سؤال عن بلاغ لمكافحه المخدرات ؟

[Fighter Cool]

السلام عليكم و رحمه الله و بركاته

انا اليومين دول شايف عندي في الشارع ناس كتير بتبيع مخدرات :invisible: و كده و الناس خايفه تتكلم و شغالين عيني عينك كده و مفيش حد بيعمل حاجه

المهم : انا و بتاع 10 صحابي وقفنا و رخمنا عليهم :tongue2: و شدينا معاهم و انا الي ادبست و اتخانقت مع واحد و انا دلوقتي عاوز اعمل بلاغ بس سألت امين شرطه كان عندنا في الشارع قالي ممكن تتسجن لو طلع بلاغ كاذب بس الحلو ان هو طلع معاهم و بيشتري منهم انا كنت هبعت جواب لمكافحه المخدرات بس قولت اعمل كده من علي النت احسن فدلوقتي انا لما بدخل هنا (http://www.moiegypt.gov.eg/arabic/departments%20sites/drugs/balagat/)بيطلب مني رقم البطاقه و كده و البيت و التليفون انا مش عارف اعمل ايه ؟ اكتب ولا ايه ولا انفض و خلاص و ابعن جواب بس ممكن ينفضوا مش عارف لو جم و ملئوش حاجه ادبس انا :bangin: بس انا عارف بيخبو الحشيش فين و عارف كل حاجه و بيت كل واحد و هما معاهم كميات كبيره بغباء في المخزن دول مدورنها عسل عندنا و الناس خايفه ....

اعمل ايه يا رجاله ؟؟ :giveup:

اسف لو طولت عليكو

تم بحمد الله

[Blue_Devil]

خليك في حالك احسن
اصل كده كده الشرطة عارفنهم واحد واحد و مش بيعملوا حاجة

[Metro]

خليك في حالك احسن
اصل كده كده الشرطة عارفنهم واحد واحد و مش بيعملوا حاجة

لو كل واحد خلاة في حالوا البلد هتخرب :mfr_bl4:

بس يا كبير انت تروح علي القسم وتحكيلوا كل حاجة وتقولوا علي حكاية الظابط دة وانة ممكن يقولهم قبل ما انتوا تيجوا

وربنا يوفقك

[poiu]

أنا من رأيي تصور الحكاية دية كلها عشان ميقولكش و لا بلاغ كاذب و لا نيلة

و تتابعهم كام يوم كدا بالتصوير و بعدين إعمل بلاغ أة تروح القسم بس بص لازم حد كبيررررررر

أنا بنبة تاني أهو و إنت رايح القسم لازم حد كبير معاك و ياه بقا لو إنت عرقت نجيب أولياء العيال إلي معاك و تروحوا كلكم

هتبقي لبساهم لبساهم

بس إنت حاول و مش هتضرك المحاولة بس كل دة في الخباسة عشان هما بتوع المخدرات لو عرفوا إني إنت بتصةرهم مش هيعتؤؤك ‏


و ربنا معاك

[alidndn1]

فكرة حلوة بس الشرطة منفضة لكل حاجة في الدنيا :lulu1::lulu1::lulu1:

[Fighter Cool]

هتبقي لبساهم لبساهم

بس إنت حاول و مش هتضرك المحاولة بس كل دة في الخباسة عشان هما بتوع المخدرات لو عرفوا إني إنت بتصةرهم مش هيعتؤؤك ‏


و ربنا معاك

انا خلاص شديت معاهم جامد و قولت اني انا هبلغ و كده و كلهم جولي و عماليتن يتاسفو بس خلاص الحوار مات

و لو علي اخد حد معايا انا عندي ناس كتير اوي في الشرطه بس انا مش عاوز اعمل حوار لأن مفيش حد في البيت يعرف اصلا

المهم انا هبعت من النت احسن وواحد قالي طلاما انت الحق يبقي متخافش من حاجه

لعلم انا معايا رقم عربيه الشرطه الي هيا معاهم بتاعت امين الشرطه و معايا رقم و عربيه المعلم بتاعهم و عرفت بيتهم كمان انما التصوير مجربتش

[ღ♥_ akeml _♥ღ]

خليك في حالك احسن حاجة والله

[Fighter Cool]

خليك في حالك احسن حاجة والله



هو ليه كل الناس بتخاف كده هو ايه يعني انا مش فاهم طيب مهو لو كل واحد خلاه في حاله مكانش حصل ثوره و كنا نسيبها تخرب مده خراب و ده خراب

[STRQUEEN]

( السـاكت عـن الحق شيـطان أخـرس )

[Mysterious]

كــان فــى رقــم 251
ده لــو فــى أى حاجه تتصل ع الرقم ده بتلاقيهم عندك
ده اللى سمعته فى برنامج الطبعه الأولى:)

[ღ♥:: Beckham::♥ღ]

انا بقى هاجيبلك الخلاصة
عندنا بردوا كان نفس الكلام بس الناس كلها وقفتلهم انت بقى علشان تمشيهم هاتتفق مع كذة واحد من المنطقة يتصلوا ب 122 عادى يقولوا على نفس العيال دى والظابط بقى مش هاينزلهم مخصوص ده هو هايقعد 3 او 4 ايام وهاينزل وكمان هاينزل حملة لكذة مكان مش عندكم انتوا بس
كدة ولا هيبقى فيها بلاغ كاذب ولا العيال دى هتعرف انها جاية منك

[mostafa5050]

من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان.. انا من رأي انك تروح تشترى منهم و تأكلهم عيش :))

[mostafa5050]

:sniper: او ممكن تشتري رشاش ممكن برضة اسلفك الجلايف بتاعى يا عم ولع ولا احنا فى بنزينة هههههههههههههههههه

[Fighter Cool]

طيب تمام شكرا يا رجاله و انا هعمل كده هجيب كل اصحابي و هنبلغ من المويايل

[3ashek El7ozn]

انت منين وانا هتصرف انا عايز اشترى بقالى كام يوم ومش لاقى :)
يعم دع الخلق للخالق انا الاسبوع اللى فات كنت هتاخد فى قسم امبابة بسبب موضوع زى كدة بس الحمد لله ربنا سترها وطلعت منها بضمان الوظيفة ^^

[Solitary]

انا مع رأى مصطفى ههههههههههههههههه

يا عبده انزل نفعهم عيب دول ولاد حتتك يا أخى :d

[!! Prince World !!]

خـــلاص ياعم جيمس بوند :matrix(1):
إفكــس ياعم دلوقتي هو مفيش غيرك الي يبلغ .. الحكومة عارفة كل حاجة بس منفضة دلوقتي :whistling:


انت ساكن فين ياض ... اجي عندكوا يمكن اعرفهم و اخدلي تمناية او صباع او حتة علبة سجاير يمكن اطلع بمصلحة :spidy:


ياعم سيبك و كبر دماغك بس لو زادوا .. سخن الناس الي عندكوا كلها و انزلوا فيهم ضرب

تعالي شوف عندنا عاملة ازاي :brucelee:

[Little.Tornado]

راى بلغ الجيش احسن احنا كدة فى الحتة عندنا واحد كان بيبيع مسكناه ضربنة مضربهوش

حمار فى مطلعب بس جاب ابوة وى علتو وكان معاهم رشاش


فا واحد اتصل بلجيش طلقة من هنا على طلقة منهنا جرو زى ال.................................:lolabove:

[Cute1]

خليك في حالك احسن
اصل كده كده الشرطة عارفنهم واحد واحد و مش بيعملوا حاجة

كفاية سلبية بقى

[I_Am_Legend]

انت لو تعرف حد من الشرطة واحد صاحبك مثلا او اريبك احكيلوا و هو ممكن يصرف او جمع اصحابك كلهم و كل اللي تقدر تجمعهم من المنطقة و بلغ الجيش مش الشرطة بس المهم ناس كتير تبلغ

[Fighter Cool]

و بعدين في الناس الي جايه تهزر متخلونيش اطردكو من الموضوع و هيبقي شكلكم وحش اوي :dizzy1:

[panto]

من رائي قول لناس كتير تبلغ مش انت بس وربنا معاك