليه بعد الثورة كلوا شايف حقوقوا مع انو مبيعملش واجباتوا
هتقولي اديلنا 30 سنة مبناخدش حقنا ومش عارف ايه وانا معاك بس المطالبة بالحقوق تيجي دايما بعد تأدية الواجبات
واحنا صغيرين اكيد كانت جملة كتير بنسمعها ( اعمل الواجب وبعدين هخليك تتفرج على التلفزيون)
معناها لو اديت واجبك هديلك حقوقك ولو عملت الواجب ومتفرجتش على التلفزيون هتطالب بحقك
لكن مبقناش نشوف كده بقينا نشوف تبجح وقلة أدب ( مش قصدي على حد قصدي على بعض الناس )
اسف اني اتكلمت كتير بس نفسي رأيي يوصل

[M07aRB]

لا للاضراب

[hill_dorgon]

هخ
هتعملوا اضراب على الفول والطعميه
اه
افتكرت ضد المجلس العسكرى
معلش مش فادى
اه شكلى مش هلحق وكل اولى الامر هيمشوا قبل ما اعمل اضراب انا كمان
حتى مامات والبابات شكلهم هيمشوا باضراب
وانا لسه ملحقتش

[SnipZz]

تمام :lulu13:

[iZexo]

أنا عايز إضراب يومين كدا علشان الدراسه xD

بس طبعا إحنا مش نقصين إقتصاد يتدهور أكتر من كدا

[WadCool]

بجد انا معاك في كلامك ده يا ريس والله

السؤال الوحيد بس انت كده بتضغط علي المجلس العسكري يعني؟

تفتكر عشان 10 الاف ولا 100 الف حتي موجودين في الشارع دلوقتي يبقي انت بتضغط علي المجلس العسكري؟؟

تعرف لو الناس الحقيقين نزلوا مش هنلاقي مكان نحطهم فيه؟

تعرف كمان انك بتضر نفسك مش بتنفعها في شئ اضرب عيش حياتك بس لصالح مين ومين المستفيد؟

تظن ان ده افضل للبلد طيب عارف هيسلم الحكم لمين؟ الرد التقليدي بقي مش مهم بس يمشي :happy:

بلاش لو مسكها رئيس مجلس الشعب كده بيس ؟ لا يا عم ده اخوان ازاي تمام

طيب بلاش دي ودي تفتكر دعم امريكا ده في صالح مين ؟ مصر ؟ لا يا راجل !!

مش مع الاشراب ولا هضرب عنشئ

واللي بيقول الدراسه هتوقف والجامعات مضربه ده بيتكلم علي اساس مين 1 ولا 15 واحد من كل جامعه 100 حتي وباقي الناس فين نرميهم ؟؟

اضرب لوحدك ^_^

[hismmm]

بجد انا معاك في كلامك ده يا ريس والله

السؤال الوحيد بس انت كده بتضغط علي المجلس العسكري يعني؟

تفتكر عشان 10 الاف ولا 100 الف حتي موجودين في الشارع دلوقتي يبقي انت بتضغط علي المجلس العسكري؟؟

تعرف لو الناس الحقيقين نزلوا مش هنلاقي مكان نحطهم فيه؟

تعرف كمان انك بتضر نفسك مش بتنفعها في شئ اضرب عيش حياتك بس لصالح مين ومين المستفيد؟

تظن ان ده افضل للبلد طيب عارف هيسلم الحكم لمين؟ الرد التقليدي بقي مش مهم بس يمشي :happy:

بلاش لو مسكها رئيس مجلس الشعب كده بيس ؟ لا يا عم ده اخوان ازاي تمام

طيب بلاش دي ودي تفتكر دعم امريكا ده في صالح مين ؟ مصر ؟ لا يا راجل !!

مش مع الاشراب ولا هضرب عنشئ

واللي بيقول الدراسه هتوقف والجامعات مضربه ده بيتكلم علي اساس مين 1 ولا 15 واحد من كل جامعه 100 حتي وباقي الناس فين نرميهم ؟؟

اضرب لوحدك ^_^
معاك حق فى كل كلمه

[Loleta]

لا لتخريب مصر= لا للاضراب

البيان دا انا سمعتو على جروب الأخوان المسلمين و جروب انا اسف يا ريس :)
مع العلم ان الأخوان اول من أيدو اضراب 6 ابريل 2008 و دلوقتي بقي حرام ...
و كل واحد لية كامل الحرية فى الاضراب او العمل و الخضوع تحت اشراف قتلة الثوار و عملاء مبارك .
يسقط حكم العســكر .


جدع:partytime:

[moha1a]

لا لتخريب مصر= لا للاضراب

جدع:partytime:


ربنا يخليك لينا يا كبير :)

[Loleta]

بوص يا معلم .. عشان الناس واخدة فكرة وحشة عن العصيان المدنى

العصيان هيشارك فيه كل الشعب

ما عدا اصحاب الصيدليات و العيادات و المستشفيات (الدكاترة)
و افران العيش
طبعا لازم اخد فكرة وحشة عنو ...طلاما المجلس العسكرى هيسلم السلطة وقدم موعد الانتخابات
هما عاوزين ايه بق؟ والله هيفضلو يعملو كده حتى لما يجى رئيس جديد
وهـــتـــشــوف


ربنا يخليك لينا يا كبير :)


تسلم يا منورنا ومنور المنتدى كلو:nosweat:

[moha1a]

اللي رافض العصيان المدني و رافض المشاركة ... لو سمحت أنزل شغلك وأشتغل وأياك تطالب بزيادة المرتب ,,, ولما تطلع معاش أوعى تشتكي أن المعاش مش مكفي لما تمرض أو حد من عيلتك يمرض لا قدر الله وتروح المستشفى وتلاقيها مقلب زباله يبقى أياك تشتكي .

[Sky_AnGel]

ياريت الناس متنزلش يوم الاضرارب دة لانة بجد حيادى بينا لمساوء كتيرة اوى فى اقصادة وكل حاجة انا سمعت فى كذا قناة بيقلوا ان امريكا حتقسم مصر فى خلاص 11 يوم مش معقولة يارجلة نسبهم يتحكموا فينا لازم نبقى ايد واحدة ومنخربش البلد

[moha1a]

فعلاً
اوعي حد ينزل من بيتهم في ايام الإضراب
لأ يروح مدرسة ولا جامعة ولا شغل ...
:mfr_lol:

[WadCool]

موهاااااااااا

انت حااااااااافظ مش فاهم والله العظيم بتالش الش انا في حياتي ما شفته يبني اتكلم بعقلانيه شويه وما تتريقش علي الناس

وفعلا اللي اعرفه عن الاضراب زي ما الناس ما بتقول كده تقوم تقولهم تتطلعوا معاش وتعيوا لول

وايه كمان؟؟ هو لاما كلام الفرافير بتوع 6 ابريل يمشي لاما يبقي كلنا غلط

اتعمل اكتر من استفتاء علي اليوم السابع وعلي مصراوي وعلي صفحه المجلس العسكري واكتر من صفحه

هتلاقي اكتر من 70% مفيش حاجه

عموما زي يوم 25 يناير نفس الرغي ده وفي الاخر فشلوا بردوا منظمين اضراب وفي الاخر هيفشل

الاجمل انكم بتنادوا بالحريه والديمقراطيه وفي نفس الوقت اللي بيعارض رايكم

يقولوله انت مش فاهم انت اهبل انت كذا وكذا

وده حصل مليون مره

سبحان الله هو يمشي مش هنمشي لعب عيال ؟؟

Have Fun 6 April and Dream well

[moha1a]

دا رأيك و نحترمو و الي مش عايز يضرب ميضربش
و الى عايز يضرب يضرب
احنا شايفين ان الأضراب هيفيد البلد اكتر ما هيضر
حضرتك شايف ان الأضراب هيضر
كل واحد بيقول رأية
و انا بحترم جميع الآراء و عمري ما قلت لواحد اهبل
و انت الي داخل تقولي انت حافظ مش فاهم :)
و انا فرفور من فرافير الثورة :) و بسقط البنطلون كمان
و هنسقط حكم العسكر بإذن الله

[GaKsoN]

لو عايز تعمل عصيان متنزلش التحرير و تعمل مظاهرات..

عشان وراء المظاهرات مجلس عسكرى فاسد

و مشير مبلط فى الحكم

مش هينفع نوقف حال الراجل برضو:(

(امنت بيك يا رب :schmoll:)

[Loleta]

لو عايز تعمل عصيان متنزلش التحرير و تعمل مظاهرات..

عشان وراء المظاهرات مجلس عسكرى فاسد

و شير مبلط فى الحكم

مش هينفع نوقف حال الراجل برضو:(

(امنت بيك يا رب :schmoll:)
مبلط؟:111:
على العموم كلها كام شهر وهنعرف مين الى كان صح ومين الى كان غلط ^^

[moha1a]

لو عايز تعمل عصيان متنزلش التحرير و تعمل مظاهرات..

عشان وراء المظاهرات مجلس عسكرى فاسد

و شير مبلط فى الحكم

مش هينفع نوقف حال الراجل برضو:(

(امنت بيك يا رب :schmoll:)

ننزل الشارع يضربونا و يموتونا و يقولو علينا بلطجية
نقعد فى البيت و ناضرب يقولو مخربين و عايزيين يسقطو مصر
طيب نعمل a ؟

[Loleta]

ياريت الناس متنزلش يوم الاضرارب دة لانة بجد حيادى بينا لمساوء كتيرة اوى فى اقصادة وكل حاجة انا سمعت فى كذا قناة بيقلوا ان امريكا حتقسم مصر فى خلاص 11 يوم مش معقولة يارجلة نسبهم يتحكموا فينا لازم نبقى ايد واحدة ومنخربش البلد
دا الموضوع كبير اوى والله
اوباما اسهمة هبطت اوى فاعاوز يعوض ده بانوهم ياخدو قناة السويس وبيقولو انهم هيعرضو ده على مجلس الامن الجلسة الجاية لان الجيش معتش عارف يحمى قناة السويس
وفى حزب اسمو الاشتراكى الثورى جاية بلفيديو وواحد فيهم بيقول لازم الدولة تسقط علشان نبنى على انقاضها دولة جديده وده مش هيتم الا بلقضاء على المؤسسة العسكرية
-------
والبرادعى لسا بيقول اضراب :winksmiley:

[Loleta]

ننزل الشارع يضربونا و يموتونا و يقولو علينا بلطجية
نقعد فى البيت و ناضرب يقولو مخربين و عايزيين يسقطو مصر
طيب نعمل a ؟



انا عارف يجدع دى ناس تجنن

[moha1a]

لما كارهي البرادعي يبقو عكاشة و سبايدر و مرتضى منصور و مبارك و الفلول و المجلس العسكري ...
البرادعــي عاملهم خرم في دماغهم :)

:roftl:

[GaKsoN]

ننزل الشارع يضربونا و يموتونا و يقولو علينا بلطجية
نقعد فى البيت و ناضرب يقولو مخربين و عايزيين يسقطو مصر
طيب نعمل a ؟



متعملش خليك كده بتنزل كول يوم بمصروف من ابوك ولا اومك الى مش عارف اذا كان عيشنلك ولا لا ..

خليك كده ساعت متتخرج من الجامعة متلقيش شغل

خليك كده وانت شغال تاخود مرتب ميكفيش ياكل قطه

خليك كده مش عارف تتجوز و هتعيش و تموت عازب

خليك كده اسرق و انهب طلاما الشغل مش مكفيك

المهم ان البلد تبقى فى استقرار و تبطل بقى تنزل الشارع و تعمل اعتصامان و شغل البلطجة ده

وترجع ايامنا الجميلة الى كانت فى عهد مبارك

امان ما بعدو امان

فينك يا حسنى و فين ايامك

ان شاء الله ياخود براءه

ادعى معايا

و يا رايس بلاش و حيات ابوك الى بتفكر فيه ده بلاش تنتحر احنا عيزينك :(

ازاى يودوك سجن طرة :(

(اسفين يا رايس )

[moha1a]

متعملش خليك كده بتنزل كول يوم بمصروف من ابوك ولا اومك الى مش عارف اذا كان عيشنلك ولا لا ..

خليك كده ساعت متتخرج من الجامعة متلقيش شغل

خليك كده وانت شغال تاخود مرتب ميكفيش ياكل قطه

خليك كده مش عارف تتجوز و هتعيش و تموت عازب

خليك كده اسرق و انهب طلاما الشغل مش مكفيك

المهم ان البلد تبقى فى استقرار و تبطل بقى تنزل الشارع و تعمل اعتصامان و شغل البلطجة ده

وترجع ايامنا الجميلة الى كانت فى عهد مبارك

امان ما بعدو امان

فينك يا حسنى و فين ايامك

ان شاء الله ياخود براءه

ادعى معايا

و يا رايس بلاش و حيات ابوك الى بتفكر فيه ده بلاش تنتحر احنا عيزينك :(

ازاى يودوك سجن طرة :(

(اسفين يا رايس )

هههههه
اسفين يا صلاح

[Angel_Wizzy]

كلمه واجده بس انتا خايف من الاضراب ليه ؟
خايف على المنتجات اللى انت بتستوردها كل يوم ومش عاوز البلاد دى يقف حالها ؟
ولا خايف على الملايين اللى عندك فى البورصه مع الفلول لتروح منك ؟
خايف على مستقبلك ؟ طيب تقدر تقولى ايه هو مستقبلك فى ظل الظروف دى ؟
مش عاوز تاخد حق دم اخواتك ؟
عاوز اقولك كمان متخافش احنا قعدنا 18 يوم فى الثوره لا متنا من الجوع ولا البلد خربت زى ماقالولنا
وبرضو والله احنا شباب مصريين زى زيك لا اخدنا كنتاكى ولا 200 يورو ولا عندنا اجندات ولا كراسات ولا كشاكيل حتى
احنا عاوزين الصالح العام للبلد مش اكتر

[Just_Warrior]

بعد 11يوم إضراب سلم العسكريين السلطة للمدنيين فى بولندا.وفى فرنسا تخلى ديجول عن السلطة فى 1968 بعد إضراب 14يوم شارك فيه 22% من الشعب .. الإضراب مش إختراع مصرى الإضراب سلوك إيجابى مش سلبى ولا يوجد دوله حدث بها إضراب وهدمت أو تأثرت سلباً .

مع احترامى ليك
مصر مش فرنسا فى 1968
ولا بولندا
احنا لو وضعنا زى تونس والله كنت وافقت على كلامك
بس احنا فعلا وضعنا مختلف
وعلى فكرة انا اول مرة اعرف معنى العبارة دى و اعيشها
احنا مفيش حد واقف مع الشعب المصرى غير الله
ولا تقولى دول عربية ولا دول غربية
طلع كلة دلدول لأمريكا
لو نظرت على الوضع العام فى مصر
هتلاقى ان مفيش ولا مؤسسة على أرض مصر مستقرة غير المؤسسة العسكرية
حتعى مجلس الشعب اللى هوا السلطة الوحيدة المنتخبة مش قادر يسيطر على قاعة صغيرة وكل شويا خناقات وبلاوى يعنى متأضرش تقول علية مؤسسة مستقرة
يعنى مؤسسات البلد كلها فى الارض و أحنا بأدينا نخلص على اخر مؤسسة سليمة؟؟
هتقولى احنا بنقول (يسقط حكم العسكر...لكن الجيش دا بتاعنا فية اخويا و اخوك)
هقولك
اهم حاجة فى الانسان عامة و الجنود و العسكر خاصتا هيا الروح المعنويا
بمعنى ان لما احنا اللى نهين رموز القوات المسلحة المصرية دى بتأثر على معناويات الجنود
ولو ليك حد فى الجيش (مش عسكرى) ظابط مثلا او كدة هيقولك ان من بعد طنطاوى ما رفض انة يضرب المتاظاهرين فى 25 يناير وهوا شعبيتة فى الجيش بقت فوق الخيال
وحتى الدعوات منبعها 6إبريل
يعنى أمريكا وش
ولو ركزت أكتر هتعرف ان دعوات العصيان المدنى مجتش غير بعد ما فى مسؤلين فى منظمات المجتمع المدنى من جنسيلت اجنبية اتسجنو عشان متورطين فى تهم قلب نظام و فوضى
وبالمناسبة انا عارف انك هتعلق على موضوع 6 إبريل بس دا الكلام فية يطول

[Just_Warrior]

كلمه واجده بس انتا خايف من الاضراب ليه ؟
خايف على المنتجات اللى انت بتستوردها كل يوم ومش عاوز البلاد دى يقف حالها ؟
ولا خايف على الملايين اللى عندك فى البورصه مع الفلول لتروح منك ؟
خايف على مستقبلك ؟ طيب تقدر تقولى ايه هو مستقبلك فى ظل الظروف دى ؟
مش عاوز تاخد حق دم اخواتك ؟
عاوز اقولك كمان متخافش احنا قعدنا 18 يوم فى الثوره لا متنا من الجوع ولا البلد خربت زى ماقالولنا
وبرضو والله احنا شباب مصريين زى زيك لا اخدنا كنتاكى ولا 200 يورو ولا عندنا اجندات ولا كراسات ولا كشاكيل حتى
احنا عاوزين الصالح العام للبلد مش اكتر

لا لا الاضراب دا عادى بس انا بتكلم فى نقطة الغاية من الإضراب

[GaKsoN]

كلمه واجده بس انتا خايف من الاضراب ليه ؟
خايف على المنتجات اللى انت بتستوردها كل يوم ومش عاوز البلاد دى يقف حالها ؟
ولا خايف على الملايين اللى عندك فى البورصه مع الفلول لتروح منك ؟
خايف على مستقبلك ؟ طيب تقدر تقولى ايه هو مستقبلك فى ظل الظروف دى ؟
مش عاوز تاخد حق دم اخواتك ؟
عاوز اقولك كمان متخافش احنا قعدنا 18 يوم فى الثوره لا متنا من الجوع ولا البلد خربت زى ماقالولنا
وبرضو والله احنا شباب مصريين زى زيك لا اخدنا كنتاكى ولا 200 يورو ولا عندنا اجندات ولا كراسات ولا كشاكيل حتى
احنا عاوزين الصالح العام للبلد مش اكتر

ياله يا خاين يا عميل امريكا عايز البلد تخرب

انت ايه مش عارف ان اسرائيل وقفة على الحدود مستانية البلد تولع اكتر من كده عشان تخوش مصر

انت ايه مش واخد بالك ان احنى بقلنا اسبوعين بنصرف من مخزون الدولة

انت ايه مش واخد بالك للفوضى و عدم الاستقرار و الامن البايظ الى بقينا فيه ؟

اعقل بقى و فكك مش شغل الاعتصامات و البلطجة ديه

خلاص يا جدعان انا غيرت راى فى الثورة انا ديلوقتى مع الجيش و مع اسفين يا رايس

اى حد هيتكلم على الرايس ولا الجيش هحوط عليه

(طلاما الصح مش عجبكوا و عايزين الواحد يبقى غلط انا هبقى و ارحيكوا )