المساعد الشخصي الرقمي

مشاهدة النسخة كاملة : اسرائيل تطلب مساعدة امريكا لحماية سفارتها بالقاهرة وأوباما يعرب عن قلقه

™Exclusive™
10-09-2011, 03:25 AM
أفاد تليفزيون هيئة الاذاعة البريطانية "بي بي سي" الجمعة أن وزير الدفاع الاسرائيلي إيهود باراك طالب مساعدة الولايات المتحدة لحماية مقر السفارة الاسرائيلية بالقاهرة، في حين أعرب الرئيس الامريكي باراك أوباما عن قلقه الشديد حول أحداث السفارة، داعيا في الوقت ذاته السلطات المصرية إلى حماية السفارة من أي أعمال عنف.

ولم تتطرق القناتان إلى المزيد من التفاصيل في هذا الصدد.

وكانت قناة "العربية" قد ذكرت فى وقت سابق الليلة ان مسئولا إسرائيليا قد نفى اقتحام المتظاهرين للسفارة، مشيرا إلى أنهم وصلوا إلى بهو المدخل فقط ولم يدخلوا الى السفارة.

المصدر (http://www.egynews.net/wps/portal/news?params=139065)
Loleta
10-09-2011, 03:28 AM
حاجه تخوف وحشة فى حقنا فرحانين اه فى السفير بس منظرنا وحش ادام العالم وهيبت الدولة ضاعت
™Exclusive™
10-09-2011, 03:31 AM
حسبي الله و نعم الوكيل حسبي الله و نعم الوكيل حسبي الله و نعم الوكيل حسبي الله و نعم الوكيل
Angel_Wizzy
10-09-2011, 03:35 AM
اللى عنده حاجة يعملها احنا جاهزين
Fighter Cool
10-09-2011, 03:37 AM
انت تقول الحمد الله ان السفير خرج سليم يا رب كان يولع
Solitary
10-09-2011, 03:41 AM
ولقد نسوا إننا لسه فى حُكم عسكرى وقانون عرفى وعسكرى -.-

انت تقول الحمد الله ان السفير خرج سليم يا رب كان يولع


وهو انت فاكر هو لو كان مات ولا كان انصاب حتى كان امريكا واسرائيل كانوا هايتكلموا بس ؟ :shock:
Omar_El*POP
10-09-2011, 03:42 AM
الحيجى حنطلع عين ...............................
ironhulk38
10-09-2011, 03:47 AM
يا جماعة انتو فاكرين ان الجيش بتاعنا اقوى جيش فى العالم
لازم نفكر بعقل
جيش اسرائيل + مساعدات امريكية = أحتلال مصر
ياريت بتوع الثورة دول يهدو شوية
شكلهم حيجيبو البلد الارض
TheHardestPart
10-09-2011, 03:50 AM
الحيجى حنطلع عين ...............................

اكتر حاجه بتفقعني الردود دي علي اساس انهم داخلين عليك بمطوه قرن غزال

حضرتك هاتحربهم ب ايه يا عم الجاهز ب اكونت ويزارد ولا ب ايه:bann:
Loleta
10-09-2011, 04:08 AM
99% اكيد هنتهزم لو دخلنا حرب مش بسبب قوتهم بس بسبب الانقسامات الداخلية وامثال المخربين فى البلد .. مش لاقين حاجه يقدموها للبرنامج الانتخابى بتاعهم فى بينزلو التحرير اسهلهم
TheGraVe
10-09-2011, 04:11 AM
ربنا يسترها و يهدى سرنا كده
teto333
10-09-2011, 05:21 AM
بسلامه يا مصر :welcomeani:

ولله العظيم انا لو من المشير كنت ضربت نار واي حد يتكلم في التلفزيون هعتقلو علشان الشعب ده كده مش هينفع غير كده واللي هيقول حاجا هيبقي منافق و بيحور وخلاص نهايه الكلام الحمد لله ربنا موجود لكي الله يا مصر
man max 20
10-09-2011, 06:06 AM
ربنا حمي مصر

ادخلوها امنين

بس ربنا يحفظ مصر الناس بتوع الجيش مش بي يخفو غير من الي خلقهم

وي الي ميخفش من الحرب او الهزيمه يبقا من خير اجناد الارض
Mysterious
10-09-2011, 06:59 AM
حسبى الله و نعم الوكيل:(
!_ToGoO_MorY_!
10-09-2011, 08:20 AM
ربنا يستر
BackToKill
10-09-2011, 10:28 AM
كدا مصر = 2*العراق
NoWay0uT
10-09-2011, 12:40 PM
لا اعرف هل افرح ام احزن حزنا شديدا :dunno:
فانا خائف على البلد
Just_Warrior
10-09-2011, 12:52 PM
من ناحية الحرب فى دى حاجة فى علم الغيب وبعدين النصر دا مش بالقوة او بالسلاح او العدد النصر دا حاجة من عند ربنا
و لو نفتكر غزوة بدر كان المسلمون قلة ضعيفة ولكن الله ايدهم بنصرة عشان دول كانو يؤمنون بالله ورسولة حق الإيمان وبما ان احنا 75% مفيش عندهم ايمان يبقى مبروك علينا الهزيمة
Just4Me
10-09-2011, 01:42 PM
العالم كله بيشتم فينا عشان الهمج الى عند السفارة
ناس مش بتفكر مش عارفين ان كدة صورة مصر بتكون ا.و.س.خ صورة فى العالم
كل واحد فاكر نفسه انه خلاص بقى بطل و بيعمل اى حاجة هو عايزها
يكش تولع الثورة بالفيها
و مينفعش نحارب عشان مفيش اقتصاااااااااد
asfor4gold
10-09-2011, 01:45 PM
هاهاهاها والله اسرائيل ديه طلعت ولا حاجه تركيا كرشت السفير واحنا اقتحمنا ^^ للعلم بس امريكا مش حتعرف تسعدها لانها محتاسه حوسه فى حوار الازمه الماليه الجديده وكمان المظهرات اللى قامت فى اسرئيل بدل على كده ومن الاخر تركيا كمان جهزه تضرب يعنى شكل اسرئيل كده حتمشى من الوجود اساسا ^^.:111:
Loleta
10-09-2011, 01:57 PM
من ناحية الحرب فى دى حاجة فى علم الغيب وبعدين النصر دا مش بالقوة او بالسلاح او العدد النصر دا حاجة من عند ربنا
و لو نفتكر غزوة بدر كان المسلمون قلة ضعيفة ولكن الله ايدهم بنصرة عشان دول كانو يؤمنون بالله ورسولة حق الإيمان وبما ان احنا 75% مفيش عندهم ايمان يبقى مبروك علينا الهزيمة
والله لو كلنا قلبنا على بعض زى مكان فى غزوة بدر اقولك ماشى
بس ازا كان الاحزاب بتقطع فى بعض
♥ ♥.•°YoYo°•.♥ ♥
10-09-2011, 02:53 PM
ربنا يستــر

:renske::renske:
Omar_El*POP
10-09-2011, 03:53 PM
اكتر حاجه بتفقعني الردود دي علي اساس انهم داخلين عليك بمطوه قرن غزال

حضرتك هاتحربهم ب ايه يا عم الجاهز ب اكونت ويزارد ولا ب ايه:bann:

بص انت جبان مش ذنبى عايز تعد فى بيتك بحجة ان مفيش سلاح بردو انت حر انا لو حد لو واحد داخل بدبابة حدافع عن بلد حتى لو بقلم رصاص على الاقل ابئى عملت حاجة فى حياتى
DeViL_MaSTeR
10-09-2011, 04:49 PM
طب ماهو تركيا طردت السفير ومحدش اتكلم
ربنا معانا دحنا لو حصل الكلام ده مش هنقوم غير بعد 80 سنة زي الانجليز او اكتر
Mr_FanToMs
10-09-2011, 07:16 PM
انا لو من المجلس العسكري اقبض علي الحركات السياسيه كلها واعملها تحقيق امن دوله ويطلع عينهم زي مهما اللي قالوا جمعه تصحيح المسار قال تصحيح دانتم خربتوا المسار باللي عليه بالدوله حسبنا الله ونعمه الوكيل طظ في المليونيات والله انا كرها يوم الجمعه بسسب مصر وبسبب الجركات السياسيه اللي ملهاش اي قيمه
Sky_AnGel
10-09-2011, 07:29 PM
ماهو دة المتوقع بعد اللى حصل امبارح
MAXx__warrioR
10-09-2011, 09:29 PM
دا احنا بقينا شعب زباله
انا كنت شايف المحاولات لاستفزاز الشرطه
من الاخر دى لعبه بتتلعب كل ما يكون حزب مش جاهز يعمل قلق علشان الانتخبات تتاجل علشان يلحق يجهز واحنا شعب اهبل
الجيش سايبنا علشان حق التظاهر السلمى ودا مش سلمى
! FiRe !
11-09-2011, 12:58 AM
بس ولاد اللزينة عملو حركة ذكية جدا
طلعوا نفسهم متحضرين
بس اول وآخر غلطة حكومة
TheHardestPart
11-09-2011, 04:30 PM
بص انت جبان مش ذنبى عايز تعد فى بيتك بحجة ان مفيش سلاح بردو انت حر انا لو حد لو واحد داخل بدبابة حدافع عن بلد حتى لو بقلم رصاص على الاقل ابئى عملت حاجة فى حياتى

لأ مش جبان عاوزك ترد رد في حدود العقل

مش تكون شعب مش لاقي ياكل و معندوش حاجه يحارب بيها و تقول اصلهم يدخلو و احنا نوريهم

هتوريهم ايه ياعني عرض اكتافك

دي ناس بتاحرب بطيارات بدون طيار و تكنلوجيا متطوره

ايام السادات كان فيه اتحاد سوفيتي يديك سلاح و دول عربيه تبعتلك بترول

انما دلوقتي مين هيديك سلاح و بترول

قوم يابني الكلام ملوش لازمه روح كلك طبق فول و نام:weeping:
ahmedmazin
12-09-2011, 02:05 PM
حسبى الله و نعم الوكيل

اشوفها ولع يا عم الحاج