▒ يـــادي الذل ويــادي العار ..تامر غني في عزا ثوار ▒

[CHI-VA]

http://files.maas1.com/images_cache/111011155552dLkJ.gif

طبعـــا مستغربــين من العنــوان ..وبالاخـــص من " تــامر " دي

أنا مش هطــول عليـــكم وأسيبــكم مـــع المــوضوع
http://files.maas1.com/images_cache/111011155557ZG18.gif

http://productnews.link.net/general/News/05-02-2012/n/usa_L_20122517829.jpg



هاجم مصريون يعيشون بأمريكا الفنان تامر حسني وذلك لقيامه باحياء العديد من الحفلات بمناسبة مرور عام علي الثورة المصرية بأمريكا.. في الوقت الذي تدور فيه الاشتباكات بمحيط وزارة الداخلية، وبعد أيام قليلة من سقوط 74 شهيدًا في أحداث استاد بورسعيد.

وتجمع المصريون أمام المسرح المزمع إقامة الحفلة فيه.. وهتفوا ضد تامر حسني والمجلس العسكري.

وأكدت إحدي الناشطات بأمريكا أنهم منعوا تامر من الدخول، مما اضطروه لدخول المسرح بسيارته في حماية الشرطة الأمريكية من الباب الخلفي.

وهتف نشطاء نيويورك ونيوجيرسي ضد المجلس العسكري وتامر حسني.. قائلين: ''ارفع راسك فوق انت مصري.. نزل راسك تحت تامر حسني''.. ''يادي الذل ويادي العار.. تامر غنى في عزاء ثوار''.. ''قتلوا 73 .. جايين ليه يا محتفلين''.

كما هتف الغاضبون: ''تامر حسني دا مطرب سلطة بيغني للجيش والشرطة''.. ''تامر هوا العباسية بالشئون المعنوية''.. ''اشهد يا محمد محمود.. تامر غنى وعزف العود''.. ''بورسعيد بريئة.. الحفلة دي دنيئة''.

واعترض المتظاهرون علي الاحتفال بالثورة التي لم تحقق أي من مطالبها، حسب قولهم، خاصة مع صعود أرواح الشهداء لبارئها، في الوقت الذي يقف فيه الثوار أمام بلطجة الداخلية وجيش طنطاوي، حسب وصفهم.

كما أشارت الناشطة إلي أن الثوار المصريين بأمريكا قاموا بحمل نعشا رمزيا للشهيد ووضعوه أمام المسرح.

جدير بالذكر أن هذه الحفلات لتامر حسني تعد الأولي له في أمريكا بالتزامن مع ذكري الثورة المصرية، حيث يقيم تامر 5 حفلات بدء من 4 فبراير وحتي 19 فبراير

كــــــده إنتو أكيـــــد فهمتــــوا واسيبكم مع ⊙▽⊙ التعليـــــــقات ⊙▽⊙

™ المصــدر : ™
http://www.masrawy.com/news/Egypt/Politics/2012/February/5/4785900.aspx

http://files.maas1.com/images_cache/111011155554qeHs.gif

[poiu]

دة واحد مش عايز أعرفه أصلا ‏

بعد إلي قاله ع الفيس ( انا مش هخلي الإخوان يلغوا الفن)‏


و يا عم كل واحد في الزمان دة بيجري ورا البسبس بتاعة ‏:‏)‏

يعني هو كمان واحد زي محمد زيدان مش فارق معاهم أي ميتين و عادي خالص الحياة عندهم بيس

يعكي متحسبوش مش عشان متظلموش متحسبوش عشان جهلة معرفوش

[SmartMad]

الاحساس حلو برضو

[CHI-VA]

دة واحد مش عايز أعرفه أصلا ‏

بعد إلي قاله ع الفيس ( انا مش هخلي الإخوان يلغوا الفن)‏


و يا عم كل واحد في الزمان دة بيجري ورا البسبس بتاعة ‏:‏)‏

يعني هو كمان واحد زي محمد زيدان مش فارق معاهم أي ميتين و عادي خالص الحياة عندهم بيس

يعكي متحسبوش مش عشان متظلموش متحسبوش عشان جهلة معرفوش

كلامك ســــليم
بس انا بقول منتجهش لمحمد زيدان
اولا احنا منعرفش الظروف ايه
ما يمكن قعد يوم كامل يبكي ف البيت وهو انت شوفته ؟ ...الله اعلم بلاش نظلم حد
لكن اللي بيغني والثوار ميتين شهداء ..اظن دي فيها كلام تاني
وشكرا لمرورك

الاحساس حلو برضو

أكيـــــــــــــــــــــــــــــــــــــد طبعا

[♥ ♥.•°YoYo°•.♥ ♥]

واحد حشرة معنهدوش دم

[goosa]

يا خونا هوا مش عامل الحفلة ديه علشان الزكري الأولي للثورة

داه عاملها علشان الزكري الأولي لضربه في التحرير

[MadOmar]

هوا انا كل ما ارجع احبه يعمل مصيبه تكره الناس كلها يه الواد ده يا اهبل يا عبيط

[winnie]

وااااطييييييييييييييييييييييييييييييييييييييييي طول عمرة

[EmptySentinces]

و قال أية بيقولك Smile و بيغنى فى ديسكو ههههههه

[Nytros]

تامر شعرة دة بجد انا جبت أخري منة

[Jallad City]

بــص اصــلــى الــبــشــر دى اكــتــر نــاس مــبــيــفــكروش فى الــثــوره كــل


هــمــهــم الــثــروه هو بــيــنــتــهــز الــفــرص اللى بــتــيــجى حــتــى ولــو حــبــة


عــيــال صــيــع مــاتــوا يــطــلــعــلــك كــام اغــنــيــه انــهــم شــهداء :confused:

[CHI-VA]

نـــــــــــــــــــــــورتو الموضوع يا شباب

[Ğ_Unit0]

هوا كان عامل الحفلة تذكيرا بالعلقة اللى أخدها فى التحرير :mf_doof:

[Kemo Eagle]

هو انا اصلا مش معترف بتامر حسنى دة مطرب انا معترف بية ممثل كوميد عشان الصراحة انا بضحك فى

افلامه بس هو راجل لاموأغذه وسورى على اللفظ

[Loleta]

واحنا نزعل ليه ؟ هو مش حاجه مهمة يعنى

[XxrusilaXx]

اولا تامر حسنى

مكنش يقدر يلغى الحفله دى لانوا بالفعل لغاها اول مره اما قامت الثوره

و لو لغاها تانى مره كان هيتحرم من دخول امريكا تانى و هيترحل على مصر و يتقدم ل محاكمه انا عمال ادور على الصوره الى كان فيها تامر و احمد عصام مسافرين امريكا مستحيل يكون شكل واحد رايح يعمل حفله واحد لابس اسود ف اسود و نضاره سوده و باصص ف الارض و اول ما بدأ الحفله وقف حداد على روح الشهداء و داخل ماسك علم مصر معاه !

اكتر من كدا ايه طيب ؟ مش بأيدو و لو كان بأيددو كان زمانوا أجلها زى اوى مره اتعملت فيها الثوره :(

و لو تامر مش مطرب يا جدعان مكنش وصل للشهره و بقى عالمى الناس كلها عارفها ف كل العالم

لو تتباعو اخبارو هتعرفوا انوا اتظلم كتير ف حياتوا

و الناس الى بتقول عليه سيس و شخصيه وحشه

ممكن اسألك سؤال ؟ انــت قعدت مع تامر شخصيا و اتكلمت معاه؟؟

ولا هو عشان شوفتلو كام فيلم يبقى هى دى شخصيتوا الحقيقه

دى مجرد ادوار معموله ليه يمثلها مش اكتر و مش هو الى بيختار القصه ولا السيناريو

و اى حاجه انتو شايفنها تامر عملها غلط انا مستعد اجبلكوا اى حاجه تنفى الكلام ده

او السبب الى خلاه يعمل ده !

[™Funky™]

ده مطرب من تحت بير السلم

[XxrusilaXx]

ارفع راسك فوق انت مصرى .. نزل راسك تحت تامر حسنى
ارفع راسك فوق انت مصرى .. نزل راسك تحت تامر حسنى

ايه دة استنوا استنوا نسيت الكلام .. يخرب بيتكوا فين الورقه

اه اه الحمدلله اهيه كنا هنضيع

يلا يلا بقى نكمل

يادى الذل ويادى العار تامر غنى فى عزا ثوار

يخربيت خطك يا عيلاء زباله مش عارفه اقرا الجمله ديه طب اقولك حاجه

يادى الذل ويادى العار تامر غنى فى عزا ثوار



مش فاهمين حاجه صح؟ طيب نخش نشوف الفيديو دة سوا كدة علشان تفهموا انا بقول ايه بالضبط

http://www.youtube.com/watch?feature...v=7JASernHdmk#!

ياترى شوفتوا ايه فى الفيديو؟

احب اعرفكوا بـ مدام سلمى ابو المجد الضامنه الرسميه لميديا فنان كبير فى منظمه حقوق الملكيه الفكريه على الفيس بوك

والـ 6 انفار اللى وراها دول هتلاقيهم من العيله برده بنت خالها على جوز عمتها على مش عارف ايه العيله الكريمه يعنى مش تقلقوا مفيش حد غريب

7 انفار مصورين فيديو اقل ما يقال عنه انه تافه وكل اللى عملوه ان هما بوظوا شكلنا كـ عرب لكن مش شكل تامر حسنى نهائى

انا مشهتكلم وهقول احداث الحفله لان الحوار اساسا بالنسبه ليا تافه ومش هتكلم عليه وكفايه اوى اللى جيمى وهمسه قالوه

لكن انا منزل توبيك علشان الفيديو دة وعايز اشرحلكوا حاجه صغيره بس

زى ما عرفنا كلنا سلمى ابو المجد ديه تبقى مين بالضبط احم اكملكوا حاجه بسيطه اوى وافكركوا بيها

الفيديو دة مانزلش غير على موقع فى الفن او بمعنى اصح اول موقع عمله شير كان فى الفن

ولو تفتكروا من فتره كان عمرو مصطفى رافع قضيه على الموقع دة

طب نعمل ايه علشان نكسب عمرو مصطفى من تانى

احنا نكسكس ليه ونفحت فى تامر حسنى يمكن قليه يحن ويرضى علينا

احب اقولكوا انى ليه ناس كتيره اوى من عيلتى عايشين برا وخصوصا فى امريكا وابن عمى وقت الثوره لما حس ان البلد فعلا محتاجه ولادها

اول حاجه عملها انه ساب شغله وبدون حتى ما يقول اجازه واخد اول طياره نازله على مصر ونزل فى الميدان ويمكن الكلام دة انا بقوله لاول مره

انا مانزلتش ميدان التحرير فى عز ما كان ناس من امريكا واماكن بعيده بتسيب حياتها وشغلها وتيجى تضحى بنفسها على حاجه هما مؤمنين بيها

احترمته جدا وعلى فى نظرى جدا وقتها بس دة مش موضوعنا برده

الموضوع كله ان الناس اللى فى الفيديو دول مايتقالش عليهم ثوار ولا يتقال عليهم مصريين اساسا

دول ناس قاعدين فى امريكا ماتفرقش معاهم البلد ديه ولو تفرق معاهم بجد كان زمان كل واحد فيهم دلوقتى سايب حياته ونازل بلده

لكن هما مايقدروش يعملوا كدة لانهم اجبن من انهم ياخدوا قرار زى دة هما كل اللى فالحين فيه انهم يعملوا فيديو وخلاص

الحفله الحمدلله كانت كومبليت من قبلها ورغم الاحداث اللى حصلت الحفله ماتأثرتش وماحصلش اى مشاكل الحمدلله

لو هما فعلا كانوا بيخافو على مصر كانوا احترموا الرمز اللى بيتكلوا عليه دة وعرفوا انه فى بلدهم بيمثل مصر وماينفعش يتهان بالطريقه ديه

الجاليات المصريه فى امركيا حضرت الحفله وفى ناس حضرت من ولايات تانيه وبعيده علشان خاطر تشوف تامر الفنان المصرى اللى كان بيمثل بلده

الحفله نجحت رغم الظروف اللى حاصله لكن الناس ديه ماتمثلش مصر هناك ولا حتى بتمثل الجاليا المصريه فى امريكا

الناس ديه ناس مأجوره وواضح اوى على طريقتهم

انا اول مره فى حياتى اشوف حد مجهز هتافات ضد حد فى ورقه وعمال يقراها

تامر حسنى هيفضل تامر حسنى

تامر لافرز هيفضل تامر لافرز

واحنا هنفضل زى ما احنا

وعايزكوا دايما تفتكروا ان كل مره تامر كان بيقع فى مشكله زى ديه

ربنا كان بيخرجه منها اقوى وبيخرج منها احسن من الاول وبينجح اكتر من الاول

مش زعلان من حقد الناس عليه لان دة بيدل على نجاحه

لكن زعلان على ولاد مصر اللى بقوا يبيعوا بعضهم ومصريتهم علشان الفلوس او علشان منصب زياده

زعلان على الناس اللى مابقاش فارق معاها غير مصالحها الشخصيه ونسيت بلدهم

زعلان على الناس اللى نسيوا يعنى ايه بلد اتربوا فى خيرها ووصل بيهم الحقد ان هما يعضوا فى اخواتهم قدام الغريب

الحفله نجحت والاقبال من قبل الجاليات المصريه كان كبير ومفيش حاجه أثرت ولا هتأثر فى تامر كـ فنان بيأدى واجبه تجاح بلده فى جميع الاحوال

مش زى ناس بتاخد اول طياره على دبى وتركيا وتقعد من هناك فيديوهات كل شويه على صفحاتهم وكانهم فى مصر

تامر فى كلا الاحوال وايا كان الوقت اللى كان هيعمل فيه الحفله ديه كانت هتتهاجم ياريت نفوق بقى ونخلى بالنا من منظرنا قدام العالم

مش كل واحد مكتوب فى باسبوره مصرى يبقى بيمثل مصر ومش كل واحد بيتكلم مصرى يبقى بيمثل مصر ابدا

احنا اللى بيمثلونا بجد الناس اللى نزلت فى 25 يناير وماتوا علشان خاطرنا وخاطر البلد ديه

لكن مابيمثلناش واحد قاعد فى امريكا وعايز حياته على النت وكل همه فى الحياه يجمع فلوس ومعارف على حساب الغير ابدا

مابيمثلناش ناس كل همهم فى الحياه انهم يكسبوا فلوس ومش مهم البلد ومنظر رموزها قدام الناس

الحفله اكتر من نص اللى حضروها كانوا مصريين وعرب من جميع انحاء الوطن العربى

ورغم الظروف اللى احنا فيها الحفله نجحت ولكل الناس اللى حضرت الحفله على حسب ما شوفت وسمعت ان تامر غنى اغانى وطنيه كتيره

مصر هتفضل مصر وروموزها حتى لو بيغلطوا اوقات هيفضلوا هما الرموز اللى بتشيل اسم مصر قدام كل الدنيا وفى كل حته بيروحوها

محمد منير

عمرو دياب

تامر حسنى

كل ديه وفى غيرهم الاف تانين رموز وحاجه كبيره اوى عند كل واحد مصرى وعربى سمع اغانيهم وشدت جوه حماسته فى وقت من الاوقات

وعمرنا فى يوم ما هنتقلب على بعض ولا هيبقى فى مصرى بيعض فى اخوه او بيصدق عنه كلمه زور ابدا