أيهما تفضل : سيلكرود العالمية ؟ أم السيرفرات الخاصة ؟ و لماذا ؟! .

[_IM_Guard_]

السلام عليكم يا رجالة
لقيت نفسي زهقان الصبح قولت ندردش شوية في موضوع السيرفرات الخاصة اللي عددها بقا لا يحصي
هبدأ أنا : أنا عن نفسي بفضل السيرفر الخاص و أنا بلعب ع سيرفر مش مشهور أوي بس فريق عمله جامد و كل أسبوع حاجات جديدة و مشهيسنا اخر شهيسة
فيا ريت كل واحد فيكم يقول هو يفضل سيلكرود العالمية و لا سيرفر خاص معين ؟ و ليه ؟

و شكرا

[youssef13]

بصراحة انا مش فارقة معايا انا بلعب علي سيرفر aral شغال زي أي سيرفر فكدة كويس اوي بالنسبة لي
اما السيرفرات اللي vip دي مش عجباني لأنها مش أي حد ممكن يدخل عليها ويشرفني أكون أول رد في الموضوووع

[_IM_Guard_]

و الله نورت الموضوع يا معلم و شكرا ع ردك بس أنا مش بتكلم ع السيرفرات اللي ‏VIP‏ أنا بتكلم ع السيرفرات الخاصة اللي زي
Sjsro,dreamworld,elite ‎
و كده ...

[Solitary]

انا طبعآ بافضل العاديه .. عشان ببساطه

المتعه فيها بتمن .. مش متعه زى السيرفرات الخاصه تفضل ساعه ساعتين تبقى لفل 120 وفول فارم وفول sun وتقول متعه

ده غير ان مهما عملوا مش هاتقفل وفلوسنا تروح .. لكن السيرفر الخاص لو كان مين صاحبه لو كان الجن الازرق بردو بيقفل سواء بمزاجه او مش بمزاجه يعنى كمثال سيرفر king li القديم اتهاك واتقفل .. راح عامل دريم ورلد يعنى مستقبل دريم ورلد معروف لو حد فكر انه يعمل حاجه .. وكمثال تانى اليت 4 و 5 و 6 هايتقفلوا عشان مابقاش فيهم لعيبة كتير ومش بيجيبوا فلوس كتير لصاحبهم ^^

بس

[shewawa789]

انا بفضل اللعبه العاميه

[Pual]

انا بفضل النسخه العالميه عشان الواحد فعلا بيلعب عشان يعلى مش بيعلى عشان يلعب :box:


يوسف انت اسمك ايه فى سيرفر Aral ؟

[_IM_Guard_]

كلامكم صح يا رجالة بس العادية هتصرف عليها بالعبيط و طبعا مسيرك هتسيب اللعبة سواء بمزاجك أو غصب عنك فيإما هتبيع الأكونت و ساعتها هتخسر فيه يإما هتسيبه و ساعتها مش هتكون استفدت حاجة

أما السيرفرات الخاصة هتقفل من نفسها يعني جت من عندهم فمش هيبقي في إدمان للجيم و طبعا الأغلبية مش بيجيب سيلك و يصرف فلوس ع سيرفر خاص ما عدا الأغبياء فلو قفلت مش هتخسر حاجة
و لازم الكل يفكر نفسه ليه أحنا بنلعب أساسا ده كله للتسلية فلازم كل واحد يدور ع أكتر حاجة تسليه و متخسرهوش
و ده وجهة نظري
و لا إيه رأيك يا سوليتاري ؟

[k0len]

مشكلة السيرفرات الخاصة حاجتين

1- الدعم الفني فيها سئ جدا ومهما طورو من نفسهم مش هيقدرو يوصلو لقوة ال international

2- السهولة الزيادة عن اللزوم ودة بتقضي علي المتعة في لحظات بسيطة

[_IM_Guard_]

ماشي يا عم كلامك صح .. بس أقرا ردي اللي فوق الأول

[Momo solo]

بصراحه أنا بفضل العالميه أصل فى العاب بتنزل لفل 110 و معاك جولد و سيلك كمان مفيش أى متعه لكن العالميه الواحد بيتبهدل على ما يجيب اللفل هى دى المتعه :confused:

[gamegameover]

يا استاذ iam guard انت بتتكلم على اساس ان فى ناس هتسيب اللعبه بمزاجه او عصب فهمنى ليه بمزجها وليه غصب ؟
اصل اول مره اشوف واحد غصب من عنوا هيسيب لعبه بيحبها اوى اول مره ده
فهمنى ؟

[Solitary]

كلامكم صح يا رجالة بس العادية هتصرف عليها بالعبيط و طبعا مسيرك هتسيب اللعبة سواء بمزاجك أو غصب عنك فيإما هتبيع الأكونت و ساعتها هتخسر فيه يإما هتسيبه و ساعتها مش هتكون استفدت حاجة

أما السيرفرات الخاصة هتقفل من نفسها يعني جت من عندهم فمش هيبقي في إدمان للجيم و طبعا الأغلبية مش بيجيب سيلك و يصرف فلوس ع سيرفر خاص ما عدا الأغبياء فلو قفلت مش هتخسر حاجة
و لازم الكل يفكر نفسه ليه أحنا بنلعب أساسا ده كله للتسلية فلازم كل واحد يدور ع أكتر حاجة تسليه و متخسرهوش
و ده وجهة نظري
و لا إيه رأيك يا سوليتاري ؟

معلش يعنى فى الكلمه بس انت شايف ان كل الناس الى فى السيرفر الخاص يقدروا يسيبوا اللعبه عادى كده ؟ لمجرد انهم مش بيصرفوا عليها ؟ يا راجل صلى على النبى دى sjsro اما كان واحد اسمه فيليب بيقفلها, الناس فى القسم كانت بتعيط .. وايرود اما بيقفل شويه القسم بينفجر وكده مع كله الحقيقه حتى دريم .. عارف ليه ؟

مع احترامى لكل الى بيلعبوا فى السيرفرات الخاصه .. لكن 99.5% منهم ماطلعوش بطاقه .. وعشان كده ببساطه مابيعرفوش يصرفوا, لكن هاتيجى تقولى واحد 20 سنه ولا 19 سنه ومش بيصرف ؟ هاقولك كداب كدب الابل :D

وسيبك يا سيدى من الفلوس والصرف .. الواحد لو مش بيعمل اى حاجه غير انه يلفل الاكونت والسيرفر يتقفل بيزعل ^^

[_IM_Guard_]

ماشي يا عم سوليتاري ردك ع عيني و ع راسي و بالنسبة لموضوع التعلق بالسيرفر الخاص و العياط فدول بيكونوا أطفال أوي ما تولع اللعبة كلها هايحسل إيه يعني ؟ هتنقص منك أيد و لا رجل ؟!
أما بقا ل ‏gamegameover‏ فده مش عارف أقوله غير لوووول ع أساس لما هتيجي تتجوز مش هتسيب الجيم و أبو العروسة يقولك شغال إيه تقوله قاعد ع سلكرود
افترض أن واحد اتجوز و بيحب اللعبة و مسبهاش هيضيع فلوسه ع لعبة و يسيب ولاده و مراته و مستلزمات العيال اللي مبتخلسش و يصرف ع لعبة د يبقي لا مؤخذة حمار أوي
عامة كل واحد ليه وجهة نظره و كل واحد طبعا حر
و ده موضوع للمناقشة مش أكتر

[gamegameover]

ماشي يا عم سوليتاري ردك ع عيني و ع راسي و بالنسبة لموضوع التعلق بالسيرفر الخاص و العياط فدول بيكونوا أطفال أوي ما تولع اللعبة كلها هايحسل إيه يعني ؟ هتنقص منك أيد و لا رجل ؟!
أما بقا ل ‏gamegameover‏ فده مش عارف أقوله غير لوووول ع أساس لما هتيجي تتجوز مش هتسيب الجيم و أبو العروسة يقولك شغال إيه تقوله قاعد ع سلكرود
افترض أن واحد اتجوز و بيحب اللعبة و مسبهاش هيضيع فلوسه ع لعبة و يسيب ولاده و مراته و مستلزمات العيال اللي مبتخلسش و يصرف ع لعبة د يبقي لا مؤخذة حمار أوي
عامة كل واحد ليه وجهة نظره و كل واحد طبعا حر
و ده موضوع للمناقشة مش أكتر

تصدق انى اعرف ناس لسه متجوزه وبردوا وميقدروش يسبوا سلك رود بجد يعنى وفى ناس فتحها بيوتها على اللعبه ده
هو ده السبب لول

[Solitary]

انا ماعرفش بينقص ايه ولا بيعملوا ليه كده انا باقولك الى بيحصل .. انا اما كنت موجود فى وقت المشكله والواد الى بيعمل dc بيزلهم وبيقول لواحد شتمه قول انك مش راجل وانا افتحلك السيرفر .. وإلى يقوله والنبى والى يقوله بالله عليك وكلام كتييييير وادخل اقولهم يا جدعان سيبوه عشان دى مش اول مره حد يدخل يعمل الحوار ده ويقفلكم السيرفر عشان هو مريض نفسى .. وروحوا اى سيرفر تانى, يقولولى وهو انت تعرف سيرفر تانى بيدى سيلك ببلاش ؟

ده يدل على ايه ؟ شوف انت بقى ..

ولا سيرفر دريم .. إلى كان من يومين ولا 3 ايام كل ساعه يمسح الاكونتات ^^

يبقى والنبى سيلكرود العالميه ولا لأ ؟

[Paranoid]

أكيد العالميه .. ع الاقل ضامن اني مش هاصحي الصبح الاقي الاكونتات ممسوحه ولا السيرفر اتقفل -.-

[netm0]

انا ماعرفش بينقص ايه ولا بيعملوا ليه كده انا باقولك الى بيحصل .. انا اما كنت موجود فى وقت المشكله والواد الى بيعمل dc بيزلهم وبيقول لواحد شتمه قول انك مش راجل وانا افتحلك السيرفر .. وإلى يقوله والنبى والى يقوله بالله عليك وكلام كتييييير وادخل اقولهم يا جدعان سيبوه عشان دى مش اول مره حد يدخل يعمل الحوار ده ويقفلكم السيرفر عشان هو مريض نفسى .. وروحوا اى سيرفر تانى, يقولولى وهو انت تعرف سيرفر تانى بيدى سيلك ببلاش ؟

ده يدل على ايه ؟ شوف انت بقى ..

ولا سيرفر دريم .. إلى كان من يومين ولا 3 ايام كل ساعه يمسح الاكونتات ^^

يبقى والنبى سيلكرود العالميه ولا لأ ؟

كلامك 100% صح

انا بلعب علي سيلكرود العالميه و بفتح Bot و اسيب الاكونت يلفل و لما اعوذ العب PVP او اجرب build معين بقوم فاتح Perfection SRO و العب PVP... لكن ان يكون سيرفر خاص هوا الاساس في اللعب بتاعي.... اكيد لا !!

:sly:

[™ No_Name ™]

انا سبت سيلك رود العاديه ولعبت برايفت سيرفر كلهم ولا ى حاجه ليها لزمه كل يوم اللعبه بتقفل ساعتين تشيك وصن ورلد اصحابى بيلعبوها بقالهم سنه وكل اسبوع كانو بيروحو يشحنو سيلك وفى الاخر قفلت

مزايا International Silkroad Online أو سيلكرود العالمية

لعبة معتمدة من شركة رسمية يعني احتمالات قفلها ضئيلة جدا جدا

الناس فيها كويسة و عقليتها كويسة

فيها متعة اكبر (لان اللفل بياخد راحته ده غير انك في الفترة الطويلة دي تقدر تجمع فلوس و تشتري طقم كويس لنفسك و تحس بمتعة اكبر و قوة افضل في اللعب)


مش بتلقى ناس كتيرة و زحمة و جايلدز كتيرة اوي اوي زي مافي السيرفرات الخاصة و بالتالي بتدي فرصة لجايلدات انها تتشهر

تقدر تلقى كذا واحد مشهور في السيرفرات بتاعت سيلكرود العادية ، مش مجرد واحد ولا اتنين في السيرفرات الخاصة

مفيش حاجة واحدة في فايلات اللعبة معطوبة او فيها Bug

معدلات السكامر منخفضة ، لان زي ماقلت الناس فيها اغلبيتها كويسة

العـــــيوب

بطئ الاكسبيرينس و السكيل بوينت

و عشان تحل المشكلة دي لازم تبقى في بارتي 24 ساعة او لو انت صيني يبقى معاك برميوم بلاس و طبععا زي مانتوا عارفين ان السيلك في سيلكرود العالمية غالي !و البرميوم بلاس ب180 جنيه

الجولد بوت ، و طبعا نظرا لان مستوى الجولد دروب صغير جدا مقارنة طبعا بالسيرفرات الخاصة ، و هم السبب في ملو السيرفرات على آخرها هناك (حاليا هم اتنقلوا على مشروع بيع السيلك ايتيمز بجولد و يخففوا ضغط الجولد بوت شوية عالسيرفرات)

البوت ذات نفسه ، و طبعا البوت مش مجاني (ما عدا الIBOT و ده خربان خالص)



السيــــــــــرفرات الخاصة

المزايا معروفة طبعا :
اكسبرينس و سكيل بوينت سريع جدا

تقدر تعمل اكونتات كتير جدا بشخصيات و بيلدز مختلفة

جولد كتيييييييييييييييييييير طبعا

اسعار السيلك ايتيم منخفضة



تعالى بقى للعيوب بتاعته

اول عيب و اهمهم العيال اللي بتبقى تحت ال12 سنة ، و لو كانوا اكبر من كده بتبقى عقليتهم عقلية اطفال يعني مثلا
*يضربك في البي في بي من غير مايستأذنك (و حصلتلي اكتر من مرة و خلاني اخرج عن شعوري اكتر من مرة لدرجة اني ضربت جلوبال و شتمت المصريين كلهم)
*يعمل عليك سكام في تاكسي (يعني يشتغل نص ساعة و تلقاه خلع)و ده شاااااااااائع بدرجة فظيعة و السبب في العقلية التعبانة للاطفال
الاسعار الجنونية للايتيمات هناك (في Bloody مثلا سعر النوفا ستاف بتاع 20 بليون جولد في حين ان سعرها عندنا في السيرفرات العادية اخره 2.5 ليون لو كان +5)و ده نتيجة الHigh rate للGold drop
الشتايم اللي بتحسسك انهم شبيحة و رديحة و ملهمش اهل يربوهم و يكرهوك في اللعبة برضو متأخذونيش لاني بتكلم عن اللي بيحصل فعلا
و طبعا فيه بلاوي تانية كتير ^^

[ـبـآ‘سـم ـآ’لـ ـرٍوٍ]

انا عن نفسى بحب سيلك رود العالميه علشان جامده وجميله وكل المضعه فيها انت لمه تلفن بعزام بتحس بمعنه اللعبه والتشوق بس لمه تلعب لعبه تانيه تجيب لفن 120 فى يوم ميبقاش ليه معنه وكمان كل اللعبه بيلعب فى السيرفرات اللى بتلفت بسرعه 99% فيهم ميعرفش حاجه فى اى حاجه وعاوز يجيب لفن عالى وخلاص وعاوز كل حاجه ببلاش

[HoaxBoii]

انا بفضل العالميه عشان بيبقى فيها منافسه اكتر من السيرفر الخاص مش ف 3 ايام ابقى 120 و كده و كمان عشان الواحد مش متاكد اذا كان ممكن يتقفل ولا لا و حتى انا كمان مش بحب ولا elite & PVP & Grindroad كلهم ممكن يتقفلو عشان مش معرفوين و ملهمش شكره عالميه زى سيلك رود العاديه اما العاديه فا لو قفلت فا اكيد هايترفع عليها ملايين القضايا عشان دى فلوس ناس و بيزنس :hat: فا رأيى السيرفر الخاص :thumbdown: تعبان يا قلبى

[elkanaas]

طبعا العالميه علشان الكلام الكتير اللى اتقال قبل كدة
وبعدين مفيش متعه فى لعبه فى نص ساعه تلاقى نفسك لفل100
فى يومين بقيت Full Farm+ Full Sun
دة كلام.

[scorpionop]

اكيد اكيد العالميه لان القط مش بيحب الا خناقه مش فى ساعه واحد ابقى lvl 120 وجامد وخلاص امال فين المتعه
ولا ايه

:dunce::dunce::dunce:

[HoaxBoii]

و كمان محدش ضامن اذا كانت هاتتقفل ولا لا السيرفر الخاص دا و كمان ممكن يفقعو منكو فلوس و ف الاخر يقولك بح :welcomeani: in silkroad

[oskari]

انا هلعب دريم ورلد وان شاء الله كنت ناوي اصرف عليها
بس بعد الموضوع ده مش هصرف باذن الله و لو حصل اي حاجه في الجيم مش هزعل
و هنزل جيم سيلكرود ار او الانترنشونال و العبها

[HellX5]

عجبنى الموضوع دة الصراحة بس انا مش مع الناس الى بتقول سيلكرود العالمية و كل واحد و رآية ^^
العبة بوخت جامد و بقت لعبة فلوس و بس و زى مقالوها معاك فلوس تدوس
تخيل انتا علشان توصل للفل 120 هتصرف كام .. بوت و جولد و سيلك دى يعنى خراب بيوت من الاخر
انا الحمد لله لعبت العادية و لعبت كل البيلدات تقريبآ و سبتها و اانا كونت 110 و روحت السيرفرات الخاصة
طبعآ مفيش واحد بيلعب العادية مثلآ و صارف عليها و هيجى يقولك السيرفر الخاص افضل :fishing_h4h:
بس حكاية السيرفر الخاص انها بتيح للكل يلعب سيلكرود بتكافئ مش كل واحد معاة فلوس ينزل يشهيس
على الناس و طبعآ بتختلف من كل واحد للتانى و على اساسة هتبقى جامد

+ ان فى نقطة تانى مهمة انتوا بتوقلوا المتعة فى العادية فى التلفيل و طلع السلم حبة حبة
بزمتكوا انتوا مصدقين الكلام دة . سؤال بس انتا بتلفل الاكونت بتاعك لية و بتزبط السيت بتاعتك لية بردوا ؟؟
مش علشان الفروتس وار و البى فى بى ولا انا غلط هنا السيرفرات الخاصة بتيح الكلام دى بسهولة
وزى مقلت كل واحد و طريقة لعبة و دماغة هيعرف يبقى جامد فى اى سيرفر

و حتى لو اتقفل سيرفر مثلآ . ميتقفل مفيش مشاكل دى لعبة اى كانت و الواحد بينزل للمتعة ليس
الا

[_IM_Guard_]

و الله ‏Hellx5‏ راجل برنس و جاب الزتونة
و بعدين أنا مستغرب من الناس اللي عمالة ترد ده و تقول العالمية د كان واحد قبل كده عامل موضوع عن حوار الحملة اللي عملاها جوي ماكس ضد البوت و كان رد معظم الناس ع الموضوع كالآتي " طب أنا هستخدم البوت و يبقوا يقفلولي الاكونت أهوه الواحد يسيب اللعبة و تبقي جت من عندهم "
طبعا معني كده أن كتير زهق من العالمية و نفسه يسبها بس اللي صرفه فيها هو اللي ماسكه !!
و مرة واحدة كده قلاقي كله حب العالمية مرة واحدة و متعة و مش متعة !!
ده مناقشة يا رجالة و لكل واحد رأيه " و إختلاف الرأي لا يفسد للود قضية "
و شكرا

[Healian]

أكيد العالميه .. ع الاقل ضامن اني مش هاصحي الصبح الاقي الاكونتات ممسوحه ولا السيرفر اتقفل -.-

اتمسح ايه بس يا عم حلاص هيا زى العالميه ال 2 بقو عالميه هههههه ولا فى Chars هتتمسح و لا بتاع

[Healian]

طبعا العالميه علشان الكلام الكتير اللى اتقال قبل كدة
وبعدين مفيش متعه فى لعبه فى نص ساعه تلاقى نفسك لفل100
فى يومين بقيت Full Farm+ Full Sun
دة كلام.

مين الى قال لك كده الكلام ده بيحصل فى SroR ! ... امال انا مبقتش كده ليه ولا اى حد فى السيرفر بقى لفل 100 لسه ليه

[zapoza]

iSro FTW
بلا سيرفرات خاصة و بلا سيلكرود ار ^_^

[omaiad]

انا عن نفسي بفضل السيرفرات الخاصة علشان علي الاقل عارف اخرها وعارف إيه اللي ممكن يحصل إنما العادية دي حاسس إن ملهاش آخر وممكن الواحد يقعد يلعبها بالسنين بس إيه اخرتها هتقفل بردو زي اي حاجة ومتقليش إنها عمرها ما تقفل فاليه اضيع عليها وقت وفلوس وطبعا زي ما كلنا عارفين إن اي حاجة ليها بداية اكيد ليها نهاية وانا في الاخر بدور علي التسلية مش علي الصعوبة

[SHAHIN]

العالمية لان انا تعبت فيها اوى وكمان مش هعيد كل اللى صرفتو تانى :biker:

[Smexy]

اول حاجة طبعن العالمية 1_علشان مش زى السرفر الخاص اى واحد اعد يعمل واحد و اى هكر يدخل عليها يمسح الداتا و راحيت فلوسك يا صابر زى ماحصل فى zszc لكين العالمية محمحية و الاسباب التانية معروفة

[Nytros]

مش كل البريفت سيرفر وحش
في جيم تمام و زي الفل

[HoaxBoii]

مش كل البريفت سيرفر وحش
في جيم تمام و زي الفل

بس الواحد ميضمنش ان السيرفر دا ميتقفلش لانك انتا متعرفش مين صاحب السيرفر الحقيقى و الاخر ممكن فلوسك تضيع على الفاضى العالميه احسن بكتير

[Nytros]

بس الواحد ميضمنش ان السيرفر دا ميتقفلش لانك انتا متعرفش مين صاحب السيرفر الحقيقى و الاخر ممكن فلوسك تضيع على الفاضى العالميه احسن بكتير

في جيم صحبة مصري 100% مع ختم الجودة بس ألي عايز
[email protected]

[CError]

]dream World:P

[noor3yny55]

العالميه احسن بكتير لان فيها التعب والتشويق اكتر وكمان مضمونه

[رضا الحضرى]

:usaflag:أرفع الشعار

[_IM_Guard_]

أخيرا رجعت من الحظر و هعد ع قلبكوا دلوقتي و هكمل متابعة الموضوع ... هع
مبدأيا كده كلام ‏Ibad‏ صح جدا مش كل السرفرات وحشة في منها جامد جدا و بخصوص أنها تقفل مش مشكلة مدام أنتا مش دافع فيها فلوس أما اللي دافع ده فيبقي خرونج أوي ع رأي المعلم أبو الليف
متنسوش يا بهوات : الاختلاف يا يفسد للود قضية
الله عليا لما بكون رايق بقطع الدنيا‎ ‎

[فتله]

والله انا شايف ان موضوع السرفرات الخاصه احسن بكتير انت لو اتسرق منك ايميلك ف سيلك رود هتعمل ايه هتعيط بدل الدموع دم بس ف الخاصه لو اللعبه كلها اتسرقت ميخصنيش مش مهم هلعب واحده تانى وهبقى احسن وبتدك خبرات عليا انما سيلك رود الخبره تاخدها بعد مايطلع عنيك :drinks_wine:

[Omar ElShanbaly]

انا بفضل السيرفر الخاص علشان انا كنت بلعب سيلك روود فى 2006 و 2007 و كلة عارف كنت ساعات ادخل فى ساعة او ساعة و نص لكن السيرفر الخاص استحالة يكون Crowded و بعدين سريع فى lvl up يعنى انا بلعب فى سيرفر اسمو Syndcate و دة lvl up فية X700

[امين خالد]

لو سمحتم انا عضو جديد ونفسى اسئل سؤال بنسبة اللى الموضوع فى سيلك رود جديدة من جوى ماكس اسمها silkroad elite ديه ممكن تتقفل ولا ايه اصل انتم بتقوله فى سيلك رود عالمية وسلك رود مش عالمية ونفسى اعرف وشكرا لكم جميعا على الردود المفيدة

[! FiRe !]

الخاصة طبعا
المتعة الحقيقية
ترقية بسرعة وعيش بقا واستغل الامتيازات الكتير للجيم بدون ملل الترقية البطيئة !!!!!!!!!1

[UaE]

server 3ade ane Men R2ye le2n wahed iza ma 7as enu tel3t 3en omo la wesel el mestwa eli howe 3ewzo ma rah ynbst adan w 3a Fekra ay haga bteje bel sahel betruh bel sahel w shelak men mwdo3 floooos w kman mosh helwa enak tkun fe server whed priv w wahed ykun ly3rfsh ay haga b game w lvl120 w feen ma troh tla2e 120 ana da Ra2ye w bfdel lvl120 w Thanks 3al Mwdo3

[_lala_]

ملها FIFA 2007 يعنى
مش فاهم
________________
بصو يا رجاله
الواحد كدا كدا هيسيب اللعبه سوء كانت خاص او عالميه

مش معقول انك هتفضل تلعب silkroad طوول حياتك

دلوقتى اذا كنت بتدرس مسيرك هتخلص دراسه

وبعد كدا تشوف مستقبلك

فى الاخر انها فتره وهتعدى


تاكل فشار ؟
:popcom:

[gamegameover]

بس الناس البتتكلم على البرايفت سلفر وخلاص وفكرين بريفت سلفر ده احسن من العاديه
من قال كده انت لو عملت استفتاء هتلقى سلك رود العاديه احسن ب ميه مره من البريفت وتانى حاجه
فى ناس قالت فى الموضوع السلفرات البرايفت ممكن تتقفل فى اى وقت
وتانى واوحش حاجه فى البريفت انك تلقى عيل عندوا 12 سنه او 13 بيلعبلك فيها وفى نفس الوقت يكون 120 او 110 حسب اللعبه ويخليك تزهق من اللعبه بسرعه بصراحه سلك رود اونلاين هى الاساس
وانا بتاسف على الاطاله

[Omar ElShanbaly]

el private server a7sn و انا متعمد الكتابة بالفرانكو علشان انا بتعب فى المواضيع بعد كدة تتحزف مش عارف لية الغباء دة

[EgyptStorm]

الاصلية لأن السيرفرات الخاصة قائم عليها مجموعة من الانس سرقوا اللعبة الاصلية و اشتركوا فى اشتراك سيرفر عالمى شهرى وبالتالى نظام الحماية سىء جدا التطوير والتدعيم صفر كما ان معظم التجديدات سوف تتم على سيرفر اخر والسهولة المبالغة ومن يلجىء دائما للسيرفرات الخاصة الفاشلين فى الاصلية وملهاش مستقبل بمجرد الافلاس ستقفل فى الحال وانتهت والطريقةغير مشروعة لا تتماشى مع قيمنا لان فى الاصل اللعبة مسروق وليس من حقهم فعل هذا

[EgyptStorm]

الاصلية لأن السيرفرات الخاصة قائم عليها مجموعة من الانس سرقوا اللعبة الاصلية و اشتركوا فى اشتراك سيرفر عالمى شهرى وبالتالى نظام الحماية سىء جدا التطوير والتدعيم صفر كما ان معظم التجديدات سوف تتم على سيرفر اخر والسهولة المبالغة ومن يلجىء دائما للسيرفرات الخاصة الفاشلين فى الاصلية وملهاش مستقبل بمجرد الافلاس ستقفل فى الحال وانتهت والطريقةغير مشروعة لا تتماشى مع قيمنا لان فى الاصل اللعبة مسروق وليس من حقهم فعل هذا

[youssef13]

انا بفضل النسخه العالميه عشان الواحد فعلا بيلعب عشان يعلى مش بيعلى عشان يلعب :box:


يوسف انت اسمك ايه فى سيرفر Aral ؟

أنت مش عارفني يا كريم :D
انا yoyo3000

[WHIPMAN]

مفيش احسن من الاصل
:tongue2:

[legendd]

Silk Road online FTW

[Mar.w.an]

والله ول دى ول دى سيلكرود اصلآ بقيت لعبة موملة :D

اناا كنت من اشهر ناس ف سيلفر سبارتاا وبطلت العبهاااا خالص لما الجى ام بقا بيهبل

وعامل اللعبة اكنهااا كونكر تعمل +1 بفلوس و+2 بفلوس حاجة تشل وربنااا

اناا دفعت ف سيلكرود دى اكتر من 30 الف جنية وممكن اكت روالله انا بلعبها بقالى اكتر من 7 سنين

والسيلفر كان لسة New ومكنش فية ال صينى وبس

مكنش ناقص ال الجى ام يعمل الاكونت بينط زاى كونكر عشان يريحنا والله :yikes:

عمتاا انا ختها من اصيرهاا وبطلت جيم هههههههههههههههه

ول خاص ول عادى ول حتا vip يلآ تشــاو

[N0 L0VE]

السيرفر الخاص احسن ولا شحن ولا ضياع فلوس تعلا بسرعة وانت مريح دماغك
سيلك رود العالمية بوخت اصلن

[mohamed planet]

العالمية احسن بكتير فيها متعة وتنافس مش زى السرفر الخاص اعمل اكونت وبعديها باسبوع اكون لفل 120 FF full set magic+12 ولا لو ماكنش فى 12 D يبقى full set nova :fullmop::fullmop:

[XxrusilaXx]

اولا انا مش بلعب السرفرات الخاصه يمكن دخلت عليها مره ولا اتنين بس مش لعب يعنى

المهم

انا بفضل السرفرات الخاصه بس سرفرات معينه مش اى سرفر

فى سرفر بتكون فى مساعدات يعنى زياده نسبه الجولد و نزل الايتمات و كدا

و ده بيساعدك انك تتمتع فى انك تبنى اكونت جامد و من غير ماتدفع فلوس

و فى العاديه تدفع فلوس اد كدا و سلك و جولد

و فى الاخر واحد يسرق منك الاكونت و فلوسك تضيع على الفاضى

بس بكرر مش كل السرفرات الخاصه حلوه

يعنى انا بفضل Elite Sro

دى بتساعدك فى ال نسبه ال EXP و SP و Gold و Item Drop

لكن من غير ماتديك جولد ولا سيلك ولا حاجه و الجولد مش بيقع فيها ببذخ اوى بردوا يعنى معقول

و ممكن تصرف فيها فلوس بس بردوا ممكن تتمتع فيها ببلاش

شــــكـــرا ل صاحب الموضوع لفتح باب المناقشه فى الموضوع ده

[_ManGo_]

السلام عليكم أولا

ثانيا مع احترامى للجميع ... الناس الي بتكلم عن البهدلة و المتعة ان الحاجة صعبة, لو هنحسبها بالعقل عشان تبقي محترم في اللعبة دى عاوزلك

1- S-bot يتشحن كل شهر بملغ و قدرة
2- Premuim Plus عشان طبعا ++ و عشان تلفل بسرعة
3- جولد عشــان تعرف تشتري ايتم لو عجبك

يعنى لو هنتكلم علي 300 جنية في الشهر هيبقي قليل !!! في ناس بدون مبالغة كانت بتصرف 1000 جنية و 500 جنية كمـان و محدش يقدر ينكر دة , بالذمة مش هنتحاسب علي الفلوس دى ؟
مع العلم ان معايا 8 اكونات علي لفل 113 بس لو هنحسبها بالعقل

السيرفر الخاص بيوفر عليك الوقت و الفلوس و المتعة , دة رأى الشخصي من معتزل سيلك رود العادية

[luna]

العالميه حلوا بس التلفيل فيها بطيء جدا جدا و التنيا حلوا لسبب ان اتلفيل سريع مش اكتر :wink_smilie:
انا عن نفسي بحب السيرفر الخاص :shifty:

[moh_Elarabawy]

طبعا سيلكرود العالمية هى الافضل
البريفت سيرفر مفهاش متعة تلاقى واحد جاب لفل 120 دة فى كام ساعة و حاجة كدة تشل وتحس ان اللفل دة ملهوش اى قيمة
لكن الانترناشونال فعلا بتحش بطعم اللعبة
:specool:

[Bad Boy1]

:vash:الميزة الى بتببنى فى العادية انها زى ما قال وتحس الناس فيها مش ننوب خالص عكس البرايفت بس الى بيحبب ناس كتير فى البرايفت ش قصدى غلط في بس انهم نووبس الى مبيعرفوش يعملو على العادية بيعملو فى البرايفت عيب البرايفت كولو spamوعيال صغيرة :vash:

[ahmedbazoka92]

سلكرود العاديه التفلفيل فيها الامانه بيشلني بفضل قاعد ساعتين عشان اعلي بس 10 % و كمان مش بحصلهم و فلوسها قليله جدااااااا بس حلوه عشان مش هتتقفل ابدا بس انا بلعب السرفر الخاص

[DODO2009]

انا من رأيي ان كل لعبة ليها مميزاتها وسيئاتها وكل واحد حسب مزاجوا وشكرا على السؤال الوجيه

[seta.man]

العالمية بلا منازع
مضمونه و اكثر استقرارا
و ال بييجي بسرعه يروح بسرعه
و بالنسبة للناس ال بتتكلم في المتعه
فاكبر متعه بلاقيها في سلكرود انك كل يوم بتبنى حتة في شخصيتك و تحاول تبقى احسن
لو دي راحت بالنسبالي ولا ليها اي لازمه الجيم
و الكل حر ما لم يطول لسانه

[♠ MiZoSpaDe ♠]

بعد كمية البجات اللي شفتها قبل ما اسيب الجيم .. كله زي بعضه ...

العالمية مش مضمونة والدليل اذا كان الـ Database بتاعتها اتهاكت وناس كتيرة اتهاكت وضاعت اكونتاتها

والناس دي من اقدم واشهر ناس في الجيم

دا غير بج التأهير اللي قعد بالشهور مالوش حل !!!

احلى حاجة اى لعبة تتلعب ومتسيبش الجهاز مفتوح عليها وتنام تبقا احسن مليون مرة من سيلكرود

[CError]

كلامكم صح يا رجالة بس العادية هتصرف عليها بالعبيط و طبعا مسيرك هتسيب اللعبة سواء بمزاجك أو غصب عنك فيإما هتبيع الأكونت

[who_is_next]

اولا موضوع جميل
انا بلعب سيلك رود العالمية و سيبها من شهرين اولا لن حسيت بي ملل كبير فيها مع اني لفل عالي 109 و فل فرم بس الزيادة وحشة و بصرف علية فلوس عشان البوت و السيلك و دة يكفي اني صارف علي بريميم بلاس بس 720 جنية و في الاخر هبيع الاكونت مش هيجيب حق اللي صرفتو عليها و
هاجي و اقول دي جيم و بلعبها و اتسلا فانا بقيت بلعب سيرفرات خاصة و غير السيرفرات اللي موجودة علي الموقع هنا اة كان فيها بج و اتشال
بلعب و مظبط فيها و بستتمتع بي الجيم من غير ادفع حتي شلن
كل الفكرة ان العالمية بتخليك تصرف فلوس بي الهبل و في الاخر لو حد قال ليا بجيب حق اللي صرفتو عليها لما تبيع الاكونت يبقا يقولي ازاي

[SHAHIN]

السرفرات الخاصة

[arm]

انا بلعب العالميه بس الصراحه السرفرات الخاصه احسن عشان مش بتصرف كتير وكمان جوى ماكس بوظت العبه