المساعد الشخصي الرقمي

مشاهدة النسخة كاملة : قانون الطوارئ -شرح مفصل و مبسط فى فديو صغنتوت(غم) محبين مبارك يتفضلوا بالدخول


!_ToGoO_MorY_!
16-09-2011, 09:57 AM
بسم الله الرحمن الرحيم

AwJnIxlsjTE&feature

رأيك ايه بعد ما اتفرجت على الفديو ده ؟!!

شفت الذل الى كان ايامه ؟!

شفت المهانه ؟!

شفت التعذيب ودول شوية صغييرين من الى بيحصل

شفت الى اد ابوك واخوك واختك كان بيحصل فيهم ايه ؟!

يالى بتقول ليا راجل كبير الى هو المخلوع شفت كان بيحصل فى عهده ايه ؟!

لكن لأ وألف لأ للقانون الطوارىء

والكـلاب الجـذم ولاد الجـذم والى عملوه فى الناس دول

ربك مش هيعديها وهيتحسبوا دنيا واخرا

دمى اتحرق لما شفت الفديو

اعذرونى

حسبى الله ونعم الوكيل :guilty_h4h:

BackToKill
16-09-2011, 10:00 AM
حسبي الله ونعم الوكيل

MAXx__warrioR
16-09-2011, 02:22 PM
لول انتا بتهزر صح دا البت بتقول فى الاول انا الى اكلته لول دى هزار يا عم انتا صدقت !
:)
تلاقيها اكلت الساندوتش بتاع الولا

بص انا هقولك على حاجه قانون الطوارئ دا بيصداد البلطجيه وطول ما انتا ماشى فى السليم مش هتخاف منه الى خايفين منه الناس الى بتبقا عايزا تحشش بليل فى الهوا كدا برده ومش بتعرف فبتطر تحشش فى البيت لكن لو انتا راجل تمام متخفش وبطلوا اعتراض على اى حاجه مش عارف كله بقا مفكر نفسه بيفهم فى كله ومحدش بيفهم حاجه فى اى حاجه

Sky_AnGel
16-09-2011, 02:28 PM
حسبى الله ونعم الوكيل بيقولوا اية فى التلفزيون ان القانون مش حيطبق على سياسين ومعارضين لكن يتنفذ علينا احنا ماحنا الغلابة لازم نتبدهل

Just4Me
16-09-2011, 02:43 PM
لو انت ماشى سليم ومعكش مطاوى او مخدرات خايف من ايه ؟
نعم لقانون الطوارئ

Hossam Eldin
16-09-2011, 02:50 PM
انا اتحرق دمى بعد الفيديو دة والله

كلو كان محتمى بالبدلة الى لابسها ..مع انو من منغيرها كان ميسواش جزمة فى رجل اى راجل

بس هقول اة

حسبى الله و نعم الوكيل ...و قانون الطوارىء مش هيتطبق باذن الله

Hossam Eldin
16-09-2011, 02:54 PM
لو انت ماشى سليم ومعكش مطاوى او مخدرات خايف من ايه ؟
نعم لقانون الطوارئ



و دة على اساس اة ؟؟ ان قانون العقوبات بعافية اليومين دوول يعنى ؟ ولا انتا عايز تكبت الناس بقانون الطواءىء بتاعك ؟

مش عايز حد يفتح بقوا ؟ مش عايز حد يقول لا للظلم ؟


لا لقانون الطوارىء

MAXx__warrioR
16-09-2011, 03:04 PM
و دة على اساس اة ؟؟ ان قانون العقوبات بعافية اليومين دوول يعنى ؟ ولا انتا عايز تكبت الناس بقانون الطواءىء بتاعك ؟

مش عايز حد يفتح بقوا ؟ مش عايز حد يقول لا للظلم ؟


لا لقانون العقوبات

يا عم انتا بتتفرج على افلام اكشن كتير !

باطلوا الوهم الى انتوا فيه دا يا جدعان كله مفكر انه بقا بيفهم فى السياسه وهو ولا يعرؤف الالف من كوز الزره

ما تكمل الكلمه اسمها حق التظاهر السلمى انتا قلت تظاهر بس
والى حصل الجمعه الى فاتت دا مكنش سلملى خالص طلعت السفاره سرقت الشقق الى فيه العماره كلها (حراميه) رميته الورق (مجانين) رحتوا السفاره السعوديه وكسرتوا عربيتين هناك (بلطجيه ) فين السلمى بقا المفروض كان يتقبض عليكم الجمعه الى فاتت بس محصلش وكمان جاى تتبجح وعايز تعمل كدا الجمعادى بقت حاجه تنرفز الصراحه ناس ملهاش فى البطيخ وبتكلم عمال على بطال تلاقى واحد عاطل طالع مش عارف يقول الا كلمه واحد لا للانحراف عن مسار الثوره تقوله يعنى مسار يقولك مفرد مصارينك الى جوه معدتك ههههههههههههه

Hossam Eldin
16-09-2011, 03:11 PM
يا عم انتا بتتفرج على افلام اكشن كتير !

باطلوا الوهم الى انتوا فيه دا يا جدعان كله مفكر انه بقا بيفهم فى السياسه وهو ولا يعرؤف الالف من كوز الزره

ما تكمل الكلمه اسمها حق التظاهر السلمى انتا قلت تظاهر بس
والى حصل الجمعه الى فاتت دا مكنش سلملى خالص طلعت السفاره سرقت الشقق الى فيه العماره كلها (حراميه) رميته الورق (مجانين) رحتوا السفاره السعوديه وكسرتوا عربيتين هناك (بلطجيه ) فين السلمى بقا المفروض كان يتقبض عليكم الجمعه الى فاتت بس محصلش وكمان جاى تتبجح وعايز تعمل كدا الجمعادى بقت حاجه تنرفز الصراحه ناس ملهاش فى البطيخ وبتكلم عمال على بطال تلاقى واحد عاطل طالع مش عارف يقول الا كلمه واحد لا للانحراف عن مسار الثوره تقوله يعنى مسار يقولك مفرد مصارينك الى جوه معدتك ههههههههههههه

طيب ماشى انا مبفهمش الالف من كووز الدرة بس هرد عليك...

حق التظاهر السلمى ؟؟ والله ؟؟؟ انتا عايز تبنيلى صوور ادام السفارة اسرائيل و متكلمش ؟؟ سفارة الناس الى قتلو 6 من ولاد بلدى على الحدود؟؟ كنتى فين يا حكومة ساعتها ؟ بتاخدى دش ؟ مردتيش ب اى حاجة

لا و كمان اةةة ؟؟ اسرائيل ترفض الاعتزار....يا صلاة النبى مش عايزنى اتكلم و ادغدغ الصور الى انتا بانية على دماغك ؟


خد دى كمان .... وزارة الداخلية كانت تعلم تمام العلم ان فى حركات عدائية هتحصل على السفارتين
بس بدل م تستخدم كل الوسائل المستخدمة لفض المظاهرات من قفل الشوارع الخ الخ الخ ...

دى فضت المكان من الامن

خد دى كمان

الالتراس الى كلو كان بيتحامل علية معملوش حاجة و اتشاف ناس من احقر جماعة فى مصر ( احنا اسفين يا ريس ) و هما الى كانوا بيكسوا ..صح؟؟ اة طبعا صح ..

و بعدين اهدى على نفسك شوية دى مش خناقة و مترميش بالكلام ..مش عارفين الالف من كوز الدرة...اة طيب

Hossam Eldin
16-09-2011, 03:12 PM
و بعدين انتا مرديش برضوا ؟ هوا قانون العقوبات بعافية شوية اليومين دوول؟

لية قانون الطوارىء.

Loleta
16-09-2011, 03:43 PM
بلنسبة لقانون الطورىء الايام دى معاهم حق طبعا بعد الى حصل فى الجمعة الى فاتت
والى ماشى فى السليم مش هيخاف منو

MAXx__warrioR
16-09-2011, 03:48 PM
لول ولما طلعت الفاره ورميت الورق خلاص كدا استريحت
جبلى جمعه واحده من بعد الثوره الشعب عمل فيها الى هو عايزه ودا اكبر دليل ان المظاهرات ماهياش الحل
جمعه تحسين مستوى المعيشه ,,,,, النتيجه ,,,,,, الاقتصاد خسر 7 مليار فى جلسه واحده
جمعه علشان تثبت ان مصر بقت دوله لها سيادتها الى هيا الى فاتت ,,,,, العالم كله بقا شايفنا همج دلوقتى وسياده الدوله بقت على الارض
علشان البطاله .... واحد قريبى خريج سياحه وفنادق فضل سنتين علشان يشتغل ويدوبك اشتغل 4 اسابيع وقامت الثوره واطرد من الشغل لان معتش فى سياح بيوجوا والشركات بقت بتدفع مرتبات على الفاضى ومع ذالك ملعنش فى الثوره نفسها لعن فى الى كل يوم جمعه طالعين عمال على بطال ولا بتفهم فى حاجه ولا نيله
كلمه جميله سمعتها فى برنامج على التلفزيون
مصر شبه القطر الواقف والشعب شبه السواق الغبى الى علشان القطر يمشى عمال يضرب كلكسات مستنى معجزه تحصل والقطر يمشى والمفروض يبطل يضرب كلكس وينزل من على القطر ويشتغل ويصلح فيه هتاخد يوم اتنين تلاته وهيمشى حاله تانى لكن بالكلاكس !

™_Blast_™
16-09-2011, 03:49 PM
هما مؤيدين مبارك عايشين معانا في البلد دي؟!

Hossam Eldin
16-09-2011, 03:51 PM
بلنسبة لقانون الطورىء الايام دى معاهم حق طبعا بعد الى حصل فى الجمعة الى فاتت
والى ماشى فى السليم مش هيخاف منو


يا سبحاااان الله

مقولنااا قانون العقوبات

Hossam Eldin
16-09-2011, 03:53 PM
لول ولما طلعت الفاره ورميت الورق خلاص كدا استريحت
جبلى جمعه واحده من بعد الثوره الشعب عمل فيها الى هو عايزه ودا اكبر دليل ان المظاهرات ماهياش الحل
جمعه تحسين مستوى المعيشه ,,,,, النتيجه ,,,,,, الاقتصاد خسر 7 مليار فى جلسه واحده
جمعه علشان تثبت ان مصر بقت دوله لها سيادتها الى هيا الى فاتت ,,,,, العالم كله بقا شايفنا همج دلوقتى وسياده الدوله بقت على الارض
علشان البطاله .... واحد قريبى خريج سياحه وفنادق فضل سنتين علشان يشتغل ويدوبك اشتغل 4 اسابيع وقامت الثوره واطرد من الشغل لان معتش فى سياح بيوجوا والشركات بقت بتدفع مرتبات على الفاضى ومع ذالك ملعنش فى الثوره نفسها لعن فى الى كل يوم جمعه طالعين عمال على بطال ولا بتفهم فى حاجه ولا نيله
كلمه جميله سمعتها فى برنامج على التلفزيون
مصر شبه القطر الواقف والشعب شبه السواق الغبى الى علشان القطر يمشى عمال يضرب كلكسات مستنى معجزه تحصل والقطر يمشى والمفروض يبطل يضرب كلكس وينزل من على القطر ويشتغل ويصلح فيه هتاخد يوم اتنين تلاته وهيمشى حاله تانى لكن بالكلاكس !

هوا انتا كدا ؟؟؟ لما بتتشفر بتدخل فى اى فسيخ ؟

اة علاقة الكلام العبقرى الى حضرتك عمال بتقولة دة بقانون العقوبات ؟

و كمان قولنا..و للمرة المليوون

سالنا سوال و مستنين اجابة...حضرتك سعادتك عايز تطبق قانون الطوارىء لية مدام قانون العقوبات شغال ؟

Hossam Eldin
16-09-2011, 03:56 PM
هما مؤيدين مبارك عايشين معانا في البلد دي؟!

يا عمدى ناس تعبانة

دة بيقولك فى احداث السفارة ققرت جماعة احنا اسفين يا ريس بالنسحاب نظرا لقدوم جماعات الالتراس

و هما فضلو موجودين اساسا و هما سبب المشكلة

و حتى ...على اساس انهم جماعات غفيرة و حشود لا حصر لها ...ناس تعبانة و كلامهم حمضان

ღ♥_ akeml _♥ღ
16-09-2011, 11:26 PM
قانون الطوارء بيودش الا اللي عليهم عقوبات ودلو السجن قبل كدة والبلطجية دة اتعمل علشان كدة

تجيلي بقي واحد من المنتدي عندو 15 يقولي

لا لقانون الطوارء هو ايه انتو متاكدين انكم تعرفو حاجة في السياسة

:dizzy1:

DeviL BrotheR
17-09-2011, 12:10 AM
حسبى الله ونعم الوكيل هو مبارك هيروح من ربنا فين

Just4Me
17-09-2011, 12:10 AM
هو انت مش شايف الوساخة و السرقة العلنى الفى الشوارع ولا ايه ؟
البلطجية بس المش عايزين القانون و العواطلية بتوع كل جمعة
انا لو مكان الجيش كنت اعدم بتوع السفارة فى ميدان عام
عشان المكان ده دبلوماسى مينفعش الهبل البيحصل عنده

!_ToGoO_MorY_!
17-09-2011, 12:13 AM
قانون الطوارء بيودش الا اللي عليهم عقوبات ودلو السجن قبل كدة والبلطجية دة اتعمل علشان كدة

تجيلي بقي واحد من المنتدي عندو 15 يقولي

لا لقانون الطوارء هو ايه انتو متاكدين انكم تعرفو حاجة في السياسة

:dizzy1:



عليا النعمه يا جدع موتنى من الضحك انت و Max Warrior

هههههههههههههههههههههههههههههههههههههه

فاكر ان الشرطه هتاخد البلطجيه بس والخارجين على القانون :roflmao::roflmao:

موت يا حمـار

يا باشا فى كراهيه شديده دلوقتى بين الشعب والشرطه لو تعرف

انا قدام عينى الظابط قايل لواحد زميله فى المحل جنبى قايل

ورحمة امى ما نازلين ولا هنقفش بلطجيه الا لما نخليهم زى الكلاب يجروا ورانا !!

وتقولى هيقفش بلطجيه

لأ ده هيطلعوا عين ام الشعب عشان يزلوهم

شفت الفديو ؟

شفت التعذيب الى كان بيجرا ؟ بسبب قانون الطوارىء ؟

ده بسبب قانون الطوارىء مسكوا راجل كبير فى السن عنده 65 سنه

وده كله عشان ربى دقنه وبقى يصلى وماشى فى حال سبيله جنب الحيط

ووالله اقسم بالله ما نعرف عنه اى حاجه وحشه وطول عمره فى حاله وراجل طيب

مسكوه راح القسم عذبوه ونفخوه لحد ما كان راجع وشه غير الوش الى راح بيه

وده كله لما قوموا محامى قال له الظابط ابقى قابلنى قانون الطوارىء فى صفنا

وهو مشتبه بأنه فى جماعه تكفريه !!

هههههههههههههههه

ويقولى بلطجيه ههههههههههههه

!_ToGoO_MorY_!
17-09-2011, 12:15 AM
هو انت مش شايف الوساخة و السرقة العلنى الفى الشوارع ولا ايه ؟
البلطجية بس المش عايزين القانون و العواطلية بتوع كل جمعة
انا لو مكان الجيش كنت اعدم بتوع السفارة فى ميدان عام
عشان المكان ده دبلوماسى مينفعش الهبل البيحصل عنده

لول

وفين يا باشا دور الشرطه الى تمسك الناس دى وهما مسجلين عندهم فى القسم ومعروفين !!

فين قانون العقوبات ؟

فين الشرطه ايام ما هربت وسيبت البلطجيه فى الشارع ولحد دلوقتى الراجل الى كان واخد 25 سنه سجن

لسه اقسم بالله قاعد فى بيته ومتهنى بسبب انه هرب من السجن ايام الثوره

وتم البلاغ عليه

ولا حياة لمن تنادى

Hossam Eldin
17-09-2011, 12:18 AM
هو انت مش شايف الوساخة و السرقة العلنى الفى الشوارع ولا ايه ؟
البلطجية بس المش عايزين القانون و العواطلية بتوع كل جمعة
انا لو مكان الجيش كنت اعدم بتوع السفارة فى ميدان عام
عشان المكان ده دبلوماسى مينفعش الهبل البيحصل عنده

دبلوماسى اة.... والناس الى ماتت ؟؟ اة ظروفهم معاك ؟؟ و لما هوا مكان دبلوماسى ..سايبينوا منغير تامين لية ؟

Hossam Eldin
17-09-2011, 12:20 AM
قانون الطوارء بيودش الا اللي عليهم عقوبات ودلو السجن قبل كدة والبلطجية دة اتعمل علشان كدة

تجيلي بقي واحد من المنتدي عندو 15 يقولي

لا لقانون الطوارء هو ايه انتو متاكدين انكم تعرفو حاجة في السياسة

:dizzy1:


لا انتا قول اى حاجة انا مش هكلمك ولا هرد ولا هقولك حاجة ... عارف لية ؟ ولا بلاش

بص انا هقولك حكمة سمعتها زمان


لا يتواضــــــــع الا الـكـــــــبـــــيــر
ولا يتــــــكـــــبــر إلا الحــــــقيــــــر
ولا تقـاس العــــقول بالأعــــــــمار
فكم من صغــير عقــــله بــــــــارع
وكم من كبــير عقــــــله فــــــــارغ


اتمنى تكون فهمت...كمان انا 18 سنة مش 15

Hossam Eldin
17-09-2011, 12:22 AM
قانون الطوارء بيودش الا اللي عليهم عقوبات ودلو السجن قبل كدة والبلطجية دة اتعمل علشان كدة

تجيلي بقي واحد من المنتدي عندو 15 يقولي

لا لقانون الطوارء هو ايه انتو متاكدين انكم تعرفو حاجة في السياسة

:dizzy1:


و كمان بص على توجو مورى ...جابلك المفيد كلو...يا رب تكون فهمت

!_ToGoO_MorY_!
17-09-2011, 12:26 AM
روحوا شوفوا تركيا عملت ايه اول ما اسرائيل تحرشت بيها

طرد السفير على طول

احنا

نطــالب بأعتذار اسرائيل

الرد

اسرائيل ترفض الأعتذار

مستنى ايه حضرتك من الشعب ومن ام ابنها مات

ومن ابن عنده 2 سنه ابوه مات ؟

ومن اخ اخوه لسه 22 سنه ؟

عاوز ايه يعنى ؟

Just4Me
17-09-2011, 12:32 AM
لول

وفين يا باشا دور الشرطه الى تمسك الناس دى وهما مسجلين عندهم فى القسم ومعروفين !!

فين قانون العقوبات ؟

فين الشرطه ايام ما هربت وسيبت البلطجيه فى الشارع ولحد دلوقتى الراجل الى كان واخد 25 سنه سجن

لسه اقسم بالله قاعد فى بيته ومتهنى بسبب انه هرب من السجن ايام الثوره

وتم البلاغ عليه

ولا حياة لمن تنادى
اكيد الشرطة مش هترجع زى الاول لان كل واحد شايف نفسه صح و عامل نفسه فاهم كل حاجة و المشكلة ان الشعب كله عامل نفسه سوبرمان فى السياسة
لما الشعب يلم نفسه الشرطة ترجع
دبلوماسى اة.... والناس الى ماتت ؟؟ اة ظروفهم معاك ؟؟ و لما هوا مكان دبلوماسى ..سايبينوا منغير تامين لية ؟

اكيد الحكومة مش هتعمل حاجة عشان الضغط المن الشعب
المكان الاول كان فيه جيش و شرطة بس انسحيو عشان الهمج بتوع الميدان

Hossam Eldin
17-09-2011, 12:37 AM
اكيد الشرطة مش هترجع زى الاول لان كل واحد شايف نفسه صح و عامل نفسه فاهم كل حاجة و المشكلة ان الشعب كله عامل نفسه سوبرمان فى السياسة
لما الشعب يلم نفسه الشرطة ترجع

اكيد الحكومة مش هتعمل حاجة عشان الضغط المن الشعب
المكان الاول كان فيه جيش و شرطة بس انسحيو عشان الهمج بتوع الميدان

كابتن كابتن....اة الهلس دة ؟

و ميين قال لحضرتك ان احنا عايزين الشرطة ترجع زى الاول...اول اة الى احنا عايزينها ترجعلوا ..
واضح ان حضرتك معندكش اى خلفية عن الشرطة قبل 25 يناير ...بص الفيديوا الى الموضوع دة معمول علشان ااساسا ممكن يوضحلك انا قصدى اة ..

كمان شعب ميين الى يلم نفسوا .. هوا متبعطر... دة والله احنا بناخد حقنا احسن من 100 حكومة

الحكومة تطالب بالاعتذار و اسرائيل ترفض...الشعب بقى طرد السفير زى تركيا ..بس بطريقتة الخاصة ..

بالنسبة لموضوع سوبر مان الى فى االسياسة ..دة عادى .. كل الناس لازم تفهم فى السياسة علشان تعرف تختار

امال نبقى زى الحمير بنتساق و بس ولا اية ؟ ...

!_ToGoO_MorY_!
17-09-2011, 01:11 AM
شعب يلم نفسه

لوووووووووووول

شعب مقهور ممنوع عنه كل حاجه

شعب طول عمره بيضحك عليه

شعب النظام لهاه بماتش كوره وحرق كنيسه وحادثة قطار

وده كله من غير ما يفتح بقه بسبب ايه بقى ؟

الحكومه والنظام وامن الدوله والى كان بيفتح بقه كان بياخد على عين امه ويتعذب

كتير مش عاوزين نفتح

وتقولى شعب يتلم

لول

Mysterious
17-09-2011, 01:15 AM
حسبى الله و نعم الوكيل

Hossam Eldin
17-09-2011, 01:20 AM
شعب يلم نفسه

لوووووووووووول

شعب مقهور ممنوع عنه كل حاجه

شعب طول عمره بيضحك عليه

شعب النظام لهاه بماتش كوره وحرق كنيسه وحادثة قطار

وده كله من غير ما يفتح بقه بسبب ايه بقى ؟

الحكومه والنظام وامن الدوله والى كان بيفتح بقه كان بياخد على عين امه ويتعذب

كتير مش عاوزين نفتح

وتقولى شعب يتلم

لول
يا بوب كبر دماغك..دى ناس عندها 15 سنة و مبتفهمش فى السياسة و بتقول نعم لقانون الطوارىء(مبفكركش بحد ) xDDD:vampire:

!_ToGoO_MorY_!
17-09-2011, 01:39 AM
يا بوب كبر دماغك..دى ناس عندها 15 سنة و مبتفهمش فى السياسة و بتقول نعم لقانون الطوارىء(مبفكركش بحد ) xddd:vampire:

لأ احترم رأى غيرك

واحنا نرد عليه بأحترام

وانتا رأيك جميل فى الموضوع ده

Hossam Eldin
17-09-2011, 01:42 AM
لأ احترم رأى غيرك

واحنا نرد عليه بأحترام

وانتا رأيك جميل فى الموضوع ده

والله محترم كل الردود ..دة انا لو مش محترمها كنت طفشت من اول رد ل ماكس واريور :ill_h4h:

ربنا يخليك انتا اجمل xDD

Hossam Eldin
17-09-2011, 01:45 AM
يلاهوااز...انا كنت كاتب لا لقانون العقوبات...غلطة مطبعية يا جماعة..الطوارىء يحرق اهلو و سنينوا

ღ♥_ akeml _♥ღ
17-09-2011, 01:50 AM
اوكي يا عم احنا مبنفهمش علي رايك بس اقولك انت خايف نت قانون الطوترء تبقي

اكيد بلطجي او حرامي او اي حاجة من دي ما هما دول اللي بيخافو من الطوارء

وانا اي حد بيقولي انا خايف من الطوارء بعتبرو بلطجي وهو دة رادي بس علي كلامك الوحيد

ღ♥_ akeml _♥ღ
17-09-2011, 01:54 AM
وكمان كاتب معجبين مبارك يدخلو

هو كل واحد عاوز يحمي نفسو وبناتو وعيال من البلطجية

يبقي معجبين مبارك
ونبي بلاش جهل

Hossam Eldin
17-09-2011, 01:54 AM
اوكي يا عم احنا مبنفهمش علي رايك بس اقولك انت خايف نت قانون الطوترء تبقي

اكيد بلطجي او حرامي او اي حاجة من دي ما هما دول اللي بيخافو من الطوارء

وانا اي حد بيقولي انا خايف من الطوارء بعتبرو بلطجي وهو دة رادي بس علي كلامك الوحيد

بص ... لو فى رد ليا بقول فية ان انتا مبتفهمش حاجة ادينى طرد نهائى..دة بداية الكلام

ثانيا بقى اقولك من وجهة نظرى المتواضعة لية انا خايف من قانون الطواءىء

بالصلاة على النبى كدا المجلس العسكرى عايز يحط قانون يبقى سيف على رقبة كل متظاهر يفتح بقوا..

هيسحبك كدا و يقولك انتا بلطجىء و بتثير الراى العام و هينفخك بالبلدى

و قولناها 530 مرة قبل كدا ...مفيش مبرر لتفعيل قانون الطوارىء مادام قانون العقوابت سارى

معلش فى الكلمة انتا مش عارف تطبقوا و تمشى كلامك بنظام عسكرى صح .. دى حاجة بتاعتك انتا

Hossam Eldin
17-09-2011, 01:56 AM
وكمان كاتب معجبين مبارك يدخلو

هو كل واحد عاوز يحمي نفسو وبناتو وعيال من البلطجية

يبقي معجبين مبارك
ونبي بلاش جهل

:lol3:

معلش احنا ناس جاهلة حبتين

ღ♥_ akeml _♥ღ
17-09-2011, 02:00 AM
وكمان كاتب معجبين مبارك يدخلو

هو كل واحد عاوز يحمي نفسو وبناتو وعيال من البلطجية

يبقي معجبين مبارك
ونبي بلاش جهل


انت بتقول ايديك طرد واديك طرد ليه انا ممتلكش صلاحيات اني اديك طرد

ولو امتك الصلاحيات مش هديك طرد علشان الخلاف في الرء لايفسد الود في القضية

انا قصدي علي البلطجية الا في الشوارع والا بتقف علي الطريق تقلب الناس والحرامية ودول فهمت قصدي

مش كل حاجة ع الجيش علي الاقل الحكومة تنزل شوية

تصدق بالله ان احنا لسة مسكين حرامي دلوقتي والله كان في العمارة اللي جنبنا وكان معاه طبنجة

والله بتكلم بجد

Hossam Eldin
17-09-2011, 02:05 AM
وكمان كاتب معجبين مبارك يدخلو

هو كل واحد عاوز يحمي نفسو وبناتو وعيال من البلطجية

يبقي معجبين مبارك
ونبي بلاش جهل


انت بتقول ايديك طرد واديك طرد ليه انا ممتلكش صلاحيات اني اديك طرد

ولو امتك الصلاحيات مش هديك طرد علشان الخلاف في الرء لايفسد الود في القضية

انا قصدي علي البلطجية الا في الشوارع والا بتقف علي الطريق تقلب الناس والحرامية ودول فهمت قصدي

مش كل حاجة ع الجيش علي الاقل الحكومة تنزل شوية

تصدق بالله ان احنا لسة مسكين حرامي دلوقتي والله كان في العمارة اللي جنبنا وكان معاه طبنجة

والله بتكلم بجد



تصدق بالله ... والله العظيم انا تعبت ...:sad1:... انا حاسس ان انا بكلم نفسى و محدش بيفهم(او مش عايز يفهم)

مش عارف بقى ..طيب بالصلاة على النبى ...اول كلامنا ..انا بقولك ادينى طرد نهائى و دة لثقتى انك بتتبلى عليا و بتقول ان انا قولت عليك مش بتفهم...

تانى كلامنا...البلطجية الى بتتكلم عليهم دوول وديهم قسم شرطة ..لو لقيت فى حد ..هيطبق علية قانون العقوبات و هيتحبس و هيطلع .......تمام ؟

مش كل حاجة على الجيش ..ماشى ...الحكومة مش عايزة تنزل بمزاجها مش متهضة يعنى..

بالنسبة للطبنجة ...مش عارف بقى

Hossam Eldin
17-09-2011, 02:08 AM
وكمان كاتب معجبين مبارك يدخلو

هو كل واحد عاوز يحمي نفسو وبناتو وعيال من البلطجية

يبقي معجبين مبارك
ونبي بلاش جهل

على فكرة وكتاب الله انا مقولتش معجبين مبارك...انا كلامى كان واضح ( جماعة احنا اسفين يا ريس ) كانوا موجودين فى احداث السفارة.. و لو كدبتنى بدليل واحد ... انا هشنق نفسى ..و اموت كافر علشان خاطرك :ill_h4h::ill_h4h:

ღ♥_ akeml _♥ღ
17-09-2011, 02:09 AM
انا هقولك حاجة

ام حد من عيلتكم بلطجي يقتلو او يسرقو او يغتصب حد من عندكم وا ينصب عليكم وتروحو القسم تقدمو فيه شكوة والقاضية تقعد في المحاكم تالت او اربع سنين وفي الاخر البلطجي يا خد شهرين حبس

هتعرف ان قانون الطوارء كان هيجبلك حقق

Hossam Eldin
17-09-2011, 02:13 AM
انا هقولك حاجة

ام حد من عيلتكم بلطجي يقتلو او يسرقو او يغتصب حد من عندكم وا ينصب عليكم وتروحو القسم تقدمو فيه شكوة والقاضية تقعد في المحاكم تالت او اربع سنين وفي الاخر البلطجي يا خد شهرين حبس

هتعرف ان قانون الطوارء كان هيجبلك حقق


انا زهقت .. طب والله م انا رادد

!_ToGoO_MorY_!
17-09-2011, 02:32 AM
تصدق وتؤمن بمين يا سعد

اقسم بالله منزل الموضوع وعارف انك هترد زى ما كل مره بتعمل وهتعيد وتزيد فى الكلام

وانا بتخنق

كل شويه تقول حاجه ارد عليها تقوم جايبها تانى واانا ردادد عليها قبل كده

لحد ما اتخنقت والله من اسلوبك

اسلوبك بيعتمد على التكرار فى الكلام والكلام ده مترد عليه

وانا والله ما كنت عاوز انزله عشان كده

وهتفضل تمسكلى فى الصغيره وتقول ليا محبين مبارك ومش عارف ايه

بص عاوز تجادلنى رد عليا نقطه نقطه وكلمه كلمه فى كل رد من ردودى زى ما انا بعمل

اوك ؟

Hossam Eldin
17-09-2011, 02:37 AM
تصدق وتؤمن بمين يا سعد

اقسم بالله منزل الموضوع وعارف انك هترد زى ما كل مره بتعمل وهتعيد وتزيد فى الكلام

وانا بتخنق

كل شويه تقول حاجه ارد عليها تقوم جايبها تانى واانا ردادد عليها قبل كده

لحد ما اتخنقت والله من اسلوبك

اسلوبك بيعتمد على التكرار فى الكلام والكلام ده مترد عليه

وانا والله ما كنت عاوز انزله عشان كده

وهتفضل تمسكلى فى الصغيره وتقول ليا محبين مبارك ومش عارف ايه

بص عاوز تجادلنى رد عليا نقطه نقطه وكلمه كلمه فى كل رد من ردودى زى ما انا بعمل

اوك ؟



انا طلع عينى و حاسس ان انا معملتش حاجة و ان هوا مستوعبش اى حاجة :indifferent_h4h:

Loleta
17-09-2011, 02:43 AM
يا سبحاااان الله

مقولنااا قانون العقوبات
سبحان الله انت انا بكلم با احترام
بص يبابا يتكلم عدل يا متعمليش اقتباس بلاش شغل اطفال بق

ღ♥_ akeml _♥ღ
17-09-2011, 02:44 AM
خلاص يا جدعان

بلاش الوحد يحرص علي نفسو من البلطجية بلاش ابي يطمن علي بنتو او ابنو

اوكي خلص الكلام

Hossam Eldin
17-09-2011, 02:45 AM
سبحان الله انت انا بكلم با احترام
بص يبابا يتكلم عدل يا متعمليش اقتباس بلاش شغل اطفال بق


يا

سبحان

الله

مقولنا

قانون

العقوباات

فين الكلمة السافلة قليلة الادب الى جرحت احساس حضرتك و شايف ان انا لازم افكر قبل م اقولها ؟

سبحان الله ناس بتدور على شكل وخلاص ..

Loleta
17-09-2011, 02:48 AM
يا

سبحان

الله

مقولنا

قانون

العقوباات

فين الكلمة السافلة قليلة الادب الى جرحت احساس حضرتك و شايف ان انا لازم افكر قبل م اقولها ؟

سبحان الله ناس بتدور على شكل وخلاص ..
كلمة سبحان الله مش مكانها خالص

وايه شكل دى؟ وضح ونبى

Hossam Eldin
17-09-2011, 02:50 AM
كلمة سبحان الله مش مكانها خالص

وايه شكل دى؟ وضح ونبى

يعنى اة مش فى مكانها ؟؟؟ ...معلش والنبى انتا الى توضح

!_ToGoO_MorY_!
17-09-2011, 02:55 AM
قسما بالله

الى هيتكلم بأسلوب غير مناسب لأكون مبلغ فى طرده

تتكلم عدل فوق دماغى هتتكلم بأسلوب اطفال ومش هتحترم رأى غيرك

معلش متتكلمش احسن

Loleta
17-09-2011, 03:08 AM
يعنى اة مش فى مكانها ؟؟؟ ...معلش والنبى انتا الى توضح

معلش مقدرش اوضح اكتر من كده

لو سمحت سيب كل واحد يعبر عن رائيو

Hossam Eldin
17-09-2011, 03:10 AM
معلش مقدرش اوضح اكتر من كده

لو سمحت سيب كل واحد يعبر عن رائيو

يعنى اة متقدرش ؟؟ انتا تتهمنى بالغلط و تقولى اتكلم عدل ... و كمان مش عايز تقول لية ؟؟

لا والله ؟


و انا اسيب كل واحد يعبر عن رايوا ؟؟ الكلام دة موجة ليا انا ؟ ازااى يعنى ؟

والله انتا الى معترض مش انا ... و بعد كدا توضح انتا معترض لية .. مش اى كلام و خلاص

اة دة !!

Loleta
17-09-2011, 03:18 AM
يعنى اة متقدرش ؟؟ انتا تتهمنى بالغلط و تقولى اتكلم عدل ... و كمان مش عايز تقول لية ؟؟

لا والله ؟


و انا اسيب كل واحد يعبر عن رايوا ؟؟ الكلام دة موجة ليا انا ؟ ازااى يعنى ؟

والله انتا الى معترض مش انا ... و بعد كدا توضح انتا معترض لية .. مش اى كلام و خلاص

اة دة !!
اقسملك ان كلامك ملوه معنى
وبلنسبة لـ اسيب كل واحد يعبر عن رايو راجع اقتباسك من just4me

Hossam Eldin
17-09-2011, 03:23 AM
اقسملك ان كلامك ملوه معنى
وبلنسبة لـ اسيب كل واحد يعبر عن رايو راجع اقتباسك من just4me


طيب

الى تشوفوا

صدق من قال

خاطبوا الناس على قدر عقولهم

Loleta
17-09-2011, 03:30 AM
طيب

الى تشوفوا

صدق من قال

خاطبوا الناس على قدر عقولهم
صح خاطبنى على قد عقلى

بس احب اقولك بغض النظر عن كون ان عقلى صغير

انت انسان مستفز

THe_game01
17-09-2011, 03:32 AM
و بعدين انتا مرديش برضوا ؟ هوا قانون العقوبات بعافية شوية اليومين دوول؟

لية قانون الطوارىء.

بس انا هقولك على حاجة ممكن انت متكونش من منطقة شعبية احنا عندنا البلطجة 24-7
و الحشيش و الدنيا خربنا
ائدم انت فى السليم هتخف لية لزم يكون فية قانون الطورئ عشان يظبوت الناس دى الناس الايام دى باء كلو معة ماطوى و مسدست و رشاشات و الخ و الخ انت مش بتسمع على الى بيحصل ولا اية ٌٌ

Hossam Eldin
17-09-2011, 03:32 AM
صح خاطبنى على قد عقلى

بس احب اقولك بغض النظر عن كون ان عقلى صغير

انت انسان مستفز

ماشى ..

لسة فى كلام تانى تحب تقولو ا؟

Hossam Eldin
17-09-2011, 03:35 AM
بس انا هقولك على حاجة ممكن انت متكونش من منطقة شعبية احنا عندنا البلطجة 24-7
و الحشيش و الدنيا خربنا
ائدم انت فى السليم هتخف لية لزم يكون فية قانون الطورئ عشان يظبوت الناس دى الناس الايام دى باء كلو معة ماطوى و مسدست و رشاشات و الخ و الخ انت مش بتسمع على الى بيحصل ولا اية ٌٌ

انا مش من منطقة شبعية ...و كمان فى الامان xDDD

انا من امبابة .. شوف تحب تصنفها اة و صنفها ... و انتا مش مدرك كل الزوايا الى بيتلعب عليها فى قانون الطوارىء xDD

Hossam Eldin
17-09-2011, 03:37 AM
بس انا هقولك على حاجة ممكن انت متكونش من منطقة شعبية احنا عندنا البلطجة 24-7
و الحشيش و الدنيا خربنا
ائدم انت فى السليم هتخف لية لزم يكون فية قانون الطورئ عشان يظبوت الناس دى الناس الايام دى باء كلو معة ماطوى و مسدست و رشاشات و الخ و الخ انت مش بتسمع على الى بيحصل ولا اية ٌٌ

بس بصراحة و منغير زعل ... انتا Over اوى

اجرام اة الى 24/7 دة ؟ و مسدسات و رشاشات و مطاوى ؟؟ لية يا عم انتا ساكن فين..

Loleta
17-09-2011, 03:38 AM
ماشى ..

لسة فى كلام تانى تحب تقولو ا؟
لا خلاص بس كت حابب اقول الى فى نفسى

Hossam Eldin
17-09-2011, 03:39 AM
لا خلاص بس كت حابب اقول الى فى نفسى

طيب الحمد لله

شكراا للعضو الكريم

TheGraVe
17-09-2011, 03:51 AM
انت بتتفرجوا بسرجوا انا شفت بعينى واحد بيعملوا
معاه عمايل فى قسم قريش معملهاش مع
العبيد حجات والله انتوا متتخيلوهاش

و حسبى الله و نعمه الوكيل
فى كل ظالم

GaKsoN
17-09-2011, 04:39 AM
ياجدعان ماشى حتى لو نقول قانون الطوارىء ده بتاع البلطجيه و الحراميه زاى ما بعض الناس بتقول ..

ياعنى ايه ناخود واحد نكسر برجلته كده..

ياعنى واحد زاى سيد الكبير الى فيه الفديو ده عايش ازاى ديلوئتى ؟ :(

نظرة الناس ليه ايه ؟؟

ده لو كافر يا جدع :@

مينفعش يحصل فيه كده ..

ربنا بيرحم

حسبنا الله و نعم الوكيل

!_ToGoO_MorY_!
17-09-2011, 04:58 AM
ياجدعان ماشى حتى لو نقول قانون الطوارىء ده بتاع البلطجيه و الحراميه زاى ما بعض الناس بتقول ..

ياعنى ايه ناخود واحد نكسر برجلته كده..

ياعنى واحد زاى سيد الكبير الى فيه الفديو ده عايش ازاى ديلوئتى ؟ :(

نظرة الناس ليه ايه ؟؟

ده لو كافر يا جدع :@

مينفعش يحصل فيه كده ..

ربنا بيرحم

حسبنا الله و نعم الوكيل

نفس كلامى والله يا محمد

apo3li
17-09-2011, 06:20 AM
اكيد دول حراميه او شمامين يبقى يستاهلو واديك شايف البلد منغير حكومه عامله ازاى
دلوقتى تكلم اى حد يقولك ك.... الحكومه
لو انت سليم مش هتتعرض لحاجه زى كده


بس برضه لا للطوارىء

y0y0elGeN
17-09-2011, 11:38 AM
بص يا ابنى انت و هو من الاخر مش حد هيعرف ايه قانون الطوارى اقولك انا

لما يكون خالك شاب عندو 17 سنه و يتاخد السجن مع انو عيل صغير لا و متاخد سياسى ليه علشان لابس جلبيه بيضا و خارج من الجامع يوم الجمعه !!!

و يقعد احلى فطره فى عمر الانسان فتره الشباب الى كل واحد فينامستغلها جامد اووى الى بيحشش الايام دى و الى بيلعب و الى شايف نفسو حريم و خروجات و هو و ناااااس تانى كتير زيه مش لاقيين يقعدو مع بعض حتى مش عارفيين يتكلمو ياكلو حتى يتعبدو لربنا كانو بيخليهم برا السجن 10 دقايق و يرجعوهم الزنازيين مش الفيديو الى بيوضح شويه ظباط بيضربو عيال الى منهم تاجر مش عارف ايه و التانى الى ممسوك حرامى والبنت الى مش عارفه ايه يعنى كل واحد و نيتو بقا لكن علشان كان لابس جلبيه يتسجن 15 سنه !!! ليه حرام ولاا حلال بالله عليك قولى دا قانون الطوارى كل ظابط من دول كان عندو تارجت ( هدف ) يقول انهارده همسك 15 واحد يطلع هو اصحابو يتنافسو ميين يمسك اكتر و لو مش مصدقنى اسال والدك و ولدتك تقولك على الى كان بيحصل و الى عاوزنى اكمل الكلام يقولى سلامى ختامى

√ U Are Mine √
17-09-2011, 01:29 PM
لا لـ قـانـون الـطـوارئ

poiu
17-09-2011, 04:51 PM
ربنا ينتقم منهم كلهم

ii_MaTRiX_ii
17-09-2011, 05:16 PM
هى البلد محتاجه قانون طوارىء علشان تقبض على واحد حرامى ؟؟ على واحد ماسك سلاح ؟؟ على واحد محشش ؟؟

على كده البلاد اللى مش طبقه القانون ايه نظامها ؟؟ فوضى على كده ؟؟ لا والله بلاد زى الفل واحسن مننا فى الامن مليوووون مره

للاسف يا شباب الشرطه بتاعتنا مش متعوده غير على الوساخه علشان كده مش راضيين يرجوا ويعاملوا الناس بأحترام

وواحد بيقول مش بيضر منه غير الحراميه والبلطجيه .. احب اقوله لما تكبر هتعرف

teto333
17-09-2011, 05:35 PM
اقولك حاجا ادام انت ماشي سليم مش معاك حااجا هتخاف ليه من قانون الطورائ ؟؟

ياعم احنا عندنا المطاوي و الفرد و كل حاجا ف الشارع ايسي و المخدرات يعني الدنيا هترجع تاني لما قانون الطوارئ ده يرجع حتي ع الاقل الواحد يبقي مطمن ع اختو او امو وهي ماشيه ف الشارع

WadCool
17-09-2011, 06:04 PM
مع احترامي لارئكم جميعا انا مع عوده قانون الطوارئ 100%

حال البلد محتاج قانون طوارئ رايك يا احمد علي راسي والفيديو اللي انت عرضته في اقوي منه بكتير

بس كانت المشكله ان مفيش حد بيحكم الناس دي وكانت الشرطه متسابه تعمل الللي هي عيزاه في الناس

انا مع عوده قانون الطوارئ وعوده الامن للبلد

انا مع عوده الاحكام والعقوبات خلي البلطجه تقل

انا مع الطوارئ لحين عوده البلد وهيبتها اللي ضاعت في الايام الاخيره ...
انا عايز ابقي مطمن علي اختي وامي
انا عايز تجاره الاسلحه البيضا اللي بقت عيني عينك دي تخلص
انا عايز مش اي اتنين بيتخانقوا مع بعض تتوقع في اي لحظه ان هيطلع حاجه ويقتله بيها ما هي خلاص بقت سايبه
واللي بيموت دلوقتي ملوش ديه :(

قانون الطوارئ مش هيستمر طول العمر ده هيبقي مده معينه 6 اشهر وبعدها مفيش قانون طوارئ


ومعدش في امن دوله ياخدك ظلم ولا عاد في شرطه تقدر تاخدك اللي لو فعلا انت عامل حاجه ولازم تتاخد بيها

بقي في نيابه بقي في تحقيقات مش يرميك في سجن ولا تعرف عملت ايه او هتخرج امتي او ليه

انا 100% مع القانون لان يا شباب المطبقين اختلوفا

اللي كانوا بيطبقوا القانون زمان حاجه والموجود دلوقتي حاجه

ii_MaTRiX_ii
17-09-2011, 06:52 PM
مع احترامي لارئكم جميعا انا مع عوده قانون الطوارئ 100%

حال البلد محتاج قانون طوارئ رايك يا احمد علي راسي والفيديو اللي انت عرضته في اقوي منه بكتير

بس كانت المشكله ان مفيش حد بيحكم الناس دي وكانت الشرطه متسابه تعمل الللي هي عيزاه في الناس

انا مع عوده قانون الطوارئ وعوده الامن للبلد

انا مع عوده الاحكام والعقوبات خلي البلطجه تقل

انا مع الطوارئ لحين عوده البلد وهيبتها اللي ضاعت في الايام الاخيره ...
انا عايز ابقي مطمن علي اختي وامي
انا عايز تجاره الاسلحه البيضا اللي بقت عيني عينك دي تخلص
انا عايز مش اي اتنين بيتخانقوا مع بعض تتوقع في اي لحظه ان هيطلع حاجه ويقتله بيها ما هي خلاص بقت سايبه
واللي بيموت دلوقتي ملوش ديه :(

قانون الطوارئ مش هيستمر طول العمر ده هيبقي مده معينه 6 اشهر وبعدها مفيش قانون طوارئ


ومعدش في امن دوله ياخدك ظلم ولا عاد في شرطه تقدر تاخدك اللي لو فعلا انت عامل حاجه ولازم تتاخد بيها

بقي في نيابه بقي في تحقيقات مش يرميك في سجن ولا تعرف عملت ايه او هتخرج امتي او ليه

انا 100% مع القانون لان يا شباب المطبقين اختلوفا

اللي كانوا بيطبقوا القانون زمان حاجه والموجود دلوقتي حاجه

مع احترامى ليك

القانون بتاعنا العادى بيمنع البلطجه .. يعنى اى حد يتمسك بيسرق بيبلطج ماسك سلاح خاطف واحده
يتقبض عليه

الشرطه المفروض تدخل فى اى خناقه وتقبض على الاطراف

القانون كفيل بالغرض على فكره لصد البلطجه ورد هيبه الدوله

بس الشرطه اللى مش راضيه تنزل لاسباب منها معلوم ومنها مجهول

وبالنسبه انه هيطبق لمده 6 شهور

اظن ان قانون الطوارىء اطبق اول ما تم اغتيال السادات .. مبارك طبقه وقال لمده 6 شهور .. ولسه لحد دلوقتى مطبق

SmartMad
17-09-2011, 06:56 PM
حسبى الله ونعم الوكيل

Hossam Eldin
17-09-2011, 07:19 PM
مع احترامي لارئكم جميعا انا مع عوده قانون الطوارئ 100%

حال البلد محتاج قانون طوارئ رايك يا احمد علي راسي والفيديو اللي انت عرضته في اقوي منه بكتير

بس كانت المشكله ان مفيش حد بيحكم الناس دي وكانت الشرطه متسابه تعمل الللي هي عيزاه في الناس

انا مع عوده قانون الطوارئ وعوده الامن للبلد

انا مع عوده الاحكام والعقوبات خلي البلطجه تقل

انا مع الطوارئ لحين عوده البلد وهيبتها اللي ضاعت في الايام الاخيره ...
انا عايز ابقي مطمن علي اختي وامي
انا عايز تجاره الاسلحه البيضا اللي بقت عيني عينك دي تخلص
انا عايز مش اي اتنين بيتخانقوا مع بعض تتوقع في اي لحظه ان هيطلع حاجه ويقتله بيها ما هي خلاص بقت سايبه
واللي بيموت دلوقتي ملوش ديه :(

قانون الطوارئ مش هيستمر طول العمر ده هيبقي مده معينه 6 اشهر وبعدها مفيش قانون طوارئ


ومعدش في امن دوله ياخدك ظلم ولا عاد في شرطه تقدر تاخدك اللي لو فعلا انت عامل حاجه ولازم تتاخد بيها

بقي في نيابه بقي في تحقيقات مش يرميك في سجن ولا تعرف عملت ايه او هتخرج امتي او ليه

انا 100% مع القانون لان يا شباب المطبقين اختلوفا

اللي كانوا بيطبقوا القانون زمان حاجه والموجود دلوقتي حاجه


مع احتامى الشديد لحضرتك ... المشكلة مش فى القانون..

قانون العقوبات كفيل بعقاب الخارجين عن القانون و تجارة الاسلحة ..بس فين الى بيطبق القانون ؟

لو انتا فاكر ان قانون العقوبات هيتطبق على الخارجين عن القانون ..بيتهيالى انتا هتبقى غلطان

المجلس العسكرى عايز يريح دماغة .. مش عايز مظاهرات كل جمعة.. مش عايز حد يقولو الشعب يريد.

علشان كدا عايز يطبق قانون الطوارىء .. علشان فى حال وجود اى مظاهرة يكون قانون الطوارىء سيف على دماغة

اى حركة يمين ولا شمال يقولك تعالى انتا بتقول اة ؟ طب هنطبق عليك القانون ..

صدقنى والله المشكلة مش فى القانون .. القانون كفيل بوقف الجريمة .. بس هات الى يطبقوا .

THe_game01
18-09-2011, 01:17 AM
بس بصراحة و منغير زعل ... انتا over اوى

اجرام اة الى 24/7 دة ؟ و مسدسات و رشاشات و مطاوى ؟؟ لية يا عم انتا ساكن فين..

بس انا عشان انسان محترم مش هرد عليك انت شكلك متعرف يعنى اية رائ و رائ اخر احترم رائ ياعم و انا عارف انا بقولك اية انت شكلك مش مظبوط عشان كدة انت خايف او شكلك من بتوع الحشيش او او او الله اعلم مش عارف انت خيف من اية الحمد الله انا مش صغير يعنى كونت عيش فى القانون دة قبل كدة و محدش عارف يعملى حاجة و حد هيعرف يعملى حاجة دلوقتى ان شاء الله عشان انا ماشى فى السليم الى انت متعرفوش و فوكك يا اخ اوفر انت و الكلام مات

Hossam Eldin
18-09-2011, 01:48 PM
بس انا عشان انسان محترم مش هرد عليك انت شكلك متعرف يعنى اية رائ و رائ اخر احترم رائ ياعم و انا عارف انا بقولك اية انت شكلك مش مظبوط عشان كدة انت خايف او شكلك من بتوع الحشيش او او او الله اعلم مش عارف انت خيف من اية الحمد الله انا مش صغير يعنى كونت عيش فى القانون دة قبل كدة و محدش عارف يعملى حاجة و حد هيعرف يعملى حاجة دلوقتى ان شاء الله عشان انا ماشى فى السليم الى انت متعرفوش و فوكك يا اخ اوفر انت و الكلام مات

.. بسم الله ما شاء الله عليك..اول الكلام كاتبلى مش هرد عليك و كاتب مقالة.

وبعد كدا انا مش عارف ااحترم راى غيرى.. لول

انتا عارف انتا بتقولى اة ؟ والله ؟ عندكوا الاجرام 24 ساعة فى الاسبوع ..يا صلاة النبى و واثق كمان من الى بتقولو .

انتا شكلك مش مظبوط...ههههه.اة فعلا انتا جيبت السليمة انا مش مظبوط

انا خايف و شكلى من بتوع الحشيش ...فعلا ما شاء الله حضرتك نبية اوى ... عرفتها لوحدك دى ؟

مش عارف انا خايف من اة... اة فعلا انا نفسى مش عارف انا خايف من اة .

انتا مش صغير... مش متاكد صراحة انتا صغير ولا لا .. بس بيبان والله

بالنسبة لاخر سطر مش فاهم منو حاجة .. ابقى هات المترجم الفورى بتاعك

ناس عجيبة والله

tit3o
18-09-2011, 03:31 PM
صلوا ع النبى الاول

اولا مينفعش الطريقة الى بتتكلوا بيها دى عشان عيب وشكلوكوا وحش اوى اوى اودامى بس مش موضوعنا

انا من الناس الى كانت بترفض قانون الطوارىء القديم نظرا ان كل واحد شايف نفسة وبيستغل سلتطة عشان يترقى ويعمل اسمة و بيلم عاطل مع باطل صح ولا غلط اكيد طبعا متفقين معايا ف النقطة دى ....... ثانيا الى انتو متعرفهوش اى حد بيتوقف على الطرق السريعة اقلها بيضرب ضرب من البلطجية لحد ما يتكسر خالص يا اما بيفصلوا راسة عن جسمة ودى انا سمعتها كتير ومتاكد منهاااااااااااا ( جوز اختى مندوب وبيحكيلى كل يوم والتانى عن الحاجات دى مش من دماغى ) طيب اية الحل بقى ف الناس الى بتموت دى هل اضحى بحياة كذا واحد عشان واحد ( قصدى على الفيديو والى بتشوفوة ومسخنكوا دا وطبعا الفيديو يحرق الدم وانا دعيت عليهم ودعوة الظالم لا ترد ) ولا ارجع قانون الطوارءى انا شايف ان الحل الاسلم قانونا لطوارىء يرجع صح ؟؟ عشان يلم الناس دى طيب واحد هيقولى ف ظباااااط قليلين الضمير وولاد ستين ف سبعين وبيستغلوا دا ضد الغلابة.... بس يا كبير دلوقتى مفيش حد يقدر يعمل كدا لان من الاخر الظباط دلوقتى سواء الى عندة ضمير او معندوش عارف انة لو عمل حاجة غلط ومسك حد غلط اهلة بيتلموا وبكسروا القسم واقلها الظابط بيتقتل فا دلوقتى هوا طريق واحد هنمشى فية ومفيش جداااااال لان خلاص دلوقتى زى ما انت عارف مفيش كبير للبلد ( والى ملوش كبير بيشتريلوا كبير ) يعنى نهاية كلامى انا بوضح ان سواء ضابط عندة ضمير او معندوش فهوا مضتر يستخدم القانون ضد المذنب فقط



اتمنى تكون وجهة نظرى وصلت صح للناس

ST0RM
18-09-2011, 05:19 PM
الواضح اننا -المصريين- اتفقنا على ان لا نتفق!
انت عايز قانون الطوارىء وانت مش عايزه
بس الاول وقبل اما نتكلم نكون :
فهمنا قانون الطوارىء
وعرفنا كل ابعاده
وبيتطبق علينا ازاى (مهم)
وبعدين اقول انا عايز قانون الطوارىء أو مش عاوزه

فى كل الأحول قانون الطوارىء يعطي الحق لأي ظابط انه يجيبك من الشارع او او او او ويدخلك القسم
تحري او اى حاجة بمزاجه من الاخر
دا بيزود سلطة الظباط على الشعب وبيزود الرهبة
يقووم يحصل ايه بقى؟؟
هتلاقي المخبر بيوقفك فى الشارع وانت سليم ونضيف ويشوف بطاقتك وبعدين يقولك (طيب هات اى حاجة علشان امشي الناس) فلوس يعنى
ويروح الباشا (مخبر بقى) يعد على قهوة ياخد طلبات ب 20 او 30 جنيه وعليهم فلوس ويمشى (طبعا مهو ممكن يقفلهالو)

طيب لو مفيش قانون طوارىء ؟

علشان اى مخبر/عسكري/ظابط/لواء/وزير حتى عايز يقبض عليك لازم تكون
يا اما عليك حكم او مطلوب فى تحقيق فى قضية ولازم يكون فى اذن نيابة
او ممسوك بتعمل حاجة غلط او في جيبك حاجة متلبس يعنى

علشان كدا احنا مش محتاجين طوارىء ويكفي قانون العقوبات

elhaidi
19-09-2011, 12:10 AM
قانون الطورىء لو دة مش وقتو اومال امتى وقتو البلد لازم تشم نفسها علشان تشتغل و نعمر فيها
نعم لقانون الطوارىء