حملة دعم البرادعى تدعو لإضراب شامل فى 11 فبراير

[ZSZC]

السلام عليكم

http://img.youm7.com/images/NewsPics/large/s120121416132.jpg



دعت حملة دعم الدكتور محمد البرداعى إلى البدء فى إضراب عام جزئى تصاعدى يبدأ اليوم الخميس من الساعة العاشرة صباحاً وحتى الواحدة ظهراً، ويستمر تصاعدياً حتى الوصول للإضراب الشامل والعصيان المدنى يوم 11 فبراير، وذلك فى حالة عدم قيام المجلس العسكرى بتسليم السلطة.

ودعت الحملة، فى بيان لها، اليوم جميع النشطاء السياسيين وكافة القوى الثورية والتجمعات الحقوقية الدعوة والحشد للإضراب بكل السبل الممكنة وكافة الطرق المناسبة، مطالبة مجلس الشعب بسحب الثقة من الحكومة وتشكيل حكومة إنقاذ وطنى فوراً، تقوم بما تمتلكه من صلاحيات بهيكلة الداخلية وتطهير الإعلام واستقلال القضاء وإقالة النائب العام.

وحملت الحملة المجلس العسكرى مسئولية أحداث بورسعيد فى ذكرى موقعة الجمل وما سبقها، وما سيتبعها من حوادث سطو مسلح على البنوك وكافة أشكال الانفلات الأمنى، معتبرة أن ذلك ضمن المسلسل المتواصل لعقاب المصريين على ثورتهم من أجل الحرية وضد الفساد.

ووصفت الحملة الأحداث بالمؤامرة للانتقام من "شباب الألتراس- أبطال موقعة الجمل وملحمة محمد محمود"، مضيفة أن كل يوم يقضيه المجلس العسكرى فى سدة الحكم هو خطر على أمن مصر القومى، وأنه لم يعد للصمت معنى وكل يوم نزف إلى السماء شهداء جددا، وننزف على أرض الوطن دماء طاهرة، لن تجدى بيانات أو مواساة لأسر الشهداء.



المصدر
http://www.youm7.com/News.asp?NewsID=592551

[poiu]

هو إية إلي إضراب جزئي منيل بنيلة ‏:‏@‏:‏@‏



هو هبل و خلاص ‏-‏ و يعني إية جماعة البرادعي هو عشان إنسحب من الإنتخابات و ملقاش أي طريقة ‏

يهز بيها مصر يقولك إضراب للباد و مش عارف إية

طبعا لا أوافق

[Alone iN The Sky]

ومين د\ه اللى يعمل اضراب ويخسر 1 جنية عشان البرادعى

هو كان مين :)

ده اول مرة نشوفه بمصر السنة دى ههههه:lol2:

[zoro_pop]

بردىعى مين والناس نيمين البلد عينها تهدى

[moha1a]

رجاله و انا معاهم 100%
الناس دى الى بتتحرك و بتاخد خطوات الى عايز يقعد يعيط فى البيت يقعد
بس ميلومناش
لو لم اكن برادعوياً لوددت ان اكون برادعوياً :)

[Tau]

بص لو المجلس معملش حاجة يبقي في اضراب

[Loleta]

هو كل واحد طالع فيها وعاوز يعمل اضراب ايه الغباء والاستهتار ده
والبرادعى كل الى عاوزه اسقاط حكم العسكر وهو مش عارف ان لولاهم كان فات امبارح فى بورسعيد تضاعفة اعداد الوفيات
احب اقولك يبرادعى انت وجماعتك المستهترة و6 ابريل
اتــــقــــو اللــــه وعيب بق ويريت نحب بلدنا اكتر من كده

[loveme2000]

انا عمرى مسمعت عن البردعى دة يير بعد الثورة كان فين قبل الثورة وفين الانجاذات الى عملها لمصر او لشباب مصر ول حنعمل اضراب علشان البردعى اية الى حنستفيدو مش كفاية الثورة الى حصلت فى مصر والناس الى ماتت ولحد دلوقتى الدولة فى انهيار ومهددين من الاستعمار اية الى بيتقال دة اضراب اية اكتر من الى احنا فية بس

[™_Blast_™]

هو كل واحد طالع فيها وعاوز يعمل اضراب ايه الغباء والاستهتار ده
والبرادعى كل الى عاوزه اسقاط حكم العسكر وهو مش عارف ان لولاهم كان فات امبارح فى بورسعيد تضاعفة اعداد الوفيات
احب اقولك يبرادعى انت وجماعتك المستهترة و6 ابريل
اتــــقــــو اللــــه وعيب بق ويريت نحب بلدنا اكتر من كده


ارجوك قول رأيك بأدب عشان لهجتك مستفزه

[moha1a]

للى ميعرفش البرادعى غير بعد الثورة
البرادعى عاد الى مصر فى 2010 و اول من طالب بالتغيير
و جمع مليون توقيع شخص مصرى موافق على التغيير
اول من طالب بنزول مليونية للشوارع
و اعلن ترشحة للرياسة ضد مبارك ايام لما مبارك كان فى عز سطوتة
غير جايزة نوبل الى جابها لمصر و اتبرع بيها للعشوائيات دى فى حد زاتها انجازات لمصر
و فى الفترة الى فاتت قدم خطة اقتصادية للمرور بالفترة الانتقالية و قدمها للجنزورى ...
و غيرة حجات كتير بس انت مش متابعيين

[SnipZz]

انا مش عارف انتوا متضايقين من البرادعي كده ليه ؟؟ الراجل ده محترم اوي و فاهم كويس ....

[Paranoid]

طبعاً لا اوافق

كفايه بقي !!

[moha1a]

انا مش عارف انتوا متضايقين من البرادعي كده ليه ؟؟ الراجل ده محترم اوي و فاهم كويس ....

متضايقين من اى حد عايز يعيشنا بكرامة ....

[titos0]

بس البردعى دوت اساساا فهمة صح علشان اقلك و بيعملها صح
اولااا
دوت معش معانة و لا شاف حالة الناس
2
دوت طلع من الانتخبات علشان لالك المجلس الشعب كل سلف و اخوان قلق انا خساران اطلع بكرمتى احسن اما اطلع بفضيحة
3
دوت اما شاف مفيش حد عمل حاجة هتلقى دفع فلوس علشان يوقف كام وحد يحسس ان الناس بتحبو
نكلام كلام صح ياما نسكت الى مش فاهم يرات يسكت

[CHI-VA]

يا خساره ...انا نسيت اغنية البرادعي بتاعة فيلم احمد ادم:osama:

هههههههههههههههه برادعي مين وبطيخ مين ده حتي مسمعناش عنه في طبق اليوم

البرادعي استنهز فرصة الفوضي ونزل مصر في 2011 ولولا كده والله ما كنا شايفين وشه

عمـــــــل ايه البرادعي ولا هو علشان انسحب من انتخابات الرقاصه ( معلش عندي برد )
يبقي خلاص هو نضيف ...هو بس علشان لقي موقفع ضعيف

وتقبلو (((( تحياتي )))

[Funmusic]

لا أوافق على أى إضراب كفاية اللى حصل قبل كدا معدش ليها لازمة الإضرابات ومش هتضيف حاجة إيجابية للواقع
وبعدين الناس شايفين إن المشكلة فى حكم المجلس العسكرى ولما هيمشى ويجى رئيس منتخب الأوضاع هتتحسن ..
بس دا مش حقيقى لأن لو جه رئيس جديد منتخب طبعا مش هيكون معاه عصى سحرية ينقذ بيها البلد من الإنفلات دا
المشكلة فى الشعب نفسه محتاجين حاجة تظبط سلوك الناس فى الشارع و الأماكن العامة

[M07aRB]

لو كان البرادعى ده

محتاج زاى الالفات بل الملايين من الشعب المصرى مكنش هيقول اضراب

ياشباب اقسم بالله ناس كتير مش لاقيــه مصروف بيتهــا بسبب اللى البلد فيـه

برادعى ايــه بس واضراب ايه

ربنا يصلح حال الجميع